23/07/2026
حبيت نذكركم بفائدة تعديل الصفحات قبل السبونسور 🥰🤍
السلام عليكم عساكن بخير وصحة وعافية 🥰🤍
اليوم راح نحكيو على اهم النقاط المهمة التي تضمن نجاح السبونسور تاعك حبيبتي
لاني قبل منكون مروجة واقدم خدمة الاعلانات الممولة انا مصممة جرافيك بخبرة طويلة والحمد الله
خدمت بزاف صفحات وعدلتهم
كنا تطرقنا قبل ل خطوات اساسية لنجاح السبونسور والي من ضمنها تعديل الصفحة لتكون ملائمة
كي تبعتولي انتوما حابين سبونسور لمنشوركم انا نطلب منكم رابط الصفحة نشوفها ونمدلكم رايي بصراحة فيها ،نشوف بعض النقاط المهمة لاي صفحة
مع الاسف ساعات نلقى صفحات كارثية متصلحش خلاص للسبونسور وكون مولاتها تدير ترويج نبصم بالعشرة بلي مش حينجح
هنا لاني نخمم عليكم ونجاح اعلاناتك يهمني وليت قدمت خدمة تعديل الصفحات من الالف للياء وبسعر جد جد معقول متلقايش كيفو ابدا
بالطبع حبيباتي انا نقترح عليكم هذه الخدمة بصح القرار ليكم اذا محبيتوش تبعوا نصائحي وتبداو
طول بالسبونسور الراي رايكم
لانو لاحظت بعض منكم يحطوني حابة نربح فيهم يا سبحان الله هل يعقل واحد ينصحك وحابلك تنجحي وانت تظني بيه السوء
كل زبوناتي يعرفوا نيتي الطيبة وحبي ليهم ولنجاحهم ودايما نحبلهم الافضل وربي على ما اقول شهيد
دونك هذه الخدمة راهي في صالحكم تبعوني تعرفوا علاه ؟
انت كي تدخلي للصفحة حابة تشري من عندهم ولقيتيها غير احترافية ومفيها والو اسك راح تتحفزي تشري ؟
على العكس كي تعود معدولة ومخدومة مليحة والله تقولي هذا مولاها قايم بيها وباين يقيم خدمتوا
المعادلة بسيطة اعتبري صفحتك كانها حانوتك هل يعقل تبداي تحطي القش وكلش وتبيعي وانت مزلتي حتى مصبغتيهاش ومعدلتيهاش؟
🔴✅صفحة احترافية + سبونسور دقيق ومستهدف + كرياتيف مليح= ثقة اكبر فصفحتك من طرف الزبون = احتمالية شراء اكبر = نتيجة ممتازة ومضمونة
🔴✅صفحة غير مهيئة + سبونسور دقيق ومستهدف +كرياتيف مليح= انعدام الثقة = احتمالية الشراء ضعيفة = نتيجة متوسطة او سيئة
هذو المعادلات دايما تفكروهم مليح لانهم هوما اساسيات السبونسور
انا راني منحكيش من عدم هذه بعد تجربة طويلة فالميدان وشفت النتائج بعيني
فالاخير نقلك حبيبتي صفحتك راح تكون مصدر🔴✅ رزقك باذن الله على هذه متترديش تخسري عليها مبلغ رمزي باه تعدليها لانو راح تبقالك مدى الحياة 🥰🤍
