Design BYLoun

31/10/2025

23/10/2025

زميل سقساني على تكلفة تصميم
انا قولتله 10000 دج
قال علااااش غالي بزاف!
سقسيتو نتا شحال تتوقع السعر؟
قالي إذا كثر 500دج راه ساهل

قلتلو صحا تقدر تخدموا ب 500دج؟
قالي بصح أنا منعرفش نصمم!
قلتلو ماشي مشكلة انا راح نعلمك كيفاش تخدمو مقابل 500 دج وراح تكون تعلمت كيفاش تصمم المرة الجاية..

وافق فعلاً قلتلو أيا وجد لابتوب امكانياتو عالية وبرامج تصميم
ف رد انه معندوش كمبيوتر او برامج ومش ممكن يشري علاجال عمل واحد

عرضت عليه أني نكريلو ال pc تأعي مقابل 500دج ووافق صراحة
قلتلو ok نستناك نهار الثلاثاء باش نعلمك
- مع الأسف رد عليا انو مشغول بزاف وميقدرش يحبس خدمتو ويجي نهار الثلاثاء

قلتلو اسمحلي بصح انا نكون فارغ شغل غير يوم الثلاثاء باش نتعلمو ونكريلك الكمبيوتر
- اضطر يدير اجازة من العمل ويحبس صوالحو باش نعلمو يخدم التصميم تاعو، وللأسف نقصولو نهار من الشهرية
وكي قالي وقتاش نتلاقاو قلتلو الساعة 8 تاع الصباح نبداو ان شاء الله
هنا اعترض قاع خطراكش متعود يرقد وينوض براحتو

وهنا فجأه قالي خلاص يا خويا انا فهمت انت وش راك تخدم الرسالة وصلت..

هاك ال 10000 دج تاعك، حتى لو اتعلمت مراحش نخرج التصميم كيفك من اول مره!

قلتلو الله يبارك فيك ديما تفكر انك ماكش تدفع ثمن المنتج او السلعة
راك تدفع وراء النتيجة النهائية هذي:
تعليم
خبرة
دراسة
ادوات
وقت
مجهود
التزام بالمواعيد
امان
احترافية

في النهاية ..و لا تبخسوا الناس اشياءهم

#منقول

#ابداع #احترافية

21/09/2025