Karachi News

13/10/2026

Follow Now & Stay Updated! 🔔

کراچی: نیشنل سائبر کرائم انویسٹی گیشن ایجنسی (این سی سی آئی اے) نے عوام راج تحریک کے سربراہ اور معروف اینکر پرسن اقرار الحسن کو جوڈیشل مجسٹریٹ کراچی ایسٹ کی عدالت میں پیش کیا، جہاں عدالت نے ان کا 4 روزہ ریمانڈ منظور کر لیا۔
اقرار الحسن کے خلاف این سی سی آئی اے میں مقدمہ نمبر 101/2026 درج ہے، جبکہ ان کے خلاف پیکا ایکٹ کے تحت بھی کارروائی کی جا رہی ہے۔
اقرار الحسن کو لاہور کے علاقے ڈی ایچ اے سے گرفتار کیا گیا تھا، جس کے بعد انہیں رات ایک بجے کراچی منتقل کیا گیا۔ عدالت میں پیشی کے بعد این سی سی آئی اے کی ٹیم انہیں واپس سیل منتقل کر گئی۔

13/10/2026

Follow Now & Stay Updated! 🔔

13/10/2026

Follow Now & Stay Updated! 🔔

گلشنِ حدید میں ایک ہی گھر سے 5 لاشیں برآمد، خون آلود تحریر میں کس کو ذمہ دار ٹھہرایا گیا؟

کراچی کے علاقے گلشنِ حدید، فلک ناز سوسائٹی میں ایک گھر سے میاں بیوی، ایک نوجوان خاتون اور دو کمسن بچیوں سمیت 5 افراد کی لاشیں برآمد ہوئی ہیں۔ پولیس کو جائے وقوعہ سے خون آلود تحریر بھی ملی ہے، جس میں مبینہ طور پر ایک شخص کو اس سانحے کا ذمہ دار قرار دیا گیا ہے۔

پولیس کے مطابق جاں بحق افراد میں 30 سالہ شہزیب، اس کی 28 سالہ اہلیہ صبا، 20 سالہ بہن شمائلہ اور دو کمسن بچیاں 5 سالہ ایزل اور 3 سالہ آریہ شامل ہیں۔ شہزیب پیشے کے اعتبار سے پراپرٹی ایجنٹ تھا۔

ابتدائی تفتیش کے مطابق شہزیب نے مبینہ طور پر اپنی اہلیہ کو گولی مارنے کے بعد خود کو بھی گولی ماری، جبکہ اس کی بہن اور دونوں بچیوں کو زہر دیا گیا۔ پانچوں لاشوں کو جناح اسپتال منتقل کیا گیا۔

پولیس کو ملنے والی خون آلود تحریر میں مبینہ طور پر رقم ہڑپ کرنے، دھمکیاں دینے اور ذہنی اذیت پہنچانے کے الزامات عائد کیے گئے ہیں۔ تحریر میں متعلقہ شخص کے خلاف سخت قانونی کارروائی کا مطالبہ بھی کیا گیا ہے۔

ایس ایس پی ملیر کے مطابق تحریر کو فرانزک اور ہینڈ رائٹنگ کی تصدیق کے لیے بھجوا دیا گیا ہے۔ پولیس کا کہنا ہے کہ اگر تحریر اصلی ثابت ہوئی اور الزامات کے حق میں شواہد ملے تو قانون کے مطابق کارروائی کی جائے گی۔ واقعے کے تمام پہلوؤں سے تفتیش جاری ہے۔

اہم: تحریر کی صداقت اور اس میں عائد الزامات کی تصدیق ابھی باقی ہے۔

13/10/2026

Follow Now & Stay Updated! 🔔

ملتان میں شیر شاہ پل کے قریب کراچی سے پشاور جانے والی رحمان بابا ایکسپریس کی تمام 15 بوگیاں پٹری سے اتر گئیں۔ ریسکیو حکام کے مطابق حادثے میں 3 مسافر جاں بحق جبکہ 12 زخمی ہوگئے۔

زخمیوں کو طبی امداد کے لیے نشتر اسپتال ملتان منتقل کردیا گیا ہے، جبکہ جائے حادثہ پر امدادی کارروائیاں جاری ہیں۔ حادثے کے بعد متعدد مسافر اپنے سامان سمیت پٹری کے کنارے بیٹھے رہے۔

ایک مسافر کے مطابق حادثہ صبح سوا 5 بجے پیش آیا۔ مسافر نے دعویٰ کیا کہ روہڑی کے قریب بوگی نمبر 9 کے نٹ بولٹ درست کیے گئے تھے۔ تاہم حادثے کی اصل وجہ کی تصدیق ہونا باقی ہے۔

وزیراعظم شہباز شریف نے واقعے کا نوٹس لیتے ہوئے جاں بحق افراد کے لواحقین سے تعزیت اور زخمیوں سے اظہارِ ہمدردی کیا۔ وزیراعظم نے متعلقہ حکام کو امدادی کارروائیاں تیز کرنے اور زخمیوں کو ہر ممکن طبی امداد فراہم کرنے کی ہدایت کی۔

13/10/2026

Follow Now & Stay Updated! 🔔

کراچی کے علاقے گلشنِ حدید، فلک ناز سوسائٹی کے پلاٹ نمبر S-3 کے گراؤنڈ فلور سے 5 افراد کی لاشیں ملنے کی اطلاع ہے۔
ایدھی انفارمیشن بیورو کے مطابق جاں بحق افراد میں ایک مرد، ایک خاتون، ایک نوجوان لڑکی اور دو کمسن بچیاں شامل ہیں۔ اطلاع ملنے پر ایدھی ایمبولینسز اور رضاکار جائے وقوعہ پر پہنچ گئے۔
جاں بحق افراد کی شناخت شاہزیب، ان کی اہلیہ صبا، شمائلہ، ایزل اور آریہ کے ناموں سے ہوئی ہے۔ جاں بحق ہونے والے بچوں کی عمریں تقریباً 3 سے 5 سال بتائی گئی ہیں۔
واقعے کی وجوہات تاحال سامنے نہیں آئیں۔

12/10/2026

Follow Now & Stay Updated! 🔔

سوشل میڈیا کی دنیا میں واپسی کی تیاریاں؟ 12 سال بعد اورکٹ پھر خبروں میں آگیا!

سوشل میڈیا کے سنہری دور کا مقبول پلیٹ فارم اورکٹ (Orkut) ایک بار پھر صارفین کی توجہ کا مرکز بن گیا ہے۔ 2014 میں بند ہونے والے اس پلیٹ فارم کے بانی اورکٹ بیوکککٹن نے سابق صارفین سے اپیل کی ہے کہ وہ ویب سائٹ Orkut.com پر جا کر اس کی واپسی کے لیے اپنی حمایت کا اظہار کریں۔

اورکٹ 2004 میں متعارف ہوا تھا اور ایک وقت میں دنیا بھر کے لاکھوں صارفین کو آپس میں جوڑنے کا ذریعہ بنا۔ دوستوں کے پیغامات، پروفائل پر تاثرات اور دلچسپیوں پر مبنی کمیونٹیز اس کی نمایاں خصوصیات تھیں، جنہوں نے اسے ابتدائی انٹرنیٹ صارفین میں خاصا مقبول بنایا۔

اب اس پلیٹ فارم کی ممکنہ واپسی کے حوالے سے ایک نئی امید پیدا ہوئی ہے۔ بانی کا مقصد ایسا آن لائن ماحول دوبارہ متعارف کرانا ہے جہاں حقیقی دوستی، ذاتی روابط اور بامعنی گفتگو کو اہمیت دی جائے۔

تاہم، اورکٹ کی باقاعدہ واپسی کی ابھی حتمی تصدیق نہیں ہوئی اور نہ ہی نئی سروس کے آغاز کی تاریخ سامنے آئی ہے۔ فی الحال صارفین سے حمایت حاصل کرنے کی اپیل کی گئی ہے۔

کیا آپ کو بھی اورکٹ کا زمانہ یاد ہے؟ کیا آپ چاہتے ہیں کہ یہ پلیٹ فارم دوبارہ واپس آئے؟ کمنٹس میں اپنی رائے دیں۔

ماخذ: ٹیک کرنچ