Drejtoria E Turizmit, Trashëgimisë Kulturore Dhe Rinisë

19/06/2026

Triathlon Pogradec 2026
○ Programi i Eventit

Triathlon Pogradec 2026 do të zhvillohet më 21 Qershor në zemër të qytetit të Pogradecit, me qendër aktiviteti në Sheshin Odeon. Eventi pritet të mbledhë rreth 100 atletë nga Shqipëria dhe rajoni, si dhe mbi 300 spektatorë dhe mbështetës të sportit.

Gara do të nisë në orën 09:00 me disiplinën e notit në ujërat e Liqenit të Ohrit, për të vijuar më pas me segmentin e çiklizmit dhe atë të vrapimit.

Pjesëmarrësit do të garojnë në dy kategori:

Kategoria Sprint

* 750 m Not
* 20 km Biçikletë
* 5 km Vrap

Kategoria Olimpik

* 1500 m Not
* 40 km Biçikletë
* 10 km Vrap

Përgjatë gjithë ditës, Sheshi Odeon do të shndërrohet në qendrën e festës sportive, ku atletët, familjarët, turistët dhe qytetarët do të mund të ndjekin garën, të shijojnë atmosferën festive, muzikën, ushqimin dhe aktivitetet shoqëruese.

Pas përfundimit të garës do të zhvillohet ceremonia zyrtare e ndarjes së çmimeve për fituesit e kategorive përkatëse, duke kurorëzuar një ditë të mbushur me sport, energji pozitive dhe emocion.

17/06/2026

TRIATHLON POGRADEC 2026
🔴Bllokim i përkohshëm i qarkullimit rrugor
21 Qershor 2026 | 08:00-12:00
Në kuadër të zhvillimit të aktivitetit sportiv “Triathlon Pogradec 2026”, i cili përfshin tre disiplina sportive: not, çiklizëm dhe maratonë vrapimi, njoftojmë qytetarët se ditën e diel, më 21 Qershor 2026, në intervalin kohor 08:00–12:00, do të ketë bllokim të përkohshëm të qarkullimit në aksin rrugor Lin–Pogradec.
Përgjatë këtij intervali, qarkullimi i mjeteve do të devijohet në itinerarin alternativ:
📍 Qukës–Qafë Plloçë–Pogradec
Lutemi që të gjithë drejtuesit e mjeteve të respektojnë sinjalistikën rrugore dhe udhëzimet e Policisë Rrugore, duke planifikuar lëvizjet e tyre në përputhje me kufizimet e përkohshme të qarkullimit.
Faleminderit për mirëkuptimin!

16/06/2026

NJOFTIM PËR DËGJESË PUBLIKE
Bashkia Pogradec fton qytetarët, organizatat e interesit dhe grupet e tjera të interesuara të marrin pjesë në dëgjesën publike për prezantimin e projektit:
“Rehabilitimi i Qendrës Kulturore ‘Lasgush Poradeci’”
Data: E enjte, 18 Qershor
Ora: 11:00
Vendi: Salla e Këshillit Bashkiak Pogradec
Gjatë kësaj dëgjese do të prezantohet projekti i rehabilitimit të Qendrës Kulturore “Lasgush Poradeci”, si dhe do të mblidhen mendime, sugjerime dhe komente për këtë investim të rëndësishëm për jetën kulturore të qytetit.
Pjesëmarrja juaj është e rëndësishme për të kontribuar në zhvillimin dhe përmirësimin e hapësirave publike dhe kulturore të Pogradecit.
Mirë se të vini!

14/06/2026

08/06/2026

04/06/2026

☀️6 Qershor 2026
📍 Pogradec
Programi nis në orën 08:30 me fluturimin turistik mbi liqen me hidroplan, ndërsa në orën 11:00 do të zhvillohet ceremonia e hapjes së eventit në sheshin përballë Qendrës Kulturore “Lasgush Poradeci”.
Gjatë ditës do të mund të shijoni: • Koncert festiv
• Panairin e punimeve artizanale dhe kulinarisë
• Teatrin e kukullave në Sheshin e Trëndafilave
• Aktivitete sportive në shëtitoren e bregliqenit (Beach Volley, Handball, Futboll në rërë, Beach Tenis dhe Kung Fu)

Mbrëmja do të kulmojë me •Spektaklin “Miss Shqipëria 2026” dhe koncert me artistë të njohur, në orën 19:30 në Odeonin e qytetit si pjesë e eventit të bukurisë shqiptare.
Ju mirëpresim të festojmë së bashku fillimin e një sezoni të ri turistik në qytetin e Pogradecit
! 🌊☀️🏞️