Tanny's Online Novels

Tanny's Online Novels Writer

https://whatsapp.com/channel/0029VaDYeL6IHphKZdYP1O25 *Munyori haape mabooks kuinbox follow this 👆🏽channel for more ...
25/06/2026

https://whatsapp.com/channel/0029VaDYeL6IHphKZdYP1O25
*Munyori haape mabooks kuinbox follow this 👆🏽channel for more books*

https://facebook.com/groups/1066047214760966/
*Follow our 👆🏽 page*

🖤SUBJUGATION 🖤

*Book written by 🖊️*

*Tanny M(Muzukuru Weshaya)*

*App/Call 07802974 zero zero*

*Very Romantic and sensitive story📍📍*

*Chapter 1*

"Discus mai wako vakazobatsirwa here?"vakandibvunza kudaro gogo mai Munyaradzi vaigara imo mumaraini medu."Havasati gogo asi muzvimavhiki zvatiri kupinda izvi vanobatsirwa".Ndakadaro ndichitsiga chi20 litres changu."Dumbu rawo mai Dee rakakurisa mai Munya kuti hazvidaro wane matwins here apa makanzwa zvakataurwa nemweya here iko kuchechi manga muriko here".Ndimai Mercy vaigara futi muraini medu uye wese taipinda same chechi.Baba mukuru wangu mukoma vababa vainge vari mukuru kuchechi vanhu vaitouya vachibatsirwa pamba pawo."Mweya vakati havasi kufanirwa kunozvarira muchipatara nekuti vanogona kuparara wese nevana saka vanofanirwa kuzvarira mumba ".Mbuya mai Munya vakabva wati
"Asi zvenhumbu izvi zvichada kuti munhu azvirire mumba here pafungei mai Mercy nedumbu rina mai Dee riya mweya woti ngaazvarire pamba here asi kungoti hautongere mweya hako asi hameno".Ini handina kuzomira kunzwa vachitaura izvi nekuti ndainge ndine basa rakawanda ranga rakandimirira kumba.Ini ndini muhombe mumba medu then kumashure kwangu kune vamwe vana five uye vandinotedzana naye Dilish ndakasiyana naye nerinenge gore kana kuti two years variwo kumashure kwake zvitoko zvakangotewedzana.Nekuda kwekuti baba mukuru mukuru kuchitendero chedu chemasowe enguwo tsvuku wane vakadzi vanokwana kuita five uye vana wawo vakawandisa.Ndizvo zvakatedzwawo nababa wangu nekuti wane madzimai three mai wangu vari wekupedzisira.Iwo baba vanoita zvekutengesa muHarare vachidzoka kumba paweekend.
Pandakasvika kumba kwedu ndakawana Dilish awa kusukawo maplates achibatsirwa nezvinin'ina zvangu.
"Ko mhama vayenda kupi handisi kuvawona.Mapoto iwayo achene Dilish unenge uchida kuzonditukisa kuti handisi kugona kuyakwesha namhama ipapo".Ndakanzi nekahanzvadzi kanumber four kubva"Sisi imimi musi kuziva here kuti mhama dumbu rararwadza vayendeswa kudumba rekuchechi hanzi mutewere nebag rehembe revana".Ndakamuti"Iwe Delma dai ndisina kubvunza kuti vayenda kupi vaida kuzotaura here.Zidzoro".ndakapinda mumba ndichitora bag racho.Imba yamai wangu aiwa maroom maviri ehouse uye kitchen yaiwa payo yega.Vamwe wana maiguru wedu vainge wane mafour rooms awo pakuti vainge wane nguva varipo pamusha ipapo uye misha dzacho dzanga dzakamgobatana nedzabamukuru baba Abhusoromu asi yawo imba yanga yakakurisa pakuti wane mhuri hombe.Pandakatora bag ndakabva ndasiya ndaira kuti vasane kuisa chitin chemvura kuitira kuti ndikadzoka ndigokasika kubika kuti ndiite homework dzangu.Ndanga ndiri kuita grade seven ichiri first term yawo.


Kubva kumba kusvika ikoko kuchurch painge pane mufambo vakakura saka ndakaita zvekumhanya kuti ndikasike kusvika.Mhere yamai wangu ndakatanga kuyinzwa ndichiri kunosiirwa mabag nevanhu vasati vapinda mundaza."Pusha mai Dee pusha vana vabude"raiwa voice remukadzi wechikuru muchechi medu."Ndakundikana kani mbuya ndarwadziwa ini musandipfanye mandiuraya kani"vaidaro vachiyuwira mhama."Saka tawa kuyita zveRazor hanzi naIshe Engiribheti tiite zverazor kana zvaramba"ipapo mhama vakabva wati"Ndiyendesei kuchipatara mbuya chokwadi ndinofira muno ndikasiya vana dziri nherera.Ndiyendesei ikoko chero mweya vakati ndisaende ndapota ndiyedesei ikoko zvimwe ndingararama ndapota hangu Discuss wangu achiri mudiki kumusiira mutoro unorema uyu".Vakanzi"Ikoko kuda kutiitisa zvisina kuonekwa nemutungamiri unoda kutiisisa pasi peshamhu yengirozi yehondo here.Vakazviona kuti kukuzvarisira muno ndizvo zvine pundutso usachema shinga shinga semukadzi tawa kuyita zvekudhedha".Zvese izvi ndaizvinzwa ndiri mudivi medumba iri.
Ndakanzwa misodzi yawa kudzika moyo uchiita kudumbirwa asi chekuita ndanga ndisina.Ndaisanzwisisa zvakanyanyisa kuti chii changa chichiitika asi ndakabata kuti mai wangu vaiwa panguva yakaoma.
"Mutungamiri hatikwanise kupokana naye nekuti zvaataura ndizvo zvinenge zvataurwa nedenga mubatei maoko vamwe makumbo tiite zvekubuditsa vana nekukasika wese vandakabatsira nekucheka nerazor vakararama handina nhorondo yekukundikana ndokusaka Mutungamiri vawimba neni kuita basa".
Mhama vakabva wati
"Aehwa kani hamdizvikuriri ndarwadziwa zvakanyanya muchindibaya baya dumbu rangu chindiregai ndishingirire kuenda kuchipatara ndinozvarira ikoko kune madoctors".Havana kupindurwa.Ndaiziva kuti vaisandibvumidza kupinda saka ndakaita zvekudongorera nepadoor painge pane panoonesa zviri mukati.
Kuchema kwamhamha kwanga kwakanyanya.

Kuchikoro ndainge ndakadzidza kuscience kuti operation inoitwa musafe environment nana mazvikokota vakazviyendera kuchikoro uye pane mishonga inoshandiswa ipapo asi mai wangu vakavacheka vachiyuwira kudaro zvinhu zvandakaona zvakandiremera mumaziso angu zvekuti ndakarega kutarisa ndichibva ndayenda kunogara kunogara mabag evanhu ndakapfunya chisero ndakatarisa kudumba.
Ndaida kuzonoona mhama vabatsirwa nevana wacho.Pese apa wanga vaita kakunyarara asi wane mhere yavakazongoita yakaita kuti ndimhanye kunovhura door ndichipinda.Pandakapinda iwo wana mbuya wacho vakashamiswa.
Ndakatarisa mhama ndakaruma muromo misodzi ichibva yatanga kudzika.Maoko angu kuti ndivabate akatanga kudedera zvisingaite.
Iwo mhama vakanditarisa vakati "Discuss mwanangu ndarwadziwa"ndiwo mashoko ayavakandiudza zvikanzi nambuya iwawo vainge vamira zvino vakabata razor"Vari kubuda ropa rakawandisa mhanya unodaidza mutungamiri".Iwo mhama vakandibata ruoko vakati"Mhanya paMajoni ndikumbirire mota ndiyende kuchipatara ndiri kurwadziwa Discuss"Matauriro avakaita mhama aiwa emunhu ari kupera simba iwo mbuya iwayo vakati"Munoda kuziva kudarika mweya here mhanya unovadaidza namaiguru wako mai Abhu".Ndakangobuda ndiri bara kudzoka kumba kwababa mukuru.Ndakasvika vachiyeresa mumwe munhu saka ndakapfugama ndikati"Muri kudiwa kuchechi mhama hanzi vari kubuda ropa rakawanda vavacheka nerazor vana handina kuona kubuda kwawo" Ndakataura ndawa kuchema iwo vakati"Vadii kumirira ndapedza kubatsira vanhu awa.Vabhadhara mari saka uri kuda kuti ndibve pamweya ndiri mudare rawo here".Ndakapukuta misodzi ndichibva ndasimuka kwakumhanya kwaMajoni vainge wane kamota kawanako kadiki.Ndakasvika baba wepamba pacho varipo ndichibva ndavaudza.
"Mukore uno kuchiri kuitwa operation nerazor mudzimba here Dee hindawa mukoma vababa wako vachitadza kushandisa pfungwa chiporofita chisina chikoro mukati chakafa mhani ndinoblamer iwo vanhu vanoterera munhu uya munenge muchinamateiko pinda mumota tone munhu anofaka apa diii Discuss?".

Handina kuvadawira ndakabva ndapinda mumota tichibva tasimuka kuyenda kudumba.Road dzacho dzaingowe tumaroad tudiki tunofambwa nevanhu.Ndiwo wega vainge wane mota muraini rose zvaro.Vakaipaka kuroad tikabva tadzika tichipinda mukati ini nebhutsu ndanga ndisina ndanga ndasiya pandanga ndamhanya kunodaidza bamukuru paya."Vhurai umo titore munhu munaniko umu ?"vakadaro vachivhura door racho zvehasha ende ipapo wana mbuya waya vainge vakaputira tuvana tuiri mumachira vakatubata then mhama vanga vakangorara vari zii vakafukidzwa nejira rered asi raioneka kutota neropa musoro wawo chete ndiwo vaioneka."Ndauya kuzotora munhu kuyenda naye kuchipatara batai kumakumbo uko ndibate kuno kumusoro Kotwa kure tiri kufanirwa kumhanyisa munhu uyu kuti ararrame".Mbuya vanga varimo vakabva wati "Discuss chimbobuda zvishoma".Ndakatarisa mai wangu vainge varere ndichibva ndabuda mudumba kunomira panze ende ndidzo nguva dzakasvika babamukuru nemudzimai wawo.Vakangosvika nekupinda mukati asi havana kutora nguva varimo vakabuda navaMajoni vakuchinjana mashoko.
"Bvuma kuti dzimwe nguva hazvidi mweya wekufosera uyu asi zvinoda zvipatara ndokusaka zviriko unozvitsanangura sei zvavaita izvi Engiribheti ?".Vakanzi
"Inyaya dzemhuri yangu uri kutsvagei pano.Vadyiwa netsanangudzo nekuti pfungwa yekuyenda kuchipatara vanga vanayo mumoyo mawo mainini mai Discuss awa vakadii kutenda kuti zvandataura ndizvo.Mudzimai wangu haana kubva kuzvarira imomu here akararama nekuti akatenda mumweya".Vakabatwa collar vakazunzwa zunzwa vakanzi"Nyaya iyi haisi kuperera pano iri kufanirwa kuyenda kumapurisa".Vakadaro vaMajoni vakuyenda vakanzi"Enda unomhangara chero kwaunoda nekuti uhu hupenyu hwedu tinoita zvatinoda pano handina mapurisa andinotya ini".VaMajoni vakabva vayenda ende ipapo ndakapinda mukati ndikaona amai vakufukidzwa kumeso zvakanzi namaiguru"Asi mai Dee vatadza kushinga here kubva azvara nekusiya vana kudai".Ipapo ndaida kuvavhura asi babamukuru vakandidhonza zvehasha vachindiisa panze."Chauri kuda kubata apa chii keaMajoni wanga vakunotsvagei ikoko.Ndikuone uchitaurisa taurisa takura vana awo uyende kumba nawo vadii kutaura kuti zviri serious pavauya ndakumbiria ngirozi yehondo kuti vararame vakazungaira stereki".Ndakada kutaura asi ndakanyaradzwa namaiguru."Usabvunze zvinhu zvausingazive tora vana awo uyende nawo kumba unogara nawo mukitchen".Vaidaro vachinditambidza tuvana twese muamawoko.Handina zvandakataura kunze kwekuchema chete wekubvunza panga pasina kana kwekumhanyira ndiri maKondo muvillage medu manheru iwayo panga pasina zuva ranga rapinda muna mai waro.Imwe pfungwa yanga ichiti mai vararama vari kuda kuyendeswa kuchipatara imwe yakati mai vafa vachitambura Discuss.Zvinhu zvandaifunga ndichifamba kudzoka ndine turusvava mumawoko ende ipapo kufunga kuti tainge tawa eight mumba medu zvakaita kuti hana yangu irowe zvakanyanya nekuti mapostori ekwaMarange ndiwo anozvara vana vakawanda asi baba nabamukuru vaiita kunge vapanduki wekuchurch ikoko asi kuita kwawo kwanga kwakafanana zvisingaite.Pandakasvika kumba ndakangonanga mukitchen ndichibva ndatanga kupfikura ndirimi.Zvitoko izvi zvekumashure zvaingobvunza kuti sisi chii asi handina kukwanisa kutaura chinhu kunze kwekuchema chete.Maiguru wangu mukadzi wekutanga vababa wangu vakapinda mumba vachibva vatanga kuchema and panze paiita kunge patozara vanhu vakawanda.Vakatanga kupinda mumba vachichema ini ndakavatarisa misodzi izere mumaziso ndichibva ndazoti"Maiguru mainini wenyu"vakati
"Sorry Discuss hanzi vabuda ropa rakawanda vatadza kudhendwa zvakanaka saka pabuditswa vana vavapihwa hanzi vafema kekupedzisira".Ndakavaringa ndichibva ndati
"Muri kureva here kuti mai wangu vatofa ?"vakagutsurira musoro miromo yangu yakatanga kutamba tamba zvehasha zvekurwadziwa kusvika pekupedzisira kwakutanga kuchema tese ndakabata vana mumaoko.

Zvinhu zvakabva zvatanga kubuditswa mukitchen nekuti vanhu wekuchurch vanga vauya zvichida shoko ranga rasvika kwavari panharembozha.Ndakatarira tuvana twandanga ndakabata ndikatanga kupfikura.Ndakatarira vamwe five vanga vakamira padoor vaisanzwisisa kuti mai wedu vanga vaenda nekuda kwekuti mweya wanga wati vasaende kunozvarira kuchipatara.Ndakafunga kuchema kwawanga vaita kekupedzisira paya ndikatangazve kupfikura musoro wangu vaitenderera kushaya kuti ndoita sei.Baba vanenge vafonerwa kuti pindai munzira ini ndisati ndatomboenda kudumba nekuti baba mukuru vakapinda vakabatwa nevarume vakuru wechechi vachiita kunge vari kuda kudonha.
"Pafamba Satan weduwe inga anga asvika wani hanzi ayita accident paKotwa apo pavanhu wese ndiye afira paSpot murume nemukadzi kuyenda zuva rimwe here ,nditarisireiwo Discuss tinomunyaradza tichiti chii ".

*Nyaya yedu iri kuda macomments nemalikes akawanda iyi iri very sensitive ngatiforwadhe kumamwe magroups.* @

Follow Tanny's Online Novels 🇿🇼🇿🇼's WhatsApp channel. WELCOME TO TANNY M NOVELS MUZUKURU WEVANHU GWETA REVANHU YOUR SMILE KEEPER ,FEEL AT HOME MY LOVE PANO PANOBIKWA NHAPI NHAPI DZEMABOOK.DONT GO ANYWHERE🤗🥰 vanoda kushambadzirwa mabusiness awo nemitengo yakaderera tibatei apa +263780297400 . Join 76K followers for the latest updates.

https://whatsapp.com/channel/0029VaDYeL6IHphKZdYP1O25 *Munyori haape mabooks kuinbox follow this 👆🏽channel for more ...
12/05/2026

https://whatsapp.com/channel/0029VaDYeL6IHphKZdYP1O25
*Munyori haape mabooks kuinbox follow this 👆🏽channel for more books*

https://facebook.com/groups/1066047214760966/
*Follow our 👆🏽 page*

⛲🪹⛲⛲🪹⛲🪹⛲⛲

*MHIRI KWASAMORA*

⛲🪹⛲⛲🪹⛲🪹⛲⛲

*Book written by 🖊️*

*Tanny M(Muzukuru Weshaya)*

*App/Call 07802974 zero zero*

*Very Romantic and sensitive story📍📍*

🔖Live within your means

*Chapter 3*

Sis mai Talisha vanga vandigadza mudish weduwe ndakanzwa kupererwa kunzwa kupindwa nechando chaicho kunze kuchiti n’ai n’ai nokupisa.Zvakanzi nabaTaku’’Ko zvauri kungotura mafemo ipapo kwakanaka here mai Taku.asi pane ashaika here’’.Dai aiziva hake kuti theme Mhiri kwaSamora yainge yandisiya pakaoma aimbomira kunditaudza murume uyu.Ndakatakura bucket nebadza ndoyenda kugarden.Ndaida kusuduruka pamba kuti ndimbonyatsa kufunga kuti mari dzevanhu ndodzibatira kuti.Iwo sisi ndaivakumbira mari yakawanda kudero ndichiti ndiri kuda kudii nhai weduwe.Ndakagarira bucket ndakabata shaya ndichiti ndoita rwendo ndichiyenda kumba kwani chaiko nekuti mai vainge vatoyenda kumba kwasisi mai Tadi uko iNo go area mai Tadi wane life imwe yekuti unogona kufunga kuti ndiri kudadirwa iyo itori life yawo ndaisada zvangu kukwira bp.Ndakazosimuka ndotanga kudirira mabeds emuriwo kwakukwidza kuyenda kumba.Ndakasvika ndichibika kwakurara ndakati kuna baTaku ‘’Pakauya pane munhu ari kundida itai handipo ndiri kuda kuzorora’’.vakangoramba zvawo vakanyarara.Anga adzikira murume wangu.Kupera chaiko.Hope dzacho ndanga ndisina ndaida way yekutiza vanhu wekuRound mangwana acho wanga uri musi weround ndaitoda kufuma ndakashaikwa pamusha nekuti mai Mukundi ndakavanzwa vachiti vari kuda kukwereta 190 zvino ndikanzi buditsai mari ndinoiwana kupi nhai.Mangwana acho ndakati ndichipinza vana mukombi yawo yekuchikoro, ndakabva ndatobva pamba ndichipinda mutown.Ndaida kutsvaka basa.Ndaisvika kupi ndakamirira baTaku kuti pavachawana basa ndipo pandichatangirawo kuwana mufaro nhaimi.Ndainge ndadzikirawo zvishoma ini wacho.Yangu stress inoperera mukutuka iwo baTaku saka haizonyanye kundidya zvakanyanya.Mukutenderera mutown imomo ndakapinda muimwe shop ndichida kubvunza kuti hakunawo here kwavari kuziva kuri kudiwa munhu mushop anotsvaira hake nekuti zvepaTill ndanga ndisina mapaper ndaisazvikwanisa kana rekumira padoor ndichichecker mareceipt ndiro randaida hangu.’’Sorry hama yangu takabva kutora vamwe asi kana uri kuda basa zvechokwadi ndine hama yangu iri kuda munhu anosara nagogo muchembere uchihorawo 60 pamwedzi’’.Iyi mari yawanga vari kutaura apa yanga iri pararewo negoal rangu Ndakawati ndinotenda kwakubuda ndichitsvaga kumwe asi kwanga kwakatsva.Ndakazodzoka kumba manheru chaiwo baTaku vainge vapedza kubikira vana ko aida kuita rei.’’Ko unongobuda usingataure kuti uchambosvika kwakati kuti zviite sei mai Taku.Vanhu weRound vauya vachikutsvaga pano’’.ndakawati’’Ndanga ndambobuda kunotsvaga basa ndinovaona mangwana’’.Ndakanzi nawo’’Ndanzwa zvichinzi ndiwe mubati wemari ‘’.vakadaro vakanditarisa ndakawati’’Ehe ndini ko indawa kubvunza makanditarisa kudaro’’.Ndakanzi’’Ibva pamari dzevanhu mai Tku uchandiitira muedzo muvillage muno.Vanhu wemuno Havana kuyita mushe nemadiro ako emari unoswera vakwadzwa muno’’.ndakatura mafemo munoziva ndanga ndisina kumbopafunga nreAngle iyoyo kuti ko ndikagadzirwa mari dzevanhu datadza kubuda nhaimi.Ndakaita zvivindi zvekufonera World remit vanowa sisi wangu weYukeyi neap call baTaku vabuda kunogeza.’’Sis makadii zvenyu’’,ndakanzi nawo’’Ndiri right mai Taku kuri sei kuZimbabwe’’.ndakawati’’Kuri right sis hameno ikoko’’.ndakanzi ‘’Kuri right.Ndanga ndichida kukufoneraka kaa ipapa.ndakanzwa mai Tadi vachiti mune mombe nemurume wako zvino kufarm kuMarondera uko ndiri kuda Gwayimani kaa ndakatenga hadzi two dziriko zvino hamukwanise here kunditengeserawo hwani uye inenge ichiita marii’’.ndakamboramba ndakanyarara ndichibva ndazoti ‘’Magwayimani acho akakura uye munongozivawo sis kuti zvemombe ndezvevarume izvi kana mukatumira six hundred inokwana nekutakura kubva kuno Masvingo kuzoyendesa ikoko kana kuti munouya muchizotora asi mari matumira henyu pane anga achitoida bamudiki wenyu basa rakapera saka tiri kuzama kumuka’’.Zvakanzi nawo’’Saka regedza ndigotumira 500 then kana ndakuzoda kuuya motakura moyendesa kufarm’’.ndakawati’’zvakanakai sisi’’.Ndakabva ndakata zvangu iro rombo remari dzevanhu ndinaro asi reinoti yangu handina sis pavanozouyawo December ndinenge ndatsvaga five hundred yawo ndovatengera mombe yacho kuno.Havana hawo kutumira musi uyu mangwana kuseni mai Mangwaya vakafuma kuuya kumba ipapo ndainge ndiri kugadzirira vana kuti vabude.’’Tisvikewo pano’’.ndakawati’’Svikai ,mamuka sei’’vakati’’Ndamuka mai Taku.Nezuro ndakambouya ndichikutsvagai kumazuva rodoka ndikanzwa kuti manga mabuda.Tanga tambouya futi kumukando kuseni manga musipo.Manje isu tsika yedu ndeyekuti tikaona kuti umwe wedu ari kuremerwa nezvinhu zvekutadza kubatika tinochinja trezha saka ndauya kuzopihwa mari ndini ndakuibatawo’’.ndakawati’’Ko mari yacho ndinokupai muri mega here mai Mangwaya hazvidi vamwe varipo hee vachiona kuti ndasarenda mari kwamuri’’.Vakati’’Takatotaurirana kuti mari ndini ndakubata ini handinyanye kubva pamba nekuda kwetuckshop vamwe vari kuzviziva’’.Kutaura chokwadi ndakatomboda kutiza kuyenda asi ndakawati’’Regedzai kuti ndiyitore ndikupei’’.ndakadaro ndichipinda mumba.Ipapo ndaitoda kutsvaka pekubuda napo ndohutuka Harare ndosiya hangu baTaku nenhamo yake zvikwereti anozobhadharawo ndinozongoti minus kuroora raifanirwa kudyiwa nevabereki wangu asi door raiwa rimwe iwo mai Mangwaya wacho vainge vakatomira pamusiwo ukuwo mahwindo ane masimbi.Zvese izvi ndaocherechedza ndichinzwa muviri kuhuta chaiko 90 dollars pa600 ndiyo yanga yasara chete chete ndaivatambidza ndichiti yayenda kupi.Ko baTaku ndaivaudza kuti chii.Ndakatanga kuvhundumura zvinhu ndichitsvaka kusvika vadaidzira kuti ‘’Nhai mai Taku muri kuuya here ndasiya patuckshop pasina munhu’’ndakawati’;Haasi mashura here nhaimi ,baTaku asi makasiya door rakavhurika’’.ndakadaro ndichivamutsa.’’Kusiya door rakavhurika kuita sei kwacho mai Taku uri kutsvagei’’.ndakawati’’ndiri kutsvagaka mari yevaridzi yeRound ndiri kungoona 90 chete’’.vakabva vatanga kuseka baTaku nhaimi vakataurira pasi zvikanzi ‘’Uri kutsvaga mari yavakashandisa here mai Taku ndanga ndichikuona kufamba kwako kwese apa vanga uchingotiza tiza ini ndinoda kugarisana nevanhu zvakanaka ipa vanhu mari yawo iri kushota mari’’.Ndakawati’’510 ‘’.Vakatura mafemo vakanditarisa vakati’’Iro round rezvichembere iri vanga vapindirei ndisiri kuyenda kubasa mai Taku.Handiti vakuonaka pandinoti gutsikana ‘’.Vakabva vabuda panze iwo hameno vakataura kuti chii asi ndakanzwa iwo mai Mangwaya vachivava zvekuti ndakabuda ndikati’’Kubuda kwandakayita nezuro handizive kuti zvakafamba sei zvakanzi nawo ‘’Mumba munei tifanobata izvozvo muchiunganidza mari yedu atisi pachokwadi kuti mari yacho yakabiwa sekutaura kwenyu here kana kuti makashandisa mai Taku’’.vakadaro vachipinda mumba ende vakabva wati’’Tawa kutora stove iyo yakachanaka nefridge’’ndakawati’’Stove iyo ndakaitega 600 uye fridge 600 kuita 1200 saka handione sezvinoenderana batai chihwani’’.vakanzi nawo’’Tinobata zvose kana mari yedu vaunza todzosa within two months asi ikatadza kudzoka tinotengesa izvi totora mari yedu’’.

Ndakanzwa kupererwa ende vakomana vakazouya nechingoro zvikatakurwa zvikayenda.baTaku Havana zvavakataura vakaramba vakanyarara zvandakawona ndega kuti vabatikana zvisingaite.Sisi vakatumira mari iya ende ndakaona ndega kuti ndikada kugarira maoko pano hazvibude saka ndakafonera sahwira wangu kuHarae anoyenda kunohodha kuMozambique kuti anozvifambisa sei.Akati anga ari kuyenda kunohodhawo week racho iroro.BaTaku ndakavaudza kuti ndafonerwa namhama kuti ndiuye kuHarare kune nyaya dziri kunetsa mumusha saka tiri kudikwa kuti tifambe.Akangotenda mumashoko andanga ndamuudza iwayo ndakakwira bhazi ndoyenda kuHarare uko kwandakanosangana naEmily.Passport yangu ndanga ndinayo saka takazorara tawa munzira kuyenda kuMaputo asi iye akataura kuti taisayenda straight kuMaputo pane munhu vaaida kuona kuTete.Ndakamuti hazvina kushata sezvo rwendo rwuchizongoenderera mberi chete.KuMozambique takasvika rechimangwana racho iko kuTete.Emily aiwa shamwari yangu yandakatamba nayo form 1 kusvika form three pandakazosiya chikoro uye anga asati awanikwa munhu aingoita muabusiness ake ekunohodha mabhero akawanda odzoka achitengeserawo vamwe.Mota nemba zvese anga anazvo hameno chii change chiri kumutadzisa kuwanikwa.Chakandishamisa ndechekuti kuTete kwatakayenda uku ndainge ndakatarisiraka kusvika pamusha mukuru panenge pane mhuri uye panenge pane dzimbawo kuratidza kuti panogara vanhu vakawanda.Akabva anditi Emily"Wosara hakoka vakagara pano Bhiri ndiwone munhu vandiri kuda kuona mukati umo".Ndakamuti"Hezvo ipo pakati pesango pano ndinosara sei nhai Emily ngatipinde tese".Zvakanzi naye"Manje ini ndinoda munhu akasimba hana.Ndiri kurangarira uchiti unoda kuyenda kuMhiri kwaSamora".Ndakamuti"Ndosaka ndakafunga zvekuita mucross boarder murume haasi kushanda Emily".Zvakanzi naye "Manje mukushanda medu umu zvinoda kugunzviwa gunzviwa jambwa nerushambwa kuti zvinhu zvifambe".Ndakamuti"Kana pari pamba pemunhu anobatsira zvisina hurombwa mukati hazvina basa chero zvichindiendesa mberi nehupenyu".Akati"Chikumura bhutsu.Haarombese anongoita kuti zvinhu zvako zvifambe unoziva kuti kana yada hayo mhepo yemadzinza unogona kuhodha ugoshaya anotenga zvinhu zvacho manje ini maOrders angu andinobva nawo kuno anosvika achingopera ndodzoka futi ndichingodaro next month ndiri kutotengera mai wangu musha kumaNew stands ekuNyabira akabva kubuda zvinhu zviri kufamba wena".Ndakangoti hazvina kushata ndokubvisa bhutsu asi nechimiro chedumba racho uye kuwa pakati pesango ndakanzwa hana yangu kurova.Kambwa kakabuda imo mudumba kuuya patanga takamira naEmily.

Akabva andibata ruoko kwakutanga kufamba kunopinda mudumba macho.Takati tichigara pasi ini ndakagara ndakatambawara zvikanzi"pfunya chisero muzukuru".Ndisekuru wacho vakadaro.Ndakatarisa Emily ainge apfunya ake kare ndokupfunyawo angu."Ndakuonai muchiri pakati perwendo musati masvika pano.Isa makwati muzukuru ndichenese dare rako".ndakatadza kunzwisisa shona Emily akabva ati "Isa chero dollar ndiwo makwati ari kurehwa".Ndakabata muhomwe mangu ndokubuditsa five dollars ndobva ndaisa mundiro yemuti yaiwa pakati."Zvakanaka muzukuru dare rako ndaripihwa ndariona.Tambira shizha iri unoisa pachipfeko chako chemukati nderekukwezva mweya wese vakashata uri mauri.Unoripfeka kwemazuva anokwana mapfumbamwe achipera unodzoka kuno".Ndakatambira shizha racho nemaoko maviri.Emily akabatsirwa zvake asi ini ndainge ndangotarisa shizha riya.Mhiri kwaSamora ndinokuyenda neshizha iri here.Achipedzerwa takabva tangobuda tichinokwira zvimota zvinoyenda kuMaputo.Ini ndaida kuhodha bhero randinotengesa hangu ndega ndozodzoka futi.Takanohodha zvinhu zvedu kwakudzoka iye haana kutaura nyaya yekwasekuru iya kana ini handina kuyitaura shizha ndainge ndaisa papant pangu.

Kudzoka kwatakayita kuHarare ndiye akandiperekedza kusvika muMasvingo nemota yake."Handichasvike kumba kwako.Ita zvavakaudzwa zviya mushure me9 days bhero rako rinenge rapera iri".Ndakamuti"Mune hembe 200 umu dzandiri kuda kuita mafive dzinopera pa9 days here Emily ndiri kunzwa kuda kungorasa shizha racho ndosiyana nazvo ndiri kunzwa kuremerwa pandiri panapa plus ini ndine murume ndosangana sei naye".Akati"Bhiri rega kuita pwere.Haubvumirwe kusangana nemurume unenge uchikanganisa dare rako unomuudza kuti uri kuyenda kuperiod continually asi rovha iroro uri kuripakurira bonde zuva nezuva here.Munyime ndokuti abude anotsvaka basa.Unoraramiswa nechunhu here iwewe.Hona kunaka nekutsvuka kwavakaita uku kusara vaita kachembere nezvinhu zvekuti unogona kugadzirisa here".Ndakamuti"Saka wati handisangane nabaTaku ndomunyima".Akati"Ehe munyime uye mari yaunenge vatengesa bhero rako usashandisa unoshandisa after tahodha kechitwo ndokuti ikure".Ndakamuti"Thanka oh friend vandibatsira ndanga ndakwara nenhamo ko ndakajuta vanhu mari dzeround fridge nestove zvakatakurwa zvikayenda".Akaseka akati"Lets now talk of mansions and cars Bhiri.Zvemafridge izvi siyana nazvo.Rega ndidzoke kwakachena handidi kudriver husiku" Ndakamutenda ndodzika hangu nebhero rangu kuyenda kumakombi anosvika kwedu.

Ndakasvika kumba baTaku vari kuwacha mauniform evana."Maswera sei".Ndakadaro ndotura zisaga rangu pasi."Zviri sei".Ndizvo zvaakandiita ndikati"Nzara mumwe wangu vabikei pano".Akati"Unonzwa nzara uchibva kuHarare.Asi hamuna kuzofamba here".Ndakamuti"Takafamba asi hapana chisvinu chakabuda ndichadzoka futi after nine days".Akati okay ndobva ndapinda mumba.Bhero racho dzanga dziri hembe dzevana saka ndakadzibuditsa dzose ndichiisa apo ndotanga kusharira vana wangu dzimwe.BaTaku ndakavaudza kuti ndanga ndafunga zvemabhero vakati iwo vanga vari kumukira kuRutenga kushanwari yawo mukorokoza.Ndiniwo ndakazobika kudya kwemanheru.Aida kundibata ndikamuudza kuti ndiri kumwedzi akandirega.Mangwana kuseni ava kuyenda akabva andisiira 20 dollars achiti ainge atimba kugarden kweumwe munhu ndigosara ndichitsvaka zvekutenga nevana.Ndakamutenda ndikamuperekedza kusvika kuchiteshi.Pandakadzoka kumba ndakanyatsofunga nezvekwatainge tayenda kuya ndozvibvunza kuti zvinhu zvakachena here izvi.Zvisinei madays akafamba rakamboita kana five days here bhero racho rainge rapera uye baTaku vakafona vachiti vayinge vakuyenda kuMine kunotsvagawo kurarama.Pandakabuda ndichiyenda kuHarare ndichiti tiyende kuMozambique vana ndakavasiya namai Mukundi vaigara kudhuze nekumba kwedu ndakati ndokupawo zviwanikwa zveikoko ndichibva ndabuda hangu.Emily ndakasangana naye kutown kwakubuda.Shizha ndakadzosa kunasekuru uye mari yainge yatengwa ndakavaratidza ikaiswa mundiro vakazondidzosa woti
"Zvakwana zvakadaro muzukuru zvikaita sezvaderera munodzoka pano".Ndakavatenda zvikuru."Ndaifunga kuti uri kuda kundirombesa Emily asi ndafara zvapera zvakajeka wena" ndakadaro ndichidzorera mari mubag akati "Zvatakaita kuno iwe neni ndisu tinofanirwa kuzviziva hapana mumwe ,ndizvo?".
Ndakamuti okay kwakuzonopedzisa rwendo kuMaputo akandiwedzera mari yekuhodha ndikahodha zvevakuru nevadiki kwakudzoka hangu kumba kuvana.BaTaku havana kuzombondifonerawo kubva paya ndakangoti vari mumakomba kutsvaka mari.Mumwe musi ndakamuka ndakanzwa pant rangu rakati nyakata.Kudotarisa kudai panga pakazara zvakaita zvimasiriri asi ndanga ndisina kusangana nemurumeka ini saka zvainge zvabva kupi ?

*Stay tuned*

Follow Tanny's Online Novels 🇿🇼🇿🇼's WhatsApp channel. WELCOME TO TANNY M NOVELS MUZUKURU WEVANHU GWETA REVANHU YOUR SMILE KEEPER ,FEEL AT HOME MY LOVE PANO PANOBIKWA NHAPI NHAPI DZEMABOOK.DONT GO ANYWHERE🤗🥰 vanoda kushambadzirwa mabusiness awo nemitengo yakaderera tibatei apa +263780297400 . Join 76K followers for the latest updates.

https://whatsapp.com/channel/0029VaDYeL6IHphKZdYP1O25 *Munyori haape mabooks kuinbox follow this 👆🏽channel for more ...
09/05/2026

https://whatsapp.com/channel/0029VaDYeL6IHphKZdYP1O25
*Munyori haape mabooks kuinbox follow this 👆🏽channel for more books*

https://facebook.com/groups/1066047214760966/
*Follow our 👆🏽 page*

⛲🪹⛲⛲🪹⛲🪹⛲⛲

*MHIRI KWASAMORA*

⛲🪹⛲⛲🪹⛲🪹⛲⛲

*Book written by 🖊️*

*Tanny M(Muzukuru Weshaya)*

*App/Call 07802974 zero zero*

*Very Romantic and sensitive story📍📍*

*🔖Live within your means*


*Chapter 2*

Akatakura bag rake murume wangu akayenda akadaro.
Ndakamutarisa achiyenda ndozvibvunza kuti nhai Mwari murume uyu achasvikawo pana bamukuru baTalisha here kana bamukuru baTadi kana kuti ndochingotenda kuti ndiro dzenga rangu irori randakapihwa naMwari kuita chenga rose nhanga hapana risina mhodzi.Masvingo munoiziva mushe nomupisiro wayo ndakakungura kufunga Capri fridge yangu yainge yangoti kanha godzo pasina mvura inotonhora yekunwa ndakanyura musofa.Ndakaridza tsamwa ndofamba kuyenda kukitchen.Mhoti huni dzacho dzainetsa kufuridzira chinobvira.Chokwadi nekutsvuka ikoku kuuya kunondichinjisa kala kuno ruzevha.Ndakakwanisa kupisa mabuns five chaiyo ndikapa vana kuti vanwe nedrink.Ipo pamusha pedu vazhinji vanopfuura napo vachiyenda kumagarden kunodirira minda dzawo."Vakadii hako mai Takunda".Ndainge ndakagara pavharanda pfungwa dziri parefu chaipo."Ndinofara zvangu makadii".Vakati"Ndinofara ko makugara kuno here nhai vasikana"Ainge akapfeka maskirt emabox box design yacho aya ekudhara ndakamuti"Tiri kuvaka Harare vasikana zvino takambouya kunogara kuno kuti mari dzacho dzibatane munouziva here hupenyu hwemuHarare kese kavada imari iyoyo saka ehe ndimbori kuno.Dzakadii hadzo mhuri".Kwakanzi naye "Mhuri dzinofara makagona vasikana muHarare munoda vakasimba pahomwe.Zvino hamusi kuda kuyenda kugarden here".Ndakamuti"Asi kunoona hangu here ini zvekuswera ndakamonya badza mutsipa vasikana handizvigone regedza nditore sunhat.Imi munoidii henyu makareduswa brightness kare ndiri kuona kuti hamuna hat"ndakadaro ndopinda mumba.Ndakatora Hat yangu neruzambiya ndichibva ndabuda.Ndaisada kurumwa makumbo netumbuyu.Takayenda tese kumagarden kwedu kwainge kwakabata nasinyeti ndakati ndichatsvaka munhu amomugadzira ndigozomupa mari but iwo mai Tawona vakati ndipei zvenyu contract yacho ndinogadzira.Ndakati hazvina kushata.Ndiye ainge ondiudzawo rese rinoitika munharaunda uye akandizivisa kuti mune mukando unoitwa nemadzimai Chitatu chega chega unokandwa ten dollars.Ndakati fourty dollars pamwedzi handizoshaye saka ndakati ndinodawo kuupinda mukando iwowo.Zvisinei rakazodoka kwakudzoka kumba.Ndainyatsoshaya kuti ndobikira chii vana izvo zvakasvinura izvi zvinozoda here kubika everyday.Ndakatanga kufunga nyama yanga iri pabrai yasisi mai Tadi ndakatomboloser focus yekufunga kuti vana ndovabikirei ndobata rushaya kuti ko iwo vanozvigona sei izvozvo ini ndiri kukundikana kudai.Imika Mhiri kwaSamora is the goal ndakawona kuti kubika iwo matemba ndosungira mari padivi kwakanaka pakuti ndinokwanisa kuzonohodha mhiri sezvo ndine passport kumirira kamari kabaTaku zviri very pararewo kugoal rangu iri.

Mazuva akafamba ndiripo pamba chandaiita kumuka ndichibika nekugeza nekuzvivharira mumba.Sisi mai Talisha ndiwo vakazondifonera nevideo call.Ndanga ndiri panze ndichitsvaira ndakaita yekutambidzwa phone yacho naTaku."Sisi makadii".Ndakadaro ndichinomira pakanaka kuti ndikwanise kuwona screen."Ndiri right zvangu.Ndakanzwa kuti uchiri kumusha nanhasi?".Ndakawati"Ehe ndiko kwandiri sisi apa ndanga ndichisungira kamari ndiri kuda kuita hangu mucross bhodha ndichiyenda kunohodha zvinhu ndichitengesa".Zvakanzi nawo"Panoti marry wise handiti unenge uchiti tinopengaka ,unoda kuita mucross boarder kudii ko ukafira mumabhazi adai kupedza vanhu nhaiwe mai Taku.Hakuna rimwe basa raunokwanisa kuita here hooo zviya hauna olevel".Ndakaramba zvangu ndakanyarara zvakanzi nawo"Ndiri kuuya kuZimbabwe kuzotora mhama kuti vambogara kuno.Une mari here yekukwira mabhazi aah zvamai Taku".Ndakawati"Handina sisi monditumirawo World remit yangu iri active account yacho".Zvakanzi"Zvekuti world remit iri active ndizvo zvavakangwarira dzako pfungwa dzakadefotewa hadzisi active zvachose manje ndiri kuuya naBaTalishaka ini kasi iwe nemhuri tinokubookira kuzvimaBeauty spa izvi mumbogezwa mozosvika kumba nekuti apa tiri kusvikira kwamai Tadi Chisipite ".Ndakawati"Ndanga ndichingotaurawo sisi kuti account iri active mataura sekuti muri kuda kubatsira nemari yemabhazi".Ndakanzi"Haaa iweweka ungori wekubatsirwa uchazombobatsirawo aniko unongori wekubatsirwa chete here.Its alright l will land next will inform you".Ndakawati"Okay sisi maita basa mafona".Yakabva yakata hayo Oppo phone yangu.Ndakaramba ndakaibata."Gore randinogara Mhiri kwaSamora vachandinzwawo".Ndakadaro ndotanga kutsvaira.Chokwadi baTaku kubva vayende ndanga ndisina kumbovafonera ndakavafonera ndichibvunza mufaro asi ndakanzi ndiri mubhazi kuuya ikoko tinotaura tasvika vaiita sekuti munhu ane zvaanoda kutaura neni.

Ndanga ndisati ndabika saka ndakabika nekugezesa vana nekugezawo kuti vasvikewo zvinhu zviri nani.
Ndaiziva hangu kuti vaizouya nemari saka chiso changu changa chakafaranuka.Vana vakamhanyira kunovatambira kuroad vainge wane chisaga chemagrocery."Titambirs Mhofu".Ndakadaro ndichivatura chisaga chacho.Ndakanzi naye"Zviri sei".Ndakati"Ndiri bho ko indawa kuita sekuti hamusi kufara kuona mhuri yenyu".Ndakanzi"Ndiisirewo mvura yekugeza mai Taku".Ndakapinza chisaga mumba ndikabuda kunoyisa mvura yacho kutoilet kwatinogezera.Ndakasara ndovhura hangu grocery rawanga vauya naro.Ringori haro goal rekuyenda Mhiri kwaSamora rinondipa kuona murume wangu sechisiri chinhu asi anovavarira kuti ini nevana wake tiwane zvikwanisiro zvatinoda pakurarama kwedu.Mainge mune full chicken yanga iri mupuratsiki ndakaibudisa ndoyendesa kukitchen.Pavakapedza ndakapakura chikafu vakadya nevana.Tichipedza takapinda kubedroom kwedu ini ndakasvika ndichigara zvangu kumucheto kwawo.Ndakanzi"Saka pari sei pamusha".Ndakawati"Pari right ndatojaira ini".Ndakanzi"Ndakusuwa".Ndakawati"Chimbomirai izvozvo baTaku ndipei kuno pay toone kuti yakakwana here".Ndakanzi"Maweeks awanda mai Taku zvemari tinotaura afterwards".Vakadaro vachibvisa hembe yawo yekumusoro.Ndainge ndamusuwawo asi kungoti pfungqa dzangu dzikafunga zvine chekuita nemari ndinoloser focus asi apa vakati vachipedza kubvisa hembe yawo yekumusoro vakabvisa short rawo ravanga vakapfeka mukati ndakanzi"Chimbondipawo zvinhu zvangu.Uri kuda kuti pavharike here nhai shaa".Ndakati"BaTaku masikati ano here hatina kana kumbotaura nyaya dzehupenyu apa".Ndakadaro ndainge ndakapfeka kaspaghetti dress vakabva vakabvisa."I hope kuti hakuna vafudzi wemombe vanga vachiita zvisina basa newe,unodisa mari mai Taku"ndakavapusha ndikati"Saka munoti ndaivatiwa nevajana wemombe nekuti ndinoda mari muromo vakaita sei iwowo"ndakanzi"Sorry ndanga ndichida kukunzwa,ndakusuwa".Ndakaramba ndakanyarara kubatwa nekugumhwa gumhwa ikoko nyama dzanga dzatodaira chaiko.Ndakakwira pamubhedha ndega ndakanzi"Ndanga ndichida kubatirwa pasi mai Taku".ndakawati"naiwo masikati iwaya pano panopfuura vanhu vakawanda weduwe munoda kundivhuna musana Mhiri kwaSamora ndokuyenda sei".Vakaseka mbijana.Mugoona murume musvinu chaiyo kunaka akanaka hake asi homwe ndidzo chete dziri pararewo.

Pavakakwira pamubhedha vakatanga nekundikisa zvemunhu ane hosha nekuda mukadzi."Ndowimba kuti kutaundi manga musiri kuhura baTaku munoda kundiuraya nechirwere pano".Ndakanzi"Ndakakuudza kuti ndoyisa iwewe chete wani mai Taku"vakazvitaurira munzeve mangu izvozvo ndakadzikamira vachindibata muviri wangu zvinokwidza mafeelings.Uku kwaiwa kwawo manje ndakawati"Ndinotsvagwa nevanhu weround manje manje baTaku ndini ndakabatiswa mari dzevanhu wese".Ndakanzi"Ndiri kuda kukufeeler".vakadaro vachibva vabvisa kapant kangu.Inhamo zvayo asi after six months ndinochinja mapants angu kupisa ndichitenga matsva."Ko uku vakabvisira ani choya mai Taku".Ndakawati"Ndakangobvisawo kuitira kuti ndisaitisa tsvina mapants acho".Ndakanzi"Handizvidi izvozvo"vakadaro vachiyavhura makumbo acho vachibva vangoisa chinhu chawo.Ndakaita kakushinyira mbijana ndaisada kuti Purity anzwe nekuti tiri kuWaterfalls vachitamba mahumbwe ndakazomunzwa achiti inini wangu mhama vanoti awchh awchhh yandinaka kani Mhofu kana vari wese mubedroom nadaddy wangu kana ndimiwo ndakanzwa kunyara musi wacho kubva ipapo ndikakanzwa kuti kari mudhuze ndinogumha mukushinyira ndichiko*rwa chete ndingasanyadziswa pavanyarikani here nhaimi.Ipapa ndakayirohwa nayo zviya zvekuziva marounds matatu akakwana.Patakapedza ndakanzi nawo "ndine stress yakanyanyisa mai Taku vana vakuvhuraka awa".Ndakati"Ehe vakuvhura saka mune stress yeyi".Ndakanzi "KumaChina kwedu uko kune vakomana vasati vasvika 18 years vakadzvanyiwa nemichina vakafa saka company permit yekushanda yakavharwa.Mabasa edu akabva angopera".Ipapo ndainge ndakarara ndakamuka ndichigara ndikati"Saka nhaiwe baTaku yawanga uchindipa apa yanga iri warm up yerovha here".Akaramba akanyarara ndakamuti"Pandanga ndichidida kuti mai kani vadii kundimisa baTaku chokwadi ndingachemerera new entry yerovha here ende vandigumbura handidi kunyeba".Ndakanzi"Sorry mai Taku zvinhu zvanga zviri beyond control yangu ndinotsvaka hangu rimwe basa kuno kwacho".Ndakawati"Zvinhu zvako zvese mahuye bodoo baTaku izvozvi vana takachinja zvikoro vanoda manew uniforms vanoda mari dzetransport kuyenda kutown kune maprivate school zvese izvozvo zvinoda mari and uri pano uchibowa uri pamusoro pangu".

Ndakaridza tsamwa ndobva ndabuda ndichinokapura zasi ndobva ndadzoka mubedroom wanga vari pacall hameno vanga vari kutaura nani.Pavakapedza vakabva wati "Uyu mufesi wangu wekuRutenga uko anoita zvechikorokoza hameno zvinoita here kuti ndimbojegera ndiri ikoko".Ndakawati"Ini chero basa ramaita chero richiunza mari pano hazvina basa nekuti vana wangu havangaende pagovernment school".Ndakanzi"Uri mukadzi wangu Bridget hupenyu hapasi pese paunowa rosy zvinhu zvinotombowoma seumwe wangu vandakaita naye mhuri ndinenge ndichitarisirawo kuti uchawa huro yangu semusoro wemba wondibatsira nemaIdeas murudo kuti tozvifambisa sei kuti hupenyu husatiomera".Ndakawati"Iwo mutsipa wacho unoda kunzwirwa tsitsi unotakura musoro usina kana chinhu zvinenge zviri kundirwadza baTaku kuti vamwe zvawo zviri kufamba zvakanaka ko sei zvako zvichiita kunge zvakanokorwa tsoka" Zvakanzi nawo "Iwo vanhu wacho ndiwo isu ndisu tofanirwa kugutsikana nekalife katiri kurarama hatisi mucompetition naAnyone mai Taku uye hatiraramire vanhu futi mukadzi wangu.Katsika kekuda kucompeya life yako yaunorarama neni neinoraramiwa nevamwe vanhu hakuna kwatinosvika.Inga wani ndataura chikonzero chandiita kuti basa rindiperere.Kana zviri nyore kuwana basa tsvagawo tione udzoke nethree zero digits pay pano".Vakabuda mumagumbeze vakamisa zinhu rawo ndakatarisa divi ndichiita kunge ndicharicheka ndonotengesera maritualist ndomuka ndava Mhiri kwaSamora.Ndakarwadziwa weduwe ndaimbochema pane 200 yaiuya ko ikozvino pasina kana mari iri kuuya zvikoro zviri kuvhurwa vana ndovaita sei ini.

Week rakapera tichitarisana pasina anotaura neumwe ndofunga kuti kumakorokoza zvanga zvisina kubudirira kuti vayende.Painge pasarirwa nethree days kuti vana vavhure zvikoro ndakamukira kunotsvaka mutown muMasvingo chaimo.Zvikoro zvacho zvizhinji zvaidhura asi ndakazowana zvimwe zvayiita $270 paterm kureva kuti wose vari vaviri paidikwa $540 mari yemumba yandanga ndakasungira neyandanga ndapihwa yese combined yaisvika250 chete kuti ndiishandise yese zvaisaita saka pamari yeround yandainge ndakanzi semubati wehomwe chengetai yanga iriwo 600 saka ndakabvisa $390 ipapo nekuisa yangu yemumba $150 yakabva yakwana school fees yevana mauniforms ndakapihwa ipapo uye mari yeTransport ndakabvisa kuround ndikabva ndabhadhara nekuti ndaiziva kuti sisi mai Talisha pavanobva kuYukeyi vanouya wane mabhadhuru emari ndinobva ndadzosa mari yevaridzi.

Ndakagadzirisa zvinhu zvangu zvese zvevana ndikadzoka kumba.baTaku vakabvunza kuti mari yose ndanga ndayiwana kupi ndakavaudza kuti ndanga ndinayo yandakatumirwa nanasisi wangu.Havana kutaura chiro ende vana wangu pakavhurwa chikoro ndiwo wega mubhuku redu rose vaitorwa nekombi pamba kunodzidzira kutown.Vanhu vaizviyemura ndiyo life yandaida yekuita leader kwete munhu weshure.Zvisinei baTaku ndainge ndomukawo nawo nekuswera nawo pamba ende mazuva ekuuya kwasisi wangu akasvika ndainge ndagadzirira nevana kuyenda kuHarare asi ndakawona mugroup remhuri maiswa message yekuti "Ndine hurombo vanhu vaMwari maflights edu akaitwa cancelled handichakwanise kuuya September uno kuZimbabwe kuuya kwangu its late December chaiye".Ndakadotarisa ndichiti zvimwe ndisisi mai Tadi vainge vaisa message asi yainge yaiswa nasisi mai Talisha chokwadi ndakanzwa kupererwa mari yeRound yevaridzi kubva pa600 ndainge ndasara ndakabata bhuru rimwe chete.

*Stay tuned*

Follow Tanny's Online Novels 🇿🇼🇿🇼's WhatsApp channel. WELCOME TO TANNY M NOVELS MUZUKURU WEVANHU GWETA REVANHU YOUR SMILE KEEPER ,FEEL AT HOME MY LOVE PANO PANOBIKWA NHAPI NHAPI DZEMABOOK.DONT GO ANYWHERE🤗🥰 vanoda kushambadzirwa mabusiness awo nemitengo yakaderera tibatei apa +263780297400 . Join 76K followers for the latest updates.

Address

Harare

Website

Alerts

Be the first to know and let us send you an email when Tanny's Online Novels posts news and promotions. Your email address will not be used for any other purpose, and you can unsubscribe at any time.

Shortcuts

Share

Category