08/10/2021
Məsələylə bağlı bütün tərəflər əziyyət çəkərkən bu mövzuya toxunmamaq olmazdı.😬
Satıcılara bir neçə təklif, nə etməli?🤔
🧶Məhsulu paylaşarkən açıqlama qisminə qiymət yaza bilərsiniz. Qiymətdə dəyişiklik olarsa çox kiçik zaman ayırıb silə bilər və ya dəyişə bilərsiniz. Qeyd edək ki, reklam verdiyiniz postları editləmək təəssüf ki, olmur. Onun yerinə yeni qiyməti şərhlərə əlavə etmək, ya da reklamı silib açıqlamanı editləmək mümkündür.
🧶Bizdən soruşsanız sadəcə qiyməti öyrənmək istəyən şəxslərə ismarıcla məhsulun xüsusiyyətlərindən bəhs etməyin. (Kütləyə görə dəyişir təbii ki, istisna səhifələr əlbəttə vardır.)
Sosial media çoxumuz üçün asosialdır əslində. İnsanlar dialoqa girməkdən çəkinir. O səbəbdən məhsulla bağlı uzun-uzadı mətnlər potensial müştərinizi uzaqlaşdıra bilər.
🧶Ən kritik həll yolu isə: səmimiyyət və uğurlu ünsiyyətdir. Siz kamera qarşısına keçib mövcud durumdan və bu durumun sektorunuza mənfi təsirlərindən bəhs etsəniz daha səmimi olmazdı? Bu xüsusilə də kiçik biznes sahiblərinə tövsiyəmizdir. Ünsiyyət hər şey olmasa da çox şeydir. Potensial müştərilərinizlə ünsiyyətinizin sadəcə " — Qiymət? + Dm-a göndərildi"dən ibarət olması çox sıxıcı və soyuq deyil sizcə də?
🧶Və siz insanlara, "baxın məhsulumu paylaşıb açıqlamasını da yazdım, gəlin alın" mesajı versəniz insanlar da gələr və ünsiyyət qurmadan qiymət soruşarlar. Qiyməti bəyənməsələr gedərlər. Bu şəffaflıq və səmimiyyəti verdikdə inanın "Qiymət?" yazan çox az şəxs qalacaq. Sizinlə sosial bağlar qurmaq istəyəcəklər.
Və bir daha qeyd edirik; qiymət yazılsın, ya da yazılmasın bunu ən yaxşı siz bilərsiniz.🤐
💚Lütfən hər zaman xatırlayın: Səhifənizi, markanızı ən yaxşı siz bilirsiniz. Məlumat yaxşıdır, amma bunu özünüzə uyğunlaşdırmaq sizin etməli olduğunuz ən mühüm şeydir.
Yenə də çox uzatdıq, dayana bilmədik. (Siz belə etməyin.🤓)
Şərhlərdə fikirlərinizi gözləyirik.🥳
