19/11/2024
عندك فكرة جديدة لمشروع بيقدم خدمة معينه عايز تعملها ابلكيشن ...!!!
ياتري هيتكلف كام ؟
الابلكيشن فى الاول و الاخر هو طريقة تواصل فقط مش مشروع مستقل بذاته
فطبعا بيكون الفكرة ورا الابلكيشن ده هو business model معين عايز طريقة تواصل سهله وبسيطة بالنسبة للعميل تساعدنى على التوسع
فانت محتاج تفكر الاول فى ال Business model ده هيشتغل على الارض ازاي باعتبار ان مفيش ابلكيشن ولا حاجة , هيحتاج فى ابسط صوره :
1. موظفين اداريين لاستقبال الطلبات وتوزيعها ومتابعتها وتسجيل الايرادات والمصروفات
2. عمال لتنفيذ المهام المطلوبة بمختلف تخصصاتها او التعاقد مع جهات معينه لتنفيذ الطلبات وازاي هتضمن التزامهم وهكذا
3. طبعا بعد كل اللى فات هتقدر تحدد مصادر وبنود التكلفة
4. التسويق من حيث التسعير بشكل مناسب وطريقة تقديم الخدمة ونقاط القوة والتميز عن المنافسين
5. والاعلان وكيفية الوصول الى العملاء
هتبدأ بعد كده عايز تنفذ خطوة انك تحول ال Business model ده لمشروع online معتمد على تطبيق بيسهل التواصل مع العميل وبيسهل الاعمال الادارية لتنفيذ الخدمة
فى الطبيعي لما يكون عندنا مشروع زي كده قائم ونفكر نعمله حاجة online للتطوير والتوسع بنتحرك باستراتيجية اسمها lean startup وفيها بنبدأ الاول بويب سايت بيقدم نفس الخدمة
ليه ويب سايت ؟ لانه اقل تكلفة فى التاسيس والتحديث اثناء فترة الاختبار الاولي
وطبعا بيكون عليه الية معينه للحصول على احصائيات وارقام نحللها ولما نلاقى اننا نجحنا فى الحصول على عملاء بيستخدموا الموقع باستمرار بنكمل ونعمل الابلكيشن وحتى اننا بنختار من الموقع اهم الوظائف اللى بيستخدمها العميل باستمرار ويقتصر التطبيق عليها علشان يبقى فعلا تسهيلا له
امازون نفسها وعلى بابا وغيرهم من التطبيقات الناجحه عندهم دورة عمل كاملة على الارض وبدئوا بموقع الكتروني ومعاه سيستم حسابات داخلى وفضلوا سنين يتطوروا اساليب ادارة التشغيل زي الشحن وغيره على الارض ويضيفوا كل ده للسيستم تدريجيا
لحد ما اصبح الناس بتستخم خدماتهم بشكل شبه يومي فعملوا ابلكيشن مختصر للعميل فقط وبعدين ابلكيشن للتاجر فقط تسهيلا على كل واحد منهم وهتلاقى بعض الاعدادات مش موجوده على الابلكيشن ولازم تروح لها من الموقع الالكتروني
حتى ان نون نفسه حتى الان معندوش ابلكيشن رسمي للتاجر لكن فى بعض المحاولات الغير رسمية علشان يوصلوا لانسب حاجة
طبعا مش دي الاجابة اللى بينتظرها اى حد رايح لشركة Software بيقولهم عايز اعمل تطبيق لكن دي الطريقة الاكثر نجاح والاقل مخاطرة
لكن الاجابة النموذجية اللى الكل بيتوقعها
ان فى سكربتات جاهزة ممكن تكلفنا فى حدود 200 دولار فى المتوسط
وممكن نعمل تطبيق من الصفر يكون كله بتاعنا يتكلف فى حدود من 170 ل 280 الف جنية مصري حسب تفاصيل متطلبات حضرتك اللى هنحتاج نحدد ميتنج علشان نتكلم فيها
تواصل معنا لتفاصيل أكتر
