18/05/2026
الكرامة خط أحمر! صرخة بحار مصري بعد فيديو إهانة زمايلنا المخطوفين ومبادرة لإنقاذهم أنا شفت الفيديو وعيطت.. عيطت دم على هيبة بحارة مصريين بيتهانوا ويتربطوا ويضرب نار جنب ودنهم في وضع مزل لا يرضي ربنا ولا يرضي أي مصري عنده كرامة! يلعن أبو الكورة على أبو الإعلانات اللي بتتدفع فيها ملايين وخوتنا مش عارفين نرجعهم ، لو مش هتحمي كرامة ولادنا!"
نداء عاجل ومفتوح إلى:
سيادة رئيس الجمهورية، سيادة رئيس مجلس الوزراء، وجميع أعضاء البرلمان المصري.. إخواتنا البحارة على السفينة MT Eureka لازم يرجعوا في أسرع وقت، مصري مش هينفع يتهان برة كدة!
وفين رجال الأعمال؟ فالحين بس تلمعوا في التلفزيون وتدفعوا ملايين عشان لقطة، أو تتبرعوا للعيبة كورة وتفكوا قيد أندية؟ هل رجل الكورة عندكم أغلى من روح وكرامة البحار اللي شايل اسم مصر في عرض البحر؟!
طالما مفيش رجل أعمال فيه "نخوة" يتحرك ويدفع أو يتفاوض.. افتحوا لنا صندوق تبرعات رسمي لإنقاذ البحارة المخطوفين، وإحنا البحارة والشعب المصري هنتبرع من قوتنا. أنا أول واحد بعلنها رسمي: مستعد أتبرع بمرتبي كاملاً فداءً لرجوع إخواتي بكرامتهم.
انشروا الفيديو ده في كل مكان.. الكرامة مش لعبة، وولاد مصر مش رخاص!
منقول : قبطان نور Captain Nour
