ESLAMKAMEL-Media Buyer

27/03/2026

كم مرة حد بعتلك:
"السعر كام؟"

رديت عليه بكل احترام…
وبعدها؟ 👇
👻 اختفى وكأنه كان بيختبر شبكة الإنترنت مش بيشتري!

خليني أقولك الحقيقة اللي محدش بيقولها:
العميل مش بيسأل عن السعر علشان يشتري…
هو بيسأل علشان "يقيّمك"

هل أنت فاهم مشكلته؟
هل عرضك يستاهل؟
هل في سبب يخليه يدفع؟

لو ردك كان رقم وبس…
يبقى أنت كده بتقوله: "مفيش فرق بيني وبين غيري"

وده أكبر سبب يخليه يمشي.

📌 البيع مش سعر… البيع "قيمة"

أنا عامل فيديو بشرح فيه:
إزاي ترد على سؤال "السعر كام؟" بطريقة تخلي العميل يكمل معاك مش يختفي

🔥 لو بتبيع أي حاجة (منتج أو خدمة)… الفيديو ده هيفرق معاك جدًا

👇 ادخل على قناتي على اليوتيوب واتفرج عليه من هنا
[https://youtu.be/Vz7lahlFQok?si=4W7z8yqWpafedrSN]

وقولي في الكومنت:
أغرب رد عميل قالهولك قبل كده كان إيه؟ 😄


#البيع
#التسويق

❓ ليه العميل بيسأل عن السعر… بس مبيشتريش؟سؤال بيتكرر يوميًا عند أصحاب البيزنس والمسوقين ومقدمي الخدمات.العميل يسأل عن السعر… وبعدها يختفي تمامًا. لا رفض ولا ...

05/03/2026

كم مرة العميل بعت لك:
"السعر كام؟"
رديت عليه…
وبعدها اختفى.
لا اشترى
ولا سأل تاني
ولا حتى قال لأ
اختفى كأنه مجاش.
لو ده بيحصل معاك يوميًا…

يبقى انتظرنى فى الفيديو الجاى هناقش مع بعض ازاى تعرف عميلك وتقنعه بالشراء

#التسويق
#المبيعات


#البيزنس
#العملاء

26/02/2026

05/02/2026

متبعش نفسك للشيطان
ازاي الكلام دا
ماهو لما حضرتك تعتمد علي اسم البراند بتاعك اللي بقاله في السوق 50 سنه ومعروف ومن ايام جدك وابوك هما اللي بنوه علي اكتافهم لحد ما بقي اسم مسمع في السوق وهو كان يدوبك 4 فروع بيبيبع ومكسر الدنيا
تيجي انت بقي تغير التوليفه حقك برده
شاب مجتهد وانقذ العيله والبراند بتاعه من الضياع ساعة الثورة 2011
تمام يعم ماشي بتعرف تسوق
اه طبعا دا انا سويق وخريج جامعة الخواجات عيب عليك وهخلي البراند دا يطير في السما ماشي ياعم ورينا
كنت ماشي كويس مكنش في سيستم قوللت نحط سيستم وماله مايضرش
مكنش في ادارة قولت نعمل ادارات
تسويق علي مبيعات علي جوده علي انتاج علي تكاليف..... الخ
قولنا ماشي
قولت بص بقي احنا بقي لينا منافسين في السوق كتير وبيسحبو مننا الخبرات
عايزين نخافظ علي الناس دي
طيب ناوي تعمل ايه
احنا نعمل تعديل مرتبات وحوافز و مكافآت
طيب ياسيدي كتر خيرك وبعدين.
إحنا عايزين نتمدن بقي ايوه ياعني عايز ايه
احنا عايزين نبني مصنع كبير جدااااا في منطقه صناعيه بدل المصنع الصغيير
دا اللي في منطقه شعبيه ايوه بس دا عايز سيوله كتيرررر
ايوه ماحنا هندخل معانا شريك
طيب تمام وبعدين احنا عندنا 4 فروع بس علشان نغري الشربك دا نعمل خطه في خلال سنتين بس عايزين نعدي ال100 فرع دا اللي هو ازاي مش عارف بس هو كده
دخل الشريك بنسبة 20٪
وبدأت الكارثه
توسع عشوائي
مصاريف تشغيليه عاليه
مصاريف باهظه تتصرف علي الفروع من حيث الإيجار والتشطيب وفي الاخر تقفل عليشان مش بتبيع او متغطيش حتي مصاريفها
عماله كتيرررر جدا مش متوزعه صح
جودة المنتجات قلت بسب استخدام الخامات الرديئة
اسعار عاليه بالنسبه للمنافسين وجودة منتجاتهم افضل بكتير
غضب من العمال بسبب عدم صرف العلاوات والمكافآت
التي تعوض تدني المرتبات بسبب التضخم
ضجر العمال لعدم حصولهم علي الحد الادني للأجور وطبعا كانو ساكتين علشان الحوافز والمكافآت كانت بتعوض الفرق دا
والشركه اصبحت في مستوي متدني من الجوده والبيع
تغتكرو ايه اللي يحصل للشركه دي
شاركونا برأيكم في التغليقات
#بيزنس

04/02/2026

انا بدأت من الصفر
في لقاء لنجيب ساويرس كان بيقول انه بدأ ثروته من الصفر اللي هو بباه ساعده ب 50 الف دولار بس علشان يبدأ يشتغل بيهم
طبعا ال50 الف دولار ساعتها دا كان رقم خرافي جدا ولحد دلوقتي الرقم دا يعتبر رقم وهم
بس اللي انا عايز اقوله في البوست دا ان كل واحد عنده صفر هو بيبدأ من عنده في ناس الصفر عندها نهاية الطريق لناس تانيه وناس الصفر من العدم وهكذا
ياعني الصفر دا بيختلف من شخص لاخر
وكمان الصفر دا مش معناه فلوس بس
دا بيجي معاه حاجات تاتيه كتير
زي خبره ، علاقات،
علشان كده متستغربش انك تلاقي حد
بدأ من الصفر وهو معاه 10 مليون مثلا لان اللي ساعده بالرقم دا معاه مليارات مثلا فبالنسباله 10 مليون دول
زي 10000ج بالنسبالك
شوية فكه
#بيزنس

02/02/2026

قرد كان جعان اوى ومسك موزه جوه الصندوق
الموزة كانت قريبة…وسهلة.

مد إيده.
دخلت من غير مقاومة.
ولا شوك…ولا دم…ولا خطر.

في اللحظة اللى مسك فيها الموزه دي مبقاش شايف غير انه يخرج بايده مع الموزه

شد إيده. ما طلعتش. جرّب أكتر وجعته.
بس ما سبهاش

القرد افتكر إن المشكلة في الصندوق.
في الفتحة.
أو في الحظ.

فضل يشد….ويشد أكتر
والوقت بيعدى ولسه القرد مقتنع انه ميخسرش الموزه

لحد ما التعب بقى أقوى من انه ياخد الموزه أصلا

كله تجربته فى الحياه انه كان شايف حاجة واحدة بس الخسارة الكبيره لو ساب الموزه

كل اللى كان محتاجه بس انه يفهم إن أحيانًا
اللي ماسكينه هو اللي ماسكنا.

ناس كتير مش عارفة تتحرك.
مش علشان الطريق مقفول.

لكن علشان
ماسكين حاجة فاكرين انها حلوه

شغل
فكرة
طريقة قديمه

خايفين يسيبوها علشان اتعودوا عليها.
أو شايفين إن التنازل عنها هزيمة.

ومش واخدين بالهم
إن القبضة المقفولة
ممكن تبقى السجن الحقيقي.

القرد لو فتح إيده أكيد هيخسر موزة
بس كان ممكن يكسب حاجات أكبر لو بس فكر إنى المكسب مش بس مجرد موزه فى صندوق

فهمت حاجه؟

30/01/2026

انت مش بتمن علبنا
ناس كتير يفتحو نشاط ويقفلو بعد كام شهر ولما تساله انت قفلت ليه يقولك اصل السوق نايم والرجل خفيفة
اممممممم
تيجي تسأله طيب حضرتك قبل ماتفتح عملت دراسه للسوق يقولك طبعا
انا جيت المنطقه دي وملقتيش حد فاتح النشاط دا فقولت المكان دا حلو ومناسب
طبب حضرتك عملت دراسه للعملاء ياعني هل الناس هنا محتاجين النشاط بتاعك دا يقولك ياباشا منا قولتلك مفيش حد فاتح هنا النشاط دا وبعدين المحل اللي فتحت فيه كان لقطه ايجاره علي قد ايدي بس يلا مفيش نصيب.
لاياراجل اتصدق كده اقتنعت
ياعني انت لاعملت دراسة سوق
ولا اختياج عملا ومستغرب ان السوق نايم وفيش بيع ولاشري ومفيش زباين
تلاقي واحد فاتح نشاط بقاله او سوبر ماركت وبعديه ب 100م 4 محلات سوبر ماركت جمب بعض وهو الخامس
يارجال طيب ايه وغير ان هو افل منه في البضاعه طيب فتحت ليه
اهو كده حسيت انه بيكسب فقولت افتح وكمان كان ايجار المحل لقطه اافل ايجار في الشارع
لالا ياراجل انت فاتح بقي علشان تكسب صاحب المحل يكسب
لاياراجل قلبك كبير والله
وخد بقي من الأمثله دي كتيررررر
جدااااا وفي الاخر يقولك
الجو في مصر نايم
شاركوني آرأكم في الكومنتات ولو في حد يقدر يقولنا علي تجربه حصلت معاه يحكلنا في التعليقات
#بيزنس

29/01/2026

يجي واحد يقولك نصيحة:
ابدأ بالمنتج الأول … قبل دراسة السوق اشتري المنتج الاول … وبعد كده نبقي نعمل اعلانات مموله ونشوف هنبيع لمين
طبعًا…
نصيحة غلط ❌
الترتيب الصح في التسويق الإلكتروني هو:
الطلب
ثم المنتج
ثم الإعلانات
مش العكس.
“الطلب” يعني إيه؟
يعني تشوف السوق عايز ايه
☐ ايه مشاكل العملاء محتاجين ايه يحل مشاكلهم
مين المنافسين بتوعك بيبيعو ازاي ولمين
وايه نقاط القوة والضعف بتاعتهم
ايه دا يامعلم انا كده مش هبدأ
ماهو ياتبدأ صح يامتبدأش اصلا
واحد يقولي طيب وما بدأش ليه ؟؟؟
هو دا السؤال الصح
علشان الدراسه دي هي اللي هتبينلك هل فهلا السوق دا يستحق اني ادخله ولا المنافسه فيه شرسه ومتنفعش
هل هقدر انافس اصلا ولالا
سواء بسعر ولا بجوده
طيب لو لقيت السوق دا صعب الاختراق والمنافسة بس المنتج دا عاجبني وعايز اشتغل فيه؟؟؟.
لالا حضرتك انت داخل تعمل بيزنس مش داخل تعمل علاقه عاطفيه مع المنتج او السوق
طيب كلام جميل لقيت السوق ممكن انافس فيه اشتغل بقي وانزل بتقلي
لالاا طبعا
ليه بقي ما السوق حلو اهو واقدر انافس
لالالا ساعتك
انت هتختبر السوق الأول
ياعني ايه؟؟؟؟
ياعني هتشتري كميه قليله حتي لو مكسبتش فيها وبعد كده سوقلها وشوف هتتباع ولالا
وبعدين
اعمل إعلانات بسيطة تشوف هل الناس هتدفع ولا لأ
علشان لو الإعلان فشل:
تقفله فورًا
تغيّر الرسالة
تغيّر العرض
وتطلع بأقل خسارة ممكنة
لكن لو بدأت بكميات كبيره
واكتشفت إن السوق مش مهتم؟
خلاص… الفلوس اتحبست.
فى الاخر ابدأ صح تقفلها صح
#بزنس

20/04/2025

بداية حل ازمه لأى شركه مكن تبدأ من رأى العملاء سواء فى الخدمه او فى الشركه او حتى سياستها وممكن رأى احد العملاء دا يكون سبب فى تغيير سياسة الشركه تماما وينقذها من حافة الإفلاس ودا اللى حصل في شركة بداية تعالو نشوف سوا ايه الحكايه
#قصه

#تسويق

25/02/2025

"شاركنا رأيك في أهم منصة تسويقية"

"كلنا عارفين إن السوشيال ميديا بقت عامل أساسي في التسويق.
بس السؤال اللي بيهمنا:

إيه أكتر منصة شايفها فعّالة لمشروعك؟

1. فيسبوك: بيوصل لكل الفئات العمرية.

2. إنستجرام: الأفضل لعرض الصور والفيديوهات.

3. تيك توك: مناسب للجيل الجديد والمحتوى المرح.

كل منصة لها مميزاتها. اختيار المنصة الصح هو سر نجاح حملاتك.
**شاركني رأيك: إيه أكتر منصة بتجيب نتيجة معاك؟"
شاركنا في التعليقات!"

31/01/2025

"لو إعلاناتك مش بتبيع.. جرب الحاجات التلاتة دول من غير تفكير! 💸"
المحتوى:
١. ركز على عنوان جريء زي: "هتقضي على مشكلة ___ في 5 دقائق!"
٢. صور قبل وبعد علشان يظهر فرق واضح بين المشكله والحل (مثال: منتج حل مشكلة)
٣. أضف إحساس الاستعجال بخصم لمدة 24 ساعة أو كمية محدودة.

الاكشن: "خد النصيحة دي وحطها في إعلانك الجاي.. وقولنا النتيجة في كومنت 👇"

ُبِيعَة