16/05/2017
دلـوقتى لتر البنزين 92 بقي بـ 3.50 جنيه ولسة هيزيد كماااااااان في شهر 7 ⛽
وطبعآ كل سنة وأنتوا طيبين إحنا دخلين على صيف وحر ☀ يعنى تكييف وإستهلاك بنزين زيادة عشان كدة الـ 8 حاجات اللي تحت دول 👇 هيساعدوك تقلل إستهلاك البنزين وفى نفس الوقت هتحسن من أداء عربيتك كمان 📈
""""""""""""""""""""""""""""""""""""""""""""""""""""
1) Use the Right Motor Oil
نوع الزيت المستخدم فى عربيتك إيه ؟!
لازم تتأكد إنك بتغير نفس نوع الزيت الموصى به من الشركة اللى أنت راكب العربية بتاعتها لأن ده بيكون أفضل درجات لزوجة وأحسن خصائص تساعدك فى تقليل الإحتكاك بين الأجزاء فى الموتور يعنى أصلآ هتحافظلك علي عمره الإفتراضى, وكمان هتوفر (1٪ - 2 ٪) من إجمالى إستهلاك البنزين لعربيتك.
::::::::::::::::::::::::::::::::::::::::::::::::::::::::::::::::
2) Replace Clogged Air Filters
مهم جدآ إنك تغير فلتر الهواء فى ميعاده, متقولش دي حاجة مش مهمة, لأن هو اللى بيضمن للموتور إنه يـشم هوا نضيف وبالتالى الموتور صحته هتبقى أحسن وهيوفرلك أداء أفضل للعربية وفى نفس الوقت مشاكل أقل لأنك حافظت عليه.
::::::::::::::::::::::::::::::::::::::::::::::::::::::::::::::::
3) The higher gear the lower fuel consumption
فى كل الدنيا الموضوع ده بيتعلق بنوع سواقتك بس فى مصر الموضوع كله بيتعلق بالزحمة :D بس حاول بقدر الإمكان إنك تسوق على غيار عالى, لأن فى النقلات الصغيرة الفتيس بياخد قدرة الموتور "Power" وبيخفضها ويديلك عزم أكبر لو أنت سايق على طريق مفتوح كل ما مشيت على نقلة أعلى كل ما إستهلاك البنزين قل.
:::::::::::::::::::::::::::::::::::::::::::::::::::::::::::::::
4) Replace Spark Plugs
لو كل حاجة فى العربية سليمة وكويسة ما عدا البوجيهات يبقى ولا أكننا عملنا حاجة, لأن هى اللى هتحققلك الإحتراق الكامل للهوا/البنزين وبالتالى هتاخد كل الطاقة اللى موجودة فى البنزين, غير لما تسحب هوا وتدفع عليه كمية بنزين وفى الآخر يدخلوا الموتور ويخرجوا من غير ما تستفيد باللى دفعته !!
عشان كدة لازم تتأكد إن البوجيه اللى فى عربيتك هو النوع الصحيح ليها وإن حالة البوجيهات سليمة لأنها هتوفرلك فى حدود 30٪ من إستهلاك البنزين.
:::::::::::::::::::::::::::::::::::::::::::::::::::::::::::::
5) Check Engine Performance
فى ناس فعلآ لما بتشوف لمبة الأعطال بتتبع أسلوب "أعمل نفسك ميت" :D
ممكن يمشى فترة طويلة وهى منورة !! و ده غلط جدآ, لازم تشوف العربية عاوزة تقولك إيه ومحتاجة تعملها إيه.
::::::::::::::::::::::::::::::::::::::::::::::::::::::::::::
6) Be a smooth operator
النقطة دي بقى بتاعتك أنت, حاول دايمآ تدوس على دواسة البنزين بشكل مناسب لإستجابة الموتور, لأنك لما تضغط على الدواسة مرة واحدة الكنترول بيزودلك شوية حلوين فى البنزين عشان يزود قدرة المحرك ويخلى العربية تستجيب معاك بسرعة بس لازم الموضوع ده يكون بالتناسب مع إستجابة الموتور عشان متخسرش بنزين فى الأرض.
::::::::::::::::::::::::::::::::::::::::::::::::::::::::::::
7) Lose some weight
مش لازم بقى شنطة العربيه تبقى مخزن لكل حاجة قديمة سواء بقى قطع غيار قديمة من قبل كدة أو أى حاجات وزنها كبير فى الشنطة, لأن ده بيعتبر حمل على العربية والموتور وبالتالى هيستهلك بنزين كتير !!
ولو ليك صاحب مليان شويه متركبوش :D
:::::::::::::::::::::::::::::::::::::::::::::::::::::::::::::
8) Check Tire Pressure
طبعآ لازم تظبط ضغط الكاوتش زى ما مكتوب فى الـ"User Manual" أو اللى مكتوب فى اللوحة المعدنيه اللى عند باب السواق أو عند غطا التنك أو أسال حد يكون عارف العربية دي بتتظبط على كام, لكن متعتمدش على الراجل بتاع الكوتش لأنه غالبآ بيظبط كل العربيات اللى فى الدنيا على نفس الرقم, وهو ميعرفش أصلآ إن كل عربيه وكل نوع كاوتش ليه ضغط معين, إنك تظبط ضغط الكاوتش بالضغط الصح هيوفرلك حوالى 3.3% من إستهلاك البنزين.
