کونړ د مخابراتو او معلوماتي ټکنالوجۍ ریاست

18/11/2020

17/09/2020

د مخابراتو او معلوماتي ټکنالوجۍ سرپرست وزیرې معصومه خاوری سره د اوولس ولایتونو د مخابراتو رییسانو تعارفي لیدنه

پنج شنبه، د وږی ۲۷مه

پدې ناسته کې، د هیواد ۱۷ ولایتونو ډیجیټل همغږی کونکي (کابل، پنجشیر، بغلان، کنر، نورستان، ‏ننگرهار، لغمان، غور، پروان، فاریاب، جوزجان، لوگر، نیمروز، میدان وردک، کندز، خوست، کاپیسا و بدخشان) رئیسانو، د وزارت نوي مشرتابه ته د مبارکۍ ویلو ترڅنګ د خپلو اړوندو ریاستونو د فعالیتونو، اجرااتو، ننګونو او د کار څرنګوالی په اړه مالومات ورکړل.
اغلې معصومه خاوري د واليانو دندو او مسؤلیتونو ته په اشارې سره او د ولایت په کچه غوښتنو او اړتیاو ته په کتو سره په دندو کې د دوی د لا زیاتو هڅو او پاملرنې غوښتنه وکړه؛ په ځانګړي توګه د کرونا دورې وروسته، چې د ټکنالوجۍ او مخابراتو رول او اهمیت خورا ډیر شوی.
په دې ناسته کې د پروګرامونو او پروژو د پلي کولو څرنګوالي او ذیربطو ادارو ترمینځ د همغږۍ پیاوړې کولو او اهمیت په اړه تفصیلي خبرې وشوې. همداراز د مخابراتو ولایتي رئیسانو ته لارښوونه وشوه چې هره ورځ د په منظم ډول په خپلو دندو کې حاضر اوسئ.
د وزارت مشرتابه ژمنه وکړه چې د ولایتي څانګو سره به اړیکې او همغږي زیاته کړي ترڅو په وخت سره مسلې او ستونزې حل کړي.

16/09/2020

د مخابراتو او معلوماتي ټکنالوجۍ وزارت نوې سرپرست او نوماند وزیره معرفي شوه

دوشنبه، د وږي ‏24 مه نیته

نن دو شنبه د روان کال د وږي میاشتې په څلور ویشتمه نېټه د مخابراتو او معلوماتي ټکنالوجۍ وزارت نوې سرپرست او نوماند ‏وزیره معصومه خاوري د ولسمشر د دوېیم مرستیال قانونپوه محمد سرور دانش له لوري ددې وزارت کارکوونکو ته وروپېژندل ‏شوه‎.‎
د آغلې معصومه خاوري د معرفي په غونډه کې د دولت لوړ پوړو چارواکو، ګڼ شمېر سیاسیونو، د ملي شوا غړو، رسنیو استازو ‏او ددې وزارت کارکوونکو ګډون کړی وو‎.‎
جلالتماب سرور دانش په خپلو خبرو کې د مخابراتو او معلوماتي ټکنالوجۍ وزارت د دولت یوه له مهمو او عایداتي څانګو څخه ‏وبلله، چې د ټکنالوجۍ په برخه کې وروستي لاسته راوړنو ته د لاسرسي لپاره د دولتي او خصوصي سکتور ترمنځ د پل حیثیت ‏لري‎.‎
هغه هیله څرګنده کړه چې د نوي مشرتابه په راتګ او د پخوانیو برنامو په دوام سره به د بریښنایي حکومتولی موخې او د دولتي ‏ادارو ډیجیټل کیدل به په راتلونکو کلونو کې پلي شي‎.‎
ورپسې، د مخابراتو او معلوماتي ټکنالوجۍ سرپرست وزیرې اغلې معصومه خاوري د دې مسؤلیت لپاره د حکومت مشرتابه له ‏باور څخه خپله مننه او قدرداني څرګنده کړه او د وزارت راتلونکي لپاره یې د خپل د پلانونو په اړه خبرې وکړې‎.‎
اغلې خاوري په تیرو کلونو کې د مخابراتو او معلوماتي ټکنالوجۍ وزارت د مشرتابه د خدمتونو یادونه وکړه او ویې ویل چې ‏نوی مشرتابه، د وزارت د موجوده پلانونو په تسلسل سره، د معلوماتي ټکنالوجۍ او مخابراتو سکتور ودې، برښنایی حکومتولی ‏رامینځته کولو لپاره نوي پلانونه او برنامې پلي کړي او د فساد او تبعیض پر وړاندې مبارزه کې به هراړخیزې هڅې وکړي‎.‎
د مخابراتو او معلوماتي ټکنالوجۍ پخواني سرپرست ښاغلي محمد فهیم هاشمي د وزارت نوې سرپرست او نوماند وزیرې معصومه ‏خاوري ته د مبارکي ویلو تر څنګ په چارو کې هغې ته د بریا غوښتنه وکړه‎.‎

14/09/2020