غزلان للتصميم والطباعة

  • Home
  • غزلان للتصميم والطباعة

غزلان للتصميم والطباعة Contact information, map and directions, contact form, opening hours, services, ratings, photos, videos and announcements from غزلان للتصميم والطباعة, Graphiste, .

بعدما غبت على طابعتي سر سعادتي لأكثر من أسبوعين توقعت انو نروح نلقاها فسدت 😓 لانو مش مليح تخليها لمدة طويلة متوقفة عن ال...
02/07/2026

بعدما غبت على طابعتي سر سعادتي لأكثر من أسبوعين توقعت انو نروح نلقاها فسدت 😓 لانو مش مليح تخليها لمدة طويلة متوقفة عن العمل
اول حاجة بديت بيها هي الهدية تع Eline Décoration لي كنت وعدتها بيها، نطبع وندعي ياربي ماتكونش فسدت بش ماتقولش وعدتني ودارت عليا 🥺
المهم الحمد لله لقيتها لاباس عليها وخدمتلها الكادر وجا تحفة 😍😍 و بايتة نغلف فيه في نصاص الليالي 🤭🤭 (شوفو الستوريات)
و الصباح رحت ڤوطيت و اديتهولها و فرحت بيه خلاص 🥹 و هادا روثورها 👇
فرحت بزاف كي عجبها
بصح الحاجة لي حيرتني كاين عزوف كبير عن الانتخاب المراكز شبه خالية
يا درا واش السبب 🤔🤔
و انتوما رحتيو ولا مارحتيوش
#تصميم #طباعة #كانفا #كادر #سكيكدة

شكون مازالت عندها هواية تحب تمارسها في أوقات الفراغ 🥰 ولا لاهيين غير مع الثليفونات 🤭انا (بكري نهار كان عندي شوية وقت ...
25/06/2026

شكون مازالت عندها هواية تحب تمارسها في أوقات الفراغ 🥰 ولا لاهيين غير مع الثليفونات 🤭
انا (بكري نهار كان عندي شوية وقت اما درك راني غير نجري ورا ااولادي 😅😅) كنت نحب نقرا ( نقرا كلش كتب ادبية كانت او علمية، روايات، جرائد، قواميس، ... حرفيا مانخلي والو)، ثانيا كنت نحب الطبخ خاصة الحلويات وكنت حابة نعتمدها كمشروع قبل ما نتوجه للتصميم والطباعة ولكن مشكلتي مع الحرارة خلاتني نتراجع عن الفكرة وثالثا كنت نحب الكروشيه حبستو بعد لانو يدي الوقت بزاف و انا صبري قليل 😂😂
حاليا راني معتزلة كل الهوايات 🤭🤭
و لي فالصورة عبارة عن دفتر تلوين للفتيات الكبيرات محبات هواية التلوين 🥰🥰
واش رايكم فالفكرة 😊
اذا عجبتكم نقدر نوفرهولكم
و انت متابعة شاركينا هوايتك فالتعليقات 😍
وماتنساوش تابونيو الصفحة و تشاركوها مع صحاباتكم 🫶
#تصميم #طباعة #كانفا #دفاتر #سكيكدة

صعيبة توالف بالخدمة ومن بعد تبعد عليها ولاتلي إدمان 😓مزية كاين شات جيبيتي نكسرلو راسو شوية حتى نرجع من قريب بإذن الله 🥰...
24/06/2026

صعيبة توالف بالخدمة ومن بعد تبعد عليها ولاتلي إدمان 😓
مزية كاين شات جيبيتي نكسرلو راسو شوية حتى نرجع من قريب بإذن الله 🥰
المهم بعدما صممت الهدية تع Eline Décoration ماصبرتش حتى نروح و نكملها قلتلو اتخيلها فالكوزينة تخدم فالطلبيات تع الموسكوتشو امبعد توصلها الهدية كيفاش يكون رد فعلها 🥹
ان شاء الله تفرح بيها فالواقع كيما راهي فرحانة بيها فالصورة
وانتوما يا.صاحبات المشاريع ماخصكمش كادر شباب تحطي فيه اللوغو تاعك والqr code تصوريه مع الطلبيات بش وحدة ماتزيد تديلك خدمتك وتعبك 🤔🤔
المهم راه متوفر تصميم وطباعة كارث فيزيت كارث ثانكيو ستيكرز كادر وكل ما يخص المشاريع
راسلينا فقط على الخاص 💌💌
وانتوما ماتنساوش تابونيو الصفحة وتبارطاجيوها مع صحاباتكم بش يلحقكم الجديد 🥰🥰
سلام 😘
#تصميم #طباعة #كانفا #كادر #سكيكدة

مساء الانوار متابعات 🥰🥰ماعليكمش 🤭🤭 ياك قلتلكم صاحبة الطلبية تع جيل الالفين نورمالمون كامل تقولو الوردي( او الpink 🩷🩷 كي...
23/06/2026

مساء الانوار متابعات 🥰🥰
ماعليكمش 🤭🤭
ياك قلتلكم صاحبة الطلبية تع جيل الالفين نورمالمون كامل تقولو الوردي( او الpink 🩷🩷 كيما يقولو هوما 🤭) أكثر لون محبوب عندهم بلاما تخممو بزاف 😅
وحتى صاحبة أول إجابة صحيحة تع جيل الالفين Eline Décoration. 😂😂
المهم بصحتك عزيزتي و هديتك راهي قيد الانجاز و من قريب ان شاء الله توصلك
وانتوما قولولي اذا عجبكم جو المسابقات نكترلكم منو
و الطلبيات راهي مفتوحة على الدفاتر
تواصلو مع بريد الصفحة 💌
وطاڨي لي تعرفيها رايحة تجوز الباك قوليلها غزلان للتصميم والطباعة عندها أحلى دفاتر 🥹
وإذا حبيتو تعرفو الهدية قولولي فالتعليقات 🥰
وماتنساوش اتابعو الصفحة وتبارطاجيوها مع صديقاتكم
بش يلحقكم الجديد 😊
#تصميم #طباعة #دفاتر #بكالوريا #كانفا #سكيكدة

مساء الخيرات والمسرات متابعات الصفحة العزيزات ان شاء الله تكونو كامل بخير 🥰بحكم راني غايبة على الدار والخدمة جيت نشارك م...
22/06/2026

مساء الخيرات والمسرات متابعات الصفحة العزيزات
ان شاء الله تكونو كامل بخير 🥰
بحكم راني غايبة على الدار والخدمة
جيت نشارك معاكم وحد الطلبية شبه منتهية 😅 كنت خدمت جزء منها فقط قبل ما نغيب و كي نرجع باذن الله راني نكملها ونبارطاجيها معاكم ( حبيت تشوفوها كاملة بصح بسلامتي مانصبرش 🫣)
صاحبة الطلبية مقبلة العام القادم بإذن الله على اجتياز شهادة الباكالوريا شعبة لغات وحبت يكون تحضيرها في مجموعة من الدفاتر من ورشتي غزلان للتصميم والطباعة
لي ان شاء الله يكونو فال خير عليها و نيجي كيما الوقت هادا بحول الله ونفرحكم بنجاحها
بصح ماحبيتش نحطلكم الصورة بالالوان الاصلية حطيتهالكم بالابيض والاسود
يا درا واش لون الدفتر 🤔🤔
ولي تجيب اللون صحيح زعما نديرولها هدية 🤔🤔
حطونا اقتراحاتكم للون واقتراحاتكم للهدية 😍
ومولات الطلبية ممنوعة من التعليق 🗡️🗡️
وماتنساوش تدعيو لجماعة الباك بالتوفيق علابالي راهم يستناو فالنتيجة على أحر من الجمر 🥺
ربي يوفقهم و ان شاء الله نسمعو غير الاخبار لي تفرح 🥹
#تصميم #طباعة #دفاتر #بكالوريا #كانفا #سكيكدة

مساء الخيرات والمسرات متابعات الصفحة 😊😊حبيت فقط في هاذ المنشور نوضح وحد الحاجة في ما يخص دفاتر التلوين الدفاتر مصنوعة م...
14/06/2026


مساء الخيرات والمسرات متابعات الصفحة 😊😊
حبيت فقط في هاذ المنشور نوضح وحد الحاجة في ما يخص دفاتر التلوين
الدفاتر مصنوعة من ورق الصور سواء الغلاف الخارجي او الاوراق الداخلية و الهدف من وراء استعمال ورق الصور بدل الورق العادي هو الحصول على دفتر ذو جودة عالية يدوم أطول وقت ممكن
لكن اتضح فيما بعد انو ورق الصور مايناسبش جميع انواع اقلام التلوين بما فيها الالوان الخشبية كيما لي عندنا كامل
و تلونو الاقلام اللبادية (أو الfeutre كيما نقولو)

و انا في هذا المنشور اعتذر لانو ماكانش علابالي بحكم خبرتي القليلة في مجال الطباعة علابالي فقط انو الطباعة على ورق الصور تعطي نتيجة افضل من حيث جودة الالوان و انا ركزت على الناحية الجمالية للدفتر اكثر من الناحية العملية
والدليل اني وفرت كمية من الألوان الخشبية و من بعد تفاجأت كيفي كيفكم 😅😅

المهم اكرر اعتذاري ولي عندها اي استفسار تقدر تتواصل معاي على الخاص 💌
مرحبا بالجميع 🥰
#تصميم #طباعة #دفاتر #كانفا #سكيكدة

14/06/2026

صباح النجاحات و الأخبار الجميلة 🥰🥰
بمناسبة إعلان نتاىج شهادة التعليم المتوسط صفحتكم غزلان للتصميم والطباعة تهنئ جميع الناجحين ووتتمنى حظ اوفر للذين لم يحالفهم الحظ هذه السنة
انا العام هاذا ماعندناش. فالعائلة لي ترشحو لاجتياز الشهادة
و انتوما كش ناجحين عندكم
شاركونا خليونا نفرحو معاكم
#تصميم #طباعة #كانفا #سكيكدة

12/06/2026

مانقول والو
نخليكم تشوفو وخلاص 🥹
للطلب تواصلوا مع بريد الصفحة 💌
#تصميم #طباعة #كانفا #دفاتر #سكيكدة

أشياء الاطفال دائما تفوز 🥹🥹ارواحو تشوفو الكياتة والجمال 😍😍بعض الطلبيات المنتهية من دفاتر التلوين 📒📒🖌️بصحتهم الكتاكيت 😊😊ا...
12/06/2026

أشياء الاطفال دائما تفوز 🥹🥹
ارواحو تشوفو الكياتة والجمال 😍😍

بعض الطلبيات المنتهية من دفاتر التلوين 📒📒🖌️

بصحتهم الكتاكيت 😊😊
ان شاء الله يستمتعو
للطلب تواصلو مع بريد الصفحة 💌💌
#تصميم #طباعة #كانفا #دفاتر #سكيكدة

جات العطلة الصيفية وعندك اولاد صغار وحابة تبعديهم على الشاشات 📱🖥️ورشة غزلان للتصميم والطباعة وفرتلك دفتر تلوين 📒📒📙🖍️🖌️ ي...
09/06/2026

جات العطلة الصيفية وعندك اولاد صغار وحابة تبعديهم على الشاشات 📱🖥️
ورشة غزلان للتصميم والطباعة وفرتلك دفتر تلوين 📒📒📙🖍️🖌️ يخلي ابنك يتعلم ويستمتع في هاد الصيف
واش فيه الدفتر ؟
مجموعة حيوانات بالوان بسيطة مناسبة للاطفال من سن اربع سنوات فما فوق
مكون من جزاين جزء للحيوانات الاليفة 🐶🐰وجزء لحيوانات الغابة 🐯🦁
🔥ونزيد كم حاجة السعر راهو مغري
😍😍بصح مغري بزاف لصاحبات اول خمس طلبيات
راسلينا الان💌💌 وخلي صيف ابنك اكثر متعة
#تصميم #طباعة #كانفا #دفاتر #سكيكدة #

Address


Website

Alerts

Be the first to know and let us send you an email when غزلان للتصميم والطباعة posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Advertising & Marketing Company?

Share