Mohamed Abo Bakr

Mohamed Abo Bakr Maintenance and Operation Engineer 👷
Agricultural machinery and equipment 👷
Graphic designer ✨
01010749507

التاكيهات وطريقة ضبطها ❤️**التاكيهات زيها زي عمود الكامات ولكن الفرق في اي بقي ولا اي حاجه بالعكس عامود الكامات احسن واف...
21/08/2025

التاكيهات وطريقة ضبطها ❤️

**التاكيهات زيها زي عمود الكامات ولكن الفرق في اي بقي ولا اي حاجه بالعكس عامود الكامات احسن وافضل واكثر دقه ودا لان زمان كان بيستخدموا التاكيهات والشواكيش والشغلة التعبانه دي دلوقت الدنيا اتطورت وبقت افضل حتي دلوقت في شركات مثلا زي هونداي مفيش عامود كامه اصلا وشغلها اغلبه علي ماتور صغير بالكهربا بيدي اوامر للValves

*عامود الكامات زي ما قولنا في منه نظامين SOHC و DOHC
وكنت شرحتهم وشرحت الكامات وعامود الكامات بالتفصيل في درس سابق

التاكيهات دي بقي موال كبير كده 😂 ظبط تاكيهات وليله كده والدنيا سهله وف اللذيذ منه تعال بس نسمي الله ❤️

هرفق صورة كده تشرح آلية العمل ومكونات منظومة التاكيهات دي اي

آلية العمل
*عامود الكامات في عربيات زي الشاهين الشعبي بيكون في نصف المحرك بياخد الحركة من الكرنك عن طريق سير Timing belt وبعد كده بيحرك المطرقة او ال Tappet وبعد كده بيوصل الحركه لل Pushrod وبعد كده لل Rocker arm الشاكوش وبعد كده بيضغط علي طبق الصمام يفتح

ضبط التاكيهات
معلومة كده نادرا حد يقولهالك حته كده درستها ف كورس محترم تابع لمعهد STARWEAVER ايطالي المهم
لازم تسيب خلوص بين الشاكوش وصمام ال Exhaust اكبر من صمام ال intake طيب ليه يا هندسه ؟ عشان سلندر صمام العادم الي هو ساق الصمام الجزء الي بيركب علية ال Valve Guide بيتعرض لضغط وحرارة اكتر من صمام الintake ف بيحصل لية تمدد حراري وبالتالي بيتمدد معايا الصمام فلازم اظبط ان خلوص ال Exhaust اكبر من ال intake ف المنطقة دي
انا بظبط التاكيهات والخلوصات دي عشان مع الوقت بيحصل استطاله في اجزاء المحرك لازم اكون واعي ليها وعلي اساسها بظبط خلوصاتي وعلي حسب انا مشيت كام كيلو والكلام دا ف الكتالوج

ازاي بظبط الحوار دا هجيب معايا المفك ومفتاح عشان اتعامل مع الصامولة الي فوق واهوي الصاموله سيكا ومعايا المفك ببدأ اظبط الخلوص بتاعي بورق الفلر علي حسب رقم الي ف الكتالوج

تعال معايا كده ل محرك ديزل QSB 6.7
وانت بتظبط تاكيهات المحرك دا هتلاقي فوق مكان المارش Starter motor لقمة كده ممكن تحط فيها زراع التك او يد التك او يد سيستيم لقمة نتاية بالعامية كده 😂
عشان اقدر الف الحدافه ف يلف الكرنك

المهم روح عند طارة الكرنك او ترس الكرنك نفسه هتلاقي زنبه او كلمة TDC النقطه الميته العليا اظبطها كده ع الساعة 12 واشوف التاكيهات فوق تمام حره معايا ولا لا لوقفشه يبقي الف الطارة 360° وبعد كده اظبط التالي اول خطوة
هظبط
Step 1
1-cyl (intake & Exhaust)
2-Cyl (intake)
3-Cyl (Exhaust)
4-Cyl (سيبه زي ماهو )

Step 2
رجع الطارة تاني غلي 360° لحد ما الاقي تاكيهات اول سلندر قفشت وبعد كده اظبط الي سيبته
1- cyl ظبطناه اول خطوه
2- Cyl (Exhaust)
3-Cyl(Intake)
4-Cyl (Intake & Exhaust)


Block Engine او الشورت بلوك زي ما بيقولو علية بيركب عليها المارش والدينامو ومضخة الماء والمبينةالاسباب الي بتتلف معاك وش...
17/08/2025

Block Engine
او الشورت بلوك زي ما بيقولو علية
بيركب عليها المارش والدينامو ومضخة الماء والمبينة

الاسباب الي بتتلف معاك وش السلندر ايه ؟؟
١- سخونة المحرك بدرجة كبيرة
٢-الاجهاد الحراري بسبب السرعات العالية وسخونة المحرك
3-تلف مضخة الماء لأن الماء هيكون ساخن في ال Water jacket بتاع المحرك لانه مش بيتجدد او ان دورة التبريد بالماء فيها خلل

البلوكاية كانت زمان حديد زهر دلوقت من الالمونيوم اخف وزن واخف تكلفه الاسطوانات برضو كانت بتتصب مع البلوكاية يعني الشميز ف الشورت بلوك لكن دلوقت عشان البلوكاية من الالمونيوم ف بقي معدن غالي لازم افصل بينه وبين حركة البيستيم بمعدن تاني زي الشيميز

الثقوب الي علي جنب البلوكاية في ناس بتقول عليها core plugs ثقوب التجميد او التوسيع في ناس مفكرة انها عامل تمددي لو المبرد تجمد ف الثقوب بتنبثق ودا غلط الثقوب دي مكان الصب بتاع المعدن للبلوكاية الديزاين لازم يكون كده عشان يعرف المعدن يتصب ويطلع بالشكل المثالي ودا فاهمه جدا مهندسين انتاج

الشائع هو خرط وش الشلندر او سنفرته زي ما كنت شرحت قبل كده بس كل دا خارج التوكيل وغلط عمتا لأنه هيقلل عندي مساحة الانضغاط وال CC بتاع المكنة وبالتالي هيحصل انضغاط اعلي وبالتالي العربية تسخن معايا ع طول في السرعات العالية ولما اهدي ترجع تقل بالتدريج
*زمان كان compression rate قليلة شوية 8:1 دلوقت بقت دقيقة جدا في السيارات الحديثه 14:1

طريقة الفك مش صعبة ومش سهلة بالنسبة للسلندر هيد cly head
1- لازم اشوف ارقام عزم الربط لكل مسمار في الكتالوج الخاص بال Engine
2-لازم افك بترتيب معين مش عشوائي اول مسمار انا حليته هو آخر مسمار هربطه وبعد كده اوزع الحمل علي وش السلندر وانا بحل
يعني مينفعش احل جنب واسيب جنب
يا هحل بنظام الحلزون يا اما بنظام توزيع الحمل
طبعا لازم يكون معايا ستاند او بلغة الصنيعية كده كارتونه افرشها ف الارض لو مفيش استاند عندي 😂وارتب المسامير الي هحلها عليها واعرف كل مسمار اتحل منين عشان في مواتير بيفرق معاها التفاصيل دي وغير كده دي حاجه ليك انت ك مهندس صيانة انك تكون منظم شغلك

طريقة التركيب بعد اجراء الصيانة الازمة
1-افرش زيت محرك علي البلوكة كدة عشان الچوان يربط باحكام وبعد كده اجيب ( الچمالكا )دي ماده بيستعملها 90% من الصنايعية تمهيد للچوان وبتخليه محكم ف وش السلندر
2- لو البلوكاية فيها عالي وواطي ودا بعرفة ازاي تعال اقولك
هجيب يباشا دهان او قلم لوح وهعلم البلوكه كلها من فوق وهجيب لوح زجاج سمكه 1سم او اي حاجه تكون horizontal بنسبة دقيقه
وهجيب سنفرة 1200 وبعد كده همشي لوح الزجاج تحته السنفره مسحتين لو الدنيا تمام والدهان او قلم الفلومستر اتسنفر يبقي البلوكه تمام طلع في عالي وواطي يبقي هسلخ البلوكه ع مخرطه ودا هندسيا غلط بس ماديا ف المظبوط منه 😂

3- هركب الچوان وأدهن وش الچوان برضو بالزيت عشان يطبع مع وش السلندر
4- اتأكد أن كل السلندرات في المنتصف او كلها تحت يعني اوسطنهم بعيد عن وش السلندر عشان وانا بركب السلندر هيد ميحصلش مشكلة في اي بيستم
5- هبدأ اشبط المسامير كل مسمار في مكانه
6- هبدأ اربط اول حاجه المسامير ف المنتصف وبعد كده نظام اكسات كده ف بعض اوزع الحمل بمعني اصح ومش بربط ربط جامد بحيث اقرص لا انا بربط يا اما بالدريل او بربط بيد سيستيم او بزراع العزم torque و torque angle افضل وبربط تشبيط وف الاخر بقرص ع حسب نيوتن كل مسمار ومفتاح زاوية العزم بظبطه ع صفر واوصلة للزاوية الموجوده ف الكتالوج

عامود الكاماتCamshaft وظيفته يعمل علي غلق وفتح الصمامات في التوقيت المناسب عن طريق الحدبات الموجوده عليه يكون متصل بعامو...
28/07/2025

عامود الكامات
Camshaft
وظيفته
يعمل علي غلق وفتح الصمامات في التوقيت المناسب عن طريق الحدبات الموجوده عليه
يكون متصل بعامود الكرنك وياخذ حركته منه بنصف سرعة عامود الكرنك عن طريق جنزير او سير او ترس (سير تايمينج )

*الحدابات دي بتضغط علي حاجه اسمها التوابع التابع دا بيكون هيدروليكي وملئ بالزيت بيستخدموه عشان التلامس مستمر بين الحدبات والصمام ويضمن عدم التآكل وتحت منه علي طول بيكون النابض valve Spring

**العامود لو محرك 4 Cyl بيكون عليه 8 حدبات كل سلندر عليه اتنين واحد لصمام الintake وواحد لصمام ال exhaust

الرفع -Lift
بيبقي في ورقة بتيجي مع عامود الكامات الي هو الكتالوج بتاعه في عندي حاجه اسمها Peak Valve Lift دا بيعبر عن المسافة الي الصمام هيتفتحها جوا السلندر بيبقي في رقمين رقم لصمام الدخول وواحده لصمام الخروج.

**صمام الintake هتلاقيه ف الغالب الرقم الاكبر وليكن مثلا 10.1215mm عشان كمية الهواء والوقود تدخل بشكل صحيح .

**صمام الexhaust هتلاقي رقمه قليل وليكن مثلا 9.5640mm ودا عشان تكون مسافه صغيرة وتحسن الكبس عندي والضغط بتاع خروج العادم ودا بيدي عزم اكبر للمحرك .

المدة - Duration
*مدة فتح الصمام او الفترة الزمنية لفتحة
* كل ما كان الحدبة أعرض كل ما كان الفتره اطول والصمام يفضل فاتح اكتر والعكس
* الرقم المقاس بيبقي بوحدة مثلا .. CrankDeg 252.8 وحد من عامود الكرنك

الفصل -Lobe-Separation
بيحدد الزاويه بين كامة الصمام intake وكامة صمام الexhaust
تقاس الدرجة بوحدات عامود الكامة CamDeg
• لو عندي super charger او تيربو بستخدم زاوية كبيرة من الفصل عشان كده كده عندي ضغط هوا
• ظاهرة التداخل دي بتديلي ضغط هوا جوا السلندر وبيخلي المحرك يسحب وقود بجودة عالية في محرك التنفس الطبيعي
• كل ما الزاوية قلت المحرك هيديلي صوت لبلبه كده بتاع المحركات الامريكي القديمه والسبب هو ان في السرعات القليلة المحرك مش عارف يتنفس بالطريقة الفعاله

اسباب تلف عامود الكامات ...
1- ضعف مضخة الزيت
2- عدم تغيير الزيت لفترة كبيرة
3-عدم استواء رأس السلندر
4-تركيب عامود الكامات بشكل خاطئ بعد عملية الصيانة

****SOHC تعني single Over Head CamShaft
عامود كامات واحد في رأس المحرك
***DOHC تعني Double Over Head CamShaft
عامودين كامات في رأس المحرك عشان لو الغرفه باربع صمامات

# # # # وانا بفك عامود الكامات لازم اتأكد ان السلندرات كلها والبساتم كلها تحت عشان مخربش البستيم
# # # هحط سيخ حديد رفيع او مفك طويل مثلا في مكان البوچيه عشان اتأكد ان البساتم كلها تحت لو فوق بحرك ترس الكرنك لحد ما انزل البساتم تحت

# # #دلوقت في عربيات الهونداي الجديدة وبعض السيارات الحديثة لغوا الكامات والتاكيهات دي اصلا الموضوع بقي عباره عن محرك كهربي صغير مركب الصمام وبياخد حركته من اكواد علي الكارته بتاعت العربيه اصلا بالبرمجه ودا تقدم جميل في عالم السيارات لان دا بيقلل من شكل المحرك وحجمه واقل تكلفه

حساس الكام شيفت CamShaft Sensor

*بيراقب حركة الكام شيفت ودورانه عشان يظبط توقيت فتح وغلق الصمامات وبيتخدو كل الاوامر من الكمبيوتر الخاص بالسيارة توقيت غلق وفتح الصمامات وتوقيت فتح وغلق الرشاشات في الديزل
#بيتلف ساعات وتنقطع الصلة بينه وبين الكمبيوتر
• ممكن الاحظ ان الوقود المحقون في السلندر اعلي او زياده ودا لان الحساس بعت اشارات غلط للكمبيوتر
• في بعض السيارات لو الحساس عطل بيفضل الفتيس عالق عند سرعة معينه اقل ومينفعش ادي سرعه عاليه وخصوصا لو كان GB اوتوماتيك


الطوق او الچوان Head Gasket چوان وش سلندر يربط رأس ال Cylinder مع هيكل المحرك وظيفتة *يحكم الضغط المناسب داخل ال Cylinde...
24/07/2025

الطوق او الچوان
Head Gasket چوان وش سلندر

يربط رأس ال Cylinder مع هيكل المحرك
وظيفتة
*يحكم الضغط المناسب داخل ال Cylinder واحكام الاغلاق بين رأس الاسطوانات والجسم الخاص بالمحرك
*يمنع تسريب المياه والزيت الي غرفة الاحتراق

***سماكة ال Gasket تختلف من محرك للاخر علي حسب الكتالوج ويصنع من الصلب في اغلب الاوقات
*** لو عدلت علي البساتم او الشميز يبقي هتغير ال Gasket عشان يدي الضغط المطلوب
*** لو السيارة خلطت مياة وزيت بنسبة 80% السبب head Gasket او چوان وش السلندر
*** لازم احط مادة مرنة قبل وضع الچوان علي جسم المحرك وعلي سطح الجوان ... عشان مينفعش احط صلب علي صلب بمنع الاحتكاك والتآكل

شوية حاجات كده لو لقيتهم يبقي المكنه جابت چوان وش سلندر
1-هفك غطاء قربة الزيت الاول واشوف لون الزيت علي الغطاء عامل ازاي لو قيته لونه مبيض شويه كده شبه الطحينة يبقي المحرك خلط مياه وزيت ودا كده يبقي چوان وش سلندر علي طول
2- هسحب مقياس الزيت وشوف شكل الزيت لو لقيته شبه الطحينه يبقي چوان وش سلندر
3- هتفك قربة المياه هتلاقي ان منسوب المياه اقل من ال minimum لان المياه دخلت علي السلندرات بسبب الجوان
4- الشكمان جايب مياه كتير اوي ودا سبب چوان وش السلندر
5- لو شيلت غطاء الردياتير او قربة المياه ودورت العربية ولاقيت بقاليل او تسريب هواء في المياه يبقي هواء من مكان حركة البساتم دخل دورة التبريد
6- ممكن الاقي غرفتين كبسهم ضعيف ودا بسبب الجوان فتح علي غرفتين وظا بيعمل رجفه او رعشه في العربية
7- لو لاقيت مياه او تسريب مياه علي البوچيهات او صدي يبقي دا تسريب مياه من چوان وش السلندر
8- قبل ما اشغل العربية الصبح ولاقيت بقعة زيت في مياه الردياتير يبقي جوان وش سلندر

طريقة تغييرة
1- هشيل اي اثار مكان الجوان القديم علي الهيد سلندر بسكين معجون الاول وبعد كده بسنفره
2- هجيب لوح زجاج مثلا سمكه 1سم ولوح سنفره رقم 320 والزقه عليه واسنفر وش السلندر بكل هدوء عشان مجرحش وش السلندر
3- هجيب بعد كده سنفره رقم 600 واسنفر بنفس الطريقه
4- هجيب بعد كده سنفره 1200 واسنفر لحد ما اخلي وش السلندر بيلمع مفيش فيه اي بقايا للوش القديم او اعمل خليط بين البنزين والاسيتون وارش بيه الوش كله لحد ما يلمع
ممكن احط سيلكون او چمالكا ( مادة لازقه ) بس لازم توزع صح يكبير


الصمامات يوجد في كل اسطوانه Cyl عدد اتنين من الصمامات واحد مسؤول عن **الintake وهو المسؤول عن دخول خليط الوقود والهواء *...
19/07/2025

الصمامات
يوجد في كل اسطوانه Cyl عدد اتنين من الصمامات
واحد مسؤول عن
**الintake وهو المسؤول عن دخول خليط الوقود والهواء
** والتاني Exhaust وهو المسؤول عن خروج دخان العادم او العادم الناتج من الاحتراق الداخلي ...دائما صمام ال intake يكون اكبر من الExhaust لان الضغط المستخدم للدخول اقل من الضغط المستخدم لخروج هواء العادم

انواعه

**صمام قياسي ... شائع الاستخدام في السيارات
**صمام خُزامي ... شائع الاستخدام في سيارات السباق لسهولة مرور الغازات
**صمام ذو السطح المستوى... مركب في كلا النوعين وحاليا شائع في محركات السيارات

///اغلب الصمامات بيكون في رأسها تجويف او حفره كده
عشان في الضغط يمتص ضغط الهواء بتلع العادم

///في محراكات تحتوي علي اربع صمامات في كل سلندر اتنين للدخول واتنين للخروج

////الطبيعي في الصمامات ان درجة حرارة التشغيل في صمام ال intake تصل الي 350 درجه C وفي صمام ال Exhaust تصل الي 700 درجه C

تصنيعه//

يُصنع من النيكل والكروم وكمية قليله من المنجنيز مع اضافة بعض المواد الأخري . ولازم يكون معدن الصمام جيد التوصيل للحرارة بصورة ممتازه

في صمامات بيكون فيها صوديوم من الداخل عشان في درجات الحرارة العاليه بيتحول الي سائل ودا بيخلي الحرارة تنتقل بصورة افضل عشان الصمام ميتحرقش او يتلف .

# #أجزاءه # #

Valve Spring النابض
عباره عن زنبرك او سسته تتحكم في غلق الصمام باحكام وفتحه في الوقت المناسب حسب ضبط التوقيت للصمامات وهذا عن طريق اوامر اللكترونيه في السيارات الحديثه الآن اما سابقا كان ضبط توقيت التاكيهات وحسب وسنشرح مقدما التاكيهات وطريقة ضبطها

Valve Spring Retainer المثبت
يثبت النابض في مكانه عشان يأدي وظيفته وميتحركش

Valve Keeper الحارس
يثبت النابض والمثبت الاتنين عشان الاتنين ميتحركوش واسمه الفولة بالمعني الشعبي عبارة عن تيله مكونه من شقين كده بيتركبوا علي بعض لما يتشد المثبت والنابض لتحت

مانع التسريب Valve Seal
بيتركب علي الصمام شبه البلف كده عشان يمنع تسريب الزيت من الصمام لغرفة الاحتراق في منه بني وازرق والزيت دا بيكون في الخلوص بين الساق والدليل للصباب
Valve Guide الموجه
زي الخاتم بيتلبس في الصمام عشان يمشي الصمام بالطريقة الصحيحه وفي الغالب بيتصنع من الحديد او البرونز
Valve Seat مقعد الصمام (كرسي الصمام )
وظيفته يقاوم الصمام ويعطي حماية لرأس السلندر بيكون مصنوع من الحديد عالي الصلابه غالبا
وبيكون متركب في رأس الصمام عشان لما يجي يلمس السلندر يكون هو المواجه للسلندر عشان يحافظ عليه ويمنع الاحتكاك

Spring seat مقعد النابض
جلبه كاوتش كده عشان يحمي راس البلوكايه او السلندر هيد من حركة الزنبرك

البوچيهات الاستخدامعندما يصل البيستم piston للنقطه الميته العليا في شوط الأنضغاط يقوم البوچيه بأطلاق شرارة عباره عن شحنه...
01/06/2025

البوچيهات

الاستخدام

عندما يصل البيستم piston للنقطه الميته العليا في شوط الأنضغاط يقوم البوچيه بأطلاق شرارة عباره عن شحنه تقوم بالاشتعال داخل السلندر

آلية العمل

يكون الطرف الموجود في رأس البوچية موجب ويتم توصيلة بكابل واصل للبطاريه او الموبينه بينما الجزء السالب هو السن الذي يلامس شاصي السيارة

اجزاءة

*الجزء الابيض هو مادة من البورسلين Porcelain عازلة عشان الكهربا توصل كامله للجزء المعدني الي تحت عشان تكون الشرارة بكامل كفاءتها ( لو حصل تشقق او انكسار في البوچيه هتلاحظ سواد علي البورسلين ودا دليل تسريب كهرابا او تلف البوچيه )

*مقاومة داخل البورسلين وظيفتها تمنع الذبذبات وتنظم الڤولت ( لو سمعت صوت ذبذبات في الراديو او السماعات ممكن يكون من البوچيه)

أنواعة
( رأس -رأسين- ثلاثه -أربعه والعديد من الأشكال )
يوجد منه
** نحاس --- نوع شعبي يتم تغييرة من 20:30 الف كم
**بلاتينيوم -- يتم تغييرة من 50:60 ألف كم
** أريديوم -- بيكون الرأس بس الي مصنوع من الاريديوم يتم تغييرة من 100: 120 الف كم
** سيلفر .

لازم يشتغل البوچيه عند 400: 800 درجه C
الاريديوم يوصل ل 900 درجه C

في من البوچيهات نوعين من حيث الاستعمال للسيارات
نوع Hot ونوع Cold
ال Hot 🔥 للسيارات الرياضيه او السرعات العاليه البوظ بتاعه بيكون عالي Long
ال Cold ❄️ للسيارات العاديه الاستخدام الطبيعي يعني البوظ بتاعه بيكون قصير Short

يتراوح درجاته ف الحراره من 1الي 11 كل ما يعلي بيكون بوچيه hot والطبيعي بيكون من 7 الي 8

طبعا اختيار البوچيه بيكون علي حسب نوع الماتور وعلي حسب الCC بتاع السلندر وعلي حسب السلندر ابعاده اي مش اي هبل ف الجبل اروح اركبه 😅

ازاي طيب اعرف ان البوچيه باظ يمعلم 👀؟؟
• العربية مش هتدور معاك او ممكن تدور اكتر من مره
• رجه في العربية وضعف المحرك وفقدان التوازن
• استهلاك وقود عالي جدا وممكن بنزين يطلع من الشكمان متحرقش اصلا هتلاقي دخنه سوداء في العادم
• صوت ضوضاء وتفتفه وتقطيع اثناء الدوس علي الدواسة وانت طالع مطلع او في عزم
• هتلاقي كربون علي سن البوچيه متراكم ولونه اسود تنضفه كويس بفرشه وشويه بنزين وترجع تركبه تاني عادي
• لو لاقيت زيت علي سن البوچيه يبقي في عندك تسريب ف الشنابر جوه او من بلف البخار
• لو وصل مياه هتلاقي القطب ابيض كده

19/02/2025

يارب

08/02/2025

ونعم بالله

Address

البحيرة/ادكو
Alexandria
5951108

Website

,

Alerts

Be the first to know and let us send you an email when Mohamed Abo Bakr posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mohamed Abo Bakr:

Shortcuts

Share

Category