«Պերսոնա Գրատա» ընկերությունը հիմնադրվել է 2006 թվականին՝ որպես գովազդային գործակալություն: Աշխատանքի գործելաոճ ընդունելով նորարարությունների ներդրումը և աշխատանքի հանդեպ ստեղծագործական ու պատասխանատու մոտեցումը՝ ընկերությունը կարողացել է առաջատար դիրք զբաղեցնել հայրենական գովազդային շուկայում:
Իր գործունեության ընթացքում գործակալությունը միտված է եղել անընդհատ զարգացման, ինչի արդյունքում ընդլայնելով մատուցվող ծառայությունների տեսականին` դարձել է «Պերսոնա Գրատա Գրուպ», որը տրամադրում է մարքեթինգային ու գովազդային ծառայությունների ամբողջական փաթեթ՝ հեռուստատեսային, ռադիո, արտաքին գովազդի պատրաստում, մարքեթինգային լուծումներ, մարքեթինգային հետազոտությունների իրականացում, ինտերնետային մարքեթինգ, PR ծառայություններ, ֆլեշմոբերի կազմակերպում, վիրուսային գովազդների մշակում և այլն:
Գործակալության թիմը կազմված է փորձառու և ստեղծագործ մարդկանցից, ովքեր գովազդի և մարքեթինգի ոլորտում երկար տարիների փորձ ունեն: Նրանց կողքին աշխատում են նաև բազմաթիվ երիտասարդներ, ովքեր ձգտում են անընդհատ կատարելագործման ու զարգացման: Փորձված մասնագետների և երիտասարդների նվիրված աշխատանքի շնորհիվ է, որ ստեղծվում են յուրօրինակ ու արդյունավետ աշխատանքներ՝ ապահովելով ընկերության առաջատար դիրքը:
Կարգախոս` Քայլի´ր առաջ
