03/05/2023
اكثر الأشياء اللي ندمت عليها و ضيعت تقريبا 10 أعوام من عمري بسببها هى الخوف والقلق من الأحداث أكثر من اللازم لدرجة اني احيانا كنت لا أستطيع التقدم بثبات لأي موقف من كثر التفكير الزائد.
التفكير الزائد هو أكبر شئ سلبي ممكن يعطلك عن نجاحات كثير و تجارب ممكن تغير لك حياتك وتثقل خبراتك بشكل ممتاز جدا.
فيه مثل خليجي يقول "الكلمة اللي تستحي منها بدها" وفيه حكمة تكاتك بتقول "اللي خايف تخسره اخسره علشان تبطل تخاف" أرطغرل في المسلسل كان دائما يقول "لا يؤجل الموت إلا الأجل" بمعنى أصح متخافش من حاجه وارد احتمال 1% أنها متحصلش.
طيب أعمل ايه واتعامل مع الخوف ازاي؟!
أولاً: فكرة انك تبطل تخاف مرة واحدة دي حاجه مش سهلة لأنها تحتاج ممارسة وتدريب والتدريب ده ممكن يكون عن طريق
- افتكر كم مرة خوفت من حاجه ومحصلتش.
- خد بالأسباب و اعمل اللي عليك قدر الإمكان
- عزز التوكل على الله في نفسك
- اسمع تجارب ناس في الموضوع ده.
- تمتع بقدر بسيط من اللا مبالاة بس مش كثير يعني
- افرح واملى الدنيا أماني
- خطط للمستقبل كويس.
- حط خطط بديلة
- اتعلم تتكيف مع تقلب الأوضاع
كفاية كدا ولو عايز تعرف اكثر عن ازاي تعالج النقطة دي عندك كلمنى هساعدك إن شاء الله
