27/05/2026
Մայիսի 27ը` Մարքեթինգի միջազգային օր ✅😊
Ճանապարհս մարքեթինգում չի սկսվել մեծ գործակալություններից կամ երազանքների ընկերությունից։
Ամեն ինչ սկսվեց ուսանողական տարիներին՝ հագուստի խանութում, որտեղ աշխատում էի որպես վաճառքի խորհրդատու։ Գործնականում սովորում էի՝ ինչպես են մարդիկ մտածում, ինչն է ստիպում նրանց վստահել, ինչու են գնում և ինչպես է ճիշտ հաղորդակցությունը փոխում ամեն ինչ։
Հետո մտա օպտիկայի ոլորտ, քոնթենթ էի ստեղծում։ Դրանից հետո՝ B2B նախագծեր, տարբեր բիզնեսներ, տարբեր լսարաններ ու լիովին տարբեր խնդիրներ, որոնց պետք էր լուծում տալ։
Ավելի ուշ՝ քոնթենթի ու կայքերի հետ կապված աշխատանքի շնորհիվ մուտք գործեցի Կենտրոնական բանկի էկոհամակարգ, և ժամանակի ընթացքում աշխատանքս վերածվեց ավելի մեծ հաղորդակցության, թվային (digital) և ռազմավարական նախագծերի։
Հիմա, հետադարձ հայացք գցելով, մի բանի համար եմ իսկապես շնորհակալ՝ որ երբեք ինձ չեմ սահմանափակել միայն 1 ուղղությամբ։
Տարիների ընթացքում հասցրել եմ աշխատել լիովին տարբեր ոլորտների հետ՝ շինարարություն, լոգիստիկա, ֆինանսներ, հաշվապահություն, լվացքի միջոցներ, կրթություն, retail, անձի բրենդինգ և ոչ միայն... Ընդ որում՝ հայկական, լեհական, ռուսական և ամերիկյան (US) շուկաներում։
Ու եթե անկեղծ՝ հենց այս բազմազանությունն է դարձել իմ ամենամեծ առավելությունը։
Որովհետև յուրաքանչյուր ոլորտ քեզ սովորեցնում է նոր հոգեբանություն, սպառողի տարբերվող վարքագիծ ու արժեքը ճիշտ տեղ հասցնելու նոր ձևեր:
Մարքեթինգն ինձ սովորեցրեց, որ ոչ մի փորձ «փոքր» չէ, եթե գիտես՝ ինչպես դրանից սովորել ու աճել։
