حكيم دار القلوب dr.hesham.hakeem dar elkloub

19/10/2025

15/08/2023

ان شاء الله بداية من السبت القادم الساعة الرابعة عصرا تقدر تسجل صورة قلبك وتعرف حالته بتقرير من استشاري قلب
العيادة لاتقبل يوميا اكثر من عشر حالات.
بادر بحجز ميعادعلى
01281522037/01027025667

10/03/2023

ضربات القلب
========
لوحسيت بنبض قلبك وانت نايم ،وبدء بالتدريج ومشي كمان على مهله ومكانش معاه اي اعراض مصاحبة ومطولشى معاك يبقى ده طبيعي ولا تفكر فيه
لكن
——
لوحسيت بخلل القلب وضرباته فجأه ،وطول وكان معاه دوخة ،عرق ،غمة نفس ،الم بالصدر وخصوصا لو في تاريخ سابق ليك او لاسرتك مرض بالقلب ،يبقى كده لازم تزور حكيم القلب وتعمل رسم قلب عادي وايكو وكده غالبا هتحتاج علاج.
د هشام ابراهيم

23/02/2023

انقلاب في القلب
==========
كل نظام في الدنيا ليه كبير يتحكم فيه يؤمره وينهيه ، وملكة خلايا القلب هي الإس إيه نود SAN وهي مركز القيادة والتحكم وهي قيادة رشيده فاهمه القلب وعارفه امتى تسرعه وتبطئه على مدار الساعه طول عمرك ولو كنت صاحي او نايم .
ولكن لو خليه قلب تانيه انقلبت ع الحكم وسحبت مركز القيادة عندها ،
هنا يحدث خلل في منظومة ادارة القلب وتحس انت فجأه بخفقان مزعج
ولو ده معاه دوخة او تعرق او وجع بالصدر ،
يبقى لازم تزور طبيب القلب
ومتعكم الله بالصحة والعافية ،
حكيم القلوب د هشام ابراهيم

01/01/2023

عام 2022 ياما كسر قلوب
ظاهرة القلب المكسور وتكون بسبب الحزن الشديد على فراق الاحبة او خسارة المال والشعور بالضياع وهلاك الارض والحرث وعدم الشعور بالامان وكلها سمات العام المنصرم من ساعات والقلب المكسور فيه تضعف معظم عضلة القلب حزنا وكمدا ودون اي سبب عضوي يشعر المريض بالنهجان والم الصدر ولحسن الحظ يكون هذا المرض مؤقت ولمدة لاتزيد عن الشهر تعود عضلة القلب للعمل والمهم التشخيص الدقيق وتطمين المريض حكيم القلوب د هشام ابراهيم

24/12/2022

الأرق
===
تبقى مرهق ونفسك تنام ومفيش نوم خالص وده له اسباب كثيرة ولكن بالتجربة والخبرة العملية ضغط الدم المرتفع ممكن يكون هو السبب المنسي والوحيد وراء هذه المشكلة ( الارق) وبمجرد ضبط الضغط ترجع تنام ويبقى كله تمام . حكيم القلوب د هشام ابراهيم

23/12/2022

الذبحة الضجعية
==========
معظمنا يعرف ان ذبحة القلب مرتبطه بالحركة والمجهود وبالتوتر والعصبية لكن الغريب انك تشوف حد يصاب بالذبحة بمجرد مايفرد جسمه ع السرير مما يصعب التشخيص لكن لو انتبهت وشرحت حالتك صح حبيتين برشام وتنظيم سلوك حياتك يشفيك باذن الله . حكيم القلوب د هشام ابراهيم

22/12/2022

الذبحة الصدرية
==========
وهي قصور في تغذية القلب بسبب التدخين او الدهون او السكر او الضغط او الوزن واحدى علاماته يجي المريض داخل عليك ومطبق ايده وحاطتها في منتصف صدره زي مانت شايف الصورة وهنا وجب التوجه لاقرب عيادة قلبية لعمل رسم تخطيطي للقلب والعلاج
متعكم الله بالصحة والعافية .
د هشام إبراهيم حكيم القلوب

03/11/2022

سن اليأس عند الرجال
=============
هو حاجة طبيعية بتحصل بعد سن الاربعين يقل هرمون التيسترون وتقل الرغبة الجنسية ويشعر الشخص بنوع من الاكتئاب ويعرف هذا طبيا andropause ويلجأ الرجل الى العقاقير واحيانا الى المخدرات مثل الترامادول والحشيش والكوكايين وكلها مؤثرة على ادوية القلب وتسبب مصائب كبيرة ،ولا تيئسوا لانه سن اليأس عند المصريين قد يبدأ بعد السبعين وعلشان كده احنا بنزيد بمعدل خرافي سنويا. حكيم القلوب دهشام ابراهيم