19/05/2022
Saytınızın trafikində ani düşüşlər mövcuddursa, bunun səbəblərindən biri axtarış sistemlərinin müəyyən etdiyi qayda və qanunlara riayət etməməyiniz və "black hat seo" praktikalarından istifadə etməyiniz ola bilər.
Bəzən şirkət sahibləri saytlarını idarə edərkən axtarış sistemlərində ön sırada çıxmaq üçün istəmədən və ya istəyərək qaydalara zidd olan addımlar ata bilirlər. SEO sahəsində buna "Black Hat SEO" deyilir.
"Black Hat SEO" axtarış nəticələrində ön sıralara çıxmaq üçün alqoritmləri yanıldacaq addımlar atmaqdır. Məsələn, kontentləri istifadəçilər yerinə alqoritmlər üçün yazmaq, zərərli proqramlarla saytlarda saxta trafik yaratmaq göstərilə bilər.
Axtarış sistemləri bu cür "Black Hat SEO" addımlarına qarşı çox sərt tədbirlər alır. Əgər saytınız Google və ya başqa bir axtarış sistemi tərəfindən zərərli sayt olaraq müəyyən olunubsa, bunun saytınıza və biznesinizə verəcəyi zərər uzun müddətli olacaqdır.
White Hat SEO; Veb saytın axtarış sistemlərinin nəticələri səhifəsində, yəni SERP sıralamasında daha yüksək yerlərə çıxmaq üçün axtarış sistemlərinin “Xidmət Şərtləri” əsasında işləyən strategiyadır. Bütün strategiya düzgün, qaydalara riaət etdiyinə görə heç bir maneə ilə üzləşmir və uzunmüddətli qazanc gətirir. White Hat SEO ilə veb sayt üzvi olaraq SERP sıralamasına daxil edilir və bütün məlum optimallaşdırma tədqiqatlarını özündə ehtiva edir.
Əgər SEO haqqında anlayışınız yoxdursa və biznesinizin saytını özünüz idarə edirsinizsə, qaydalara uyğun addımlar atmağa diqqət göstərməlisiniz. Doğru və yerində SEO fəaliyyəti ilə saytınızın uzun-müddətli və davamlı böyüməsini təmin edə bilərsiniz.
