Hayaan Somali TV

Startseite
Deutschland
Munich
Hayaan Somali TV

waad ku mahadsan tahay Booqashadada

05/05/2026

Sheikh Abdirizaq jiir oo kamid ah Culumadda Soomaaliyeed qasatan kuwa kashaqeeya Arimaha Bulshada sida waxbarashada ayaa weerar Afka ah ku Qaaday Trackleyda Soomaaliyeed ee ku nool wadamadda waqooyiga Ameerika sida Maraykanka iyo Canada.

Trackleyda ayuu shiikhu ku eedeyey inay ku dheelan Gabdhaha Soomaaliyeed ee kunool Bariga Afrika sida Soomaaliya iyo Kenya iyaga oo markay guursadan deetana tagan aaysan dib ugu soo laaban asaga oo Dusha uga Tuuray wax waliba oo Xumaan ah sida Daroogada iyo Cabida Qamriga wuxuna sheegay inay waalidiintu ka ilalsadan Gabdhahooda Ragaas iyaga ah.

Macalin oo ah Sargaal sare oo kamid ah Trackleyda Soomaaliyeed ee kunool waqooyiga Ameeraka oo ka jawaabaya hadalkaan kasoo yeeray ninkaan shiikha ah ayaa Cadeeyey inaysan wax Sal iyo Raad toona lahayn hadalka eeda ah ee uu Trackleyda u jeediyey wuxuna sheegay Gabi ahaanna inay Trackleyda mamnuuc katahay isticmalka wax yabaha manka dooriya.

Sargaal kale oo lagu magacaabo kana mid ah Trackleyda Somalida kunool Canada ayaa Asaguna Qaab Caroleh uga jawaabay ayaa sheegay waligiigaba inuusan guursan asaga oo Shiikha ku Tilmaamay waxa uu ugu yeeray Shuubo oo ah Eray halhay uu u ah kaas oo u adeegsado Social media_ha.

Cabdullahi oo asaguna warbaahintu wax ka waydiisay Eeda loo jeediyey ayaa waxba kamajiraan ku tilmaamay Eeda wadadka " wuxuu yiraahday waa Eed aan Sal iyo Raad toona lahayn ayuu tiraahday asaga oo intaas ku daray inay tahay hadal aan laga fiirsan eeda shiikhu".

Culumada Soomaaliyeed ayaa intabadan mararka aay jeedinayan hadalada waxa aay ku hadlaan hadalo gaf ku ah Bulshada Qaar iyada oo lagu Tilmaamo Ereyada Culumadas Seef laboodnimo Qaar ayaa mar danbe sheega in Muuqaladooda loo adeegsaday Qaab Qaldan iyo jarjaris lagu sameeyo.

14/11/2025

Dowladda Soomaaliya ayaa dib u howlgalisay Website-kii la jabsaday ee Evisa waxa uuna u muuqdaa in adkeeyay galitaankiisa. Maalmihii la soo dhaafay website ka oo la sheegay in la jabsaday ma uusan shaqaynayn.

Maxaa ku cusub?

Dowladda Federaalka Soomaaliya ayaa si rasmi ah ugu shaacisay webka ogaysiis ku saabsan hirgelinta nidaamka cusub ee Electronic Travel Authorization System (eTAS) iyo e-Visa, kaas oo lagu casriyeynayo habka oggolaanshaha socdaalka ee dalka.

Nidaamkan cusub ayaa beddelaya qaabkii h**e ee fiisaha, isaga oo soo kordhinaya fududeyn, hufnaan iyo ammaanka gelitaanka dalka.

Nidaamka eTAS ayaa u shaqeeya sidii hubin horudhac ah, oo lagu qiimeeyo xogta safarka qofka ka hor inta uusan istaagin garoon diyaaradeed ama xuduud.

Safarrada badankood waxa lagu bilaabayaa in la buuxiyo eTAS, waxaana go’aan laga gaari doonaa qofka inuu u qalmo inuu gudbo marxaladda xigta ee e-Visa.

Dadka u qalma ayaa loo gudbinayaa codsiga e-Visa, halka kuwa aan u qalmin lagu wargelinayo tallaabada kale ee ay qaadi karaan, sida in ay fiiso caadi ah ka dalbadaan safaaradda ama ay keenaan dukumiinti dheeri ah.

Si fudud marka h**e waxaad buuxinee nidaamka e TAS hadii lagu ogolaado waxaad dalban kartaa evisa balse hadii nidaamka eTAS lagaa soo diido waxaa lagu siinayaa talaabooyin kale oo aad dalka ku imaan karto waxaana ku caawin doona safaaradaha dalka.

Tan ayaa meesha ka saaraysa in adigoo lacag ku bixiyay Evisa laguu diido in aad dalka soo gasho.

01/11/2025

Warbixin uu daabacay Middle East Eye ayaa shaacisay howlgal sir ah oo ay Imaraadku ka wadaan garoonka diyaaradaha Boosaaso ee ku yaalla maamulka Puntland ee Soomaaliya, kaas oo loo adeegsado in lagu raro qalab ciidan iyo hub loo gudbinayo maleeshiyada Rapid Support Forces (RSF) ee dalka Suudaan.

Duullimaadyadaas oo lagu isticmaalo diyaarado xamuul oo Ruush ah nooca IL-76, ayaa si aad u qarsoodi ah loo fuliyaa iyadoo ilaalo adag lagu hayo. Diiwaannada dekedda Boosaaso ayaa muujiyay in ay halkaas ka gudbeen in ka badan 500,000 oo konteenar oo lagu calaamadeeyay "halis", balse aan la faahfaahin waxa ku jira.

Warbixintu waxay sheegtay in garoonka iyo dekedda Boosaaso ay si toos ah u maamulaan ciidamo Soomaali ah oo ay taageerto Imaaraadku, isla markaana shixnadahaas aan gudaha Soomaaliya loo isticmaalin balse si toos ah loogu raro Suudaan, taas oo Boosaaso ka dhigtay xarun muhiim ah oo ay maraan agabka iyo hubka militari.

Sidoo kale, Imaaraadku waxay halkaas ka dhiseen nidaam radar casri ah oo ku dhow garoonka si ay u ilaaliyaan xarumahooda iyo danahooda milatari.

Intaas waxaa dheer, warbixintu waxay daaha ka rogtay in ay jiraan ciidan qandaraasleyaal (mercenaries) Kolombiyaan ah oo ku sugan xerro gaar ah oo ku dhow garoonka, kuwaas oo si joogto ah loogu raro Suudaan si ay uga dagaallamaan dhinaca ciidanka RSF.

Saraakiil Soomaali ah ayaa ka digay in howlaha Imaaraadka ay halis ku yihiin in Soomaaliya lagu jiido dagaal ballaaran oo goboleed ka qarxa Geeska Afrika.

20/10/2025

Xaqiijin:

Ehelka dumar-kii dhawaan lagu dilay deegaan hoos taga Qaayib ayaa inoo xaqiijiyay in Xukunkii shalay ay soo saartay Maxkamadda Gobolka Galgaduud ee ka dhanka ahaa raggii loo heystay dilka hooyo iyo carruurteed ay ka qaateen Rafcaan, taasoo ka dhigan iney u gudbeen heerka labaad ee Maxkamadeynta.

19/10/2025

waxaa goor dhaweed isku day dil kabad baaday 3 wiil oo lagu tuhunsanaa Dilka 4 haween ah kuwaas oo lasheegay in lagu dilay waqti habeen ah Deehaan lagu magacaabo Balal-dheer oo hoostaga Deeganka Ceelgas.

Maanta waqti loo fadhiyey Gaba gabada dhagaysiga iyo Garmaqalka eeda loo haystay wiilashan ayaa waxaa gudaha u galay Maxkamada Gobalka Galgaduud Rag hubaysan kuwaas oo doonayey inay Maxkamada ku dhextoogtaan Eeday sanayasha.

Kooxda hubka lagashay Gudaha Maxkamada ayaa waxaa hugaaminayey Xildhibaan katirsan Barlamanka Galmudug oo lagu magacaabo Xildhibaan Afyare waxana isla goobta Soo gaaray Ciidan hubaysan kuwaas oo ku hayb ah Eeday sanayasha waxana bananka Maxkamada laga maqlay iska hor imaad kooban.

Arintaan ayaa ka dhalatay kadib markii Maxkamadu aay wax danbi ah kuwaysay eedaysanayasha aayna meesha iskaga baxeen Odayasha Beesha Duduble oo ku doodaya in Ragaan aay dad kadileen halka aay maxkamadu waysay Cadaymo, Marqaati iyo Qiraal toona.

17/10/2025

:- Maxaxweyne Xasan Sheekh ayaa saaka u dhoofay Nairabi, si uu uga qeyb galo Tacsida iyo Aaska Raila.

09/10/2025

Ceerigaabo Dhulbahante Ma iman Karo Maxaabiis Iyo Beero Baan ka Haysanaa " waxaa sidaas yiraahday ninka lagu magacaabo Boqor Buurmadow

02/10/2025

Shifaa waa gabar Soomaaliyeed oo ah qofka keliya ee Soomaali ah ee inta la og yahay ku jirta doomaha gargaarka u sida dadka reer GZA. Waxay doonta kasoo raacday dalka Spain, iyadoo qayb ka ah howl bani’aadantinimo oo ay ku mideysan yihiin dad ka kala yimid 16 dal.

Inkasta oo ay tahay Somali-British, haddana howlahan culus waxay ku matalaysaa dhammaan shacabka Soomaaliyeed. Waa arrin sharaf u ah ummadda Soomaaliyeed in gabar Soomaaliyeed ay safka h**e kaga jirto dadaallada lagu taageerayo dadka dulman, taas oo muujinaysa geesinimo iyo naxariis.

Haatan, doomaha gargaarka ayaa weli ku sugan badda Mediterranean-ka iyagoo wajahaya caqabado amni iyo sharci oo ka imanaya maamulka Israai|l, waxaana weli socda wadahadallo ku saabsan sidii ay gargaar ahaan ugu tagi lahaayeen GZA. Shifaa iyo xubnaha kale ee caalamiga ah waxay ku adkeysanayaan inay gaarsiiyaan gargaarka, iyagoo ka go’an inay u istaagaan dadka masaakiinta ah ee ku sugan xaalad bani’aadantinimo oo adag.

26/09/2025

:- Dib ayaa loo dhigay Banaanbaxii beri lagu madIanaa ee ay wadeen madasha mucaaradka Soomaaliya.

Wararka ayaa sheegaya in isbuuc dib loo dhigay bannaan baxa, kaddib codsi ka yimid Odayaasha dhaqanka iyo Guddigii Xildhibaannada EE u dhaxeeya Dowlada iyo Mucaaradka.

Dhanka kale waxaa sii socon doona waan waanta laga dhexwado mucaaradka iyo Dowlada.

25/09/2025

Maxkamadda Darajada Koowaad ee Ciidamada ayaa maanta siiyay xoriyadooda Dable Xoogga Maxamed Muxudiin Cali iyo Dable Xoogga Cabdisalaan Xuseen Maxamed.
Maxamed iyo Cabdisalaan ayaa lagu eedeeyey saxiix qaliin aysan xaq u lahayn oo lagu sameeyay Marxuum Nimco Muuse Axmed oo aheyd hooyo xaamilo ah, gaaratayna xilligii dhalmada.

Labada Eedeysane oo lahaa Xiriir aan dhaafsiisneyn in ay ahayeen dad asxaab ah, iyaggoo kala Matalay Seyga iyo Walaalka Marxuumad Nimco Muuse Axmed oo Sodon iyo Kowda Bishii seddexaad ee sanadkaan geeriyootay Qaliin loogu sameeyay Hospital ka Digfeer Ee Muqdisho.

Hayaan Somali TV

Adresse

Weston
Munich

Webseite

http://hayaanmedia.net/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Hayaan Somali TV erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an Hayaan Somali TV senden:

Verknüpfungen

Wollen Sie Ihr Service zum Top-Werbe- Und Marketingunternehmen in Munich machen?