15/07/2026
نامعلوم هٿياربندن جو سٽي پريس ڪلب لاڙڪاڻو تي حملو، صدر ۽ آفيس سيڪريٽري کي قتل ڪرڻ جي ڪوشش سٽي پريس ڪلب لاڙڪاڻو تي نامعلوم چئن هٿياربندن حملو ڪري ڪلب جي صدر ڪرم سيٺار ۽ آفيس سيڪريٽري ممتاز علي پيرزادو تي هٿيارن جي زور تي حملو ڪندي کين قتل ڪرڻ جي ڪوشش ڪئي.
ذريعن موجب جوابدارن هٿيارن جي زور تي ٻنهي عهديدارن کي نشانو بڻائڻ جي ڪوشش ڪئي، جڏهن ته سندن رڙين ۽ دانهن تي پاڙي وارا موقعي تي پهچي ويا، جنهن بعد هٿياربند فرار ٿيڻ ۾ ڪامياب ٿي ويا.
واقعي کان پوءِ حد جي پوليس پي ايس سول لائين کي اطلاع ڏنو ويو، جنهن تي پوليس سٽي پريس ڪلب پهچي واقعي واري هنڌ جو جائزو ورتو ۽ متاثر ڌرين کان واقعي جا تفصيل معلوم ڪيا.
پوليس موجب واقعي جي جاچ شروع ڪئي وئي آهي، جڏهن ته جوابدارن جي سڃاڻپ ۽ گرفتاري لاءِ ڪوششون جاري آهن. واقعي سبب صحافتي برادري ۾ ڳڻتي جي لهر ڇانيل آهي، ۽ ذميوارن خلاف سخت قانوني ڪارروائي جو مطالبو ڪيو ويو آهي.
