05/05/2024
كشف حساب
أنا المهندس / محمد العدوي
مصمم جرافيك من عام 2000 قبل دخول الانترنت وانتشاره في مصر .
تخصص فصل ألوان وطباعة .
اشتغلت عدد من السنين من غير إنترنت .
إشتغلت علي فوتو شوب 4 كان التراجع فيه خطوه واحده (ذل ) .
كنت في فترة مستشار فني لمطابع كتير .
24 سنة دون تغيير اتجاه أو مسار فقط تصميمات وفصل ألوان ومطبوعات .
اشتغلت في مصر وبره مصر وعملت شغل كتير جدا في مصر وبره مصر .
اتخرج من تحت إيدي مهندسين كتير منهم اللي فتح مصنع ومنهم اللي اشتغل في شركات كبيره ومنهم اللي شغال أون لاين . وكان اللي بيتهاون في ملي كنت بشد ودنه وده سبب رئيسي للنجاح في هذه المهنه .
تخصصت في شغل العلب لأنه أصعب شغل في المطبوعات .
رسمت الشيبسي بدون انترنت .
رسمت الشيكولاته بدون انترنت .
تخصصت في رسم الفورم ومونتاج المطبوعات علي الورق دون تهدير .
حكايات كتير وحل مشاكل في تصميمات كتير والحمد لله .
فخور جدا باللي وصلت ليه .
حابب أقول للمصممين الجدد : إتعلم قبل ماتنفذ . لأن خسارة المطبوعات بتكون خسارة ماديه كبيره وخساره للعميل وخساره نفسية ليك .
إخواتي وأصدقائي المصممين تحت أمركم في أي إستشاره فنيه .
