Rising-digital marketing

Rising-digital marketing Contact information, map and directions, contact form, opening hours, services, ratings, photos, videos and announcements from Rising-digital marketing, Internet Marketing Service, Cairo.
(2)

As a flexible network of freelancers, we are able to provide you with
Social media managment
Branding
Media strategy
content creator
Graphic design
website developmet

اللهم بلغنا رمضان بلوغ رحمة ورضا 🤲🌙
20/02/2026

اللهم بلغنا رمضان بلوغ رحمة ورضا 🤲🌙

من أول “إحنا محتاجين تسويق” لحد “إحنا مبسوطين من النتيجة” 🔥ريفيوهات بسيطة… بس معناها كبير 👇
19/02/2026

من أول “إحنا محتاجين تسويق” لحد “إحنا مبسوطين من النتيجة” 🔥
ريفيوهات بسيطة… بس معناها كبير 👇

🎯 أول خطوة في أي مشروع ناجح؟ مش المنتج… بل العميل!قبل ما تفكر في تبيع إيه أو تسوّق إزاي، لازم تسأل نفسك:"أنا هبيع لمين؟ ...
07/10/2025

🎯 أول خطوة في أي مشروع ناجح؟ مش المنتج… بل العميل!

قبل ما تفكر في تبيع إيه أو تسوّق إزاي، لازم تسأل نفسك:
"أنا هبيع لمين؟ وإيه اللي محتاجه؟"

📌 هنا بييجي دور حاجة اسمها Buyer Persona
يعني ببساطة: "صورة خيالية للعميل المثالي بتاعك"، مبنية على:

سنّه، شغله، مكانه

اهتماماته وسلوكياته الشرائية

المشاكل اللي بيعاني منها

وإزاي منتجك أو خدمتك ممكن تحل له المشكلة دي

✅ ليه نبدأ بيها؟
لأنك لو ماعرفتش عميلك كويس، هتسوّق في الاتجاه الغلط، وتخسر فلوسك ومجهودك، لإن منطقيا ماحدش هيتفاعل معاك لإنه مش مهتم بمجالك ..
و هنا خليني أفكرك بجملة
If you market to everyone, you market to no one.
يعني لو بتسوق لكل الناس يبقى كإنك مابتسوقش لحد..


و هنا يا عزيزي الماركتير لازم تبقى عارف أهمية ال niche marketing و دي المقصود بيها التسويق المتخصص و هو استراتيجية بتركز على شريحة صغيرة ومحددة جدًا من السوق، لها اهتمامات أو احتياجات خاصة، بدل ما تستهدف جمهور واسع وعام.
بمعنى تاني:
بدل ما تبيع للجميع، أنت بتختار "مين بالظبط" وتخدمه بأفضل شكل ممكن.
✅ ليه ال Niche Marketing مهم؟

اولا لإنه أقل في المنافسة لإنك بتخدم شريحة محددة مش كل الناس.

و ثانيا أوفر في التكلفة لإن ببساطة الإعلانات والمحتوى بيكون موجه بذكاء لجمهور محدد.

و ثالثا أقوى في التأثير لإنك بتحسس العميل إن المنتج معمول ليه شخصيًا.

و رابعا بقى بيبني ولاء أسرع لإن الناس اللي بتنتمي للنيتش ده بتكون أكثر ارتباطًا بالبراند.
🧠 تعالى أقولك مثال سريع:

ده تمرين بسيط علشان تفهمها صح
لو شغال على niche معين و لنفترض أجندات تنظيم الوقت ..
جاوب على الأسئلة دي كأنك بتحكي عن شخص حقيقي هو اللي هتبيع له و دي البيانات اللي إنت محتاجها :

👤 1. البيانات الأساسية..

الاسم (تخيلي):

السن:

النوع:

الوظيفة:

مكان السكن:

💭 2. نمط الحياة والاهتمامات:

بيقضي يومه إزاي؟

إيه أولوياته في الحياة؟

إيه اهتماماته أو الهوايات اللي بيحبها؟

بيقضي وقته على أي منصات سوشيال ميديا؟


😩 3. التحديات والمشاكل:

إيه أكبر مشكلة بيواجهها ومرتبطة بالخدمة/المنتج اللي هتقدمهوله؟

ليه مش قادر يحل المشكلة دي لوحده؟

.

🎯 4. الأهداف والدوافع:

هو عايز يوصل لإيه؟ (هدفه من المنتج أو الخدمة)

إيه اللي يخليه ياخد قرار الشراء؟ (السعر؟ الجودة؟ التوصيل؟...)


📲 5. سلوك الشراء:

بيشتري أونلاين ولا بيحب يشوف المنتج في الواقع؟

بيتأثر بإعلانات ولا بتجارب الناس؟

بيدفع بكاش ولا بيحب الدفع الإلكتروني؟

✅ تعالى بقى نطبق الكلام ده :

بدل ما تقول: ببيع أجندات تنظيم وقت لكل الناس..

قول كده:
أنا بستهدف شباب وبنات من سن ٢٥ سنة فيما فوق.. شغالين أو بيدرسوا، وحابين ينظموا يومهم عشان يحققوا توازن بين الشغل، الحياة الاجتماعية، وتطوير نفسهم، وبيحبوا المنتجات اللي شكلها مميز وفيها لمسة شخصية.


👤 Persona داخل النيتش ده:

الاسم: نورا – 28 سنة
الوظيفة: Digital Marketer
الاحتياج: يومها زحمة، ما بين الشغل والمواعيد والكورسات.
السكن: في القاهرة.
المشكلة: بتكتب ملاحظات في كذا مكان وبتضيع منها
الحل: أجندة مقسّمة كويس، فيها مكان للتاسكات، النوتس، والأهداف.
الدافع للشراء: شكل شيك + تساعدها تركز + فيها قسم لتتبع التقدم الشخصي، بتتأثر بتجارب الناس، بتحب تشتري أونلاين.


✅ ليه ده يعتبر Niche Marketing؟

حددت سن معين (25+).

حددت أسلوب حياة (ناس عندها شغل/كورسات وتحب تنظم وقتها).

خاطبت احتياج حقيقي (الزحمة وعدم التركيز).

قدمت منتج بحل مخصوص (أجندة مصممة لده).
لو استفدت من البوست ده اعمل شير أو منشن لأصحابك علشان هما كمان يستفيدوا ✅️

ماتعملش إعادة إستهداف 🚫..... اتكلمت قبل كده عن العملاء اللى عندهم صفحات عليها فولورز fake و ضرورة إنهم يصرحوا للميديا با...
07/07/2025

ماتعملش إعادة إستهداف 🚫.....

اتكلمت قبل كده عن العملاء اللى عندهم صفحات عليها فولورز fake و ضرورة إنهم يصرحوا للميديا باير عن ده قبل مايشتغل إعلانات. ✌️

◀️إنهاردة هنتكلم عن الميديا باير بقى لو بيشتغل إعلان ممول لصفحة عليها مئات الآلاف من الجمهور الfake.

هحكيلك حكاية..

عميلة كلمتني و قالتلي إنها عايزة تعمل إعلان ممول لصفحتها على الإنستجرام فى مجال الملابس، و إنها تعاقدت مع شركة تسويق قبل كده و الإعلانات ماجبتش أى نتيجة و كانت شايفة إن إستهدافهم للجمهور ماكانش هو الإستهداف المظبوط. ️🙅‍♀️

المهم دخلت صفحتها لقيت عندها ٥٠ ألف فولورز تقريبا و بدأت أدخل أتصفح البوستات بتاعتها و البوستات اللى اتعمل عليها إعلانات ممولة قبل كده.

لفت نظري حاجة مهمة .. إن كل البوستات لا يتعدوا تقريبا ال ٢٠ بوست و مافيش ولا لايك إلا على البوست اللى تم عليه الإعلان و لايكس قليلة جدا و فعلا مش من الجمهور اللى مستهدفه الصفحة🤔

حاجة غريبة، مش كده؟

دخلت بصيت على الجمهور اللى عامل فولورز لقيتهم كلهم أجانب اللى من سنغافورة و اللى من كينيا و اللى من زامبيا .. إيه يابنتي ده مافيش غير ١٢ شخص اللى عامل فولو من المصريين.🫣

سألتها قوليلي بأمانة هو الجمهور اللى عندك ده جمهور حقيقي ولا fake قالتلى fake ماهو باين مش محتاجة أقول. 😂
صح هو باين فعلا بس هل قولتي كده للشركة اللى كانت ماسكة الإعلانات ؟ قالتلي لأ ماهما ماسألونيش. 😂

دخلت على طول على موقع built with، لقيت إن هدف الإعلان اللى كان معمول لصفحة الإنستجرام كان Retargeting يعني إعادة إستهداف من خلال الads manager. 😲

صدمة مش كده؟😅

ماينفعش أبدًا كميديا باير تعمل إعلان ممول لأول مرة بهدف إعادة الاستهداف إلا لما تتأكد الأول إن الصفحة دى مش عليها أى جمهور fake و إنها اتعمل عليها إعلانات ممولة كتير و جمهورها كله هو الجمهور المستهدف للصفحة. 🙅‍♀️

ماتفرحش إن الصفحة عليها آلافات ولا مئات الآلاف ولا حتى مليون فولورز؛ لإن وجودهم فى الحالة دي زى عدمه.

إبدأ من أول و جديد كإنك لسه بتجرب الجمهور، صحيح إنت هتلاقي لخبطة في الخوارزميات الأول لإن جمهور الصفحة مختلف عن الجمهور اللي إنت هتكريته.

طبعًا لازم تبقى مفهم العميل كل حاجة، مشكلة إن يبقى فيه جمهور fake على الصفحة و إزاى بيأثر على الخوارزميات و بيشتت الألجوريزم.

و برضه تبقى مفهمه إن ال A/B تيست مهم جدًا فى الحالة دي و إنه لازم يستنى شوية على أى نتائج مرضية.⏳️

و لكن نصيحتي ليك من خلال تجربتي يعني يا حاول تقنع العميل إنه يلغي الصفحة دي و يبدأ يعمل صفحة جديدة أفضل تشتغل عليها على نضيف...

👀 عمرك فكرت إن مش كل فولور عندك مفيد؟فيه مقياس مهم لقياس جودة الفولورز لازم نرُكز عليه اسمه PAIR ... وده اللي أنا شخصيًا...
30/06/2025

👀 عمرك فكرت إن مش كل فولور عندك مفيد؟
فيه مقياس مهم لقياس جودة الفولورز لازم نرُكز عليه اسمه PAIR ...
وده اللي أنا شخصيًا بستخدمه لما أحب أقيم جودة المتابعين لأي براند 👇
خلينا نشوف مصطلح PAIR بيمثل إيه..
🅿️ Prospect (عميل محتمل)

ده معناه إن المتابع مش مجرد رقم، لكنه فيه فرصة حقيقية إنه يتحول لعميل.
مش أي حد بيتابعنا هو "prospect"… لازم نسأل:

✔️هل هو مهتم بالمنتج/الخدمة فعلاً؟

✔️هل تابعنا بسبب محتوى له علاقة بمجالنا؟

✔️هل بان من سلوكياته أو تفاعله إنه ممكن يشتري؟

فالهدف هنا إننا نعرف نسبة المتابعين اللي ممكن يتحولوا فعلياً لعملاء محتملين.
🅰️ Authentic (حقيقي)

هل المتابع ده حقيقي؟ ولا حساب وهمي؟
هل التفاعل اللي بيجي منه طبيعي؟ ولا مجرد لايكات عشوائية؟
وكمان، هل هو متابعك عشان فعلاً بيحب البراند؟ ولا عشان مسابقة أو هدية؟

إذن الهدف هنا إننا نتأكد من جودة الفولورز، مش عددهم. و ده اللي دايما بقوله لأى عميل 10K متابع حقيقي أفضل مليون مرة من 100K متابع Fake.

(فهميني يا بتوع تزويد الأعضاء انتوا) 😒
🅸 Interactive (متفاعل)

هل الفولورز دول بيتفاعلوا مع المحتوى؟

بيعملوا لايك؟ بيعلقوا؟ بيشاركوا؟ بيجاوبوا على Polls؟

هل بيبعتوا رسايل أو بيحكوا تجاربهم؟

و بمعادلة بسيطة نقدر نقول ( تفاعل = اهتمام = احتمالية تحويله لعميل ).
🆁 Relevant (متوافق مع البراند)

هل المتابع ده داخل الـ target audience؟
يعني مثلًا لو انت براند بيبيع عبايات ، فهل من المنطقي إن المتابعين يكونوا من الذكور و كمان Teenager ؟؟؟ اكيد فيه حاجة غلط و مش هيفيدوك في حاجة ..
طيب النقطة التانية، هل المتابعين ليهم علاقة بمجال البراند؟ أسلوب حياتهم أو اهتماماتهم قريبة؟

يبقى إذن الهدف هنا هو جودة التارجت، مش بس العدد.
🤔 ليه مقياس PAIR مهم كماركتينج تول؟

لأنه بيساعدك تعمل تحليل عميق لحسابات السوشيال ميديا وتجاوب على السؤال ده:
هل فعلاً الفولورز بتوعي ممكن يبقوا عملاء؟ ولا مجرد أرقام؟

---

✅ تعالى أقولك مثال عملي على PAIR:

لو بتشتغل على براند "أجندات وتنظيم وقت"، وحابب تحلل الفولورز على إنستجرام:

Prospect: البنات من 18–35 سنة اللي بيتفاعلوا على بوستات التنظيم = عملاء محتملين.

Authentic: حساباتهم نشطة، مش fake.

Interactive: بيجاوبوا على الأسئلة، بيعملوا save لبوستات التخطيط.

Relevant: هما فعلاً طلاب أو موظفين بيحتاجوا أدوات تنظيم.
لو استفدتم شير لأصحابكم اللي مهتمين بالماركتنج علشان هما كمان يستفادوا 👏

سنة هجرية سعيدة على كل عملاءنا الكرام و على الأمة الإسلامية..
26/06/2025

سنة هجرية سعيدة على كل عملاءنا الكرام و على الأمة الإسلامية..

تعالى أقولك على أفضل خطوات تسعير منتجك لو بتبيع أونلاين .. ماتنساش شير لأصحابك علشان يستفادوا معاك .. و فولو للصفحة لو ع...
21/06/2025

تعالى أقولك على أفضل خطوات تسعير منتجك لو بتبيع أونلاين ..
ماتنساش شير لأصحابك علشان يستفادوا معاك .. و فولو للصفحة لو عايز تكبر البراند بتاعك✔️

مش عارف تسعّر منتجك؟ و بسببه بتخسر وانت مش واخد بالك .. تعالى أقولك على ٤ خطوات أساسية هتساعدك في تسعير منتجك أو الخدمة ...
16/06/2025

مش عارف تسعّر منتجك؟ و بسببه بتخسر وانت مش واخد بالك .. تعالى أقولك على ٤ خطوات أساسية هتساعدك في تسعير منتجك أو الخدمة اللي بتعرضها في السوق ..
بس الأول ماتنساش تعمل فولو علشان تستفاد من معلومات كتيرة جدا عن الديجيتال ماركتنج..

1. Cost-Based Pricing
ده أبسط وأقدم نوع من التسعير، وبيعتمد على معادلة واضحة:

السعر = تكلفة المنتج + هامش الربح

فكرته إنك بتحسب كل التكاليف (مواد خام، شحن، باكيجينج، تسويق، ضرائب…) وبعدين تضيف نسبة ربح.

لكن السؤال المهم بنستخدمه إمتى بقى 🤔

✔️لما يكون المنتج في مرحلة البداية.
✔️لو السوق ما عندوش حساسية عالية للسعر.

⚠️ ولكن عيبه إنه ما بيعبرش عن القيمة الفعلية في عين العميل… يعني ممكن تكون بتسعّر أقل من اللي العميل مستعد يدفعه، أو أكتر من العميل ممكن يتحمله..

2. Value-Based Pricing – التسعير المعتمد على القيمة..
و ده التسعير الذكي اللي بيشتغل عليه البراندات القوية زي Apple، Nike، وغيرها.

> السعر هنا بيعكس القيمة المدركة عند العميل، مش التكلفة الفعلية.

الفكرة هنا بتتلخص في لو عميل شايف إن منتجك بيساعده يحل مشكلة كبيرة أو يحقق له حاجة مهمة… هيبقى مستعد يدفع أكتر، حتى لو تكلفته الحقيقة إنت عارف أنها بسيطة و ده لإن مش بس بيقدم قيمة هو كمان بيقدم شئ فريد..

🎯 تعالى أديك مثال زى ساعة Apple مش غالية علشان تكلفتها عالية، لكنها غالية علشان الناس شايفة إنها "قيمة و كمان مش أى حد بيقدر على سعرها"

3. Competitive Pricing – التسعير مقارنة بالمنافسين
هنا بتسعّر منتجك بناءً على أسعار المنافسين الموجودين في نفس السوق أو الفئة.

✅ و ده أنواع:

سعر أقل منهم → لجذب العملاء اللي بيهتموا بالسهر أكثر من الجودة.

سعر مساوي → لو بتنافس في القيمة والجودة.

سعر أعلى → لو عندك ميزة فريدة تبرر السعر الأعلى.

🎯 ولكن مهم جدا :
إنك تكون دارس السوق كويس علشان ما تسعّرش أقل من اللازم أو تغامر بسعر مش واقعي..

4. Psychological Pricing – التسعير النفسي
ده بقى فن! وبيستخدمه المحترفين عشان يأثروا على قرار الشراء بدون ما العميل يحس.

✅ أشهر التقنيات:

Pricing 99.99
التسعير بـ 99.99 بدلا من 100ج ) →
العقل بيشوف الرقم أصغر من 100.

Bundle Pricing → تلات منتجات بسعر واحد مغري.

Anchoring → إنك تعرض المنتج بسعر عالي جدا و بعد كده تنزله للنص فبالتالي عرض السعر بعد الخصم حتى لو غالي برضه بس بيكون مغري جدا.

Price Framing → هي طريقة عرضك للسعر عشان تخلي العميل يحس إن السعر مناسب أو مغري، حتى لو هو ما تغيّرش! زى مثلا سعر الكورس بعشرة جنيه في اليوم وهو أصلا ب
600 ج يعني أقل من سعر قهوة بتشربها في اليوم..
✔️هنا حصل الآتي:
قسّمت السعر على فترة زمنية صغيرة (بدل 600 مرة واحدة → بقى 10 في اليوم).
وكمان قارنته بحاجة يومية مألوفة ورخيصة (القهوة).

العميل هنا بيقول: اه ده فعلا مش مبلغ كبير و أقدر أدفعه عادي؛ فبيشترك في الكورس و ده بالظبط اللي عملته منصة ينفع في تسويق الاشتراك السنوي للكورسات بتاعتها ..

أفضل 6 خطوات هتخليك تعرف تبيع أى منتج أو خدمة عن طريق السرد القصصي ✅️
06/05/2025

أفضل 6 خطوات هتخليك تعرف تبيع أى منتج أو خدمة عن طريق السرد القصصي ✅️

في عالم الـDigital Marketing، الصورة الحلوة بتشد العين، بس الـContent هو اللي بيكسب القلب والعقل.المحتوى مش مجرد كلام بي...
07/04/2025

في عالم الـDigital Marketing، الصورة الحلوة بتشد العين، بس الـContent هو اللي بيكسب القلب والعقل.

المحتوى مش مجرد كلام بيتكتب، دي قصة بتتحكي، إحساس بيتنقل، ورسالة بتوصل.

سواء كنت بتصور منتج، أو بتعمل إعلان، اللي بيخلي الناس تتفاعل، تتكلم، وتفتكر البراند هو المحتوى اللي وراه.

لما تكتب Story حقيقية أو حتى بسيطة بس قريبة من الناس،
الناس مش بس هتتابعك،
هتحبك، وهتستنى تشوف دايما الجديد اللي هتنزله.

عشان كده في فريق Rising، إحنا مؤمنين إن المحتوى مش بس خطوة ..
ده أساس بنبني عليه كل حاجة..

من أول الفكرة، للـshoot، لحد ما الـPost يوصل للجمهور الصح ✅️

احكي حكايتك.. وخليها تعيش مع الناس 💁‍♀️

نهنئكم بحلول عيد الفطر المبارك .. كل عام و أنتم بخير 🤍
31/03/2025

نهنئكم بحلول عيد الفطر المبارك .. كل عام و أنتم بخير 🤍

في العشر الآواخر من رمضان ..اَللّهُمَّ اجْعَل لى نَصيباً مِنْ كُلِّ خَيْرٍ تُنْزِلُ فيهِ، بِجُودكَ يا أجْوَدَ اْلأَجْوَد...
21/03/2025

في العشر الآواخر من رمضان ..

اَللّهُمَّ اجْعَل لى نَصيباً مِنْ كُلِّ خَيْرٍ تُنْزِلُ فيهِ، بِجُودكَ يا أجْوَدَ اْلأَجْوَدينَ وأذِقْنى فيهِ حَلاوَةَ ذِكْرِكَ، وأَدآءِ شُكْرِكَ وَاحْفَظْنى فيهِ بِحِفْظِكَ يا أرْحَمَ الرّاحِمينَ اَللّهُمَّ اجْعَلْنى فيهِ مِنَ عبادِكَ الصّالحينَ القانتين المُسْتَغْفِرينَ الْمُقَرَّبينَ اَللّهُمَّ اجْعَلْنى فيهِ مِنَ الْمُتَوَكِّلينَ عَلَيْكَ الفائِزينَ لَدَيْكَ الْمُقَرَّبينَ َإليك وزَحْزِحْنى فيهِ عنْ مُوجِباتِ سَخَطِكَ اَللّهُمَّ أعِنّى على صِيامِه وقِيامِهِ بِتَوْفيقِكَ يا هادِى المُضِلّينَ.
#رمضان #أدعية

Address

Cairo

Website

Alerts

Be the first to know and let us send you an email when Rising-digital marketing posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Rising-digital marketing:

Shortcuts

Share

Category