FINYTIX

12/11/2025

🎯 حاب تزيد مبيعاتك وتوصّل منتوجك لأكبر عدد من الزبائن؟
🚀 وكالة FINYTIX راح تعاونك تحقق نتائج حقيقية في الإعلانات على
📢 Facebook
📢 Instagram
📢 TikTok
📢 Snapchat

📱 من خلال استراتيجيات ذكية وإعلانات مدروسة، نوصّلو منتوجك للأشخاص المهتمين فعلاً باللي تقدّموه 🔥

✅ زيادة في الطلبات والمبيعات
✅ اعلانات رسائل ومكالمات
✅ زيادة عدد المتابعين و ظهور علامتك التجارية
✅ تحليل النتائج وتطوير الأداء

خلي FINYTIX تكون جزء من نجاحك 🤝

📩 ابعتلنا اليوم وخلينا نبدأ أول حملة اعلانية ناجحة لمشروعك 🙏

08/02/2024

كاين 2 مشاكل فقط بقاو فالتجارة الالكترونية الجزائرية لوكان يتحلو يولي البائع يبيع مهني والروتور تقريبا منعدم .. والمشتري يكون يشري بالراحة والموثوقية
المشكل الاول: شركات التوصيل والاسعار الخيالية ... كفاش يعني تشري من الصين للجزائر كولي يجي تخلص عليه 100 دج قيمة توصيل وهنا توصيل غير فالجزائر العاصمة 500 دج !!! والمشكل تاع شركات توصيل يخدمو الخدامين بالشهرية وهي خطأ كبير ... لازم يخدموهم بالكولي ليفري هكا يكون يجري باش يدير الماكسيموم تاعو مع الكولي ماشي يعيط للمشتري خطرة برك ويرجع الكولي روتور
الحل تاع مشكل واحد: ندو مثلا شركة ياليدين لي عندها اكبر عدد من المكاتب ... كما هاذي لازم دير ماكسيموم تفتح مكاتب اكثر واكثر .. وتخفض سعر التوصيل "هنا تقولي كفاش تزيد مصروف وتنقص مدخولك؟! " لوكان تخمم مليح شكون يربح اكثر بائع الجملة ولا بائع التجزئة ؟! يعني تخرج 10 كوليات فالنهار بسعر 500 دج ولا تخرج 100 كولي بسعر 100 دج !!! احسبها مليح برك ... يعني ولكان تجي شركة عندها نظام خرافي تاع تتبع وزيد عندها مكاتب في كل مضرب قادرة تتحكم فالسعر تاع توصيل وقادرة تغير نظرة التجارة فالجزائر
ونزيدك حاجة برك كي ينخفض سعر توصيل يولي لي يدي فايدة صغيرة ايضا يبيع
مثلا اكسيسوار يدير ب 500 دج الفايدة تاعو 200 دج توصيل 100 دج اجمالي عند المشتري ب 600 دج ماشي حاجة
سيناريو تاع الان اكسيسوار يدير ب 500 دج الفايدة تاعو 200 دج توصيل 500 دج اجمالي عند المشتري بسعر 1000 دج 😅 ماشي منطقيا ابدا .. زيد خمم فيها مليح هاذي تاني............................................................
المشكل الثاني: ولي هو دفع عند الاستلام يستبدل COD بالدفع المسبق كما مواقع الصينية هذا مشكل تقني ومتقوليش رانا بعاد ومكاش سيستام يمشي مليح ... لبنادم كي يعول على حاجة يديرها وزيد بريديموب دك راهي تمشي مليح خصنا plugin لي يخدم معاها و يكونفيرمي التسديد اذا دخل للكونط او لا !! هذو مشاكل تقنية عندهم حلول تاعهم ولي يدير الحل الاول بصحتو الفايدة لكبيرة ونزيدلك حتى التحويلات بين البنوك راهي تمشي عادية جدا بالانترنت باستخدام RIB
الحل تاع المشكل الثاني: راني قلتو خصنا برك ناس خدامة تاع صح ماشي تبروفيتي دير الفايدة وتريح ... تبع مشروع تاعك خويا حتى اللخر وزيد الوسائل كاينين اعرف وين تصيد برك ... واذا رحت للمسؤول قالك ميمكنش ولا دارلك حجرة فالسباط .. دير مراسلة للمسؤول لي فوقو دك لبلاد راهي تمشي نقصت بيروقراطية تاع زمان شوية ... اخدم سيستام تاع تحويل كيما stripe و ديرو في الوردبراس ونافيقي زمانك راكم تحوسو على مشاريع هذا مشروع لي يطلع بيك 🤗

بائعي الجملة و التجزئة اسمحولنا منشور مراحش يعجبكم لكن هذي هي لازم تكون مع التحديث الاخير تاع الزمان تاعك والا طار لحمام ... يبقا فيها غير المنتج والمستورد من الخارج 😅
FINYTIX
واذا لحقت للنهاية هاذي متنساش تشارك المنشور باش تتريقل الحالة كاين ناس تحب لبلاد 🇩🇿 اولا .... وتحب تخدم ثانيا 💪

01/02/2024

مدامك مزال ملحقتش المرحلة هذيك تاع كي تلحق بلاصتك باش ترقد، ميجيكش رقاد وتخمم واش دير غدوة مع خدمتك وتتفكر عفايس كنت راح ديرهم هذاك اليوم ونسيتهم، و تنوض في نص الليل تخمم، وفالنهار لاشارج فوق راسك مام كلش بالنظام بصح بزاف عفايس في مخك ايا وتلحق وين تنسى بلي مفطرتش هذاك النهار قاع حتى تلحق لعشية و كرشك تبدا تصفرلك هههه وتلحق وين تخرج صباح مالدار ومتوليش حتى مور العشاء تدخل ترقد و تخرج صباح وراهي رايحة الايام وتلحق وين السمانة تفوت تم تم حتى تلقا روحك فالويكاند ... وتكره الويكاند بسك يضيعلك وقتك 😅 ... مرانيش نزيد عليها بصح هذي المرحلة لي لازم بنادم يجوز عليها باش يقول خدمت و درت مام مدرتش يقول حاولت وهذي هي المحاولة لي تقدر تهضر عليها .... المهم مدامك ملحقتش ولا ماجزتش على المرحلة هاذي اعرف بلي راك بعيد تماما على النجاح صديقي العزيز اخرج من الروتين تاعك و همبر شوية النجاح ميجيش باطل 💪
ترجمة الصورة: النجاح لا يأتي صدفة
والكعس تاع تهمبير لي هضرت عليه الفوق هو واحد ناجح ومدار والو ... جاه النجاح لي حاب يلحق ليه باشياء بسيطة "جياح فالتيكتوك مثلا" هذا النجاح لي يجي بالصدفة ميخليش مولاه يطور نجاحو غير اذا طاح مع ناس عاونوه ... واذا قدر ربي وطاح ميقدرش يعاود من 0 ويقلع مستحيل وكما قاع علابالنا بلي الشعور بالخسارة ضعف الشعور بالنجاح هذا لي ينجح بالصدفة راح يقعد فهذاك الشعور تاع الخسارة ويلوم المحيط العين والسحور .... الخ اما الناجح لي يكون عصامي هذا ميهموش الخسارة بزاف لأنو موالف بيها وجاتو الخسارة شحال من مرة في مرحلة الصعود الطويلة لي عاشها
ان شاء الله الفكرة تكون لحقت
نوض تخدم صاحبي 🙃

30/01/2024

قالك راهم يسمعو فلبكا من تلمسان 😂
الكحلوشة 🏆 تاع البافانا الفلسطينية 🇿🇦🇵🇸 ان شاء الله

18/01/2024

15/01/2024

صاحب التوقع الصحيح يربح معانا هدية🫣
طاڨي صحابك معاك 🙃

22/12/2023

لي يجي يقولي اخدملي متجر في يوكان 🙃 ياودي اخطيكم حياتكم وحياة اهلكم في خطر هههه وروح البديل واش Shopify غالي بزاف وتخلص على عفايس هوما فالاصل تجيبهم باطل ... مام عندك دراهم ولباس بيك مكلاه تخدم بيه

الحل: WooCommerce
الاداة الجميلة تاع WooCommerce لي تجي داخل WordPress المشهور بأم المواقع وتخدم المتجر تاعك بدون كتابة اي كلمة برمجة باستخدام Elementor محرر الصفحات وتبدل اعدادات WooCommerce فقط على حسابك وطريقة دفع تاعك "COD" والشحن تخدملو الاسعار على حساب الشركة لي تخدم معاها ولا الشحن المجاني تزيد تخدمو بقفلة وحدة برك وزيد عندك سيستاع تاع Coupons للتخفيضات ونزيدلك هاذي وخلاص اذا دخلت احصائيات تما يحكمك الانبهار فيه كلش حتى متابعة المخزون وروتور والفايدة تاعك بالدقيقة ... Host اخدم ب Hostinger العرض الرخيس كامل فيه كلش كفاش تربط google sheet وباقي لعفايس سلك راسك ماشي واعر
فوق هذا ماعندي ما نزيدلك و لي ميحبش دواخ راس مرحبا بكم
نحن فالخدمة 🙏

ملاحظة: الاستشارة بحقها 😅 راني درت كامل تفاصيل هنا ☝️لي يحب يخدم لروحو ربي يسهل "احرق راسك شوية" ... ولي نخدملو، راح نخدملو كلش انا ... اما باش نعاونك خطوة بخطوة باطل هاذي مفيهاش 🫣

17/02/2023

فرانسوا فيليروي دي غالو محافظ وعضو راهو يشوف بلي ذروة تاع دورة التشديد النقدي الحالية لي راهي من الجانب المركزي الأوروبي ممكن راحا تكون في فصل الصيف على الأرجح..

17/02/2023

ديدييه رايندرز المفوض الأوروبي للعدالة قال بلي جمدت أصولا روسية في #أوروبا بقيمة 21.5 مليار يورو و راهي تحوس باش تجمد أصول واحد لوخرين بما في ذلك الخاصة بالمركزي الروسي و قال بلي المفوضية راهي تحوس عن طرق قانونية لمصادرة محتملة لأصول محددة