Manzz Graphics

Home
Manzz Graphics

Welcome to the graphic design world

05/02/2026

The High Only a Designer Knows
*Flow State*

😁 සරි කාලෙකට පස්සේ අද කතාව "Flow State". සරි මෙහෙම පටන් ගමු,

දැනිල තියෙනවද? දවසේ උදේ ඉඳන් design හදල changers කරල, එපා වෙලා, මහන්සි වෙලා design skill එක ගැන doubt කරන්න අරන් creative එක හිර වෙලා තියෙන වෙලාවක

එන එක ආස හිතෙන "project" එකක් / වැඩක් නිසා වෙලාව යනවවත් දැනෙන්නේ නැතිව ඒක ඇතුළේ බැහැගෙන වැඩ කරපු. ඒක ඉවර වෙද්දි මහන්සිය නැතිවෙලා හරියට meditate කරා වගේ ආතල් එකක් එන. කෙටියෙන් කිව්වොත් පොඩි වෙලාවකට මේ ලෝකෙන් වෙන් වෙලා හිටියා වගේ... පොඩි high උණ feel එකක හිටියා වගේ දැනෙන....😌

*දැනිල තියෙනවද? එහෙනන් මේක ඔයාට.....*

ඔව් designers ලගේ මනසට යන්න ලැබෙන ආතල්ම තැනක් තමා මේ flow state කියන්නේ!

මනෝවෛද්‍ය Mihaly Csikszentmihalyi තමයි මේක ගැන මුලින්ම කියල තියෙන්නේ flow state කියන්නේ ඔයාගේ skill level එකට ගැළපෙන challenge එකක් දෙන වැඩක් හම්බෙන මන්සංදියකට...😌 මෙතන ඔයා design එකත් එක්ක software එකත් එක්ක වලි දාගන්නව නෙමෙයි ඔයා ඒකත් එක්ක ගලාගෙන යනවා... හරියට තාලෙට නටනවා වගේ 💃

*දැන් මේක වෙන්නේ ඇයි?*

මේක වෙන්නේ මේකයි 😁 මන් හිතන්නේ designer කෙනෙක්ට නන් ලොකුම එක ඔයාගේ passion එක design වෙන්න ඔනී

*හිතේ ඉන්න විචාරකයා කට පියාගන්නවා*, ගොඩක් වෙලාවකට වෙන දෙයක් තමයි ඉන්න client ලගේ වදේ එක්ක design එකක හැම step එකක්ම සැක කරන්න ගන්න එක,

"මේක හරිද?" "මෙහෙම හරිද?" "මට වැඩ්ඩෙක් නෙමෙයි?" "මේක කෙළ වෙයිද?"

ඔන්න ඔය self doubt එකයි overthinking එකයි තමන් ආස කරන වැඩක් අස්සෙදි අමතක වෙලා නැතිවෙලා යනවා

*වෙලාව දැන්නෙ නැතිවෙනව* ඔයාට පැයක් මිනිත්තුවක් වගේ දැනෙන්න ගන්නව. අහල පහළ මෙලෝ දෙයක් දැනෙන් නැතුව වැඩේ ඇතුළට බහින්න ගන්නව.ඔයා ඉන්න වර්තමානේ වැඩේ ඇතුළේ විතරයි

*dopamune loop* වැඩේ ඇතුළේ එන challengers එකින් එක ගොඩ දාගද්දී, ගැලපෙනම පින්තූරේ හම්බුනාම, හරියනම විදිහට ai genarate එක ආවම, ගාණට shadow එක වැටුනම, text placement එක ගින්දර වගේ උනාම ඔය වගේ හැම satisfied accomplishment එකකින්ම reward එකක් විදිහට dopamine release කරනව මේක නිසා ඔයාට natural high එකක් දැනෙන්න ගන්නව

ඔන්න ඕකයි වෙන්නේ. Csikszentmihalyi කියන විදනෙමෙයි

"The best moments in our lives are not the passive, receptive, relaxing times… the best moments usually occur if a person’s body or mind is stretched to its limits in a voluntary effort to accomplish something difficult and worthwhile."

එයාට අනුව, මිනිස් මනසට තත්පරයට තොරතුරු 120bits පමණ process කරන්න පුලුවන්. අපි වැඩක් එක්ක අපිට challenge කරගන්නකොට මේ ගාණට අපේ මනස කිට්ටු වෙනව. එතකොට ඒ කරන්නේ අපි ආස කරන අපි දක්ෂ වැඩක් නන් අපිට මේ mental state එක archive කරන්න පුළුවන්, එකේ ප්‍රතිඵලයක් විදිහට අපිට මේ කියන meditation එක, සතුට, fullfilled වෙච්ච හැඟීමක් ඇතිවෙනවා

*ඕක ඕන වෙලාවට ගන්න ක්‍රමයක් නැද්ද?* 👀

නැත්තෙමත් නෑ මේකයි සීන් එක යම්තාක් දුරකට ගන්න පුලුවන්,

*විනාඩි 20ක් අල්ලන් ඉන්න* වැඩෙට බහින්න ඔනිනන් phone අනන් මනන් පැත්තකින් දාලා විනාඩි 20ක් වැඩේට focus කරල කරගෙන යන්න. ඔතනින් පළවෙනි විනාඩි 10 හරි අමාරියි හැබැයි ඕක පන්න ගත්තම ඔයාට වැඩෙත් එක්ක ගලාගෙන යන්න පුලුවන්. හැබැයි ඉතින් එහෙම මෙහෙ දුවන් නැතුව ඉන්න ඕනි ( ඕක තමා designers ලා ගොඩක් රෑ වැඩ කරන්න ආස ඒක එයාලට ඔය කියන mindset එකට බහින්න සෑහෙන්න ලේසි කරනව)

*සද්ද බද්ද අඩු කරගන්න* screen එකේ රටේ නැති ඔක්කොම open කරගෙන මේක කරන්න බෑ පුළුවන් තරම් minimal interactions වෙන්න තියාගන්න. Distract නොවී ඉන්න. Alpha waves සංගීතයට හෝ lo-fi beats වලට සවන් දෙන්න. (මම හිතනව තමන් ආස playlist එකකටත් ඔය වැඩේ කරන්න පුළුවන් කියල)

*ඉව විශ්වාස කරන්න* හැම රෙද්දම පොතේ හැටියට කරන්නේ නැතුව design ඉව විශ්වාස කරන්න. Design එකට ඕන ෆීල් එක ඒක දැනෙන විදිහ කල්පනා කරන්න. Design එක feel කරන්න.

😅 ඕක තමා ඉතින් designers ලා නොදැනීම වටෙන් වටෙන් කරන්න හදන්නෙ...කවුරුත් එකපාර කතා කරාම මල පනින්නේ, එක තැනක පහසුවෙන් ඉන්න හදන්නේ, සිංදු අහන්නේ, podcast අහන්නේ, light නිවන්නේ

රටේ නැති දේවල් කරන්නේ ඕකට තමා...!!

හරි ඔන්න එහෙනන් ඕක දැනුනන් දැනුණ අයටයි ඕක ෆීල් කරන්න ආසනන් ආස අයටයි පොඩි article කෑල්ලක් ලිව්වා

----------

ඔව් designer කෙනෙක්ට එක දිගට වැඩ කරාම නිදහසක් ඕනි විවේකයක් ඔනී තමයි. හැබැයි pro designer කෙනෙක්ට ලැබෙන special ability එකක් තමයි කොච්චර මහන්සියක් තිබ්බ්බත් එපා උනත් කරන එක challenging ගින්දර design එකකට ආපහු ඒක හරවගන්න පුළුවන් වෙන එක!

😅 great design comes with great relaxing!!!

15/10/2025

The Secret Lives of Color - 02

*රෝස පාට කොල්ලෝ?*
Why is Pink for Girls and Blue for Boys?

ශරී, 😅 මේ දවස් වල යන හුටපට එක්ක මේක දාන්නත් මොකක්ද වගේ. එක්කෝ කමක් නෑ මේ කාලෙකට relate වෙයි වගේම නිසා ලියමු.

හරි අද කතාව රෝස පාට කොල්ලෝ 😅 නෑ නෑ එහෙම සීන් එකක් නෙමෙයි මේක පාට ගැන ලස්සන හෑල්ලක්! මෙහෙම පටන් ගමු මොකක්ද පොඩි ලමයෙක් ඉපදුන දවසේ ඉදන් අන්දන පාට... එයා පිරිමි ලමයෙක් නන්? ගැහැනු ලමයෙක් නන්?

ඔයාලා කියයි පිරිමි ලමයෙන් නන් නිල් පාට! ගැහැනු ලමයෙක් නන් රෝස පාට කියල නේ....

ම්ම්ම්ම්ම් මම කිව්වොත් ඒක එහෙමම නෑ කියල! නිකම් හිතල බලන්න කවුද තීරණේ කරේ මේ පාටවල් දෙකේ තියන ලක්ශන ඒ ඒ gender වලට match වෙයි කියල? නැත්තම් ඒ ඒ පාටවල් වලට ඒ ඒ gender ලක්ශන ඒ කාලේ ඉදන්ම තිබ්බද කියල? ම්ම්ම් පොඩ්ඩක් ට්‍රැක් වගේද? 😅 එහෙනන් අද බලමු මේ පාට දෙක අද මේ තියන තැන් වලට ආවේ කොහොමද කියල!

*ඔක්කොටම කලින්!*

මේ පාට හුටපටය එන්න කලින් පලවෙනි ලෝක යුද්දෙට කලින් ලෝකයේ තිබ්බ මතය තමයි අලුතෙන් ඉපදුන ලමයෙක් නන් සුදු පාට අන්දන එක ( මේක එක එක රට වල වෙනස් වෙනස් විදිහට තියෙන්න ඇති අපි මේ කතා කරන්නේ western culture එකත් එක්ක)

ඔව් සුදු තමයි ඔයා ගෑනු ලමයෙක් උනත් පිරිමි ලමයෙක් උනත් එයාට අන්දපු පාට! ඒක එහෙම කරල තියෙන්නේ ලේසියෙන් ඩයිපර්ස් මාරු කරන්න හෝදල ක්ලීන් කරන්න ලමයව පිරිසිදුවට පේන්න ලේසී වගේ දේවල් එක්ක 🤔 එහෙම බැලුවම ඒක ප්‍රැක්ටිකල්!

කොහොමෙන් කොහොම හරි 19 වෙනි සියවසට එද්දි පැස්ටල් colors වල ජනප්‍රියතාවයත් එක්ක මේක වෙනස් වෙනව. මුල් කාලේ කියන විදිහට ඒ ඒ පාටවල් කොන්ඩේ පාටට මැච් වෙන්න ඇහේ පාටට මැච් වෙන්න ඇන්දුවට බහුතරයක් නිල් රෝස පාට අන්දන්න පෙලෙබෙන එකෙන් අද අපි දන්න ප්‍රදාන පාට දෙකට ඉඩ හැදෙනවා..

*රෝස පාට කොල්ලෝ! නිල් පාට කෙල්ලෝ!*

ඔන්න කේස් එක 😅 පැස්ටල් පාටවල් ජනප්‍රිය උනාට ලා නිල් පාටයි රෝස පාටයි ගැන ඒ කාලේ සමාජේ තිබ්බේ වෙනම feeling එකක් එහෙම නැත්තම් තේරුමක්.

අහ් මෙතන තව කේස් එකක්? ඒ කියන්නේ පාට ඒ ඒ culture එක විතරක්මත් නෙමෙයි ඒ ඒ කාල වකවානු වලදීත් ඒවට තියන හැගීම ආකල්ප මාරු වෙන්න පුලුවන්

එයාලා හිතුවා ලා නිල් පාට හරිම සාමකාමී, ලස්සන, නිවිච්ච, පිවිතුරු ඩීසනට් පාටක් කියල ඒක නිසා එයලා ඒක ගැහැනු ලමයින්ට අන්දන්න තෝරගන්න

රෝස පාට - රතු පාටෙන් බිදී ආපු පාටක් නිසා ( මුල්ම කාලේ රෝස පාට හදුන්වල තියෙන්නේ pale red එහෙමත් නැත්තම් සුදුමැලි රතු කියලා) ඒ පාට ඇතුලේ ශක්තිය සහ පිරිමි ගතියක් තියෙනව කියල එයාලා හිතල තියෙනව.

1893 new york times පත්තරේ මේක rule එකක් විදිහට අරන් "always give pink to a boy and blue to a girl" කියල article එකක් පවා පලවෙනවා.

ම්ම්ම් වැරැද්දකුත් නෑ ඉතින් එහෙම කිව්වම නේද? දැන් නිකම් පාට එහෙම එහෙම එක අවුලකුත් නෑ වගේද 😅 හරි දැන් කොහොමද මේක පෙරලුනේ??

*කාලයේ හපන්කම්*

ඔන්න ඕක හොද ප්‍රශ්නයක් පැහැදිලි උත්තරයක් නැති? 😅 මෙහෙමයි මේක කවදා කෙහෙදී උනාද කියන්න උත්තරයක් නෑ හැබැයි කාලයත් එක්ක 20 වෙනි සියවසට එද්දි මිනිස්සුන්ගේ ආකල්ප වෙනස් උනා

ඕකට එක ලොකු සාදකයක් කියල කියනවා 1960 ආපු women's liberation movement එක! කාන්තා සම තැන සීන් එකක් තමයි ගිහින් තියෙන්නෙ එකේදි මේ සමාජ පිලිගත් මත වලට challenge කරද්දි කාන්තාවන්ටත් රෝස අදින්න පුලුවන් වගේ මත ගිහින් තියෙනව

ඉතින් එකේ ප්‍රතිඵලයක් විදිහටත් ඒ ඒ පාටවල් මාරු කරල අන්දන්න අරන් තියනව හැබැයි අන්තිමට ඉතින් එක පාටකට කොටු උනා වගේ එකක් තමයි වෙලා තියෙන්නෙත් හැබැයි 😅

කොහොමෙන් කොහොම හරි රෝස පාට කාන්තාවන්ගේ කාන්තා ස්වාභාවය වැඩිපුර පෙන්නන පාටක් විදිහට ටිකෙන් ටික පේන්න ගන්නව එක හේතුවක් රතු ආදරේ පාට වීමත් අනිත් එක fashion industry එක මම හිතන්නේ මේකට ලොකුවට වගකියන්න ඔනි 😅

*රෝස පාට ගෑනු ලමයි! නිල් පාට පිරිමි ලමයි!*

කොහොමහරි ඔයා මම ඉන්න මේ 21 සියවසේ මේ පාටවල් කලින්ටත් වඩා සීරියස්ලි අරන් offense වෙන ගතිය වැඩිනේ. හැබැයි කොහොම නැටුවත් මේ පාටවල් කාලයක් එක්ක, සංස්කෘතියත් එක්ක, අලුත් අලුත් trend එක්ක වෙනස් වෙනව. හැමදේම අපි බලන, බලන්න උගන්වන, තියන, පිලිගත්ත කෝණයත් එක්ක තමා රදා පවතින්නේ

අද රෝස පාට ගෑනු ලමයිගේ gender color එක වගේ උනාට ආයේ දවස මේ දෙක මාරු වෙන්න හරි වෙනම පාටක් එන්න හරිත් පුලුවන්. දන්නෑ ඔයා මම මැරෙන්න කලින් ඒක වෙන්නත් පුලුවන් 😂😂

ශරි අදට ඉවරයි! Bye!

"the secret lives of colors" කෘතිය හා "Blue was for girls and pink was for boys, until it wasn’t" ලිපිය ඇසුරෙන්

23/02/2025

Emojis Are Evil?

පුරාවෘත්තය…🪬

“ක්‍රි.පු. 970 - 931, හරි අපි මේ කතාව ඒ කාලෙන් පටන් ගමු, මේ කාලවකවානුවේ අතීත බයිබලයේ කියවීම් වල ඊශ්‍රයලයේ පාලකයා ලෙස සැලකෙන සොලොමන් කියලා රජ කෙනෙක් ගැන සෑහෙන්න ප්‍රමුඛතාවයක් දීල කතා කරල තියෙනව, ජෙරුසෙලමේ මුල්ම පල්ලිය සොලොමන් රජු විසින් කලා කියල තමා සදහන් වෙන්නේ. ඒ වගෙම සොලොමන් රජු ඔහුට තිබුනු ප්‍රඥාවට වගේම විශාල ධනස්කන්ධයටත් ප්‍රසිද්ද වෙලා හිටියා. බයිබලයේ කියන විදිහට ඔහුගේ ප්‍රඥාව දෙවියන් විසින් දුන්න තැග්ගක්…”

හරි අපේ කතාවට ඔනි වෙන්නේ මෙන්න මේ කෑල්ල…මිත්‍යා පුරාවෘත්ත වල තියන විදිහට සොලොමන් රජුට යක්ශයින් summon කරන්නත් ( ඒ කියන්නේ යක්ශයින්ව අවශ්‍ය වෙලාවට ගෙන්නන්නත්) ඔවුන්ට අණ කරන්නත්, පාලනය කරන්නත් පුලුවන් වෙලා තියෙනව. 17 වෙනි සියවසෙ ලියවුනු මායා පුස්තකයක් විදිහට සැලකෙන “ The Lesser Key of Solomon” කියන පොතේ විදිහට සොලොමන් රජුට එවැනි යක්ශයින් 72ක් ඉදලා තියෙනවා.එක් එක් යක්ශයින්ට අදාල විවිද විශේෂ බලයන් ගැනත් මේ පොතේ සදහන් වෙනව. පුරාවෘත්තයේ තියන විදිහට ඔහුට දෙවියන් විසින් දුන්න මයා මුදුවක් නිසා මේ වගේ මයා බලයක් ඇවිල්ල තියෙනව වගේම ජෙරුසෙලමේ පල්ලිය සදා නිම කිරිම සදහා මේ යක්ශයන්ගෙන් උදව් අරගෙන තියෙනව,

මේ හැම යක්ශයෙක්ම summon කරන්න ඔවුනොවුන්ට unique වෙච්ච ලාංජන තිබිලා තියෙනව. එහෙම Symbols 72ක් ගැන The Lesser Key of Solomon පොතේ විස්තර වෙලා ඇදලා තියෙනව, අවශ්‍ය යක්ශයාව කැදවන්න ඔනි වුන වෙලාවට අදාල චාරිත්‍රයට අදාල ලාංජනය කොහේ හෝ ඇදිය යුතු වෙනවා. හරියට නිකම්
තවත් මානයකට යතුරක් වගේ...

තවත් පුරාවෘත්ත වල විස්තර වෙන විදිහට මේ මයා බලයන් නිසාම සොලොමන් රජු පිරිහිලා එයින් ඔහුගේ විනාශය අත්වෙලා තියෙනවා…

සයිබරයේ හැගුම… Emoji

1999 ගනන් වල ජපන් designer කෙනෙක් උන Shigetaka Kurita අතින් තමා emojis හැදෙන්නේ. අද වෙද්දි emojis කියන්නේ complex feelings පහසුවෙන් සන්නිවේදනය කරන්න පුලුවන් රූපාක්ශර ගොඩක්. දැන් emoji කියන්නේ Msg වලදි නැතුවම බැරි කෑල්ලක් (😏 වැඩිය කියන්නේ නෑ article එකක් ලියල ඇති emoji ගැන ගිහින් බලන්න)

😅 මේව මේ ලස්සන කහ පාට හැඟුම් පිරිච්ච මූණු ගොඩක් උනාට... මම ඔයාලට කිව්වොත් මේ emoji මේ විදිහට හැදිලා තියෙන්නේ සොලොමන් රජුගේ යක්ෂයෝ 72 summon කරන්න එයා ඇදල තිබ්බ රූපාක්ශර නැත්තම් symbols පාවිච්චි කරල කියල!! 👀

අපි මේ use කරන්නේ හැම msg එකකම ඒ summon කරන්න ඇදපු symbols කියල. අපේ හැම වාක්‍යකම 😵‍💫

පහළ රූප ටිකක් දාල තියනව බලන්න Angry Emoji එකෙයි සොලොමන් ගේ රූපාක්ශරයි කොච්චර සමානද කියල, තව ඒ වගේ කිහිපයක්ම මම දාලා තියෙනව 👇 ඒව අහම්බයක් විය නොහැකි තරමටම සමානයි!!

😳 එතකොට මේ designers ලා මේ emoji වලට inspire උනේ සියවස් ගානක් පරණ මායා පොතක තිබ්බ යක්ෂයන් කැදවන්න ඇදපු රූපාක්ෂරද??

එතකොට මේ සයිබර් අවකාශයේ අපිට නොපෙනෙන ගුප්ත රහසක් තියෙනවද? අපි දකින ඇත්ත, ඇත්තම නෙමෙයිද?

😂😂😂😂

හරි හරි කලබල වෙන්න හරි, මට පිස්සු කියල හරි හිතන්න එපා! 😅 මේක ඇවිල්ල මේ සයිබරේම තියන fun theory එකක්! දන්නෑ මේක විශ්වාස කරන අය ඉන්නවද කියලනන් 🤷‍♂ හැබැයි ඉතින් කුතුහලය අවුස්සන ආතල් theory එකක්, අපි දන්න simulation theory, paradox වගේම

අපේ මනස දකින්නේ අපි දකින්න ආස දේ කියනවනේ ( ඒක ගැනත් මම පොඩි article එකක් ලියල ඇති බලන්න), ඔව් අහම්බයක් කියන්නත් බැරි තරමටම emoji වල සමානකම් පේන symbols මේ පොතේ තියෙනව. ඒක පොඩ්ඩක් කුතුහලට වැඩි කරනවා තමයි. හැබැයි 72ම ගත්තම ඔක්කොම එහෙම නෑ.පොඩි ප්‍රමාණයයි. ගොඩක් ඒව අපි හිතෙන් එකතු කරල තමයි හදාගෙන තියෙන්නේ.

මේක සම්පුර්ණ අහම්බයක්ද?

මේ පොතට මෙච්චර සමාන වෙන්න තරමටම නිර්මාණය වුනේ පොතෙන් කිසිම inspiration එකක් ඇවිල්ල නැද්ද?

Who Knows! Bye! 🪬

22/12/2024

Secret Lives of Color - 01
🟠 🟠 Orange 🟠 🟠

හරි අපි අද කතාවට එමු! 😁 තැඹිලි නැත්තම් orange තමයි අද කතාව! Personally මම හරි ආසම පාටක් තමයි තැඹිලි! ඉතින් මේ තැඹිලි නැත්තම් orange වල කතාවත් හරි interesting!!

🧡🧡🧡🧡🧡🧡🧡🧡

Orange ද Orange ද මුලින්ම ආවේ?

ඈ? Orange පලතුර නිසා පලතුරේ නමින් පාට තිබ්බද? නැත්තම් පාට නිසා පාටේ නමින් පලතුර තිබ්බද? වෙන්න පුළුවන් මේක කියවන ඔයා මේ උභතෝකෝටිකේ ගැන වරු ගනන් මනෝ පාරවල් ගහල තියෙන්න පුලුවන්! 🤔

එහෙනන් ඒකට අද උත්තරයක් දෙන්නම්! 🍊 මුලින්ම ආවේ පලතුර.මිනිස්සු කාලයක් තිස්සෙ දොඩම් (orange) කෑවා orange පාට කියන්න කලින්.

දොඩම් මුලින්ම වගාකරන්න පටන් අරන් තියෙන්නේ ජපන්නු.ජපානයෙන් මේ දොඩම් යුරෝපය දක්වා ව්‍යාප්ත උනා කියල කියනව!

_පර්සියානු බසින් nārang (😁) කියලත් අරාබියානු බසින් nāranj කියලත් ඊට පස්සේ සංස්කෘත භාෂාවෙන් naranga කියලත් ඇවිල්ලා ප්‍රංශ භාශාවෙන් orenge වෙලා ඒ වගේ ජපානයේ ඉදන් සංස්කෘතීන් ගණානවක සංචාරයකින් පස්සේ තමයි ඉංග්‍රීසී බසින් orange උනා කියල තමා කියන්නේ_ 😮‍💨

මේ පාටත් මේ නමින්ම හැදින්වීම ගැන තියන පරණම තොරතුර තමයි, 16 වෙනි ශතවර්ශයේදී 1502 දී 7 වෙනි හෙන්රි රජුගේ බිසව එලිසෙබත් අර්යයාව විසින් එයාගේ දුව වෙනුවෙන් "orange color ඇදුම් මැහුවා" යනුවෙන් ඒ ඇදුම් වල පාට විස්තර කරලා තියෙන ලියවිලි

හරි orange කියන්න කලින් orange color එකට මිනිස්සු මොකක්ද කිව්වේ?? 😵‍💫 මිනිස්සු ඊට කලින් මේ පාට අදුන්වලා තියෙන්නේ red - yellow ( රතු පැහැති කහ) කියල තමා!

කාලයක් එක්ක මේ නමක් නැතුව පාට දෙකක එකතුවකින් හදුන්වපු ලස්සනම ලස්සන පාටට orange කියන තනි නමම කියන්න මිනිස්සු හුරු වෙන්න ඇති

Orange ගැන fun facts ටිකක්

🔸 පාට හැදුන හැටි දැනගත්තනේ එහෙනන් පොඩි fun fact ටිකක්! තැඹිලි කියන්නේ warning color එකක්, අවදානේ ගන්න පුළුවන් පාටක්. ඒක නිසා තමා traffic cone වල, life jacket වල, warning sign වල 👷‍♂️👷‍♀️ මේ පාට use කරන්නේ. මොකද ඒ පාට අනිත් පාටවලින් වෙන් වෙලා ඉක්මනටම පේනව

🔸 Plan වල කලු පෙට්ටි (black box) ඇත්තටම කලු නෑ ඒව තැඹිලි පාටයි.ඒ අනතුරකින් පස්සේ ඉක්මනින් හොයාගන්න පහසුවෙන්න

🔸 නෙදර්ලන්තයට කියන තවත් නමක් තමයි තැඹිලි රට (orange country) කියන්නේ. ඒ එයාලගේ රාජකීය පවුලේ (house of orange) රාජකීය වර්ණය තමා තැඹිලි

🔸 ඇමරිකාවේ Golden Gate පාලමත් තැඹිලි පාටයි. ඒක හදපු architect ලා නිල් අහසයි, වතුරයි නිසා ඒකට ගැලපෙනම පාට විදිහට තමයි orange color එක select කරගෙන තියෙන්නේ. ඒ පාලමේ තියන හරිම පාටට කියන නම international orange 🌁🌉

🔸 Van Gogh වගේ artist ලා වැඩිපුර orange color එක use කරන්න කැමැත්තක් තිබ්බ කියල කියනව. Van Gogh එයාගේ ජනප්‍රිය sunflower series එක paint කරද්දී chrome yellow කියන bright orange color shade පාවිච්චි කරා කියල කියනවා

Orange කියන්නේ හරි positive පාටක්

Faber Birren තමා මේක කියන්නේ! ඒ orange කියන්නේ මෑත කාලීනව නම් කරපු පාටක් නිසා (1502) මේක තමා එකම පාට, පාටේ කිසිම ප්‍රභේදයකට කිසිම negative නමක් පටබැදිලා නැති කියල. අනතුරු අගවන්න warning sign වලට use කරත් negative නමකින් කිසිම පාට ප්‍රභේදයක් නම් වෙලා නෑ කියල

උදාහරනෙකට,

_Green: Sickness, Envy,_

_Yellow: Fear, Jaundice, Sallow, being aged/faded_

_Red: Anger, Blood, Puce_

_Blue: Melancholy, Off-Color Jokes, Being Illegal_

මේ වර්ණ ප්‍රභේද ටික ගන්න පුලුවන්! ඒ වගේම color psychology වලදි තැබිලි පාට කියන්නේ උනුසුම, සතුට, ශක්තිය, විනෝදය, නිර්මාණශීලීත්වය අගවන පාටක්!

හරි තැඹිලි පාට ගැන කතාව ඔච්චරයි! අලුත් දවසක අලුත් පාටකින් හම්බෙමු!!

(_Kassia St. Clair ගේ The Secret Lives of Color පොත ඇසුරෙන්_)

05/11/2024

රියැලටිය මාන්දමික කරන ආතතිය!
Bone Effect🦴

හරි 😁 කාලෙකට පස්සේ අද කතාව "Bone Effect".

මේක අපිට හම්බෙන්නේ Gorge Bokuwa කියන Logo Designer එයාගේ Experience එක්ක ලියපු Principal Of Logo Design කියන පොත අස්සෙන්... (කියවන්න පුලුවන් මරු පොතක් හොයාගන්න බලන්න) ලොකු ලොකු විස්තර තියන එයාගේ පොතේ පොඩි කෑල්ලක් තමා මේක! හරි අපි කතාවට යමු..

When Curves Meet Straight Lines...

Bone effect එකක් කියන සංසිද්ධිය ඇතිවෙන්නේ සරල රේඛාවකට වක්‍ර රේඛාවක් හමුවෙන කොට කියල අපිට මේක බරට කියනවනන් කියන්න පුලුවන්

මේක සරලව කිව්වොත් උඩ යට වෘත්ත දෙකකුයි මැද සෘජුකෝණාස්‍රයකුයි තියන සිලින්ඩරයක් ගත්තොත් Gorge කියන්නේ මේකේ මේ තියන හැඩය නිසා අපිට දැනනවා කියල මේ සරල රේඛාවලට ආතති බලයක් දාලා ඒව ඇතුලට ඔබල නැත්තම් එබිලා තියනවා වගේ

එතකොට මේ සිලින්ඩර හැඩතලයේ සරල රේඛා දෙක ඇතුලට එබීම නිසා දැනෙන ෆීල් වෙන Bone එකක අස්ථියක හැඩය නිසා තමා මේකට bone effect 🦴 කියල නම තියල තියෙන්නේ. මේක ඉතින් පොල්ලෙන් ගැහුව වගේ පෙන්නෙ නෑ. හැබැයි මේක එකපාරක් දැනුනම 🎶නොදැක ඉන්න බෑ....🎶 වෙනවා.

ඉතින් ඒක සිලින්ඩර හැඩතලයක්ම වෙන්න ඔනි නෑ අග වක්‍ර චතුරස්‍රයක් වෙන්නත් පුලුවන්. සරල රේඛාවක් වක්‍ර රේඛාවක් හම්බෙන ඕන තැනක වෙන්න පුලුවන්

ඒක අපිට දැනෙන්නේ අපේ ඇහැ හිස්තැන් සම්පුර්ණ කරන්න patterns දකින්න තියන නොනිමි ආසාව නිසයි. අපි හැඩතලයේ තියන සරල රේඛා වලින් චතුරස්‍ර, ත්‍රිකෝන වගේ බහු අස්‍ර සම්පුර්ණ කරන්න හදද්දී බාගෙට තියෙන වක්‍ර රේඛා වලින් සම්පූර්ණ වෘත්තයක් සම්පූර්ණ කරන්න හදනවා. ඉතින් ඒ ඇතිවෙන conflict එක නිසා තමයි මේ මාන්දමික ෆීල් එක අපිට පේන්නේ

ඉතින් ඇති වැඩේ...

ඇති වැඩේ තමයි මේ සංසිද්ධිය ගොඩක් ui/ux designers ලට වගේම logo designers ලට උපකාරී වෙනව එයාලගේ වැඩ වලදි.

ඒක web එකක buttom එකක් වෙන්න පුලුවන් නැත්තම් brand එකක logo icon එකක් වෙන්න පුලුවන්. විශේශයෙන්ම ඒක කුඩාවට පේන වෙලාවකදි, එක්කෝ ඒක distort වෙලා වගේ විකෘති වෙලා වගේ පේන්න දැනෙන්න පුලුවන්. එතකොට ඒ එන දෘශ්‍ය ගැටලුව විසදගන්න මේ අය මේ theory එක use කරනවා

කොහොමද fix කරන්නේ?

ශරි! Gorge Bokuwa එයාගේ පොතේ ඒකට උත්තරයක් දීලා තියෙනව! ක්‍රම 3ක් එයා කියල තියෙනවා.

එක ක්‍රමයක් තමා හැඩතලේ තියන වක්‍රතාවය ඇදල වැඩි කරන එක. අපි සිලින්ඩර හැඩතලයම ගත්තොත් ඒක වෘත්ත රවුම් දෙක ඉලිප්සාකාර වෙනකම් අදින එක ඒකෙන් වක්‍ර තාවයයි රේඛීයතාවයයි තව මිශ්‍ර වෙනව blend වෙනවා.

දෙක තමා 🍒 හැඩතලයේ තියන anchor points පොඩ්ඩක් ඈත් කරන එක. ඒ කිව්වේ වෘත්තාකාර කොටසේ anchor points තව ටිකක් ඈතටත්..සරල රේඛාවේත් රේඛීය ගතිය අඩුවෙන්න පොඩි වක්‍රතාවයක් හිටියන්න anchor points එක ඈත් කරන එක

තුන්වෙනි ක්‍රමේ තමා සරල රෙඛාවයි වක්‍ර රේඛාවයි හමුවෙන එක් කොටසකට තව anchor points එකතු කරගෙන ඒ කොටසේ වක්‍රතාව හදලා ඒ කොටස අනෙක් කොටස් වලට copy කරගෙන යාම. ඔව් ඒක ටිකක් complicated තමයි 🥴

Fix කරන්නම ඔනීද ඉතින්?

නෑ! ඒක දැනගෙන ඉන්න එක ඒකෙන් ඇතිවෙන impact එක දැනගෙන ඉන්න එකම විතරක් වටිනව. Logo එක හරි design එක හරි visually ඒක නිසා වෙනස් වෙනවනන් අනවශ්‍ය විදිහට ඒක fix කරන එක වටිනවා. අවශ්‍යතාවය මත ඒක use කරන්න පුලුවන්

Bone Effect එක graphic design වල තවත් එක ලස්සන සංසිද්ධියක්. කුඩාම දේකින් උනත් කොච්චර ලොකු impact එකක් වෙනවද impact එකක් කරන්න පුලුවන්ද කියල තේරුන් ගන්න හොද උදාහරණයක්. ඉතින් ඊලග පාර logo එකක් හදද්දි මේකත් ඔලුවේ තියාගෙන හදන්න. decisions ගද්දී මේකත් ඔලුවේ තියාගෙන ගන්න!

07/08/2024

නාසී පරදා හදට ගිය
අනාගතයේ font එක

"Futura" - Graphic Talk

😁 ශරි අද කතාවට එමු, මේක මම ආස font එකක් ගැන 🙊 හම්බුන රස කතාවක්!

ෆොන්ට් එක තමයි "Futura". ඔව් ඔයාලා මේ font එක දන්නවා! Dominos, Redbull, Absolute Vodka, Nike, Gillette, Calvin Klein, FedEx වගේ ජනප්‍රිය බෑන්ඩ් වල ලොගෝ හදල තියෙන්නේ මෙ futura font එකෙන්ම තමයි. ඒ වගේම Stanley Kubrick, Wes Anderson වගේ directors ලත් එයලගේ චිත්‍රපට ඇතුලේ මේ font එක නිතර යූස් කරනවලු

මේ ටික කිව්වම තෙරෙනව ඇතිනේ මේ font එක කොච්චර ජනප්‍රියද කියල. හරි දැන් යමු මේකේ නොදන්න කෑල්ල කතා කරන්න...

Futura font එක create කරන්නේ 1920 දී paul runner අතින් ජර්මනියේ, ඒ ජර්මනියේ Bauhaus (art school) design ජනප්‍රිය වෙන කාලයේ! 😎

N**i and Fraktur! 🫨

ඉතින් මිත්‍රවරුණි අපි මේ කතා කරන 1920 කාලේ කියන්නේ දෙවනි ලෝක යුද සමය කාලය. ඒ කියන්නේ හිට්ලර් ප්‍රමුඛ නාසී හමුදාව ලෝක අල්ලගන්න දාම් අදින කාලේ. 🧐

ඉතින් නාසීන්ට සෑහෙන්න දරුනු දරදඩු ප්‍රරතිපත්ති තිබ්බනේ අහල ඇතිනේ යුදෙව්වොන්ට සලකපු විදිහ එහෙම.හරි, නාසී රෙජීමය 1930 කාල වකවානුව වගේ වෙද්දි එයාලගේ නාසී නිර්මාණ වලට යොදාගත්තේ fraktur කියන පැරණි ජර්මන් අකුරු සිහිවෙන old english හැඩේට ලියවුණු typeface style එක. මේක එයාල ගන්න ඇත්තෙත් ඉපැරණි ජර්මානු style එකක් විදිහට ජාතිමාමකත්වය දැනෙන්න දෙන්නම වෙන්න ඇති. ජාතිමාමකත්වය හරි කොහොම හරි එයාල modern san sherif ප්‍රතික්ශේප කරල එයාලග ප්‍රතිපත්ති වලට ගැලපෙන old school sherif font එක්කම යන්න ගන්නව 🫨

😅 ඉතින් අමුතුවෙන් කියන්න ඔනි නෑනේ එහෙනන්, ජර්මනියට වෙන fonts තහනම් දැන් ඉතින්!

ඔය අස්සේ තමා අපේ futura කරලියට එන්නෙත්. මේ font එක එන්නෙත් paul හිතනව අලුත් වෙන ජර්මනියට අලුත් font එකක් ඔනි කියවන්න ලේසි වෙන font එකක් ඔනි මේ පරණ අටමගල් බදාගෙන ඉන්නේ නැතුව කියල.හැබැයි නාසී ප්‍රතිපත්තියට මේක ගැලපෙන්නෙ නෑනේ ඉතින් paul ට ඔනි උනාට

ඉතින් නාසීන්ට විරුද්දව අදහස් දක්වනව කියල paul runner ව හිරබාරයට පවා ගන්නව. සහ එයාවයි එයාගේ font එකයි රටින් පිටුවහල් කරනව 🙉

Futura ආක්‍රමණය 📣

ඔය මොනව උනත් futura කියන්නේ කියවන්න ලේසි සරල font style එකක්. ඇනුනොත් තුවාල වෙන්න තරම් sharp V අකුරු එක්ක හරිම හරි රවුම් O අකුරු එක්ක ජාමිතික හැඩතල වලට සෑහෙන්න සමානව හදල තිබ්බ මේ font එක globally ජනප්‍රිය වෙන්න ගන්නව.

ඔන්න ඉතින් ටිකෙන් ටික නාසි අත්පොත් වලට පත්‍රිකාවලට මේ font එක පොඩ්ඩ පොඩ්ඩ රිංගන්න ගන්නව. මොකද අර fraktur style එකත් එක්ක පොඩි අකුරු කියවගන්න බැරිවෙන හින්ද, දාන්න ඔනි පොඩිම අකුරු වලට කට්ටිය හොරෙන් හොරෙන් මේක දාන්න ගන්නව

1941 වෙද්දි නාසී රෙජිමය ඔන්න fraktur අතඇරලා දාලා අලුත් ජර්මනියට අලුත් කියවන්න පුලුවන් font එකක් ඔනී කියල මතකයට එනව. වාසනාවකට හරි අවාසනාවකට හරි එයලා ඒ වෙද්දිත් පරක්කු වැඩී!

නාසී පරදා හදට...! 🌕

වෙන්න පුලුවන් නාසී futura සලකා බලන්නත් ඇති ඒ වෙද්දි font එක විදිහට යොදාගන්න.හැබැයි මේ වෙද්දි futura ලොකේම ජනප්‍රිය font එකක් වෙලා ඉවරයි. ඒක නිසා ජර්මනියට ඒක තමන්ගෙම කරගන්න තිබ්බ අවස්තාව නැති වෙලාම යනව

Font එකේ තිබ්බ පැහැදිලි තාවය හින්ද ගොඩක් අත්පොත් වලට පත්‍රිකා වලට කොටින්ම යුදමය නෞකා වලට පවා මේක use කරනව

හරි, ඒ විතරක් නෙමේ සුවිශේශීම කෑල්ල තමා NASA එකෙන් 1969 හද මත පා තබපු පලවෙනි යානය වෙන Apollo 11 ලෝගෝ එකට වගේම යානයට use කරන්නෙත් මේ futura එහෙමත් නැත්තම් අනාගතේ font එකම තමයි.

ඉතින් නාසී හණමිටි ප්‍රතිපත්ති පවා අඹරවලා සන්නාම සෑහෙන්න ගානකට identity එකක් හදල දීල ලෝකේ ජනප්‍රිය directors ලගේ ආදරේට පාත්‍ර වෙලා අන්තිමට ලෝකෙන් එලියට, හදට පවා ගිය අනාගතයටම හැදුන font එකක් තමා futura කියන්නේ! 😉

font of future past : futura

**i

09/07/2024

Graphic Talk

The Curious Case of Peter Arnell

ශරි අද කතාව කාලයක් තිස්සෙ මම කරන්න ආසවෙන් හිටිය කතාවක්. අද කතා කරන්න යන්නේ advertising industry එක කාලයක් කටින් 😜 රන් කරපු පතාක යෝදයෙක් ගැන කියන්න ඒ තමා peter arnell

Peter Eric Arnell

Peter Eric Arnell ඉපදෙන්නේ 1958 අප්‍රේල් 22, බෲක්ලින් වල. Arnell ඇවිල්ල චරිත ගොඩක් එයා designer කෙනෙක්, branding executive කෙනෙක්, photographer කෙනෙක්, ලේඛකයෙක්, ඒ වගේම arnell group කියන agency එකේ founder! 👀

අපේ කතා නායකයා ටිකක් පිස්සු වැඩ්ඩෙක්! ඔක්කොටම කලින් මේක මම දැන් දැන් ටිකක් විතර හිත හිත ඉන්න theroy එකකට හොදම උදාහරණයක්! "නිර්මාණශීලීත්වය උනත් අනවශ්‍ය නිදහසක් ලබන හැමවිටම බහුබූතයකින් කෙලවර වේ" 🥴 අර කියන්නත් වගේ ඔනිම දෙයක් ඔනිවට වඩා ඔනීම නෑ හරි ඒක පස්සේ තේරුම් කරන්නම් දැන් කතාවට එමු

The Brand Guru

ම්ම්ම් peter arnell වැඩ්ඩෙක්ද? ඒක හොද ප්‍රශ්නයක්. ඒකට ගොඩක් ලගම උත්තරේ ඔව් කියන එකේ අවුලකුත් නෑ. මොකද peter එයාගේ career එකේ මුල් කාලේ කරපු project සෑහෙන්න සාර්තක වෙලා තියෙනව

මුල් කාලේ එයාගේ famous ම project එකක් තමා DKNY fashion house එකට කරපු bold logo එක. එයාගේ මුල් කාලේ ගැන කියවෙද්දි මුලින්ම කියවෙන එකක් තමා ඒක

ඒ වගේම එයා එයගේ peak එකට යන ගමනෙදි mcdonald, samsung, apple, gucci, chanel, reebok වගේ පතාක brands එක්ක වැඩ කරලා තියෙනවා වගේම එක්කෝ එයාගේ uniq creativity එකට එක්කෝ වාසනාවකට ඒ campagin සාර්ථක වෙලා තියෙනව. 😱

uniq creativity එකට උදාහරණයක් කිව්වොත් එයා samsung electricals, youth එකේ ජනප්‍රිය කරවන්න shirtless හැන්ඩි කොල්ලෙක් samsung oven එකක් අරන් ඉන්න campaign එක කියන්න පුළුවන්. ඇහුවම ටිකක් මන්දමික උනත් 🥴 කියන විදිහට campaign එක සාර්ථක වෙනවා. එයා එකට ලොකු පම්පොරියක් ගහනවා එයා samsung path එක වෙනස් කරා කියලත්, එයාව කට්ටිය brand guru කියලත් හදුන්වන්න ගන්නවා එයා තමා සියවසේ ඩයල් එක කියල

ඔය ඔක්කොම වෙද්දී ජිම්පප්පා වගේ හිටපු arnell සූරපප්පා තරමට කෙට්ටුත් වෙනවා.එකත් කෙටි කාලයක එයා ගත්ත ලොකු achievement එකක් තමයි, ඔය අතර arnell එයාගෙම agency එක වෙච්ච arnell group එකත් පටන් අරන්..

ඒ කියන්නේ designer කෙනෙක් විදිහට පට්ට portfolio එකක් අතට අරන් ලෝකේ පිලිගත්තම agency එකකුත් හදල, පොරගේ personality එකත් life style උපරිම level එකකට හදාගෙන... ඒ කියන්නේ අපේ කතා නායකයට වරදින්න කිසිම reason නැ දැන්!
කිසිම කෙනෙක්ට arnell ගේ creativity එක judge කරන්නවත් ඒකට විරුද්ද වෙන්නවත් බෑ, "he is in a god level" 🙉

Hero to Zero

මිනිහෙක්ට වරදින්න කිසිම ඉඩක් නෑ කියල හිතන වෙලාවට ඇප නැති වෙන්න කෙල වෙන එකත් වෙන්න පුළුවන් දෙයක්, ස්ටීව් ජොබ්ස්ටත් එහෙම උනානේ, අපේ arnell ගේ කතාවෙත් අදුරු කල වකවානුව පටන් ගන්නේ එකෙන් පස්සේ,

pepsi හුටපටය - 2008 දී papsi logo එක rebrand වෙනවා, එක rebrand කරන්නේ වෙන කවුරුවත් නෙමෙයි අපේ peter arnell ඇතුළු එයාගේ arnell group එකෙන්. මිලියන ගානක් යට කරලා pepsi මෙ කරන rebrand එක එයාලගේ මෙච්චර කල් ජනප්‍රිය වෙලා තිබ්බ ලෝගෝ එකට වඩා සැහෙන්න වෙනස් මේ හේතුව නිසාම මේකට එච්චර හොද ප්‍රතිචාර හම්බෙන්නේ නෑ. මේ කසුකුසුව යද්දී freelancer designer කෙනෙක් උන pepsi pitch එකට සහභාගී උන ඩයල් එකක් reddit එක ඇතුලේ පත්තු කරන පොඩි ගිනි පුපුරක් ලොකු විනාශනයක් කරන්න සමත් වෙනවා. එයා කියනවා එයා arnell ගේ pitch එක දැක්කා ඒක හෙන විකාරයක් කියල, සහ එකේ තිබ්බ දේවල් ටිකක් කියනවා

ඔන්න ඔය අතරේ dark web එකේ arnell pepsi වලට කරපු පිටු 27ක design consept, strategy ගැන arnell group එකෙන් pepsi එකට යවපු document එනවා. අන්න එක එදා මෙදා තුර උන ලොකුම branding fail එකකට පාර කපන්න සමත් වෙනවා, ඒක සැහෙන්න insane document එකක්, creativity නාමයෙන් සැහෙන්න විකාර ගොඩක් කරපු ගැලපෙන්නේ නැති theory අදහස් අමාරුවෙන් පුට්ටු කරලා සැහෙන්න cool සැහෙන්න wow වැඩක් වගේ පෙන්නන්න ගිය ඇත්තටම හිස් වැඩක් 🥴

කොටින්ම මේක ඇතුලේ pepsi Magnetic Fields, Multiple Perspectives, Gravitational Pull, Pepsi Universe, Multi-Dimensions, වගේ අහද්දී පට්ට cool හැබැයි සැහෙන්න හිස් ප්‍රෝඩාකාරී දේවල් ගොඩක් තියෙනවා, ඔය case එක්ක pepsi එක peter arnell ගේ logo symbol එක විතරක් අරගෙන අනිත් කොටස් අයින් කරලා continue කරගෙන යන්න තීරණය කරනවා 🫠

peapod - මේක සම්පුර්නම එයාගේ වරදත් නෙමෙයි ඒ උනාට මේකත් pepsi ප්‍රශ්නේ අතරම මෙයාට පෙරලුන බාල්දියක්, peapod එක කියන්නේ electrical vehicle එකක්, මේකේ නිර්මාණ වැඩ කටයුතු වල ඉදන් branding, marketing ඔක්කොම peter arnell ගේ, කොටින්ම මේකේ නමත් P.E.A.pod වෙන්නේ මෙයාගේ නමේ මුලකුරු එක්ක, තමන්ගේ නමින් වාහනයක් එන නිසා සැහෙන්න උජාරුවෙන් arnell මේක ගැන කියව්වත් peter, Arnold Schwarzenegger එක්ක මේ peapod එක ගැන කරන වාර්තා වැඩසටහනක දී මෙයාට පිළිගන්න වෙනවා වාහනය ඔය කිව්වට unsafe කියල. කොහොමහරි මේක වැඩ ඉවර වෙන්න කලින්ම මේ ආයතනය බංකොලොත් වෙනවා වගේම මේ වාහනයේ තිබ්බ හැඩය ගැන සැහෙන්න criticize හම්බවෙනවා.

goop - Gwyneth Paltrow ව දන්නවා නේද අපේ iron man ගේ වයිපරේ, අන්න එයා එයාගේ fashion brand එකට නමක් හොයද්දි pater arnell තමා goop කියන නම එයාට කියන්නේ, අතල්ම සිද්දිය එයාගේ reason එක වෙන්නේ මේ වෙද්දී ලෝකේ තියන හැම ප්‍රභලම digital brand වල o අකුරු දෙකක් තියෙන එක, උදාහණයක් විදිහට කිව්වොත් google, yahoo!, facebook 🫠

shift - ඔය අතරේම තමා peter arnell එයාගේ ජිම්පප්පගේ ඉදන් සූරපප්පා වෙනකම් කෙට්ටු උන හැටි ගැන shift කියල පොතක් එලියට දන්නේ, ඒක වැරද්දක් කියන්නත් දෙයක්දැයි කියල හිතුවත් ඒක ඇතුලේ තියන විකාර කෑලි නිසා පොතටත් හොද ප්‍රතිචාර හම්බවෙන්නේ නෑ.

එයා ඒ පොතේ එයාට දොඩම් ගැන තියන obsession එකක් ගැන සැහෙන්න පිටු ගානක කියනවා හැම තිස්සෙම දොඩම් කනවා කියලත් තියනවා, එයා කෙට්ටු වෙන්න හොද උපදෙසක් විදිහට කියනවා, හැමදාම fancy restaurant එකකට ගිහින් එකේ ඉන්න chef ල ලව්වා අලුත් අලුත් කෑම හදාගෙන රසවිදින්න කියල, ඒ වගේම එයාට chef ල නිතරම හදල දුන්න pater සැලඩ් එක ගැන එක නිසා එයාලගේ sales වැඩි උන හැටි ගැන සැහෙන්න පුරාජේරුවක් මිනිහ කරනවා. 😂

Tropicana - 2009 දී peter arnell rebrand කරපු Tropicana fail එක තමා එයාගේ ගමනේ අවසානය වෙන්නේ! ඒ වෙද්දී සැහෙන්න ජනප්‍රිය වෙලා තිබ්බ Tropicana brand එක එකේ තිබ්බේ fresh orange feel එක කිසිම හෙවිල්ලක් බැලිල්ලක් නැතුව 100% වෙනස් කරපු නිසා පලවෙනි මාසේ විතරක් එයාලගේ sales 20% වැටෙනවා, ගොඩක් අය complain කරනවා Tropicana package එක shell වල තියෙද්දී එක අදුරගන්නවත් බැරි උන නිසා වෙන product වලට shift උන කියලත්, ඒ වගේම අලුත් look එක කිසිම fresh ගතියක් නැති artifical look එකක් තියන නිසා ගන්න හිතෙන්නෙත් නෑ කියල ගොඩක් අය කියනවා 🫠

මේ සීන් එක නිසා Tropicana එයාලගේ පරණ packaging design වලට ක්ෂණික මාරු වෙනවා එකටත් ආයෙත් ලොකු වියදමක් කරලා.

ඔය ඔක්කොම අස්සේ newsweek site එකේ Daniel Lyons ලියන The Crazy Genius of Brand Guru Peter Arnell article එක එයාගේ මිනිපෙට්ටියේ අවසාන ඇණයත් තද කරනන් සමත් වෙනවා.

The END

ඔය ඔක්කොම හින්ද peter arnell බොරු කාරයෙක් කයිවාරු කාරයෙක් කියල seal එක වදිනවා වගේම එයාගෙම company එකෙන් එයාව අයින් කරලා දානවා. අද වෙද්දී අපේ කතා නායකයා photoshoot කර කර එයාගෙම personal projects වල හිර වෙලා සද්ද බද්ද නැතුව කාලයෙන් හැංගිලා ජිවත් වෙනවා! 🥲

Creativity VS Ego

මම අර මුලින්ම කිව්වා නිර්මාණශීලීත්වය උනත් අනවශ්‍ය නිදහසක් ලබන හැමවිටම බහුබූතයකින් කෙලවර වේ කියන සීන් එක පොඩ්ඩක් පැහැදිලි කරන්න හැදුවේ...මට මේකට peter arnell හොද උදාහණයක්, එයා වැඩ්ඩෙක් ද? ඔව් එයාගේ හොද පට්ට campaign තියෙනවා, හැබැයි එයාගේ peaked එකේ එයට ලැබුන පට්ට නිදහස නිසා එයාගේ ඕනිම පිස්සු අදහසක් ඒ අදහස ඇත්තටම පිස්සුවක් උනත් එකට විරුද්ද වෙන්න කෙනෙක් හිටියේ නැ, ඒක තර්ක කරන්න කෙනෙක් හිටියේ නෑ, එයා විසින්ම හදාගත්ත එයාගේ ego එකත් මේකට ලොකුවටම බලපෑවා. කිව්වත් පොර අහන mind එකේ හිටියේ නෑ...

කොටින්ම මනුස්සය ගැන කියද්දී කියවෙන තව දෙයක් තමා එයා meeting දන්නේ එයාගේ mood එක තියන තත්ත්වෙත් එක්ක, පොරගේ mood නැත්තම් මිටීම කොච්චර වැදගත් උනත් පොර එක නවත්තනවා කියල, ඒ වගේම කලින් කිව්ව දොඩම් පිස්සුව එයාගේ දොඩම් භාජනය කොයි වෙලාවකවත් අඩුවෙලා තියෙන්නේ බෑ වගේ නීතිත් තිබ්බ කියනවා, දොඩම් ගලව ගලව ඒවා කකා meeting වල වෙන කිසිදෙයක් අහන් ඉන්නේ නැතුව ඉන්න එකත් මිනිහ නිරත කරනවලු, එයාගේ වාහනේට ambulance siren එකක් හරි කරගන්න එක වගේ විකාර වැඩත් සැහෙන්න ප්‍රමාණයක් පොර කරලා තියෙනවා

ඉතින් බැලුවම තේරෙන එකක් තමා එයාගේ ප්‍රසිද්දිය, එයාගේ creativity ගැන මුරුංගා ඇත්තේ ඉදන් හිටපු එක ඔක්කොම නිසා මේ වගේ විකාර වැඩත් පොර ඔලුවෙන් සැහෙන්න සාධාරණීකරණය කරගෙන සැහෙන්න genius level එකක ඉන්න ඇති, ඒකම තමයි marketing research එකක් නොකර brand feeling ගැන නොහිතා tropicana fully rebrand එකක් කරන්නේ

ඉතින් ඔය වගේම උදාහරණයක් තම Zack Snyder කියන්නෙත්, සැහෙන්න visionary director කෙනෙක් උනත් netflix එකෙන් එයට fully freedom එක දුන්නට පස්සේ එලියට ආපු movies හැම එකක්ම වගේ සෑහෙන්න criticize උනා, එකෙත් main reason එකක් උනේ ලැබුන අනවශ්‍ය නිදහස එක්ක හිතුන හැම රෙද්දම කරන්න ගිහින් කතාවක් නැති visual ගොඩක් එලියට අපු එක, මම හිතන්නේ peter Arnell ගේ සිද්දියත් එහෙම එකක්!

තමන්ගේ ego එකෙන් තමන්ගේ pov එකෙන් over confident වෙලා වැඩ කරන්න යන තැනක creativity එකකට වඩා එන්නේ imagination කරපු cool ideas කියල මතුපිටින් පෙන බොරු ගොඩක්, ඉතින් peter arnell ගේ කතාවෙන් තේරෙන්නේ creativity එක වෙනයි තමන්ගේ ego එකෙන් එන බොරුව වෙනයි!

creativity block කරන්න හොද නැ තමයි, හැබැයි " නිර්මාණශීලීත්වය උනත් අනවශ්‍ය නිදහසක් ලබන හැමවිටම බහුබූතයකින් කෙලවර වෙනවා! " 🥴

17/06/2024

🏃 Adobe වලින් මාරුවෙන්න වෙයිද?

ඕනම design කෙනෙක්ගේ මුදුන් මල්කඩ වගේ ඉන්නෙ adobe නේ ඉතින්. Adobe photoshop, illustrator, premier, after effect ඕව නැත්තම් ඉතින් ජොබත් නෑ වගේනේ 😂

ඔන්න adobe එයාලගේ මේ මාසේ ආපු update එකේදි එයාලගේ term and service වලට අලුත් වදනක් දෙන්න ගිහිල්ල සෑහෙන්න කලබගෑනියක් ඇති කරගත්තා. ඒකේ කෑල්ලක් තමා මෙන්න මේක 🤔

"Our automated systems may analyze your Content and Creative Cloud Customer Fonts (defined in section 3.10 below) using techniques such as machine in order to improve our Services and Software and the user experience"

හරි දැන් ෆුල් සීන් එක බැලුවම තියෙන්නෙ මෙහෙම 😁 ඇඩොබී එකට අපි කරන හැම වැඩේම බලන්න, ලබාගන්න, ඕනිමනන් වෙනස් කරන්න සහ ඒව එයාලගේ Ai model එක්ක් වෙච්ච firefly එක learn කරන්න use කරන්න යනව සහ ඉස්සරහට එහෙම කරන්න පුලුවන් කියලා ( දන්නවනේ 😁 adobe ගාව ප්‍රසිද්ද ai model 2ක් තියෙනව එකක් ඉස්සර ඉදන් use කරන adobe sensei අනික අලුතෙන් ආපු ගිනි කිකිලි firefly)

මෙන්න මේ සීන් එක නිසා industry එකේ අය නන් පචන් ගාන්න ගන්නව. 😒 එකක් designer කෙනෙක්ගේ මොනිටරයක් ඇතුලට නිතර එබි එබී බලන්න ගියාම එයාගේ privacy එක ප්‍රශ්න වෙනව. තව එකක් එයාලගේ මහන්සිය මෙහෙම ai එකක් learn කරගන්න ගන්න හදන විදිහම ටිකක් මල පනින වැඩක් නේ ඒ හින්ද වගේම අපිට ටිකක් නුහුරු දෙයක් උනත් ආපු ලොකුම ප්‍රශ්නේ වෙන්නේ,

*NDA works එහෙමත් නැත්තම් Non - Disclosure Agreement* 🧑‍⚖️

(ඒ කියන්නේ සරලව කිව්වොත් අපි client කෙනෙක්ගේ brand එකක, අපි කරන campaign එකක් රහසිගත දෙයක්, එලියට යා නොයුතු දෙයක්, තව තරගකාරි brand එකක් දැන නොගත යුතු දෙයක් සදහා වෙන නීතියක්)

ඉතින් මේ adobe හුටපටෙන් මෙ law එක කෙලින්ම කැඩෙන නිසා එහෙම agreement තියෙන client ලගේ වැඩ adobe software වලින් කරන්න කොහොමත්ම බැරිවෙන එක !🥶

හරි සීන් එක ලොකුවටම යන්න හදද්දී adobe එකෙන් statement එකක් එලියට දාල තියෙනව

මේකෙන් අවසරයකින් තොරව කිසිම දෙයක් ai models වල Learning වලට ගන්නේ නෑ කියලත් මේ අවසර ඉල්ලන්නේ software ඇතුලේ වෙන්න පුලුවන් illegal දේවල් නවත්තන්න ඒව monitor කරන්න වගේම automated system කියන්නේ ඒවා monitor කරන system විතරයි කියල වගේම creative cloud එකට upload වෙන දේවල් පමණයි මේකෙන් බලන්නේත් ඒක නිසා NDA law එක කැඩෙන්නෙත් නෑ කියල ( ඕක කලින්ම තේරෙන සිංහලෙන් 😂 මන් කිව්වෙ ඉංග්‍රීසියෙන් දැම්මෙ නැත්තේ ඇයි කියන එකනන් ප්‍රශ්නයක්)

අන්තිමට කියන්න තියෙන්නේ මේක ඉතින් අපි වගේ crack ගහල යූස් කරන 😂😂 හොරකන් කරන්න කිසි දේකුත් නැති අපි වගේ අයට ප්‍රශ්නයක් වෙන්නේ නෑ.හැබැයි industry එක adobe වලින් ගැලවිලා affinity වගේ වෙන software වලට යන එක වැඩිවෙන්න වැඩිවෙන්න අපිටත් ඒ software වලට අත දාලා හුරුවෙන්න වේවි!

Address

Website

facebook.com

Alerts

Be the first to know and let us send you an email when Manzz Graphics posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Advertising & Marketing Company?

Country:

City: