Wexel, Alexandria (2026)

23/09/2020

مكنش ينفع نتكلم عن أكتر لغات البرمجة شهرة في 2020، ومنتكلمش عن بيئات التطوير (IDEs)، اللي بتتيح للمبرمجين خيارات، وخصائص مهمة جداً، تسهل عليهم عملية كتابة الأكواد.

وفي 2020 بيتصدر Visual Studio من شركة Microsoft السباق كأكتر بيئة تطوير شعبية، واستخدام، وبيتم الاعتماد عليه في تطوير برامج الكمبيوتر الخاصة بنظام الويندوز، ومواقع الإنترنت، وتطبيقات الإنترنت، وتطبيقات الهواتف، ويليه Android Studio، وEclipse، والنسخة المجانية منه Visual Studio Code.

الترتيب الكامل لبيئات التطوير المختلفة تقدروا تشوفوه من هنا:
http://pypl.github.io/IDE.html

17/09/2020

مع تطور البرمجة في السنين الأخيرة، وخصوصًا برمجة مواقع الويب، وده وصل أن عدد مواقع الويب الموجودة حاليًا يكاد يكون 2 مليار موقع؛ كان لازم نرجع بالزمن، ونشوف حجر الأساس اللي بدأ معاه كل التطور ده، وهو الموقع اللي أنشأه Tim Berners-Lee سنة 1991.

الموقع كان الهدف منه الإعلان عن خدمة الإنترنت (World Wide Web)، واللي وقتها كانت بتوفر سهولة تبادل الأبحاث، والمعلومات بين العلماء من جميع أنحاء العالم، وده لما كان Tim بيشتغل في معهد CERN في سويسرا. وفي سنة 2013، بدأ المعهد مشروع لاستعادة أول نسخة من الموقع، وتقدروا تزوروه من خلال اللينك ده:
http://info.cern.ch/hypertext/WWW/TheProject.html

10/09/2020

لغات البرمجة اللي بنستخدمها كتير، وكل لغة ليها نقطة تميزها عن الباقيين، لكن تطور اللغات دي، وقدرتها على مواكبة احتياجات المبرمجين هو السبيل الوحيد اللي يوصل بيها للقمة، ويحفز كل الناس أنها تتعلمها، وتطور نفسها فيها.

وفي 2020، قدرت لغة Python توصل للقمة كأكثر لغة شعبية بين المبرمجين، وده طبقًا لـPYPL Popularity Index، واللي بيرتب لغات البرمجة حسب البحث عن الـTutorials الخاصة بيها، وبعد Python تيجي لغة Java، ثم JavaScript.

في آخر 5 سنين قدرت Python تحقق زيادة بنسبة 20% في عدد المستخدمين، وده بسبب تطور استخدامها، بالذات في مجال الذكاء الاصطناعي، والـMachine Learning، واللي يعتبروا المستقبل في البرمجة.

تقدروا تشوفوا الترتيب بالكامل من هنا:
http://pypl.github.io/PYPL.html

22/06/2020

لما كان هدف شركة Go Cleaners السعودية إنها تقدم أفضل خدمة أونلاين لعملائها، فطبقت الهدف ده على الموقع الخاص بيها، وقدروا يحققوا ده من خلال Wexel Tech.

هنا في Wexel صممنا الموقع من الصفر، ومن خلاله العملاء يقدروا يختاروا الخدمة المطلوبة، وتحديد الميعاد بمنتهى السهولة من قائمة المواعيد، وممكن تشوفوه من خلال اللينك:
https://gocleanersksa.com

لو حابب تصمم موقعك الخاص تقدر تتواصل معانا على رسائل الصفحة أو من خلال رقمنا:
0155 388 6052

18/06/2020

"إيد لوحدها متسقفش"
الجملة دي نشوفها بشكل واضح جداً في البرمجة؛ لأن المشكلات اللي كانت بتواجه المبرمجين زمان في شغلهم مع لغة معينة، كانت حلولها بتكون مع لغات وإضافات جديدة. 😌

ولما نتكلم على الـFront-End Development، لغة HTML مكانتش قادرة تقدم أفضل شكل للمواقع لوحدها، ومع ظهور لغات زي CSS وJavaScript، بدأت ثورة في الـWeb Design، وكل يوم بتتطور أكتر وأكتر مع لغات جديدة لسه بتظهر. 😎

15/06/2020

مثال على شغلنا وهو موقع دكان العرب. 😌
تقدروا تشوفوه أقرب من هنا:
https://dakanarab.com/

لو حابب تصمم موقعك الخاص تقدر تتواصل معانا على رسائل الصفحة أو من خلال رقمنا:

0155 388 6052

10/06/2020

زي ما عرفنا إن لغة HTML هي الأساس اللي بيقوم عليه أي موقع، لكن المواقع كانت بتبقى بسيطة خالص، وبتعرض بس كلام على خلفية لونها أبيض، وهنا ظهرت الحاجة للغة نقدر من خلالها نغير شكل المواقع، والحل كانت لغة CSS. 💡

لغة CSS تعتبر الرسام اللي بيصمم شكل مميز للموقع، وده لأنها بتساعدنا في تحديد الخطوط والهوامش والمسافات لعناصر الموقع، تحديد لون وحجم العناصر، تطبيق الألوان على الخلفيات، وتحريك العناصر بحرية واللي بيدي الموقع حيوية أكتر. 😎

بداية استخدام لغة CSS كانت سنة 1996 من خلال الاتحاد العالمي لشبكات الويب، وليها إصدارات كتيرة وآخرها هو CSS3، وتعتبر مع لغة HTML أساس شغل أي Front-End Developer.

بعد ما عرفنا إزاي نقدر نصمم شكل جذاب للموقع، استنونا بقى عشان نعرف اللغات اللي بتمثل الـBack-End Development! 😌

08/06/2020

"- اوعى تستخدم الصورة دي عشان هتبوظ الموبايل"⁦⚠️⁩
"- هو أنت بتصدق برده الكلام ده"
دي كانت ردة فعل معظم مستخدمين موبايلات أندرويد لما سمعوا خبر الصورة الغريبة اللي بتسبب تهنيج للأجهزة، لكن دي كانت حقيقة فعلاً، والموبايلات اللي كان بيحصلها كده مكنتش بترجع لحالتها غير لما يتعملها إعادة ضبط مصنع، وكل البيانات اللي عليها بتروح للأسف، بس إيه السر ورا الصورة دي؟🙄

أول تخمين من الناس إن الصورة دي بينزل معاها Malware، لما بندخل على اللينك بتاعها؛ وهو اللي بيعمل كده، لكن الكلام ده طلع مش صحيح، وهنا بدأ كتير من التقنيين يحاولوا يعرفوا السبب ورا تأثيرها، والسبب اللي وصلوله كان مفاجأة فعلاً، والسبب ببساطة هو ألوان الصورة.😳

نظام الألوان اللي بتعتمد عليه موبايلاتنا هو RGB، واللي بيمثل 3 ألوان هي: الأحمر، والأخضر، والأزرق، وكل جزء من الصورة بياخد قيمة معينة من كل لون من دول عشان يظهر بالشكل اللي بنشوفه، ودي بنسميها Luminance، وليها قيمة من 0 لـ255. لكن في جزء من الصورة دي قيمة الـLuminance بتاعته أعلى من 255، وده بسبب إن ألوان الصورة مش بنظام الألوان اللي نظام الأندرويد بيتعرف عليه، وهنا ظهرت المشكلة اللي شوفناها.

لحد دلوقتي مأصدرتش الشركات اللي حصل لأجهزتها المشكلة دي أي بيان أو شرح ليها، هل ممكن يكونوا لقوا سبب أخطر سبب المشكلة دي؟⁦🤷🏻‍♂️⁩

06/06/2020

بعد ما عرفنا الفرق بين الـFront-End، والـBack-End، دلوقتي هنبدأ مع أول لغة، واللي تعتبر الأساس اللي بيقوم عليه تصميم أي موقع، وهي دي لغة HTML. ⁦👨‍💻⁩

كلمة HTML هي اختصار لـ" HyperText Markup Language"، واللغة دي ابتكرها Tim Berners-Lee سنة 1991، ومن وقتها بدأ استخدام اللغة دي في تصميم مواقع الويب، ويعتبر أكتر شئ مميز ليها هو استخدام العلامات دي ، واللي بنستخدمها في تعريف أي عنصر بنعتمد عليه في الموقع. 😎

وظيفة لغة HTML باختصار إنها بتحدد الشكل الأساسي اللي هيكون عليه الموقع، من حيث أماكن الأزرار، والصور، وتقسيم الواجهة بالشكل المطلوب، وبيصدر ليها تحديثات كل فترة عشان تحسن من استخدامها وآخرهم هو HTML5، واللي صدر سنة 2012.

لكن في مشكلة كانت بتقابل المصممين، هي أن الموقع مش بيكون ليه شكل جمالي يلفت الناس ليه، وهنا كان الحل مع لغة برمجة تانية، استنونا البوست الجاي عشان نعرف إيه هي؟😉

04/06/2020

زي ما اتكلمنا أنه من المهم نعرف أكتر عن لغات البرمجة، وإزاي كل واحدة مميزة عن غيرها، والبداية هتكون باللغات المستخدمة في تصميم مواقع الويب، لكن الأول لازم نعرف الفرق بين مصطلحين مهمين، وهم Front-End Development، وBack-End Development. 🙄

مصطلح الـFront-End المقصود بيه تصميم الواجهة اللي بيتعامل معاها المستخدم، واللي بتتضمن شكل الموقع، وترتيب محتوياته، والـDesigns الموجودة عليه، واللي الهدف منها تحسين واجهة استخدام الموقع، أو الـUI. 👨‍💻

لكن لما نتكلم عن الـBack-End Development، ده يعتبر عقل الموقع، واللي بيتضمن عمل التحديثات، وعمل الـDatabase اللي بيعتمد عليها الموقع، وكمان إجراءات الأمان، وأي إجراءات مش بيقدر يشوفها المستخدم لكنها بتخلي الموقع Dynamic، وبيقدر يحدث محتواه بسهولة.

تابعونا الفترة الجايه؛ عشان نبدأ نعرف أكتر عن اللغات المتعلقة بكل مصطلح من اللي اتكلمنا عنهم! 😉

01/06/2020

في وقتنا ده مواقع الإنترنت، وتطبيقات الموبايل بقت جزء مفيش غنى عنه في حياتنا، وده لأنها بتساعدنا نعمل كل حاجة تقريباً، زي إننا نتعلم أونلاين، أو نشتغل، أو حتى نتواصل مع ناس غيرنا، لكن الغريب أن كل ده السبب فيه هو سطور مكتوبة بلغة مش أي حد يفهمها، لكنها فعلاً بتساعدنا نعمل المستحيل، وهي دي لغات البرمجة. 💻

لغات البرمجة كتير، وليها استخدامات مختلفة، وحتى لو أنت مش مبرمج، من المهم إنك على الأقل تبقى فاهم كل لغة منهم إيه فايدتها، وتعرف الموقع أو التطبيق اللي قدامك ده اتعمل إزاي.

تابعونا الفترة الجايه عشان نعرف أكتر عن لغات البرمجة المختلفة، وإزاي السطور والكلام الغريب ده بقى من أساسيات حياتنا! 😉

Wexel

23/09/2020

17/09/2020

10/09/2020

22/06/2020

18/06/2020

15/06/2020

10/06/2020

08/06/2020

06/06/2020

04/06/2020

01/06/2020

Address

Telephone

Website

Alerts

Contact The Business

Shortcuts

Share

Category