31/01/2021
ازاي اعلانك ينجح ؟ 🤔
علشان اعلانك ينجح لابد من انك تنفذ خطوات معينة علشان تنفذ خطة اعلانية ناجحة تحقق الاهداف المرجوة منها ، و الخطوات ديه بتتمثل في الاتي :
1️⃣تحديد هدف الاعلان :
عند انشاء اعلان لازم تحدد هدفك من الاعلان و ايه افضل وسيلة تواصل اجتماعية بيستخدمها جمهورك هتقدر توصله عليها ، و عند تحديدك للهدف هتقدر تنشأ اعلان و تحلل نتايجه و تقيس مدي نجاحه من فشله ، وغاليا الاهداف بتكون :
زيادة مبيعات منتج معين.
الإعلان بمنتج أو خدمة جديدة.
توليد عملاء محتملين جدد.
2️⃣تحديد الميزانية :
بعض اصحاب الاعمال و المسوقين معتقدين ان تحديد الميزانية للشركات و المشاريع الناشئة فقط ، لكن دا اعتقاد غلط لازم في البداية تعمل test تقدر تحدد من خلاله تكلفة كل Action ( متغيرة طبعا حسب المنتج / السوق / شدة المنافسة ) و تقيس تكلفة الانفاق بمعدل المبيعات و الارباح .
3️⃣تحديد المنافسين:
في اي المنصات يعلن المنافسين ؟
ما هو نمط إعلاناتهم؟
ما هي العوائق التي واجهونها؟
فوائد الحملات الإعلانية التي قاموا بها؟
بالطبع انت محتاج اجابة لكل الاسئلة ديه علشان تقدر تقول انا درست المنافسين .
و في مقال قادم هنتكلم عن كيفية دراسة المنافسين في التسويق الالكتروني و التجارة الالكترونية بالتفصيل 😊
4️⃣تحديد الجمهور المستهدف:
هام جداً جداً تحديد شرايح الجمهور الخاص بعلامتك التجارية و بيتواجد فين علي مواقع التواصل الاجتماعي و دراسة سلوكه و مستوي دخله و محل سكنه و التحديات اللي بيواجهها و ليه بيستخدم السوشيال ميديا .
تحديد الجمهور المستهدف هيفيدك في ازاي توصله و ايه المحتوي المناسب ليك ، علي سبيل المثال لو جمهورك من الفئات العمرية الكبيرة هيكون التواصل معاهم من خلال الصحف و المجلات اما لو من جيل الالفية هتوصلهم من مواقع التواصل الاجتماعي المتواجد عليها 👌
5️⃣تحديد استراتيجية تسويقية لعلامتك التجارية:
التسويق عملية مستمرة مابتنتهيش بمجرد انطلاق اعلان علي مواقع التواصل الاجتماعي ، فلازم تعمل تحليلات و معرفة نتايج الحملات الاعلانية بشكل دقيق جدا علشان تقدر تطور من استراتيجيتك التسويقية و تحقق الاهداف المطلوبة بالفعل . 👌😃
