Seif -Research Blog

Seif -Research Blog Entrepreneur/Ideas Hunter/Researcher . Egyptian resident in Austria . Traveler 16 Countries .

"سيف" مصري-مقيم بالنمسا .
درست الهندسة والأعلام والاعمال
-----
-مازلت اتعلم للوصول الي تطبيق عملي بالإبداع والتطوير .
-مهتم بالتدوين في عدة مجالات .
-أحاول بث الأمل بقدر الاستطاعة عن طريق تدوين مواضيع وسطور تحوي أفكار قد تكون باب للمضي قدما.
-حاصل علي...
-جايزة افضل متطوع بالامم المتحدة افريقيا .
-مؤسس فريق الطوارئ المصرى 2011-2021 . (فريق اغاثي-482 متطوع من مختلف المجالات - الالاف الوجبات اليوم

ية المجانية للاسر ذات الدخل المنخفض وتوصيلها بشكل لائق - تأسيس عشرات المشاريع كمصدر دخل رئيسي للأسر المعيلة - التكفل باصلاح اجهزة المستشفيات العامة في محافظة الغربية - تقديم الدورات الاغاثية للشباب والاستعدادات للكوارث - المساهمة وتقديم الدعم داخل وخارج ارجاء مصر - المساعدة في عودة عشرات الاطفال المتسربين من التعليم بسبب الفقر بعد اقامة مشاريع صغيرة لأسرهم - توفير منازل امنة لمصابي السيول واحداث العريش والصعيد - مطبخ متكامل منذ 9 سنوات لمحاربة الجوع ) .
-مؤسس منصة "KS" منصة الكترونية تهتم بتقديم الخدمات المجانية لشباب مصر والوطن العربي في مجالات (التعليم-الحصول علي منح-السفر والهجرة-الاستثمار-التبادل العلمي والعملي-التوظيف) .
+ساهمت المنصة فيه خفض نسبة الهجرة الغير شرعية .
+لدي المنصة مئات الالاف من المتابعين .
+ 723 متابع قد حصل علي فرصة سفر ومنحة مجانية .
+11000 متابع حصلوا علي فرص داخل بلدانهم .
+مئات الفرص التدريبية والتطوعية .
-عدة مؤلفات ومقالات داخل وخارج مصر .
-اقمت بعدة بلدان وسافرت للعديد من الدول 16 دولة تقريبا .
-عدد من الجوائز الخاصة بالتنمية والتطوير داخل وخارج مصر .
-الالتحاق بالاكاديمية الوطنية العسكرية برنامج صناع القرار وادارة الكوارث .
-مؤسس ورئيس شركة (--------) لابحاث التطوير وتحليل البيانات وحلول التأثير الاجتماعي ودراسة المنشئات .
-مؤسس وشريك لمجموعة مطاعم داخل وخارج مصر
---
سيف عامر
----
'SA .

مساء الخير.. نظرا للازمة الحالية اللي بتعيشها مصر!حد مهتم بعرض انواع واسعار مراوح الشحن؟-فيها اضاءة -بتشحن بسرعة كباور ب...
30/06/2024

مساء الخير.. نظرا للازمة الحالية اللي بتعيشها مصر!

حد مهتم بعرض انواع واسعار مراوح الشحن؟
-فيها اضاءة
-بتشحن بسرعة كباور بنك
-ممكن تشحن اجهزة تانيه
-تشغل جهاز زي راوتر او لابتوب
-غيّر عملها هيا كمروحة قوية والتحكم فيها بالريموت
-مع ودورانها ٣٦٠ درجة
-وإمكانيه تطويلها متر وربع ارتفاع عن الارض .

المروحة دي؛! واحدة من٣ انواع برشحهم في الازمة الحالية وهيا صيني لكنّ بتباع تقفيل كوري في الامارات والكويت وممكن طلبهم في خلال ايام لو حد مهتم بعرضهم وشرح مميزاتهم وأسعارهم.

اذا فيه مهتمين بالموضوع؟!
يكتبولي وان شاء الله اشرحهم كلهم بالصور والفيديوهات علي الصفحة هنا او علي جروب ترشيحات الاجهزة اللي كنت بكتب فيه عن مراجعتي للمنتجات ذات الثقه .

مشكلتها هيا سعرها، صحيح مش غالية برة لكن عشان الجمارك والشحن، لو حصل وجمعنا عدد اوردرات كويس، ممكن اشوف حد متخصص شحن ونتوكل نطلبها كشحنه لمصر ونوزعها لكل اللي محتاجها بالاخص للمرضي وللاطفال ..

وربنا يعدي المحنه ..

انجازات صغيره .. للتوثيق دا مدير شركة نيسان مصر ، اتعاملنا مع بعض في شغلانه كدا سريعه والحمدلله تمت بكل توفيق وبعد فترة...
01/05/2024

انجازات صغيره .. للتوثيق
دا مدير شركة نيسان مصر ، اتعاملنا مع بعض في شغلانه كدا سريعه والحمدلله تمت بكل توفيق وبعد فترة من اتمام العمل لقيته ارسل الرسالة دي واللي حقيقي فرحتني جدا ان لسه فيه ناجحين في مصر وبيفهموا في التعامل وقادرين علي شكر غيرهم بعد تمام الاعمال. شكرا شركة نيسان ووكيلها عائلة السبع انهم بالذوق دا وممتن اني كنت جزء من نجاحهم في الفترة الجاية اللي هتبقي مفاجاة فظيعه ان شاء الله .

اما الاسكرين شوت التاني فهيا تعليق بسيط من دكتور محمد أنصاري المتخصص في ال artificial intelligence وضيف دائم للجامعات والملتقيات العالمية داخل وخارج مصر لتطوير التعليم والاعمال باستخدام الذكاء الاصطناعي وعلوم البيانات وتحليل المعلومات الخ، ان شاء الله اكون سبب في حاجة كويسة ينفذها قريب، مفادها مقترح لمخطط تدريب خاص للمحترفين في مجالات وتخصصات و ... ! خلوها مفاجأة برضه

بداعي الذكر
عندي رسايل وسكرين شوت لحاجات شبه كدا من اماكن مختلفة وشخصيات اجنبيه ومؤسسات حكوميه ولقاءات اعلامية وشخصيات سياسية داخل مصر وغيرها من انجازات بسيطة الحمدلله، لكن مش بعرف انشرها وبكتفي بالاحتفاظ بيها كذكري كويسة لنجاحات بيعملها كل واحد فينا بمجاله وتخصصه . الرسالتين دول لانهم لسه النهاردا فقولت اوثق نشرهم علي فيسبوك عل وعسي يبقي لنا عمر وفيسبوك يفكرنا بيهم في الاوقات الصعبة اللي بنحتاج فيها رسايل تفكرنا اننا كان لنا دور ولزمة .

آخيرا
اذا حد بيتابع مدونتي الصغيرة اللي هيا الصفحة دي والموقع الخاص بأعمالي وشركتي وفريقي، يتمني لي الخير واني ارجع اكتب تاني علي الصفحة والمدونة كنوع من نشرّ المعرفة اللي هيا عند ناس كتير لكن ديما بنحتاج لتذكره والواحد بيحاول يكون عنصر فعال في المجتمع وسبب في فتح ابواب النور لاخرين يكونوا احسن منه بمجرد الهامهم بكلمة او بفكرة، سطر صغير ممكن يغير حياة بنيّ آدمين لمجرد انه ناقش حاجة بيتمناها ومش عارف يبدأها ولا متشجع يدرسها او يكتشفها..

شكرا لجميع المؤثرين المحترمين اللي بنتعلم منهم ازاي يكون التواضع وحسن التواصل وإيجابية التأثير وثقةً التواجد علي المنصات الاجتماعية وضرورتها . تحياتي

S.jozif
Seif -Research Blog

اهلاً بالمهتمين🥂استكمال لاقتراحات تطوير •{منتجات الاطفال - Baby Care products}•-مقدمةالآباء زي مابيحبوا اطفالهم وعاوزي...
30/10/2023

اهلاً بالمهتمين🥂
استكمال لاقتراحات تطوير
•{منتجات الاطفال - Baby Care products}•
-مقدمة
الآباء زي مابيحبوا اطفالهم وعاوزينهم في احسن حال
هما كمان عاجزين في وضعنا الاقتصادي الحالي علي تلبية احتياجاتهم اليومية، ومع ضرورة الاعتناء بالاطفال واهمية اختيار المنتجات، اصبح لزاما البحث عن افضل الصفقات لذلك ذكرت الاباء مش الامهات.

-الفضيحة والجودة
شركة "جونسن اند جونسن " دفعت مئات الملايين تعويضات لاهالي الاطفال المستخدمين "بودرة التلك"، لانهم اكتشفوا فجأة ان منتجاتهم بتسبب الاصابة بالسرطان !!، اثناء التحقيق عرفوا ان الشركة بتستخدم مواد مسرطنة وان الكارثة دي موجودة من ١٠ سنين، واي موظف كان بيحاول يسرب المعلومات دي كان نهايته بتقرب . بالاضافه الملايين اللي تم ضخها بالاعلام لتحسين صورتهم واخفاء القضية من الانتشار حول العالم، ولاننسي الملايين اللي اندفعت للمراكز البحثية العلمية عشان يقروا بان منتجات الشركة امنه وكله تمام ✔️ .
‏So!
مفيش مثالية والعلامات التجارية بيصنعها الميديا
ثم تأتي الجودة

-المشكلة !
*غياب منافسة المنتجات مصرية الصنع بالسوق المحلي.

-الفرصة !
طرح منتجات ذات جودة للعناية بالأطفال
وتقديمها كبدائل منافسة للمنتجات المقاطعة

-نقاط القوة !
*انهيار مؤقّت للعلامات التجارية المشهورة .
*جاهزية السوق لتجربة اي منتج جديد .
*وفرة الخبرات في المجآل .
*فرص للنمو السريع وبناء علامة مؤثرة .
*غياب الانتماء والدفاعية عن المنتجات العالميه .
*السوق الاقليمي .
*المصريين المهاجرين .
*سهولة التصنيع لحساب الغير .
*استعداد المبدعين والمشاهير .

-عصف ذهنيّ لحلول التنفيذ !
ودا بينقسم ل٣ اجزاء
*المنتجات الموجودة بالفعل داخل السوق المصري .
*المنتجات المصنعة لحساب الغير بكميات محدودة حسب الحاجة ومتغير بشكل دائم .
*المنتجات المقلدة خارج البلاد (تركيا-الصين) واستهدافها للسوق المصري بعّد اعادة بناء هويتها البصريه وتصديرها باسم تجاري جديد يحمل ميزات تنافسه .

بمعني !
فيه فرصة استثمارية بالمجال

--
بالتوفيق
S.J

اقتراح تطوير لشركة #سيناكولا للمشروبات الغازيةومحاولة لدعم "عبارة عن رد لبوست فيسبوك حصل عليه الاف التعليقات السلبية ...
29/10/2023

اقتراح تطوير لشركة #سيناكولا للمشروبات الغازية
ومحاولة لدعم

"عبارة عن رد لبوست فيسبوك حصل عليه الاف التعليقات السلبية تجاه الشركة" صورة منه ⬇️.
--------
اما التعليق والاقتراح 👇🏻
عندي تعليق اتمني يوصل الحاج مصطفي
وادارة شركة #سيناكولا
وأثق انهم هيتفهموا ان اي اقتراحات هيا لتحسين جودتهم وبالتالي منافسة المنتج المصري ونجاح للجميع وصولاً للعميل•. عموماً هكتب اللي علي بالي علما اني مش خبير ولا شاطر في المجال وكلها نصايح عامة قد تساعد في شئ .
وبالتوفيق مقدما ولاي منتج مصري .

اولاً
عنصر الوقت ⏳
مش هيتعوض بالنسبة للمنتجات المصريه سواء استهداف او تصدير للشرق الاوسط اللي بالتبعية داعمين للقضية الفلسطينية، دا غير المهاجرين العرب والمصريين في باقي دول العالم وفرصة مثالية لفتح وكالات بلدان مكنش ينفع التصدير لها من الاساس • لكن وقت العاطفة بيتاح كل شئ والشاطر هوا اللي يتقن شغله ويتحول من شعبيّ بايظ لمنتج مستقر وله قبول وانواع ومنافسين بنفس الجودة .

ثانيآ
طالما فيه مصنع وعمالة وإنتاج ؟
يبقي فيه فرص مثالية
كمثال
- فرص دخول مستثمرين بالمشروع
- فرصة نمو تتحقق في وقت قياسي
- فرصة للتوسع محلياً وإقليمياً
- فرصة لرفع القيمة السوقية وفتح قنوات تنافسية لأسواق مختلفة. وفي النهاية دا = (قوة الاسهم مع الاستدامة).
⚠️ولاننسي
التشغيل والوظايف - استغلال الموارد والتصدير - العملة الصعبة - تحفيز البحث العلمي لانتاج المواد الخام المنافسة للمستورد ...إلى آخره.
وبالتالي!
تحسن تصاعدي ومستدام هيعود بقوة علي الجمهور المصري والاقتصاد، ووقتها بس نقدر نقول الحمدلله بدانا في العمل اللي لهّ نتائج حقيقية مش اونطة اخبارية .

ثالثآ؛ اعتماد علي ماسبق؟
الاستعانة بالخبراء الحقيقيين، زي
متخصص تمويل - موارد وادارة - تصنيع وإنتاج - تنظيم وتخطيط - وصيانة وتحديث - إلى آخره. )
هنفترض ان المصنع لايستطيع اعادة الهيكلة الكاملة بالوقت الحالي، لكن مازال المشكلة قائمة والاحتياج ذاته، وعاوزين اقتراح سريع !.
طيب 👌
اهل العلم والخبرة (مش انا) بيقولوا ان بداية حلّ المشاكل الصناعية؛ يبدأ من تحليل حالة المنتجات ومدي تاثيرها علي المستخدمين والعملاء . يعني لو المثال علي !
مصرية ؟؟
وانه فاقد الثقة في جودة منتجاته !!
▪️ هنركز علي المعدات وصيانتها بأسرع طريقة لحين تجديدها بالكامل، وصولاً لانضباط شغّلها + قوة إنتاجها + تثبيت مقادير خامات كل منتج .
▪️ثمّ الخطوة الموازية واللي بنفس الاهمية!
(الاستعانة الفورية بالخبراء والمستشارين من ذوي الاجور المرتفعة لدي الشركات العالمية لوضع خطة تطوير تشمل المنتجات وأصنافها وجودتها الخ الخ ) يعني !
دول العالم عندها شركات تنافس كولا وبيبسي وشغالين عادي، وكل شركة لها خلطة ونسب ومقادير ومصادر خاماتها، اللي عملوا الصناعة دي بشر عاديين، البشر دول بيكبروا ومنهم اللي عاوز يشتغل ويستغل مهاراته وخبراته بتقديم الاستشارات والحلول العملية للشركات في نفس المجال . النتيجة!
بسهولة نقدر بمكالمة أونلاين صوت وصورة وبحضور أحد المختصين، عمل جلسة عمل وتحديد المواصفة الجديدة بناء علي الهدف المطلوب تحقيقه. للتبسيط!
هنشوف حد خبرة راجل كبير وبركة في اوروبا او كوريا او امريكا الجنوبية، نتواصل معاه
+
تشرح له المشاكل والاهداف والفرصة الحالية
+
الدفع له بسخاء واكتر من اللي يطلبه (ودي لها سبب)،
=
خطة إنقاذ فورية مؤقته قد تكون مكلفة جدا للحاق بالفرصة والتاثير في السوق ودخول المنافسة من جديد.
+
خطة انتاجية متعددة المراحل تشمل (خط الانتاج - الفريق والتدريب - الخامات والمصادر والبدائل - الترويج المناسب بالتغليف الذكي المعاد تدويره - بونص الوكلاء - تحفيز العملاء - الي اخر هذّه النقآط الكثيرة واللي لكل منها تخصص اكثر تفنيد وتنفيذ•.

⛔️طيب ماهي الطريقة معروفة؟
زود صودا ياحاج مصطفي وياشركة سينا كولا!
وشكرا المشكلة اتحلت! سهلة اهي؟
اممم تمام صح هيا سهلة فعلاً .. وبالتوفيق

--
اي شئ كتبته هوا بداعي الفايدة ودعم المنتجات المصرية و ان العملاء اللي منهم احنا وعائلاتنا .. نستفيد من المنتجات المحترمة المصرية ، إللي وقتها هيكونوا مجبرين علي العمل بمواصفات جودة ويكاننا بني ادمين مش بنستورد زبالات الكوكب . سطور غير مرتبه لانه كان رد علي بوست فيسبوكي عليه عشرات الالاف من التعبيرات الغاضبة من الشركة واللي بتتمني يحسنوا من منتجاتهم ويكون فيه تواجد مصري أكبر واكتر. وبس كدا 👌.

--
آتمني تكون الفكرة نورت وعلي لقاء اخر👌
S•J
Research + Analysis = Development🥂

مساء الخير .. بعنوان⚠️إستثمارات المخاطر ؟؟الجزء الثاني من لأوقات الخطرودا وقت الاستثمار فيها {فردي & تجاري} من عدة أيام...
30/10/2022

مساء الخير .. بعنوان⚠️إستثمارات المخاطر ؟؟
الجزء الثاني من
لأوقات الخطر
ودا وقت الاستثمار فيها {فردي & تجاري}

من عدة أيام قمت بتدوين بحث علي صفحتي الشخصية، عن أجهزة وجب اقتناءها ،أجهزة أهم وارخص من اقتناء موبايل حديث، كمان مفيدة ف الحياة عمومًا مش بس اوقات الخطر والتلوث والاوبئة والحروب وانعدام الطاقة...إلى اخره

مقدمة ..🥂
بعد لعنة كورونا والانعزال فجأة
ولعنة المياه وتلوثها وندرتها
ولعنة الطاقة اللي بتهدد العالم
ولعنة المناخ اللي خربت الزرع
ولعنة الاوكسجين إللي جابتنا الأرض
"من اول الصداع النصفي المزمن وامراض التنفس وصولا للسرطانات الملعونة لاطفال وشباب لم يمسهم من الدنيا الا ميراث الوباء"...

-تضاعف الاحتياج للتكنولوجيا وتسخيرها
افكار كتير كانت متنفذة ومرهونه باستثمار
لكن مع اللي حصل والاحتياج لها؟؟
أصبحت اساسية ودعمها روؤس الأموال
كمثال الاجهزاللي كتبت عنها بالبحث السابق
(هتلاقي الرابط في اول تعليق)⚠️

نستكملها بعرض جهازين بس
الاولاني👇

👇 والتاني


⚠️أولًا #الالتراسونيك
- موجات ترددية لها خواص معينة وقادرة تساهم في كذا بند منها التعقيم والتجميل والتنضيف والتقشير والتطهير، وزي أي تقنيه هيا قديمة ولها مساوئ لكن أخر 5-6 سنين اطورت بشكل غير عادي وبعد ماكانت مجرد جهاز عبيط بكام دولار أصبحت اجهزة اكثر تعقيدا وأقل ضررًا
ولها مفعول السحر
وتسللت في جميع المجالات
بالاخص؛ بعد لعنة الاوبئة والمناخ

-أثناء تصفح الفيديوهات، أكيد صادفك فيديو للبيوت اليابانية والصينية الحديثة، واللي التعقيم فيها اشبه بالمعامل السرية، والمشترك في الفيديوهات دي هوا متغير الحجم والشكل..
*يتحط وسط الفاكهة والخضار #يطهرهم؟؟
*يتحط وسط الميا #يعقمها؟؟
*ملابس متسخة وبقع مش بتطلع #ينضفها!!
*العاب اطفال-ادوات حلاقة-تجميل،
حتي !!
الممتلية بالميكروبات بيقضي عليها وينضف الهواء المحيط بيها بل وفيه انواع منه بتنتج أوكسجين وتخليك طاير ف السحاب من سهولة التنفس اللي امثالنا مش سهل يتحصلوا عليه .

-بل ومجبرين عالتواجد بين جدران المولات لاننا سويسريين جدًا ولو مش عجبك روح اشترك ف اقل نادي ب 100-150 الف جنيه عشان تلاقي مكان فيه شوية خضرة العيال تجري فئه ويكانهم بشر، وعشان منرجعش نسأل بكل بلاهة وتخلف (هما العيال عنيفة ليه كدا-بيضربوا مخدرات ليه!! اما تربية نوتي صحيح) الي اخر الهرتلة المعتادة والهروب من اصل المشاكل ... (اسف خرجت برة الموضوع لان النقطة دي اذيتني جدًا وطنطا مدينة الأشجار أصبحت صماء والاستاد العام والمتنزه الاكبر بالدلتا والأقدم والافضل اصبح بنزينه هه والاستاد بقي من ضمن النوادي الخاصة ومطلوب ندفع) .

خلونا نكمل ..

⚠️ثانيًا #الهيدروبونيك
-الزراعة بدون تربة.
-الزراعة بدون 90% من الماء المطلوب للزرع.
-الزراعة بأي مكان وتحت اي ظروف .
لاشمس ولا مطر ولا رياح ولاحبوب لقاح.
لا هرمونات ولا منشطات ولا حشرات ولا مبيدات.
*خد التقيلة؟
-اي نوع خضار-فاكهة تقدر تزرعه .
-بفترة اقل من المدة المتعارف عليها .
*خد الاتقل؟
فيه دول كاملة اقتصادها قائم عالموضوع دا🫣
لا عندهم نيل ولا ارض خصبة ولا حتي مناخ معتدل وبيصدروا كمان أغلي منتجات (اورجانيك) .

-الموضوع قديم مش جديد، وشاغل العلماء من من عشرات السنين بل وكان سري لحد وقت مش بعيد لانهم بيعتبروا دا آمن قومي ومن اهم سبب التفاوض والنجاة (من يملك الزرع يملك الارض)
مش بس الأرض 🌎
هما كما اشتغلوا علي تطبيقاته وتحسينها لتلائم حتي الفضاء ورحلات اكتشاف الأجرام السماوية، فتخيل كدا زرع اخضر بيور بطعم وريحة زمان وفي الفضاء وداخل كتلة من المعدن اسمها مركبة فضائية 🚀... مع الوقت انتشرت التطبيقات واصبح فيه سباق فظيع لتسهيل تنفيذ وانتشار المودل والاستثمار فيه وتطبيقه حتي للدول النامية او اللي علي وشك التلوث النووي مثلًا!!
لحد مالحمدلله اصبح الموضوع سهل
وبقي أسهل تلاقي احجام وإشكال وأنواع تناسب المكان اللي أنت فيه، حتي البذور والتربة المطلوبة واجهزة تقطير المياه وتنوعها وهكذا الضوء وتعويض الأسمدة المحسنة للانتاج حسب كل صنف .... وتفاصيل لاتنتهي

بس المهم
ان دراستها وشراء الخبرة فيها بقي سهل جدًا
ويابخت اللي بدأ الاستثمار فيها
وبالمناسبة؛ انا كاتب دراسة كاملة عن الموضوع من كذا سنة (عالمدونة) والحمدلله كانت سبب في ان حد يعمل المشروع ف دبي/الامارات وحد تاني ف مصر والاتنين كلموني وبعتولي هدايا كنوع من التقدير .
برضة ف الصور بعض النماذج 👇
وان شاء ربنا ابقي أكتب الترشيحات والأنواع مع الموضوع الاولاني، ومن دلوقتي تقدر تبحث بنفسك،

بس ⚠️
لو انت مش غني؟؟ بلاش تجرب وتشتري بدون توجيه من حد تاني جرب، عالاقل مش هيشتغلك من اجل الحصول علي عمولة، تأكد ان المتسولين العرب اللي بيراجعوا المنتجات فيه زيهم أجانب وبالاخص الهنود والصينين ومحتلين اليوتيوب ومنصات التقنية وعندهم استعداد يعملوا الف ريفيو عشان يخربوا منتج ما آو يبيعوا آخر اقل جودة . وكفايا كدا

الي لقاء اخر
اقعدوا بالعافيه
----
S.A

(تصنيع بدل استيراد) صباح الخير 🌞 بعد ازيكم الفكرة بإختصار ؟ "تصنيع منتج عملي-هيخلق احتياج فعال-سريع"💡مميزات ؟منتج بT...
06/07/2022

(تصنيع بدل استيراد)

صباح الخير 🌞 بعد ازيكم
الفكرة بإختصار ؟
"تصنيع منتج عملي-هيخلق احتياج فعال-سريع"

💡مميزات ؟
منتج بTest بياع - مريح وجميل وسهل التطوير - صناعته مش مكلفة - خاماته سهل الحصول عليها - غير مرتبط بكميات - تكاليف ثابتة قليلة - دورة راس مال سريعة - حرق كميات - تنافس مش موجود تقريبًا - وف النهاية اسمه "مبروك اتكتبتلك انك صنعت" 😊

💡Brain Storming عالسريع !
لكن بدون فهلوة المصريين .. اولا!
-يتحدد له جدول واضح يشمل !
(بحث سوق-دراسة-منافس-ميزانية وتكاليف-تصنيع-تقفيل-اضافات-اختيارات-محفزات بيع-خطة توزيع-مخطط زمني مرتبط بتارجت محدد-والاستعانة بشركة ترتبلك كل دا)
-يمكن يتصدر مثلا ؟
-او يتمضي عقد توريد لجهة سياحية مثلا ؟
-يتخصص له مسئول تصنيع ذو خبرة .
-الوصول لأفضل اتفاق مع (تصنيع لحساب الغير) .
-لايعتمد بيعه عالبيع القطاعي اصله مربح (كميات فقط) . إلى آخره.
#يتبع بالدراسة المتخصصة عند التنفيذ..

نصيحة💡
"اي منتج عنده فرصة بيع ف مصر "
مهما كان مكرر وكتير ومنافسته شرسه
ليه؟
مفيش بيع عندنا ف مصر، حتي البيع عبر الانترنت لكافة المنتجات، ومنها ال Premium .

الاعمال في مصر مفادها !!
-اعمل بوت بسرعة زي باقي الناس عشان نتطور.
-مودريتور بيقول يافندم كتير.
-السعر خاص دي باكدج ومعاها تبريراتها.
-ممثل البيع مش بياع مش بياع مش بياع ولا يعرف تفاوض وترشيح اختيارات وإقناع واستبدال الي اخر مهارات ا ب بيع مباشر .
-مفيش خدمة عملاء حقيقية ف مصر الا ف اماكن بعينها ومقابلها بندفع كتير وكتير جدا عشان بس تتحصل علي العادي والطبيعي.

جرب تشتري اي شئ حتي لو بملايين!
-روح عالموقع بتاعنا يافندم؟
-كلمنا واتس يافندم!
-تعالي عالجروب يافندم!
-هات رقمك عشان ازعجك بكلمتين من بنت مش طايقة نفسها ف سنتر عشان تسمعلك كلمتين، يافندم.
-مش هرد عليك يافندم.
-اخبط دماغك ف الحيط يافندم.
-انا محترف جدا يافندم حتي بص(كوبي باست كوبي باست كوبي باست كوبي باست) المهم بكتب رقمي ف الاخر واخر الشهر اشتكي ليه مفيش بيع، يافندم .
-----------

*الصور المرفقة👇🏻؟
-هتلاقوا صور المنتج عالطبيعة
-سكرين شوت من مميزاته
-وكذلك منتجات للمنافسين
-واغلي منتج منافس ف مصر ورغم كدا (مفيش مقارنة اصلا)..

اتمني الفكرة تكون نورت 💡
S.A

بحث رقم 60 .. بعنواناستثمارات صغيرة بميزانية اقل من 100 الف مقدمة الاعمال اللي هكتبها ليست ابتكار مني وانما هيا حاجات عا...
29/05/2022

بحث رقم 60 .. بعنوان
استثمارات صغيرة بميزانية اقل من 100 الف

مقدمة
الاعمال اللي هكتبها ليست ابتكار مني وانما هيا حاجات عادية جدا ومع الايام الجاية وصعوباتها هيكون من المفيد الاستعداد لها بعدة طرق مناسبة سواء ماليا أو اجتماعيًا. خلينا نبدا

📣المشروع الاول
"إعادة تغليف وتوزيع "المواد الغذائية"
بأحجام أصغر وتصميمات متنوعة
شرط يكون المصدر! هوا اليد الأولي للمنتجات والتركيز علي المنتجات المطلوبة للشرائح العامة .

🔸مثال ؟
-عمل أكياس مشروبات ساخنة صغيرة تكفي لفرد واحد (قهوة-شاي-نسكافيه-ينسون-إلى آخره...
أيضًا ؟
(زيت زيتون وعادي وحار-سمن-توابل..إلى آخره.
أيضًا ؟
(عسل-طحينة-مربي..إلى آخره.

ثم الانتقال لخطوة #التوزيع
-بالإتفاق مع احد شركات التوزيع بالعمولة
او
-التوزيع المعتمد علي استئجار الافراد&الترويسكلات كمثال وتزويدهم بالمنتجات والتوجيه للاحياء والقري المستهدفة بالعمولة اليومية اعتمادًا علي حجم البيع .

📣المشروع الثاني!
"جمع واعادة تعبئة "
-البان وجبن بأنواعها
-بيض
-طيور بلدي بأنواعها
-خبز-فطائر-لدائن

🔸مثال ؟
-التوجه لاقرب قرية .
-او اقرب سوق اسبوعي
لتجمع البائعات القادمات من الريف المجاور للمدينة ومن ثم التفضيل بين المنتجات وجودتها .
- #التغليف واختيار الاشكال المناسبة .
- #التوزيع كبداية سوف يعتمد علي العلاقات .
- #التسويق والبيع لهم عدة اساليب!، حسب الفئة المستهدفة وجودة التغليف وطريقة التوصيل .
- والانتقال للمرحلة التالية .
- #الفريق والاستعانة بآخرين لتوزيع الأدوار .
ومن ثم
وضع ملامح واهداف الفترة التالية والتي ستعتمد علي حجم راس المآل والقدرة علي التشغيل وسد الفجوة والاحتياجات المطلوبة باستمرار تحت هذا البند .
"ميزانية من 250 ألف جنيه!"

📣المشروع الثالث
-المياه المعدنية والغازية؟
تضاعف رأس المال في شهور قليلة

بشراء المياه من الشركات كشريحة في توقيت محدد من السنة واعادة توزيعها حسب الاستهداف لكنها تطلب مخزن يكفي لاستيعاب الكميات ويصلح للتخزين والتوزيع .
لو حد مهتم بتفاصيلها !!
ابقي اشرحها اكتر كمثال عملي ويارب منساش😵‍💫

📣المشروع الرابع
-المزارع ودي بقي يطول شرحها
لكن بشكل ملخص👇🏻
ليس المقصود هنا بمشروع المزارع هيا الزراعة او رؤوس العجول والماشية وإنما أنواع آخري منها كان ممنوع تصديره الي مصر طيلة السنوات الماضية وأخيرًا تم فتح باب التوريد واصبح بالامكان الحصول عليها من مصر .
أيضًا!
#المزارع أنواع كما #للحيوانات أصناف
إجمالًا!
-مشروع قوي.
-دورة راس مال بطيئة لكن مستدامة.
-يُمكن صاحبه من التصدير ان أتبع أسلوب محدد ف إختيار نوعية الحيوانات وطريقة الاستثمار بها .
-سهولة تعلمه ودمج العلم والتكنولوجيا .
-سوق لاينتهي ولا يكتفي حتي بالأنواع الخاصة بالتربية فحسب .
-إمكانية تطويره واستكمال أركانه وجوانب احتياجه، مثل (توفير الغذاء بطرق مستدامة لايعتمد فيها علي مصادر خارجية ) .

#يتبع ...

اخيرا "النصيحة الدائمة" !
"راس المال لايغني عن ضرورة الخبرة"
وتوظيف من هم أكفئ منك وان الاموال
لاتعني ان صاحبها قادر علي ادارة المشروع .

"فصانع الدواء نفسه لايستطيع وصفه"
---
س.ع

📣بحث رقم 59 بعنوان! "استثمارات فرعية لتعدد مصادر الدخل"🔸فرص واقعية تناسب فئات مختلفة من البشر لتنوع مصادر الدخل الشهري و...
20/11/2021

📣بحث رقم 59 بعنوان!
"استثمارات فرعية لتعدد مصادر الدخل"

🔸فرص واقعية تناسب فئات مختلفة من البشر لتنوع مصادر الدخل الشهري وعلامة تجارية تنمو براحتها لكن احتمالية نموها أسرع وافضل من مشاريع تانيه في نفس الشريحة التمويلية وسهولة تنفيذها والاشراف عليها هيا نقاط قوتها🔸.

Brainstorming 🔇
1
"العين بتشترى بالاخص لو عميل جاي عشان يشترى"
2
"الحلويات بترمز للفرفشة بالاخص لو مكان مخصص للبهجة"
3
المولات هيا الجدران الخرسانية اللي حولت الجميع لعملاء محتملين (مستهلكين) .

فكرتها بإختصار كانت ومازالت بتعتمد علي تجميع وسائل جذب بمكان واحد وهيا اهم سبب تردد الناس عليها.العاب-اسواق-عروض-كافيه-مطعم-بنات حلوة بتنادى عليك-بضاعة صلاحيتها مضروبة عليها خصومات-الخ، واطلق علي الجدران دي مسمي ( مولات )واصبحت الملاذ الاول للخروجات , سواء..عائلات واطفال-مراهقين-شباب-واتنين مرتبطين-تجار للخصومات مستهدفين .

📣عرض المشروع .؟
عبارة عن {كشك-بوص-عربة داخل مكان تجاري ضخم}
لبيع مسليات وحلويات مميزة ونكهات مختلفة باشكال جديدة مع منتجات اضافية .

الصور واضحة واغلب من شاهدها قبل قراءة الموضوع فهم فكرة المشروع لكن عشان المتابعين البسطاء امثالي, خلينا نوضح بعض السطور وليه عيوننا رغم انها بتشوف الفكرة باستمرار الا انها مش بتفكر فيها وبتعتبرها فكرة غير رابحة لاسباب اغلبها مسموع عن فلان ومنقول من تجربة فلان .

📣ليه مشروع ركن الكاندي.؟
اولا لان القاعدة الاقدم في البيع بتقول؟
جمعلي بشر في مكان واحد = بيع لهم اي شيء حتي لو افكار مجرد كلام؟
المول هوا مكان بيحقق دا بكل سهولة
وبخصوص "بيع الافكار" فدا اللي بتقوم بيه مناديب مثلا عند تسويق منتجات العناية الشخصية وماشابه وغيرهم في ترويج العقارات والعروض الاستثمارية في الصحراء او التبرع لبناء المستشفيات والشركة مش بتكون منتظرة بيع بقدر ماهيا مستهدفة (ترويج الافكا

📣نقاط رئيسية..؟
-فين المول؟ (مرفق في الصور)
-عدد زوارة اليومين .
-شكل العربة .
-طريقة العرض .
-التنوع بين المحلي والمستورد .
-مصادر البضاعة (made in uk) بتبيع كويس .
-اسلوب البيع (مش لازم شاب او بنت سورية) كورس مدفوع هيعلمك تبيع وتحافظ علي زبونك وتحولة من متردد لمستدام .
-اختيار المكان (زاوية-اضاءة-طابق-عدد) .
-التسعير .
-اختيار شريحة العميل .
-وسائل وطرق الدفع .
-واخيرا طرق التشجيع علي استدامة زيارة العميل وارتباطة بمكانك .
---

📣اقل راس المال ..؟
200/250 الف جنية موزعين علي ..!
-مبلغ التعاقد مع المول ودفع الشهورالمقدمة والتأمين وخلافه
-اعداد وتصميم وتنفيذ شكل منفذ البيع .
-ادوات البيع (دا غير المنتجات بالمناسبة) .
-هوية المكان (داخلي وخارجي) .
-المنتجات .
-رواتب اول 3 شهور .
-وسائل وخطة التسويق علي ارض الواقع (مفيش اعلانات ممولة) .
-مبلغ ازمات وطوارئ .
---

📣 ارباح المشروع المتوقعة!
(قياس واقعي = ٣٠/٤٠ الف شهري

ممكن يحصل صدفة من اول شهر
لكن بالورقة والقلم مش هيحصل الا
*بعد انقضاء الشهور الاولي
*الوصول الي مرحلة الاستقرار
*المعرفة الكاملة بجوانب المشروع
*دورة راس المال ونقاط القوة الرائجة
*دراسة الزبون ونوعية المنتجات
*الوصول لمصادر منتجات مختلفة وذات جودة

📣مكان المشروع ..؟
مدينة طنطا - احد المولات المرفق صورها

📣متوسط عدد الزوار(اليومي) ..؟
20-30 الف عميل وفيه زيادة

📣مصدر معرفة عدد الزيارات ؟
*ارقام فواتيرالبيع من اهم متجر داخل المول .
*التردد لمدة شهور في اوقات مختلفة .
*حركة النمو داخل المول .

تمنياتي بالتوفيق لصاحب النصيب

-------
اخيرا عشان المتابعين الجدد ؟
سيف دا اسمي-بحب اكتب في مجال الاعمال وتطويرها-افكارمنها اللي اتنفذ داخل وخارج مصر وافكار عادية خالص مش مبتكرة بتجيلنا كلنا-الفكرة بيكون لها قيمة لما تبدأ تدرسها-دا اللي بعمله للمتابعين لتحفيزهم علي تنفيذها وفتح ابواب لهم ومش شرط اكون شاطر في تنفيذها لاننا بنكمل بعض
ليه بعمل كدا ؟
انت ليه بتتابع كرة قدم ؟
الانسان فينا قيمته من قيمة مايقدمه للمجتمعمن حوله
دون انتظار وصول او شهرة او حتي مقابل او شكر
بالاخص لما تكون القيمة دى اهم مايملكه ذلك الشخص دا مفيد لنا كرجالة اتخلقنا عشان التعمير والعمل واننا لما هنكبر احتمال نلاقي حاجة نفتخر بتنفيذها
وبالنسبالي ؟
مفيش امتع من تقديم المساعدة للجميع دون معرفتهم او وصناعة العلاقات بين اشخاص تعارفهم كان من اجل البناء وتفكيرهم في غيرهم
عل وعسي جيل بعدنا يرتاح ويلاقي سطور بتحمل ملخص خبرات يتجنب بيها ضياع حياته وشتات روحه بين الملذات الغير دائمة .

📣بحث رقم 58 بعنوان! "استثمارات فرعية لتعدد مصادر الدخل"{مساحة عمل مكتبية متخصصة} مع التحول الرقمي لمصر كلها وان مدينة طن...
07/10/2021

📣بحث رقم 58 بعنوان!
"استثمارات فرعية لتعدد مصادر الدخل"

{مساحة عمل مكتبية متخصصة}
مع التحول الرقمي لمصر كلها وان مدينة طنطا ملتقي 5 محافظات غير سكانها الحاليين، فمشروع
"توفير مكتب خاص او جماعي"
✔️له سجل تجاري وبطاقة ضريبية
✔️له اشتراك ثابت شهري
✔️له انترنت سريع ومتعدد
✔️له مميزات تسويقية
✔️له فرصة لزيادة الانتاج والعمل
✔️له منطقة ترفيه وتسليه
✔️شغال ٢٤ ساعة علي مدار اليوم
+
بعض الاحداث الخاصة
✔️كاستضافة ريادي الاعمال في مجالات مختلفة
ملتقيات لشركات تدريبية
ربط الافراد للعمل مع مؤسسات
+
✔️شوية تفاصيل هنا هبقي اكتبهم

؟
=عدم وجود منافس في مدينة تعج بملايين الشباب وجامعتين وكلها علي بعضها كام شارع.
=صعوبة استئجار مكاتب خاصة لارتفاع أسعارها
=صعوبة تنفيذ الاوراق القانونية والتعامل مع الحكومة
=وجود علاقات شخصية جيدة مع الفئات المهتمة بتلك الخدماتية.
=التوجه العام للدولة واستخدام المعلوماتيه.
=اختيار المكان وتصميمه .
=إنتشار وتعدد الخدمات المقدمة عبر الانترنت.
=عدم وجود اماكن مناسبة للعمل .
=بيئة تشجيع 📣 + ممتعة + مسلية وبالاخص لما ينفذها شخص مش هدفة الربح بقدر تقديم القيمة وتطوير المجتمع وشاف كتير خارج مصر بل وبيتمني عيال بلده يكونوا في احسن حال ولديه ايمان انهم يستحقوا الافضل والاكثر راحة
ولينتهي العناء ..💋💧

؟
بسعر شقة في مدينة طنطا✔️

؟✔️
؟✔️
#الفريق ؟✔️
#الارباح ؟ 🤨

أخيرًا
المشروع دا محصلش بالشكل دا من قبل دا غير التفاصيل الغير موضحة في السطرين التعريفين السابقين، لكن مش دا المهم
الاهم من التنفيذ والادارة والتطوير
هوا !
نوع التمويل وانه ميكونش فهلوي ..ويسوف كل شئ مهم علي حساب التنفيد ويأجله تحت مسمي لما نكسب لان دا بداية الفشل والخيبة والمشاريع اللي زي كدا عاوزة المرونه والاستعداد بالنفس الطويل والخطط البديلة للاستعداد لجميع الأزمات زي كورونا مثلا ؟؟ وهكذا
الجزار يقدر يمول المشروع
لكن مينفعش يشغله ولا حتي يزوره وعشان كدا مش هيموله، لانه مش هيبقي عمده والكبير راح وصاحب المشروع جه وهكذا ... وكفايا كدا

كالعادة اي حد يقدر يستفيد برؤس عناوين الفكرة ويتوكل وينفذ والف مبروك مقدمًا واقعدوا بالعافية .


*المنصح ببلان B و C قبل الA
*والناصح بارجوك نوع مصادر الدخل
ومن غير فهلوة واتنيل ابدا بنفسك وسيطر عليها قبل ماتستني التغيير .

مقال عشوائي ...حرب التأثير!💭البداية😵‍💫-من ساعات تم إختطاف طفل صغير من أمه في وضح النهار بمدينة المحلة وهيا قريبة من مدي...
30/08/2021

مقال عشوائي ...حرب التأثير!

💭البداية😵‍💫
-من ساعات تم إختطاف طفل صغير من أمه في وضح النهار بمدينة المحلة وهيا قريبة من مدينة طنطا .
الفيديو انتشر والداخلية اتحركت وبالفعل وجدوا العربية لكن متفحمه! ومازال البحث مستمر ومحاولة فهم القضية والدوافع ... إلى آخره.

-من ساعات أيضًا (محافظ الغربية) كان قائدا لحملة كبيرة تجوب ارجاء مدينة طنطا، واثناء مروره علي الكافيه اللي قاعدين فيه نبهنا احد المارة ان معالي الوزير علي بعد خطوات، فجأة !
تحول الزبائن الي جنود بساحة حرب
الجميع يحمل مشروباته ومقاعدة الي الداخل وبسرعة فائقة، دون رجاء من اصحاب المقهي . هؤلاء الزبائن ليسوا مراهقين او كافية يقتات علي المارة والزحام من حوله، اغلبهم لهم شأن ما وزبائن مستدامة يعتبرون هذا المكان هوا بيتهم الثاني او حتي مقرا لاجتماعات اعمالهم، منهم التجار والمستشارين والاطباء والمهندسين ولأ أبالغ ان ٩٠٪؜ منهم يمتلكون سياراتهم الخاصة ويأتون الي هذا المكان من اجوار مختلفة .
لهذا الوصف سبب!
ان المكان لايصدر منه مخالفة للتعليمات او تحرشات او فوضي واصوات مرتفعة او حتي مشاكل شباب كالمعتاد وجودها في هذا العالم .

وصل موكب معالي الوزير 🚙
ابطئ سائقه السيارة المصفحة ليتفقد احوال المكان وبنظرة ثاقبة اظنه قد فهم ان الزبائن واعدادهم المنتظرة لمروره يعتبروم انفسهم اصحاب المكان وصفا واحدًا لمحاولة الحفاظ عليه . (انتماء عظيم اخد وقت كبير لتحقيقة💋🤫).مر الموكب يتبعه تقريبا ١٠/٢٠ سيارة بأشكال متعددة دلالتها علي كل جهاز تابع لتلك الحملة واخيرهم يحملون ماحصلوا عليه من مخالفات لم تعلم بمفاجاة ال...

ايه الرابط بين الموضوعين؟
امور عاديه اعتياديه وكل منها له طريقة وطريقته ولذلك ليس عليا التركيز. لكني للاسف لااجيد الا الاقتناص ومُنحت دراسة وسفر، واكاديمية مميزة عند عودتي لهذا السبب. الاقتناص والتركيز ... خليني ابدأ الموضوع✍️..

-الحروب الألمانية وهتلر؟
لولا دراسته للجمهور واختيار زمنية وطريقة الالقاء واعلامهم بالاهداف النازية مهما بدت لنا الان مدي تطرفها ودمويتها الا ان العلم هوا العلم، وعلي مر العصور كان التأثير في الأذهان اقوي من بارود المدافع عند امر الاطلاق من الربان .؟

-الفراعنة والحضارات القديمة ك بابل واليونان؟
لا راديو لا كهرباء لا صحف ؟
لكن يوجد اعياد-كهنة-برديات-طقوس .. وجميعها لها نتيجة واحدة منها؟ "متي واين وكيف" يكون التأثير في الجموع واستمالة الاذهان وكسب ثقة الملايين مهما بدا تاريخ تلك الحضارات حافلًا ببعض السخافات .!!

-الصناعات والدول المهيمنة !
نفس ذات الطريقة طبقها ومازالوا رواد العالم في اي شئ، -امريكا اسطورة الجيش الذي لايقهر وحروب الفضاء والماورئيات والامريكي الخارق .
-روسيا واسطورة القومية والمحافل النووية
-اليابان وأسطورة كوكب النظام
-الصين واسطورة السيطرة علي العالم
-أوروبا واسطورة رايت اسلام بلا مسلمين
-استراليا واسطورة الحياة المثالية
-إسرائيل واسطورة ارض الميعاد والهيكل

*فيسبوك وحرية التعبير
*جوجل ويوتيوب والاستخدام الامن للأطفال
*جونسون واسطورة نقاء منتجاتها
*بامبرز واسطورة الحفاضات الصحية
*روشيه-كادبري-باتشي-جالاكسي.. وأساطير الكاكاو الذي يزرع ويحصد بكل انسانيه دون دموية .
*شيخترنمدار-دي بيرز-إنتويرب واسطورة الماس
*امريكانا واسطورة التطويرات المجتمعية
*فودافون واسطورة اقوي شبكة ف مصر
*شركات السيارات وأسطورة الامان والاستدامة
*المستوردين واسطورة الجودة
*السماسرة واسطورة احنا شركة تطوير يافندم
وهكذا وهكذا وهكذا وهكذا دون انقطاع
ومازالت وستظل مستمرة لانها تركيبة ادمية
لاتندثر ولا تفني .. فقط تستحدث ويتم تطوير طريقتها حسب (اين وكيف ومن والي) .
وتلك هيا المعضلة

إذًا ؟ البقاء والقوة والانتشار ؟
من نصيب القادر علي ترويج الافكار

💭عاوز ايه بعد كل دا مش فاهم🤌🏻؟
-اولا لو وصلت لحد هنا بالقراءة فشكرًا انك حاولت، ثانيا #الاجابة بكل بساطة
كان ممكن "معالي الوزير"واللي مفروض قائم بدور رئيس جمهورية المحافظة داخل حدودها والاهتمام بأمورها! يعمل التالي ✔️
"تصدير حالة الاهتمام وانعقاد غرف الطوارئ بالمحافظة لمشكلة الاختطاف"
-أشي تصوير 🎶
-اشي مواضيع🎶
-اشي بوستات علي صفحات وجروبات الشان العام
-اشي اخبار كل ساعة حتي لو مكررة بصيغ جديدة
-اشي تحركات اعتياديه بس نظهرها
-اشي نتايج وتعميمها
-أشي اتصالات
-اشي حالة توتر وقلق
والنتيجة ؟؟👀
وصلت النتيجة ؟
حققت المطلوب ؟
الولد هيرجع تمام ✔️
والعصابة هيتم فتقها بكل اقتدار✔️
لكن في خمص الاحداث الملتهبة ؟؟
"تسهل تصدير حالة الجذب والتسييس واللي خلاني اكتب واوضح في سطور مش مكانها ولا متعود اكتب عنها ، ان حان وقت الترويج والتطور
اللي هوا مش تطور اصلاوان ميقات استخدام الطرق البدائية للتأثير

والهدف يابو السيوف!🤌🏻
صناعة الانتماء + تمديد الولاء
ودا الملف الأهم بالنسبالي مهما بدي عليا الحزن والغضب من الاستمرار داخل المجتمع دا لكنها في النهاية بلدي واختياري للملف دا له اسباب لاتحصي،
*الانتماء الحقيقي للبلد مش معناه ابدا انك متقاوحش ولا رايك تقولش ولا حتي تغضب وتثور لما تشوف الغلط،
*الولاء للبلد واهلها اللي اهلنا فيها ومنهم معناة =الاهتمام
=الاهتمام حتي ولو بدون استفادة
==الاهتمام بافعال مش تحيا وتحيا وشوية كلام
التدخل فيما لا يعنيك هوا حقيقة يعنيك حتي ولو شوية زبالة في شارع متعرفوش هتشيلهم علي جمب بايدك دون تصوير ولا مكافأة ولا اي شئ غير انها بلدك ودا العادي والطبيعي حتي ولو كنت علي شاكلتي وبتعاني من تصرفات المجتمع اليومية .

*الفرق للمتزن ديما واضح؟
اهلك ممكن متعرفش تعيش معاهم في بيت واحد لكن دا لايمنع انك بتعشقهم وهما دمك ومحبتك واساسك وناسك . الانسان المتزن كل ماسبق هوا بالنسبالة تذكير لان دي فطرته ودي طبيعته ودا العادي حتي لو ديما ساكت، لكن
لأغلبية المجتمع! الكلام دا فسق وفجور
وصاحبة (اللي هوا انا) يجب أن يغور

وبما ان كدا كدا طولت ف الكتابة! ونادرا لو حد هيوصل للسطر دا فخليني أوضح اكتر لاشخاص ما يمكن يصادفهم سطر يغير مفاهيم وطنيتهم او حتي في طريقة شغلهم واخلاصهم لاماكنهم.
سؤال 🙋
انت عاوز المحافظ يكذب علينا؟
-انت فهمت كدا من السطور؟ عموما لا، لكن حالة تصدير الاهتمام حتي ولو بالإدعاء هيا مفيدة لزرع حالة الاطمئنان في المجتمعات، ومع سرعة نقل المعلومات وزيادة ثقاقة الأفراد بقي الموضوع تقيل وصعب تنفيذه في الاحداث العادية وهيا الدور الرئيسي للمسئولين في اي مكان له تأثير علي جمهور او عملاء اعدادهم بالملايين .
حالة الأمان ولو اونطة بتزود الامان
وبتخلي الانتماء لكافة الاركان بيزيد مع الامتنان حتي ولو عامل في مصنع بيشتغل بجدية وبعرق لانه بقي واثق ان عياله بأمان. فهمت حاجة؟

سؤال 🙋
ماهو فيه متحدث اعلامي في كل مكان!
وفيه كمان اخصائي علاقات عامة !
-حقيقي لكن مش دول اللي اقصدهم نهائيًا واحتمال لو جعلت واحد فيهم يقرا السطور دي بدون توضيح ماهيتها، مش هيستوعب
الوظيفة دي ياحبيبي !
بتقوم عليه حضارة ومظهر دول وصناعات وحلول لمشاكل وقيادات بتسيطر والتانيه تسقط. الوظيفة دي بتقوم حروب وبتطفي حرايق وتكسب مليارات وتخسف أسهم، وكل دا بحسب براعة من فيها
لأنها علم ودراسة وخبرة ومرونة
مع مهارة وموهبة وتطبيق لاينتهي
-حل المشاكل بيعتمد عليها
-صناعة المشاكل للإلهاء برضه عليها
-تحسين الصورة لدرجة الملائكية لمجرم!
-وتقبيحه باجرام ولو كان ملاك!
-بث الامان في وقت الرعب والعكس في حالة العدو والحرب .
-رفع القيمة السوقية لمنتجات عن اخري من نفس المصدر وذات الشركات .
-انتماء وولاء العميل لتلك الشركات ودفاعه عنها والترويج لها وامتنانه انه من اصغر عملائها! رغم انها مجرد شركة بتخدمه وبتتربح منه وفيه منها لكنها معجزة تلك الوظيفة التي لايصح وصمها بكلمة "وظيفة". #واخيرا..
*فيه "بحث" رفيع كدا ممكن ارفقه بالتعليقات اذا حد مهتم وحابب يتعمق اكتر بالمجال وتحدياته وعظمة تطبيقاته والتاتش بتاعي في بعض الامثلة لنماذج مختلفة😵‍💫، البحث دا اخد من وقتي شهور وفكرت كتير أحوله لكتاب لكن الحقيقة انه بحث تافه 🥺ولا يرقي لكدا بس فيه شوية معلومات تقدر تلاقيها عادي مش اختراع يعني😎.

يلا كفايا كدا
وانتظروا رغي جديد علي الصفحة اللي هاجرها بقالي سنة دي وبكتبش فيها أفكار مركونة عندي زي الاول، اقولكم حاجة حد ياخد الاجندة ويكتبها هوا ويشرحها لعل حد يستفيد منها .
اقعدوا بالعافية

Adresse

Innere Stadt

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Seif -Research Blog erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an Seif -Research Blog senden:

Verknüpfungen

Teilen