01/10/2024
استكمالا لما بدأناه من سلسلة تسويقية وبنعتذر جدا على عدم النشر الفترة السابقة لظروف خاصة فهنكمل معاكم فتعالو نفتكر كدا مع بعض ونكمل كلامنا. ♥
وقفنا ف اخر بوست لما اتعرفنا علي SWOT Analysis وعرفنا انها بتكون اساس اى عملية بيعية وتسويقية لأي براند ايا كان خدمى او سلعي وعليها بيتم تحديد الكونتنت اللى هينزل.
فتعالو انهاردة نتعرف ع حاجة تانية مهخة جدا وعليها بيتم تحديد الخطوات اللى هنعملها بعد كدا
🔻 وهي:(( دورة حياة المشروع او السلعة ))
فأي مشروع او سلعة ليها عدة مراحل تساية ويجب المرور بيهم وبتبتدى ب ب اول مرحلة وهي
1 / مرحلة ما قبل التقديم :
ودى زى مبنقول دى مرحلة دراسة الجدوى او المشروع ومش شرط خالص يكون المشروع او السلعة جديدة على السوق على قد متكون مفيدة لشريحة العملاء المستهدفة.
2 / مرحلة التقديم :
والمرحلة دى بتكون انطلاقة المشروع او السلعةوكونها سلعة جديدة ف السوق فبالتالى بتحتاج تكثيف الدعاية والاعلان عن المشروع وبتكون مرحلة تشويقية لجعل العميل بأن يقدم على استخدام المنتج.
3 / مرحلة النمو :
وف المرحلة دى بتكون السلعة خلاص اتعرفت بالفعل ف السوق وخدت الثقة فبالتالى بتزيد المبيعات فيها ومن هنا بتبدأ المنافسة ف السوق على السلعة دي.
4 / مرحلة الاستقرار :
وف المرحلة دى المبيعات بتبدأ تقل بنسبة بسيطة عن المرحلة السابقة كونها اتعرفت وخلاص الدنيا تمام فبتبدأ تستقر بقا.
5 / مرحلة التدهور :
والمرحلة دى بتكون نهاية المشروع للأسف والمبيعات فيها بتقل جدا فبتقل الارباح وبتضطر تخلص م المخزون.
🔻 بس حابب اقولك ان النهاية دى بتكون بداية دورة سلعة جديدة او نفس السلعة بس بأسم تاني زى مثلا بنقول بالعامية كدا "كل نفسك قبل م السوق ياكلك" بمعنى انى هنزل بنفس السلعة بس بأسم تاني وتعيد خطوات دورة السلعة م تاني.
وبكدا نكون خلصنا النهاردة واتمنى حضراتكم تكونو استفدتم ولو بمعلومة بسيطة سألين المولى عز وجل التوفيق لكم ولنا. ♥
