26/06/2024
Unë protestoj për të gjithë viktimat e kësaj maskarade që luhet me shëndetin e të sëmurëve me kancer. Si bijë e një nëne që ndërroi jetë nga kjo sëmundje makabër, ia njoh mirë vuajtjet dhe dhimbjen të sëmurëve dhe familjarëve dhe ju them me bindje se ky është një krim monstruoz në përmasat e krimit kundër njerëzimit. Mendoj se kjo është një nga ato çështje që na prej të gjithëve e ky lloj korrupsioni duhet të marrë fund e duhet dënuar maksimalisht si vrasje me paramendim ndaj masave të gjera. Këta lloj monstrash që “kapin Tailandën me 3 operacione” duhen dënuar me injektimin e sëmundjes në trup dhe mungesën e mjekimit. Nuk kam fjalë të përshkruaj dhimbjen që më përshkon e lotët më gërryejnë shpirtin për mallin e familjarit që më mungon. Sikundër i jam mirënjohëse mjekut kimioterapist Gentian Kaloshi që ndoqi me përkushtim dhe nuk kurseu asnjë moment asgjë për t’i shërbyer me dinjitet familjarit tim.
Unë sot jam zëri i të gjithë atyre që dhimbjen e kanë kthyer në forcë për të qëndruar krah familjarëve të tyre në betejën me të pamundurën me kancerin! https://www.instagram.com/reel/C8pbtlPNXTX/?igsh=MW9zczRqMWd4Y2MxYw==