YTS News, Bribie Island, Brisbane (2026)

18/08/2026

VP I PUTUM 7 KANDIDET BLONG KONTESTEM PORT VILA MUNICIPAL ELECTION 2026

PORT VILA, 19 OGIS 2026 — Vanua'aku Party (VP) i putum 7 kandidet blong hem blong kontestem Port Vila Municipal Council Election 2026 long ol defren ward blong capital.

Folem lis we The ViewPoint i publish afta we Vanuatu Electoral Office i declarim ol qualified kandidet, ol seven kandidet blong VP oli:

1. Davis Nambaru — Northern Ward
2. Astine William — Anamburu Ward
3. John William — Anamburu Ward
4. Jennifer Kausei — Freshwota/Tasiriki Ward
5. Koran Timas — Freshwota/Tasiriki Ward
6. Berry W***y Dick — Central Ward
7. Sharon Nisai — Southern Ward

Anamburu mo Freshwota/Tasiriki nao tufala ward we VP i putum tu kandidet long wanwan long olgeta, taem Northern, Central mo Southern Ward oli g*t wan kandidet blong party.

Ol seven kandidet ia oli pat blong bigfala resis blong 53 kandidet we oli kontestem 17 sit insaed long Port Vila Municipal Council long election blong 2026.

Campaign period i stap gohed naoia, mo ol voter blong Port Vila bae oli go long polling station long Wednesday 26 August 2026 blong votem ol councillor we bae oli representem olgeta long Municipal Council.

Long campaign material blong VP, party i yusum slogan “VANUA'AKU PARTY — YUMI KAM WAN”, wetem emphasis long leadership, community service mo development long municipal level.

Source: The ViewPoint / Vanuatu Electoral Office information as reported.

18/08/2026

🥤 PIKININI BAR KLOSAP NAO BAE I OPEN LONG NIUFALA LOCATION LONG CENTERPOINT

PORT VILA: Pikinini Bar i stap mekem ol las preparation naoia blong open bakegen i no longtaem long niufala location blong hem long former Centerpoint site long CBD blong Port Vila.

Afta long wan period we business i no operate long old location blong hem, comeback ia bae i tekem Pikinini Bar i gobak long heart blong taon wetem wan bigger mo niufala setup.

Niufala premises long Centerpoint bae i tekem Pikinini Bar fruit shop mo fresh juice bar, wetem cold-press juice production mo niufala Faultline Cafe/Bar concept.

Business i bin announce move ia afta long impact blong 17 December 2024 earthquake long Port Vila, mo new development i part blong effort blong hem blong rebuild, expand mo continue blong supportem local farmers mo locally sourced products.

Preparation blong niufala location i stap kam long final stage, mo Pikinini Bar bae i open i no longtaem long Centerpoint.

Stret opening date i no confirme yet, be ol customer mo sapota blong Pikinini Bar oli save expectem business ia blong kambak wetem wan niufala home mo expanded operation.

📍 New Location: Former Centerpoint site, Port Vila CBD
🥤 Pikinini Bar
⏳ OPENING SOON

18/08/2026

WANEM STORI BLO METAL X MO MINING STATUS BLO VANUATU. I KAT GOLD O NOKAT?

Long 24 June 2026, i g*t ripot se Metal X i kasem wan mineral exploration/prospecting licence blong mekem wok blong lukaot mineral long Beleru lo Santo. Director General blong Ministry of Lands and Natural Resources, William Nasak, i bin confirmem licence ia afta long wan visit blong Gavman i go long site wetem Minister blong Lands, Rick Tchamako Mahe. [Vanuatu Business Review/VBR]

Licence ia i letem company i mekem prospecting o exploration blong mineral. Main purpose blong wok ia hemi blong faenemaot wanem kaen mineral i stap, hamas mineral i save stap long graon, mo sapos i g*t inaf blong mekem mining i save kam wan viable commercial operation long fiuja.

Long simple wei, process hemi olsem:

Prospecting/Exploration → Assessment → Decision blong Gavman → Possible Mining

Hemia i minim se, folem information we i stap available, Vanuatu i no apruvum yet Metal X blong statem commercial mining blong gold o copper long Beleru. Projek ia i stap yet long exploration stage. [VBR]

GAVMAN I STAP SERIOUSLY LUKLUK LONG MINING INDUSTRY

Issue ia i bigwan moa bitim Metal X nomo.

Long November 2025, Gavman i confirmem se Council of Ministers (COM) i apruvum blong Vanuatu i explorem mining olsem wan possible niufala source blong revenue blong Gavman.

Minister blong Lands, Rick Tchamako Mahe, i talem se i nidim moa study blong faenemaot wanem mineral nao i stap long Vanuatu, hamas i stap, mo hamas Vanuatu i save eventually extractem sapos Gavman i disaed blong gohed wetem mining. [VBR]

Prime Minister Jotham Napat tu i bin raise wan impoten issue. Hem i talem se sam exploration licence oli bin issue finis long Vanuatu bifo, be sam licence holder oli no bin disclosem ol findings blong olgeta long Gavman.

PM Napat i talem se Vanuatu i nidim wan strong policy mo legal framework, especially long saed blong kastom graon, mineral extraction mo hao kantri mo ol landowner bae oli benefit long ol resources ia. [VBR]

I g*t tu ol narafala mineral project we oli stap proposem o promotem. Eksampol, Forari Resources i tokbaot ol project we oli involve long manganese, copper, zinc, gold mo silver, wetem plan blong revive o expandem historical manganese operation long Forari, Efate. [forariresources.com]

CASE BLONG FR8 I SAVE AFFECTEM WOK BLONG METAL X

Hemia nao i mekem nius blong Daily Post long FR8 Logistics Limited mo Metal X United Limited i kam impoten.

Metal X i bin tekem wan 50-tonne excavator i kam long Santo we i luk olsem se hemi pat blong ol operation blong company.

Be naoia Supreme Court i givim interim order se excavator ia i mas stap yet long Santo Wharf olsem security long wan disputed debt blong VT23,989,048 we FR8 Logistics i claimem long Metal X.

Legal case ia i stap active. Official calendar blong Judiciary i showem:

FR8 Logistics Limited v Metal X United Limited
Supreme Court Civil Case 26/2012 SC/CIVL

I bin g*t wan hearing long 13 July 2026, mo wan narafala conference long 7 August 2026. [Judiciary]

Court order blong holem excavator ia i no minim automatically se prospecting licence blong Metal X i suspend o cancel.

Be sapos 50-tonne excavator ia hemi wan machine we Metal X i plan blong yusum long Beleru exploration programme, court order ia i save delayem sam field work blong company.

Kasem naoia, i no g*t evidence we i show se Gavman i cancel o suspendem prospecting licence blong Metal X.

SO, MINING LONG VANUATU I STAP LONG WANEM STAGE NAOIA?

Long August 2026, situation i save explain olsem:

Vanuatu i stap muv i go strong moa long mineral exploration, be kantri i no kasem yet stage blong wan niufala large-scale commercial mining industry.

Metal X i kasem authority blong explorem mineral long Beleru, Santo. Hemia i no semak wetem wan permission blong stat digim gold o copper long big scale mo exportem.

Long semtaem, Gavman i stap lukluk long hao bae hem i regulatem mining industry, wanem protection bae i stap blong environment mo kastom graon, hao ol customary landowner bae oli participate mo kasem benefit o royalty, mo sapos Vanuatu i mas gohed wetem commercial extraction afta long exploration.

From samting ia, FR8–Metal X court dispute hemi wan case we i gud blong public i folem gud, from Metal X hemi wan long ol company we i stap long medel blong niufala mineral exploration push blong Vanuatu.

📷 Foto blo Forari Mine blong bifo/forariresources.com

18/08/2026

RURAL DEVELOPMENT PARTY I LAUNCHIM OL KANDIDET BLONG PORT VILA MUNICIPAL ELECTION

PORT VILA: Rural Development Party (RDP) i bin mekem official launching blong ol kandidet blong hem we oli stap contestem Port Vila Municipal Election 2026.

Launching ia i bin tekem ples long Freshwater Park long Mande 17 August 2026, mo i tekem tugeta ol kandidet, supporters mo memba blong party blong makem stat blong campaign blong olgeta.

Long ol foto we oli kamaot afta long launching, ol kandidet oli bin presentem campaign poster blong olgeta, mo ol representative blong party oli bin givim toktok long ol supporter we oli kam joenem program.

Long ol foto tu i g*t plante bag blong rice we oli stap long venue. Folem information we yumi kasem, ol rice ia oli blong k*k mo feedim ol man we oli stap tekpat long ol campaign activities blong party we i minim se rice ia i pat blong food preparation during campaign.

Port Vila Municipal Election bae i tekem ples long Wednesday 26 August 2026, taem ol voter long ol ward blong capital bae oli vot blong jusum ol niufala councillor blong representem olgeta long Port Vila Municipal Council.

Launching long Freshwater i kam olsem wan pat blong campaign activities blong RDP blong introduce ol kandidet blong hem mo tekem message blong party i go long ol voter bifo polling day.

18/08/2026

MELE VILLAGE BAE I KAT OL CONCRETE ROD

KAVMAN I APPROVUM KLOSAP VT80 MILIAN BLONG KONSTRAKSEN BLONG MELE ROD

Wan longfala singaot blong ol pipol blong Mele blong g*t wan gudfala mo strong rod insaed long village i kasem wan bigfala step, afta we Kavman i approvum kontrak blong konstraksen blong 980 mita blong fiber-reinforced concrete pavement long Mele Road.

Folem information we MP Matai i putum aot, Kaonsel blong Minista i approvum disisen blong Central Tenders Board (CTB) blong givim kontrak long Mataru Ltd, wetem wan total kontrak valiu blong VT79,829,640. Mani blong projek ia bae i kam long basket blong Kavman blong Vanuatu.

Wok bae i tekem ples stret insaed long Mele Village mo bae i inkludum konstraksen blong concrete road wetem ol drainage wok.

“YUMI MUV SLOW BE YUMI MUV FOWOT”

MP Matai i talem se Mele Road i no wan niufala problem. Hemi wan nid we ol pipol blong village oli bin stap singaot from blong plante yia.

«“Mele Road emi bin wan bigfala nid blong ol pipol blong Imere lo plante yia i pass finis. Mi olsem wan pikinini blo village, taem mi smol mi bin luk ol olfala blo village oli singaot blong askem help blong fixim road.”»

Hemi talem tangkiu long Praem Minista Jotham Napat, Deputy Prime Minister Johnny Koanapo, Minista blong Infrastructure and Public Utilities Xavier Emmanuel Harry, mo Kavman blong Vanuatu blong harem singaot blong community.

WOK I STAT LONG 2025

Folem timeline we MP Matai i givim, wokbaot blong projek ia i stat long 2025, taem hemi mitim Jif blong Imere blong askem permission blong mekem road insaed long village i kam gud. Afta long agreement wetem Jif, road i bin graded olsem wan fas step.

Be lukluk blong MP, folem statement blong hem, i no blong stop nomo long grading. Hemi wantem wan permanent solution we Kavman i save sapotem.

Long Jenuware 2026, ol engineer blong MIPU oli visitim village mo mekem scoping blong road, wetem wan initial lukluk long wan tarseal solution.

Long Maj 2026, wan narafala scoping i tekem ples blong lukluk moa long option blong wan fiber-reinforced concrete road, we purpose blong hem i blong g*t wan infrastructure solution we i strong mo save stap longtaem.

Ol technical assessment, discussion mo planning ia oli givim ol option long MIPU mo Minista Xavier Harry blong konsiderem hao Kavman i save tekem projek i go fored.

Folem MP Matai, MIPU i pas tru long procurement process blong mekem rod projek ia i kasem stage blong kontrak.

FAENAL TOKTOK WETEM CONTRACTOR

Long Julae 2026, i g*t wan faenal “Nakamal Hearing” wetem contractor blong tokbaot ol technical detail, inkludum faenal length blong road, saes blong spoon drainage mo saes blong road.

Nao long Ogis 2026, projek i kasem wan major milestone wetem approval blong kontrak blong konstraksen.

Folem information we MP Matai i putum aot, proposal i bin kam long Kaonsel blong Minista tru long pepa blong Minista blong Infrastructure and Public Utilities, Hon. Xavier Emmanuel Harry.

Wan narafala objective blong disisen ia, folem statement, hemi blong sapotem local construction company, developem local capacity long road construction mo helpem mani blong projek i circulate insaed long Vanuatu economy.

980 MITA BLONG CONCRETE ROAD

Mataru Ltd bae i konstraktem 980 mita blong fiber-reinforced concrete pavement, wetem drainage infrastructure.

Wok i expected blong stat taem contractor i mobilisem ol material, equipment mo resources we oli nidim blong statem construction.

Taem projek i finis, niufala road i expected blong givim wan moa strong mo reliable access long ol household, skul, bisnis mo ol narafala road user insaed long Mele Village.

Blong MP Matai, approval ia i makem wan important step long wan journey we i bin stat plante yia bifo wetem singaot blong ol olfala mo ol pipol blong village.

“Yumi muv slow be yumi muv fowot.”

17/08/2026

Neymar mo Thiago Mendes i No Sekhan!

Wan problem blong longtaem bitwin Neymar mo Thiago Mendes i kamaot bakegen bifo Santos i winim Vasco da Gama 3–0 long São Januário Stadium long Brazil, long Sande 16 Ogis 2026.

Taem ol pleya oli stap sekhan bifo gem, Neymar i traem blong sekhan wetem kapten blong Vasco, Thiago Mendes. Be Mendes i no akseptem han blong hem mo i pas nomo.

Smol taem afta, tufala i mit bakegen olsem kapten blong tufala tim long taem blong sakem koen. Tufala i jenisim flag blong klab folem rul blong gem, be tufala i no toktok mo i no sekhan.

Problem blo tufala i stat long 2020, taem Mendes i stap plei blong Lyon mo Neymar i stap wetem Paris Saint-Germain long France. Long wan Ligue 1 gem, Mendes i mekem wan strong takel long Neymar. Neymar i kasem kil long ankle blong hem, mo refri i givim red kad long Mendes.

Mendes i talem sori afta long aksiden ya. Be hem i talem tu se hem mo famle blong hem oli kasem ol strong threat afta we papa blong Neymar i tok strong agensem hem long social media.

Tufala i faerap bakegen long Februari 2026, taem Santos i winim Vasco 2–1. Neymar mo Mendes i rao long fil mo refri i givim yellow kad long tufala. Afta long gem, Neymar i talem se Mendes i bin threatenem blong brekem leg blong hem.

Long las miting blong tufala, i no g*t faet long fil. Be aksen blong Mendes blong no sekhan wetem Neymar i soemaot se problem blo tufala i no finis yet.

Neymar i no skorem eni poen long 3–0 win blong Santos, be hem i ple bigfala rol long tufala las gol. Tufala free-kick blong hem i mekem goalkeeper blong Vasco i lusum bol, nao Willian Arão mo Luan Peres i skorem.

Afta long gem, Neymar i raetem wan komen long social-media post blong Santos se: “Pride i kam bifo man i foldaon.”

Win ya i givim las toktok long Neymar mo Santos long naet ya. Santos i kamaot long releg*tion zone wetem 25 poen, be Vasco i stap long problem wetem 22 poen.

Raorao blo Neymar mo Mendes, we i stat sikis yia bifo long France, naoia i kam wan bigfala stori bakegen long futbol blong Brazil.

17/08/2026

Santos Thrash Vasco 3–0 as Neymar–Thiago Mendes Feud Boils Over

RIO DE JANEIRO — Santos secured an emphatic 3–0 victory over Vasco da Gama at São Januário on Sunday, August 16, climbing out of the Brazilian Série A releg*tion zone on a night also marked by a tense encounter between Neymar and Vasco captain Thiago Mendes.

All three goals came during a devastating 13-minute spell in the second half. Gabriel Barbosa opened the scoring in the 68th minute before Willian Arão doubled the advantage nine minutes later. Luan Peres completed the victory in the 81st minute.

Neymar did not score, but the Santos captain played an important role in the result. Two of his free kicks led to the goals scored by Arão and Luan Peres after Vasco goalkeeper Léo Jardim failed to deal cleanly with the deliveries.

Vasco had 57 percent of possession and completed more passes, but Santos created the clearer opportunities. The visitors registered five shots on target and three big chances, while Vasco failed to create a single big chance, according to ESPN’s match statistics.

The victory lifted Santos to 25 points and out of the releg*tion places. Vasco remained on 22 points after extending its winless run to seven league matches.

Mendes refuses Neymar’s handshake

The tension began before kickoff when Neymar attempted to greet Thiago Mendes during the traditional pre-match handshake. Mendes ignored the outstretched hand, leaving the Santos forward visibly snubbed.

The two captains met again moments later for the coin toss. Although they exchanged their clubs’ pennants as required by match protocol, they did not speak or shake hands. There was no reported physical confrontation between them during the game. Globo Esporte documented the pre-match incident.

Their dispute dates back to December 2020, when Mendes—then playing for Lyon—was sent off for a late challenge that injured Neymar’s ankle during a match against Paris Saint-Germain. Mendes later apologised, but said he and his family received threats following public criticism from Neymar’s father.

The tension resurfaced when Santos defeated Vasco 2–1 in February 2026. Neymar and Mendes argued on the field and both received yellow cards. After the match, Neymar accused the midfielder of threatening to injure him and publicly called him an “idiot.”

Sunday’s refusal to shake hands was the latest chapter in that six-year feud. Neymar later responded through a comment on a Santos social-media post, writing in Portuguese: “A soberba precede a queda”—meaning “Pride comes before a fall.” UOL reported Neymar’s response and the history of the dispute.

The result also carried an element of revenge for Santos. Almost exactly one year earlier, Vasco had beaten the club 6–0 in a humiliating defeat that left Neymar in tears. This time, Santos departed São Januário with three goals, three points and the final word in an increasingly bitter rivalry.

17/08/2026

Manusale Agro Tourism Farm i Openem Wan Niufala Village Tourism Experience long Mele

Wan niufala agro-tourism initiative, Manusale Agro Tourism Farm, i stap offerem wan different kaen tourism experience long Mele, we i tekem ol visitor oli go insaed long real village life, farming, nature mo local way of living.

Folem information we Manusale Agro Tourism Farm i serem, concept blong olgeta hemi “More than a tour — it’s a life experience,” we i minim se visitor i no kam blong lukluk nomo, be blong experience mo lanem olsem wanem ol local family oli stap laef mo wok evri dei.

Ol foto we farm i serem oli soemaot wan active farming environment wetem ol vegetable garden, tomato, leafy vegetables mo ol narafala crop we oli stap grow. Farm i g*t tu livestock, wetem ol pig mo piglet, we i mekem agriculture i kam wan important pat blong experience.

Manusale Agro Tourism Farm i talem se ol visitor bae oli g*t opportunity blong connect wetem nature, explorem village life, meetem local community mo lanem sam long ol tradition, culture mo everyday way of living blong ol manples.

Agro-tourism hemi wan kaen tourism we i joenem agriculture wetem tourism. Long ples blong tourist i visitim beach, resort o attraction nomo, hem i save visitim wan working farm, luk olsem wanem oli growem kakae mo lukaotem livestock, mo kasem wan moa direct experience wetem local community.

Long case blong Manusale, ol garden, livestock mo surrounding natural environment oli kam pat blong tourism product blong olgeta.

Initiative ia i save givim wan narafala opportunity blong tourism long Mele, from i tekem visitor i kamaot long normal tourism activities mo putum olgeta stret insaed long village environment. Long semtaem, agro-tourism i save help blong create additional income long agriculture mo community activities taem visitor spending i stap go stret long local level.

Message blong Manusale Agro Tourism Farm hemi simple: “Come as a visitor, leave with a life experience.”

Olgeta we oli wantem visitim farm oli save mekem booking tru long Facebook Messenger o WhatsApp long +678 774 4711.

Manusale Agro Tourism Farm — More than a tour, it’s a life experience.

17/08/2026

Ol Road blong Port Vila Oli Stap Jenis: Australia, China, PNG mo Gavman blong Vanuatu Oli Fundem Ol Difren Road

PORT VILA | 17 O August 2026 — Ol man we oli stap draev raon long Port Vila oli save luk wan bigfala jenis long plante road, wetem ol wok blong patching, rehabilitation mo ful tar-sealing we oli stap gohed long ol area olsem Nambatu, Freshwota, Tagabe, Bellevue, Anambrou mo raon long Independence Park.

Be ol road wok ia oli no kamaot long wan project o wan donor nomo. Oli pat blong plante difren road programme we Gavman blong Vanuatu i stap implementem wetem own funding mo support blong Australia, China mo Papua New Guinea.

Australia — Nambatu, Seaside mo Colardeau

Wan long ol bigfala project hemi Port Vila Urban Roads Reseal Project, we Gavman blong Australia i fundem tru long Vanuatu–Australia Infrastructure for Development (VAI4D).

Project ia i g*t wan value blong VT622,615,141, o around AUD7.8 million, mo Downer EDI Works (Vanuatu) nao i kasem contract blong mekem wok.

MIPU i talem se initial project i kavremap around 6 kilometre blong road long Nambatu, Seaside mo Colardeau. Wok i inkludum pavement repair, pothole mo spot repair, rehabilitation mo ful resealing wetem Double Bituminous Surface Treatment (DBST), wetem road marking mo safety signage.

Gavman i talem tu se contract ia hemi Package 1, mo se bae i g*t moa package blong upgrade ol narafala main road network blong Port Vila.

Vanuatu Gavman/PWD — Freshwota mo ol road aotsaed long CBD

Long sem taem, Public Works Department (PWD) i stap tekem responsibility long plante road aotsaed long CBD.

Gavman i bin talem long 2025 se PWD bae i concentrate long ol road aotsaed long CBD, taem ol narafala road insaed long CBD oli stap go tru long separate tender mo donor-funded projects.

Wan official statement blong Gavman i talem stret se ol outskirts blong Port Vila, inkludum Freshwota, Malapoa mo Nambatri, oli stap kasem funding blong National Government tru long Ministry of Infrastructure and Public Utilities, folem availability blong funding.

Freshwota hemi important tu from official information long Australia-funded Nambatu contract i talem se wok long Nambatri/Nambatu road network bae i continue afta we Public Works i finisim ol wok long Freshwota mo Erakor.

Tagabe — Gavman/PWD road programme

Tagabe hemi wan narafala road we i kasem tar-sealing long 2026.

Public reporting i identify Pierre Brunet Entreprise Générale olsem contractor long Tagabe road works, wetem PWD engineers we oli stap supervise long site. Road ia i bin kasem public attention afta sam engineer oli raise questions long quality blong pavement preparation mo material we contractor i yusum.

From information we i available, Tagabe road i no pat blong VT622 million Australia contract we i specifically listim Nambatu, Seaside mo Colardeau. Hem i pat blong broader government/PWD road rehabilitation effort.

Independence Park mo CBD — China

Wan long ol biggest road investments we i targetem heart blong Port Vila hemi approximately VT2 billion grant blong Gavman blong People's Republic of China.

Programme ia i plan blong upgrade klosap 20 road sections, around 12.29 kilometres, insaed long Port Vila CBD.

Road network we programme ia i targetem i inkludum road we i pas long PVCC, Independence Park mo Central School, road bitwin Alliance Française mo Independence Park tru long PVCC, PMO mo Joint Court, mo Independence Park Road 1 mo Road 2.

Chinese-funded programme i no tar-sealing nomo. Government i bin talem se rehabilitation bae i inkludum drainage, pedestrian walkway, road markings mo signage.

PNG — VT300 million blong Kumul Highway

Papua New Guinea tu i stap contribute long road redevelopment blong capital.

Gavman blong Vanuatu i confirm se PNG i contribute VT300 million blong upgrade Kumul Highway.

Hemia i minim se taem yumi luk bigfala road transformation long Port Vila, yumi no save talem se wan donor nomo nao i fundem evri road.

Bellevue mo Anambrou

Road works mo tar-sealing we oli stap kamaot long Bellevue mo Anambrou oli pat blong wider rehabilitation we i stap happen raon long Port Vila, be public official information we YTS i review i no yet clearly identify wan separate donor-funded contract blong tufala road ia.

From wanem Government i already separate ol programme—Australia long Nambatu/Seaside/Colardeau, China long CBD, PNG long Kumul Highway, mo National Government/PWD long ol outskirts—i important blong no labelim Bellevue o Anambrou olsem Australia-, China- o PNG-funded kasem MIPU i confirmem exact funding source.

Port Vila i stap kasem wan bigfala road renewal

Bigfala picture nao hemi se Port Vila i stap go tru long wan major road renewal we i involve plante funding source long sem taem.

Australia i putum VT622.6 million long first package blong urban resealing; China i commitim approximately VT2 billion long CBD roads; PNG i contribute VT300 million long Kumul Highway; mo National Government tru long MIPU mo PWD i stap fundem mo implementem ol narafala road, especially long ol area aotsaed long CBD.

Gavman i talem se Port Vila i g*t around 80 km blong sealed roads mo 100 km blong unsealed roads, mo plante sealed road oli pas finis long normal lifespan blong olgeta. According long Government estimate, resealing blong wan kilometre blong expired tar-sealed road i save cost ova VT70 million, mo full rehabilitation i save ova VT150 million per kilometre.

Long Nambatu kasem Freshwota, Tagabe, Independence Park mo ol narafala community, road works we public i stap luk naoia i therefore no wan single road project. Hemi wan combination blong Vanuatu Government investment mo development-partner funding we oli stap gradually rebuildim road network blong capital.

16/08/2026

PRIME MINISTER NAPAT MOVES TO REFORM PRESIDENTIAL PARDON POWERS AMIDST ONGOING CONTROVERSY

The Vanuatu Government has officially signaled that it will not allow the recent controversy surrounding Presidential pardons to fade without structural action.

Following a recent statement from the Head of State justifying the release of several inmates,

Prime Minister Hon. Jotham Napat has intervened directly.

The Prime Minister announced the commencement of comprehensive legal and administrative work designed to reform and strengthen the Office of the Head of State.

The move comes in the wake of a high-level meeting held on August 10 between the Prime Minister and the President.

According to official government updates, the primary aim of these reforms is to establish a strict and clear legal framework surrounding Article 38 of the Constitution. The Government intends to ensure that the

Presidential power of mercy is exercised fairly, transparently, and exactly as intended by the framers of the Constitution.

The Prime Minister is scheduled to address the nation and outline the specific details of the Government's reform strategy in a live media briefing this morning at 11:00 AM.

YTS News

18/08/2026

18/08/2026

18/08/2026

18/08/2026

18/08/2026

17/08/2026

17/08/2026

17/08/2026

17/08/2026

16/08/2026

Address

Telephone

Website

Alerts

Contact The Business

Shortcuts

Share

Category

Listing takedown request