06/06/2026
Familjarët e Flamur Kolmarkut, 55 vjeç, bëjnë apel për ndihmë në gjetjen e tij, pasi kanë humbur kontaktet prej më shumë se një dite.
Sipas të afërmve, 55-vjeçari është parë për herë të fundit në Durrës, pranë terminalit të autobusëve. Që nga ai moment nuk ka pasur më asnjë komunikim me familjen dhe vendndodhja e tij mbetet e panjohur.
Familjarët bëjnë me dije se Flamur Kolmarku vuan nga demenca dhe ka probleme të theksuara me kujtesën, gjë që e bën të vështirë orientimin e tij dhe mund ta vendosë në rrezik.
Të shqetësuar për fatin e tij, ata u bëjnë thirrje qytetarëve që mund ta kenë parë ose të kenë informacion mbi vendndodhjen e tij, të kontaktojnë sa më shpejt me familjen.
Për çdo informacion, telefononi në numrin:
📞 +355 68 206 5729
Familjarët kërkojnë që njoftimi të shpërndahet sa më shumë me shpresën se 55-vjeçari do të gjendet sa më shpejt dhe do të kthehet pranë të afërmve të tij.
