ÇƏTİR Group

25/06/2017

ÇƏTİR Group adından hər birinizi müqəddəs Ramazan Bayramı münasibətilə təbrik edirik! 🕌☪🙏

Bayramınız mübarək! 🕌☪🙏

24/03/2017

Asan İmzası və ya Elektron imzası olmayan vergi ödəyicilərinin nəzərinə!!!

Asan İmzası və ya Elektron imzası olmayan vergi ödəyicilərinin nəzərinə!!!

2017-ci ilin 1-ci rübündən etibarən DSMF hesabatları (B1,B3) vahid formada rüblük olaraq yalnız gücləndirilmiş elektron imza vasitəsilə Elektron Hökumət Portalından göndəriləcəkdir.

Lİnk: https://www.e-gov.az/az/login/index/?return=/az/services/read/3646/

07/03/2017

Yel çərşənbəniz mübarək!

Novruzun yaradılış mərhələlərini işarələyən 4 ünsürdən üçüncüsü yeldir. Yel çərşənbəniz mübarək!

28/02/2017

Od Çərşənbəniz mübarək!

Od Çərşənbəniz mübarək olsun. 🔥🚀🇦🇿

26/02/2017

Xocalı şəhidlərinə Allahdan rəhmət diləyirik.

23/02/2017

Nağdsız hesablaşmalar haqqında Qanunun tələblərinin pozulmasına görə maliyyə itkilərinə məruz qalmamaq istəyirsinizsə, ÇƏTİR Consulting-ə müraciət edə bilərsiniz.

Bilirsinizmi?

Turagentlər tərəfindən tur paketlərin satışı zamanı ödənişlər nağd qaydada qəbul edildikdə əməliyyatın ümumi məbləğinin təqvim ili ərzində belə hala birinci dəfə yol verdikdə 10 faizi, ikinci dəfə yol verdikdə 20 faizi, üç və daha çox dəfə yol verdikdə 40 faizi miqdarında maliyyə sanksiyası tətbiq edilir.

Nağdsız hesablaşmalar haqqında Qanunun tələblərinin pozulmasına görə maliyyə itkilərinə məruz qalmamaq üçün bizə müraciət edə bilərsiniz.

21/02/2017

Dövlət orqanları ilə işlərinizin düzgün təşkili üçün ÇƏTİR Consulting-ə müraciət edin.

Bilirsinizmi?

DSMF hesabatının vaxtında təqdim edilməməsinə görə hesablanmış sosial sığorta haqqının 10 faizi məbləğində, bu mümkün olmadıqda 44 manat maliyyə sanksiyası tətbiq olunur və ödənişin gecikdirilməsinə görə hər bir ötmüş gün üçün sığorta haqqının 0,1 faizi məbləğində penya hesablanır.

Statistika hesabatlarının vaxtında təqdim edilməməsinə görə isə üç yüz manatdan beş yüz manatadək məbləğdə cərimə edilir.

18/02/2017

ÇƏTİR Consulting toy və digər tədbirlərdə fəaliyyət göstərən şəxslər üçün vergi xidmətləri təklif edir.
Ətraflı məlumat üçün: +994703999899

Toylarda və digər tədbirlərdə aparıcılıq, çalğıçılıq, rəqqaslıq və digər oxşar fəaliyyətlə məşğul olanları vergi qanunvericiliyinin pozulmasına görə aşağıdakı maliyyə sanksiyaları gözləyir:

- Vergi uçotuna alınmamasına görə 40 manat məbləğində;

- “Sadələşdirilmiş vergi üzrə sabit məbləğin ödənilməsi haqqında qəbz"in alınmamasına görə ilk dəfə aylıq sabit vergi məbləğinin 40 faizi, iki və daha çox dəfədə isə 100 faizi miqdarında;

- Ciddi hesabat blanklarından istifadə edilməməsinə görə ilk dəfə 400 manat, ikinci dəfə 800 manat, üç və daha çox dəfədə isə 1200 manat məbləğində;

- Mühasibat uçotu sənədlərinin olmamasına görə 100 manat məbləğində.

18/02/2017

ÇƏTİR Consulting-in təklif etdiyi Vergi xidmətlərindən bir neçəsi.

Vergi hesabatlarının vaxtında təqdim edilməməsinə görə vergi ödəyicisi aşağıdakı maliyyə itkilərinə məruz qala bilər:

- hər bir hesabata görə 40 manat məbləğində maliyyə sanksiyası;

-əlaqəli məlumatlara əsasən ən yüksək məbləğdə vergi;

- hər bir ötmüş gün üçün əlaqəli məlumatlara əsasən hesablanmış vergi məbləğinin 0,1 faizi məbləğində faiz.

16/02/2017

ÇƏTİR Consulting peşəkar vergi xidmətləri təklif edir.

Sual: Mənfəət vergisi ödəyicisi olan hüquqi şəxs balansında olan torpaq sahəsini satdıqda sadələşdirilmiş vergiyə cəlb olunurmu?

Cavab: Hüquqi şəxsin balansında olan torpaq sahəsinin təqdim edilməsi notarius tərəfindən sadələşdirilmiş vergiyə cəlb edilir və bu təqdimetmə nəticəsində əldə edilən gəlirlər mənfəət vergisi məqsədləri üçün müəssisənin vergitutulan gəlirlərinə aid edilmir.

Əsas: Vergi Məcəlləsinin 150.1.9, 104.1, 218.4.5 maddələri.

14/02/2017

Cərimə məbləğlərindən özünüzü sığortalamaq istəyirsinizsə ÇƏTİR Consulting-ə müraciət edin.

Sual: Mühasibat uçotu sənədləri olmadığı halda vergi ödəyicisini hansı məsuliyyət tədbirləri gözləyir?

Cavab: Mühasibat uçotu sənədləri olmadığı halda Vergi Məcəlləsinə görə 100 manat məbləğində maliyyə sanksiyası, İnzibati Xətalar Məcəlləsinə görə vəzifəli şəxslərə 300-400 manatadək məbləğdə, hüquqi şəxslərə 1500-2000 manatadək məbləğdə cərimə tətbiq edilir.

Əsas: Vergi Məcəlləsinin 57.3 maddəsi, İnzibati Xətalar Məcəlləsinin 462 maddəsi.

13/02/2017

Vergi qanunvericiliyinin tətbiqi sahəsində Sizi maraqlandıran bütün müraciətləri cavabı ÇƏTİR Consulting-də.

Sual: Kənd təsərrüfatı məhsulu onun istehsalçısından alındıqda, alışı təsdiq edən qaimə-faktura olmazsa, həmin məhsulu alan şəxsə maliyyə sanksiyası tətbiq oluna bilərmi?

Cavab: Xeyr. Nağdsız hesablaşmalar haqqında Qanuna görə kənd təsərrüfatı məhsullarının istehsalçısı vergi ödəyicisi olmayan fiziki şəxslər ola bilər. Bu halda həmin əməliyyat zəruri məlumatları (malların adını, miqdarını, qiymətini və digər xarakterik göstəricilərini, satıcının şəxsiyyətini müəyyənləşdirən məlumatları) özündə cəmləşdirən alış aktı ilə rəsmiləşdirilə bilər.

Əsas: Vergi Məcəlləsinin 58.7-1 maddəsi, Mülki Məcəllənin 20-ci fəsli, Nağdsız hesablaşmalar haqqında Qanun və Müəssisə və təşkilatların, habelə sahibkarlıqla məşğul olan fiziki şəxslərin iş xüsusiyyətlərinə uyğun olaraq ciddi hesabat blanklarının tərtibi və tətbiqi haqqında Nazirlər Kabinetinin Qərarı.