10/07/2024
كاين ناس زواولة من الريف والمدن الداخلية يهبطو مرة في العام للبحر خاطر ظروفهم ما تسمحش باش يبقاو في ديار و فنادق ..
يعومو بجبة ولا بسروال يعومو بالي يحبو المهم يفرحو ولادهم الصغار و يشمّو هواء البحر و يبلّو رواحهم و يحاولو يزهاو حسب امكنياتهم المعدومة ..
فيهم الي يوصل عمرو 30 سنة و عمرو لا لحمو مس ماء البحر عاش محروم وفقير وحاب ولادو باش يفرحو شويا ومايعيشوش الحرمان لي عاشو
يرحم والديكم خليوهم براحتهم
ما تحرجوهمش بالتصاور و تضحكو عليهم و تحسسوهم بلي هوما هابطين من كوكب آخر!!
خليهم يزهاو خاطر النهار هذاك يبقاو عام كامل يحكيو عليه و عام كامل يحلمو بيه...
ارتقيو شوية و خليونا من كره بَعضنا .. ومن تقزيم بعضنا ولا واحد فينا اختار الي هو فيه ❤️❤️❤️
تبقاو في امان الله. سلام عليكم