13/09/2026
Sot, më 13 shtator përkujtojmë 119-vjetorin e lindjes së një prej figurave më të ndritura të letërsisë shqiptare, Dhimitër Pasko, i njohur me pseudonimin Mitrush Kuteli.
Mësimet e para i mori në qytetin e tij të lindjes, Pogradec, ndërsa studimet e mesme i kreu në Selanik, në Shkollën Tregtare Rumune (1921-1928). U diplomua më 1931 në Bukuresht dhe në Shkurt 1934 mori doktoratën në shkencat bankare dhe monetare me vlerësimin më të lartë “Doktor i shkencave ekonomike”. Ka mbajtur pozicione të rëndësishme si: Drejtor i Bankës Nacionale të Rumanisë, Drejtor i Drejtorisë Qendrore të Bankës së Shtetit Shqiptar, etj. Kuteli botoi 16 libra dhe 25 artikuj në gjuhën rumune mbi ekonominë dhe financat.
Në këtë përvjetor është e rëndësishme të nderojmë trashëgiminë e tij dhe të rikujtojmë ndikimin e pazëvendësueshëm që Mitrush Kuteli ka pasur dhe do të ketë për letërsinë dhe kulturën shqiptare.
Foto 1: Mitrush Kuteli
Foto 2: Poezia e parë e botuar prej tij, nën emrin Dhimitraq Pandi, në faqet e revistës lokale “Kalendari Poradeci”, botim i vitit 1920.
