23/08/2026
د پکتیا او خوست ترمنځ غځیدلي سړک د ۱۷ کیلو متره یوې برخې د بیارغونې چارې پیل شوې
د پکتیا ولایت د ټولګټو چارو ریاست مسؤلین وايي، چې د پکتیا او خوست ترمنځ د عمومي سړک د ګردیز ښار له «خوست اډې څخه تر غلګۍ» سیمې پورې د ۱۲۲ میلیونه ۳۹۸ زره ۸۱۱ افغانیو په لګښت د ۱۷ کیلومتره سړک د بیارغونې چارې پیل شوې.
د پکتیا ولایت د ټولکټو چارو رئیس وايي، د ګردیز او خوست ترمنځ سړک ځینې برخې زیاتې تخریب شوې دي چې د تګ راتګ پرمهال خلک زیاتو ستونزو سره مخ دي اوس په اساسي توګه بیارغول کېږي.
هغه زیاتوي په دې پروژه کې د ۱۷ کیلو مترو په اوږدوالې او ۷.۲۰ سانتې سور په لرلو سره سړک، د ۲۵ متره په اوږدوالې سره استنادي دیوال او یو پل جوړول شامل دي چې ټول لګښت د اسلامي امارت له لورې ورکول کېږي او ټاکل شوې چې د یادې پروژې چارې به په راتلوونکو ۶ میاشتو کې بشپړې شي.
