Agolavani / ആഗോളവാണി

04/06/2026

രാക്കവിതക്കൂട്ടം ചായം ധർമ്മരാജൻ കവിതാ പുരസ്കാരം ആർ. ആതിരയ്ക്ക്

കവികളുടെയും കാവ്യാസ്വാദകരുടെയും കൂട്ടായ്മയായ രാക്കവിതക്കൂട്ടം ഏർപ്പെടുത്തിയ ഈ വർഷത്തെ 'രാക്കവിതക്കൂട്ടം ചായം ധർമ്മരാജൻ കവിതാ പുരസ്കാരത്തിന്' എഴുത്തുകാരി ആർ. ആതിര അർഹയായി. ആതിര രചിച്ച 'മീനേ.. മീൻമണമേ' എന്ന കവിതാ സമാഹാരമാണ് പുരസ്കാരത്തിന് തെരഞ്ഞെടുക്കപ്പെട്ടത്. 25,000 രൂപയും ശില്പവും പ്രശസ്തിപത്രവും അടങ്ങുന്നതാണ് പുരസ്കാരം. 2024, 2025 വർഷങ്ങളിൽ ഒന്നാം പതിപ്പായി പ്രസിദ്ധീകരിച്ച്, മത്സരത്തിനായി ലഭിച്ച കവിതാ സമാഹാരങ്ങളിൽ നിന്നാണ് മികച്ച കൃതി തെരഞ്ഞെടുത്തത്. ഷീജ വക്കം, ഡോ. ജിനേഷ്‌കുമാർ എരമം, സി. എം. വിനയചന്ദൻ എന്നിവരടങ്ങിയ പുരസ്കാര നിർണ്ണയ സമിതിയാണ് ജേതാവിനെ പ്രഖ്യാപിച്ചത്. 2026 ജൂൺ 13-ന് പാലക്കാട് അഹല്യ ഹെറിട്ടേജ് സെൻ്ററിൽ വെച്ച് നടക്കുന്ന 'രാക്കവിതക്കൂട്ടം കാവ്യോത്സവത്തിൽ' പ്രശസ്ത കവി സച്ചിദാനന്ദൻ പുഴങ്കര പുരസ്കാര സമർപ്പണം നിർവ്വഹിക്കും. കൂടുതൽ വിവരങ്ങൾക്ക് +91 98951 44120 എന്ന നമ്പറിൽ ബന്ധപ്പെടാവുന്നതാണ്.

21/05/2026

ഹൗസ് ഓഫ് ആർട്സ് വാർഷികാഘോഷം ശനിയാഴ്ച അജ്മാനിൽ

ഷാർജ ആസ്ഥാനമായി പ്രവർത്തിക്കുന്ന പ്രമുഖ കലാപഠന കേന്ദ്രമായ ഹൗസ് ഓഫ് ആർട്സ് മ്യൂസിക് ട്രെയിനിംഗ് ഇൻസ്റ്റിറ്റ്യൂട്ടിന്റെ 24-ാമത് വാർഷികാഘോഷങ്ങൾ മെയ് 30 ശനിയാഴ്ച നടക്കും.

അജ്മാൻ ജർഫിലുള്ള ഹാബിറ്റാറ്റ് സ്കൂളിൽ വൈകുന്നേരം 5:30 നാണ് പരിപാടികൾ ആരംഭിക്കുന്നത്. പ്രശസ്ത എഴുത്തുകാരനും

റേഡിയോ കേരളം 1476 എ.എം സീനിയർ ബ്രോഡ്കാസ്റ്റ് ജേണലിസ്റ്റുമായ കുഴുർ വിൽസൺ ചടങ്ങിൽ മുഖ്യാതിഥിയായിരിക്കും.

ഇൻസ്റ്റിറ്റ്യൂട്ടിലെ വിദ്യാർത്ഥികൾ അവതരിപ്പിക്കുന്ന നാല് മണിക്കൂർ നീളുന്ന വൈവിധ്യമാർന്ന സാംസ്കാരിക പരിപാടികളാണ് അരങ്ങേറുന്നത്.

ശാസ്ത്രീയ നൃത്തങ്ങൾ, പാശ്ചാത്യ നൃത്തങ്ങൾ, ചലച്ചിത്ര നൃത്തങ്ങൾ എന്നിവ ചടങ്ങിന് മാറ്റുകൂട്ടും.

ഇതോടൊപ്പം വോക്കൽ, ഇൻസ്ട്രുമെന്റൽ മ്യൂസിക്, പെർക്കഷൻ പെർഫോമൻസുകളും വേദിയിൽ അവതരിപ്പിക്കപ്പെടും.

വിദ്യാർത്ഥികളുടെ കലാപരമായ കഴിവുകളെ പ്രോത്സാഹിപ്പിക്കുന്നതിനൊപ്പം ഇന്ത്യൻ സംസ്കാരവും പാരമ്പര്യവും യു.എ.ഇയിലെ യുവതലമുറയ്ക്ക് പരിചയപ്പെടുത്തുകയാണ് ഈ മേളയുടെ ലക്ഷ്യം.

കഴിഞ്ഞ 2002 മുതൽ ഷാർജ അൽ മജാസ് കേന്ദ്രീകരിച്ച് പ്രവർത്തിക്കുന്ന സ്ഥാപനമാണിത്.

വിദ്യാർത്ഥികൾ, രക്ഷിതാക്കൾ, കലാകാരന്മാർ എന്നിവരുൾപ്പെടെ വിപുലമായ ജനപങ്കാളിത്തമാണ് സംഘാടകർ പ്രതീക്ഷിക്കുന്നത്.

ഏവരെയും ഈ വാർഷികാഘോഷ പരിപാടിയിലേക്ക് സ്നേഹപൂർവ്വം ക്ഷണിക്കുന്നതായി ഹൗസ് ഓഫ് ആർട്സ് മാനേജർ ഷാജി ജോർജ് അറിയിച്ചു.

#ഹൗസ്ഓഫ്ആർട്സ് #കുഴുർവിൽസൺ #സാംസ്കാരികപരിപാടികൾ

27/04/2026

Celebrating my 11th year on Facebook. Thank you for your continuing support. I could never have made it without you. 🙏🤗🎉

27/04/2026

ദുബായിക്കൊപ്പം ഞങ്ങൾ മുന്നോട്ട് കുതിക്കുന്നു; തൊഴിലാളികളുടെ ഐക്യദാർഢ്യഗാനം പുറത്തിറക്കി ജി ഡി ആർ എഫ് എ ദുബായ്
---------
ദുബായ്: ലോകത്തിലെ ഏറ്റവും സജീവവും വികസനോന്മുഖവുമായ നഗരങ്ങളിലൊന്നായ ദുബായുടെ ഉയർച്ചയ്ക്ക് പിന്നിൽ അധ്വാനവും വിയർപ്പും സമർപ്പിച്ച തൊഴിലാളികളുടെ മനസ്സിനെയും ഐക്യദാർഢ്യത്തെയും ഉയർത്തിക്കാട്ടുന്ന പ്രത്യേക ഗാനവുമായി ജി ഡി ആർ എഫ് എ ദുബായ് രംഗത്ത്. തൊഴിലാളികൾ ദുബായോടുള്ള അവരുടെ സ്നേഹവും പ്രതിബദ്ധതയും പ്രകടിപ്പിക്കുന്ന ഈ ഗാനം ഹിന്ദിയിലാണ് പുറത്തിറക്കിയിരിക്കുന്നത്.

ജി ഡി ആർ എഫ് എയുടെ ലേബർ റെഗുലേഷൻ ഡിപ്പാർട്മെന്റ് പുറത്തിറക്കിയ ഈ ഗാനത്തിന്റെ വീഡിയോ, നഗരത്തിന്റെ വളർച്ചയ്ക്ക് അടിസ്ഥാനം തീർത്ത തൊഴിലാളികളുടെ ജീവിതവും അവരുടെ മനസ്സിലെ വികാരങ്ങളും ഹൃദയസ്പർശിയായി അവതരിപ്പിക്കുന്നു. അന്യദേശങ്ങളിൽ നിന്നെത്തി കഠിന സാഹചര്യങ്ങൾ അതിജീവിച്ച് സ്വപ്നങ്ങളെ യാഥാർത്ഥ്യമാക്കാൻ പോരാടുന്ന അവരുടെ ജീവിതയാത്രയാണ് ഗാനത്തിന്റെ പ്രമേയം.

“ദുബായിക്കൊപ്പം ഞങ്ങൾ മുന്നോട്ട് കുതിക്കുന്നു” എന്ന ആശയം മുഴുവൻ ഗാനത്തിലും നിറഞ്ഞുനിൽക്കുന്നു. യുഎഇ ദേശീയ പതാകയുമേന്തി പ്രതിസന്ധികളെയും സംശയങ്ങളെയും അതിജീവിച്ച് ആത്മവിശ്വാസത്തോടെ മുന്നോട്ട് പോകുന്ന ദുബായുടെ മനസും തൊഴിലാളികളുടെ അടങ്ങാത്ത മനോബലവും ഗാനത്തിന്റെ മുഖ്യസന്ദേശമായി ഉയർന്നുവരുന്നു.

തൊഴിലാളികളുടെ അമൂല്യമായ സംഭാവനയെ അംഗീകരിക്കുകയും അവരുടെ ആത്മാഭിമാനത്തെ ഉയർത്തുകയും ചെയ്യുക എന്ന ലക്ഷ്യത്തോടെയാണ് ഗാനം പുറത്തിറക്കിയിരിക്കുന്നത് ജി ഡി ആർ എഫ് എ ദുബായ് അസിസ്റ്റന്റ് ഡയറക്ടറും, പെർമനന്റ് കമ്മിറ്റി ഓഫ് ലേബർ അഫേഴ്സ് ചെയർമാനും തഖ്‌ദീർ അവാർഡ് കമ്മിറ്റി ചെയർമാനുമായ മേജർ ജനറൽ ഉബൈദ് മുഹൈർ ബിൻ സുറൂർ വ്യക്തമാക്കി.

12/04/2026

11/04/2026

Dubai-based art and culture studio Malhaar has released a moving new video that captures young Indian children performing the UAE National Anthem on traditional Indian instruments.

22/03/2026

വോട്ട് ചെയ്യുന്നത് മുടക്കാറില്ലെന്നും
ഇത്തവണയും വോട്ട് ചെയ്യാനാകുമെന്നാണ് പ്രതീക്ഷയെന്ന് എം.എ യൂസഫലി.

ഗൾഫിലെ സാഹചര്യങ്ങൾക്ക് അനുസരിച്ച്, ഇത്തവണയും വോട്ട് ചെയ്യാനാകുമെന്നാണ് കരുതുന്നത്. ലോകത്തിലെ ഏറ്റവും ജനാധിപത്യ രാജ്യമാണ് ഇന്ത്യ. വോട്ടവകാശം ഓരോ പൗരൻ്റെയും കടമയും അവകാശവുമാണ്. ഇത്തവണയും ഞാൻ പഠിച്ച തൃശൂർ നാട്ടിക സ്‌കൂളിലെത്തി വോട്ട് ചെയ്യാനാകുമെന്നാണ് കരുതുന്നതെന്നും എം.എ യൂസസലി ദുബായിൽ
മാധ്യമങ്ങളോട് പറഞ്ഞു.

21/03/2026

പെരുന്നാൾ സമ്മാനമായി 'ഈദ് ഹോസ്പിറ്റാലിറ്റി'; ജയിൽ അന്തേവാസികൾക്ക് കുടുംബങ്ങളെ കാണാൻ അവസരമൊരുക്കി
————————————————
ദുബായ്: ചെറിയ പെരുന്നാൾ ദിനത്തിൽ അൽ അവീറിലെ നിയമലംഘകരുടെ താമസകേന്ദ്രത്തിലുള്ളവർക്ക് കാരുണ്യത്തിന്റെ സ്പർശമായി ദുബായ് ജി ഡി ആർ എഫ് എ യുടെ വേറിട്ട ഉദ്യമം. ഈദ് ദിനത്തിൽ പ്രിയപ്പെട്ടവരെ കൺകുളിർക്കെ കാണാനും സംസാരിക്കാനും അന്തേവാസികൾക്ക് അധികൃതർ അവസരമൊരുക്കി. 'ഈദ് ഹോസ്പിറ്റാലിറ്റി' എന്ന പേരിൽ നടപ്പിലാക്കിയ പദ്ധതിയിലൂടെ വിവിധ രാജ്യക്കാരായ നിരവധി പേർക്കാണ് തങ്ങളുടെ കുടുംബങ്ങളുമായി വീഡിയോ കോളിൽ സംസാരിക്കാൻ സൗകര്യം ലഭിച്ചത്.

#ഈദ്സമ്മാനം #കാരുണ്യസ്പർശം #പ്രവാസിലോകം #ഈദ്മുബാറക്