https://www.instagram.com/marketxdg/

MarketX, Cairo (2026)

09/08/2022

( ازاى استهدف الفئات العالية - Segment A )؟؟؟؟
من ضمن اكتر الاسئله اللي جتلنا على رسائل الصفحة .
ويمكن اكتر شروحات عليها تفاعل ( ازاي تستهدف الفئات العاليه )
وكأن الفئات العاليه دي معاها فلوس مش عارفه توديها فين ، يعني بتحس كده ان طبيعي لو معاك منتج اخره ٣٠ جنيه ، هتعرف تبيعه ب ٥٠٠ جنيه طالما بتستهدف فئات عاليه , ودي اكذوبة العصر !
الناس اللي بتعمل فلوس هي ببساطه اكتر ناس عارفه قيمة الفلوس وبتحطها فين !
اها .. هي بترمي فلوس ف براندات مع انها ممكن تشتري بسعر ارخص بكتير جدا من اماكن تانيه وتقريبا نفس الخامه . بس حضرتك هي بتشتري البراند بخدماته .
سؤال وجيه :
ليه اشتري منتج معين من بائع مجهول ب ١٠٠ جنيه لما ممكن اشتري من مكان معروف وله اسم وسابقة ب ٥٠٠ جنيه وانا مطمن ؟!
اكيد هشتري من البراند !
لذلك اخي واختي ف الله ، لو عايز يكون عميلك عالي ، فلازم تبني اسم عالي وده بيحصل مع الوقت من ال
Quality
User experience
Services
Handling
وهكذا ...
ولو خدنا مثال ف العقارات مثلا ، هتلاقي ف شركات بتبيع باسمها بس ! يكفي انها تعلن عن مشروع جديد !
وف شركات محتاجه تتشقلب وترغي ف عائد واقل سعر متر وتسهيلات للعميل وتدور ع اكبر عدد ممكن من البروكر وتديهم اعلى كومشن . و تيت تيت تيت ..
فرق الاسم يا أصدقائي !
اهتم بمحتواك وخدمتك وتعاملك مع العميل وطريقة الهندله سواء ف الطرح او البيع او حتى ف المشاكل
الاسم ( البراند ) بيتبني مع الوقت ، مش مجرد بلان تسويقيه !
لو عندك سؤال او استفسار , ابعتلنا على رسائل الصفحه وهنرد عليك فى اقرب وقت 😍

17/07/2022

سعر الرساله او الليد عندك غالي ، وقف الاعلان بسرعه 😌
سعر الرساله عندك ب جنيه ؟ غالي انا عندي ب ٢٠ قرش
تقريبا كلنا شوفنا وبنقابل حاجات من دي كتير
فى البدايه خلينا نقطع الشك بالبسين ونقول ان المفروض لكل حاجه هدف ، ولو انت عامل اعلان عشان تبيع فهدفك اكيد مش جمع الرسايل باقل سعر ( لانك مش هتبدلهم من السوبر ماركت ) لكن هدفك توصل للعميل المناسب وتحقق ربح .
كتير جدا صادفنا في شغلنا اعلان برسائل غاليه لكن بيحقق مكسب وجوده احسن من اعلان تاني بسعر رساله رخيص وتفاعل اكبر !
فتكلفه الاعلان الكليه الأمثل وسعر الرساله المناسبه دي تقدر تعرفها لما تحدد وتعرف تفاصيل شغلك الاول .
مكسبك كام ف المنتج ؟ وايه توتال مصاريفك الكليه شامل الشحن ؟ وتقدر تدفع كام على العميل ( اللي بيشتري ) مش العميل المحتمل
مثال :
يعني لو عملت اعلان مثلا ب ١٠٠ جنيه وجالك ١٠٠ رساله بس ٥ عملاء بس اللي اشتروا
مينفعش تقول انا عملت اعلان ناجح عشان سعر الرساله جنيه !
لكن بتقول انا بعت ل ٥ عملاء يعني دفعت ع العميل الواحد ٢٠ جنيه ! فهل ده ك business case ناجحه ؟
وهكذا
الخلاصه من وجهة نظري
لو خليت مقياس نجاحك هو سعر التفاعل فانت بعيد اوي
لو خليت الارقام هي اللي تتكلم كاحصائيات من مكسب وخساره وهامش فانت ماشي صح .
ف النهايه وكالعادة احب اكرر ان اي اعلان هو مجرد تست ❤️ وطبيعية شغل الاعلان ( تضخيم عدد الجمهور اللي بيشوف المحتوى ) مع التحليل للوصول لاعلى جوده وتحقيق الاهداف المطلوبه

14/07/2022

الفرق فى الحملات بين ال CBO , ABO باختصار.
اولا ال CBO :
ده ببساطه معناه انك بتعمل حمله وبتحدد ميزانيه عامه للحمله كلها وبتعمل جواها اكتر من اعلان وبتسيب الاختيار للخوارزميات انها تشوف ايه افضل اعلان ممكن يجيب نتائح افضل وتصرف عليه معظم الميزانيه
الميزه هنا انك بتستفيد باكبر قدر من الميزانيه ( بالاخص لو محدوده )
العيب هنا ان مش لازم عشان اعلان معين صرف اكتر فالباقي وحش ! بالعكس ممكن يكون الباقي لو خد فرصه يحقق افضل بجانب ان الخوارزميات بتميل اكتر فى الصرف على الاعلان المفتوح ( صاحب اكبر حجم جمهور )

ال ABO
وهي انك بتعمل حمله لكن كل اعلان جواها له ميزانيه منفصله يصرفها مع نفسها
الميزه هنا انك بتدي فرصه متساويه للجميع وبتحدد مين افضل وتوقف الضعيف
العيب ، ان لو الميزانيه ضعيفه فصعب تقدر تنفذ وتستفاد من النوع ده
يعني تقدر تقول مثلا ان كانها عربيه انت بتسوقها
CBO اوتوماتيك
ABO مانيوال

الخلاصه :
لو ميزانيتك ضعيفه استخدم ال CBO
لو كبيره استخدم ال ABO
لو عايز تعمل تست محترم يبقى ABO
لو المهم النتائج وخلاص بافضل سعر CBO

14/05/2022

من اساليب التسويق الفعالة هو اسلوب " الـ word of mouth"

⚡وده اللي أكده Mark Zuckerberg أما قال جملته الشهيرة " A trusted referral is the Holy Grail of advertising "

- ببساطة كده لو صاحبك جيه قالك ان في مطعم جديد فتح و جرب ياكل هناك والأكل عجبه جدا والاسعار مش غالية وفضل يشكرلك في مميزات المطعم .. الطبيعى ان انت كمان هيبقى عندك رغبة تعمل زيه فهتقوم رايح المطعم ده وتجرب أكله زى صاحبك.

👈 اللي حصل دلوقتى ده نوع من انواع الماركتينج اسمه الـ Word of mouth marketing " التسويق الشفهي" وده بينقل من خلاله الـ Customer رأيه وانطباعه للناس اللي حواليه من غير ما يحصل على أي مقابل وعشان كده الأسلوب ده بيكون الاكثر مصداقية عن بقية الاساليب التانية المستخدمة في التسويق لان العميل فيه بيقول رأيه الايجابي في الخدمة او الـ Product من غير مقابل و ده بيخليه يتصدّق أكتر ما الـ Brand أو الشركة تسوّق لنفسها.

- وبكده نفهم ان العميل لو حب البراند وبقى عنده ثقة كبيرة فيه هيفضل يشتري منه وممكن يوصل لمرحلة أكبر وهى انه يعمله دعايا من غير ما حتى يتطلب منه ده.

يعنى اسلوب الـ word-of-mouth بيحول الـ customers إلى marketers. 👏
بس ده اكيد مبيحصلش فجأة لأن في مراحل بيعدي عليها ال Customer لحد أما يتحول ل Promoter لأي Brand.

💠 المراحل دي باختصارهي : 👇

1- الـ Awareness : ودي المرحلة اللي فيها شريحة كبيرة من العملاء بتسمع عن الـ Brand وعن الخدمات أو المنتجات اللي بيقدمها.

2- الـ Consideration : في المرحلة دي بيبدأ شوية من اللي سمعوا عن البراند ده يهتموا بيه ويتابعوه.

3- الـ Conversion: هنا بيتحول مجموعة من الناس اللي اهتموا فعلا بالبراند لانهم يتعاملوا معاه ويشتروا منه فيبقوا customers ليه بالفعل.

4- الـ Loyalty : في المرحلة دي العملاء بيكونوا ارتبطوا جدا بالبراند وبقى عندهم ولاء كبير ليه.

5- الـ Advocacy : دي آخرمرحلة بيبدأ فيها العملاء المنتمين للبراند ده يعملوا دعايا ليه بالنيابة عنه.

💠 ودول 7 نصايح لو انت Marketer تقدر بيهم تكسب ثقة عميلك وتحقق نتائج ايجابية من الـ Word of Mouth :

1- حافظ على سمعة البراند لان الـ Brand Reputation هي الأساس و ده بيتحقق بإحترامك للعميل واعتذارك ليه لو حصل أي خطأ من البراند بتاعك.

2- اهتم بالـ inbound marketing يعني متخليش الـ content دايما هدفه الـ Direct sale و قدم valuable content للعملاء يكون relevant بنشاط البراند. عشان يحس الـ customer انه بيستفاد منك فعلا وانك فاهم في مجالك فيثق فيك وبالتالي يشتري منك ويتكلم عن البراند بتاعك بشكل كويس. 👌

3- استخدم أدوات الـ social Listening زي Engagor أو AgoraPulse عشان تقدر تراقب الـ conversations والتفاعل بين الناس على الـ internet بشكل عام او الـsocial networks بشكل خاص.
وفايدة استخدام الـ tools هي انها بتجيبلك أي حد بيتكلم بـ keywords معينة عن البراند بتاعك فتقدر من خلالها تبتدي تعمل online engagement معاهم.

4- ابعد عن الـ over promising يعنى تخليك صريح مع عميلك في مميزات أوعيوب الخدمة أوالمنتج اللي بتقدمهوله ومتوعدوش بحاجة مش حقيقية أو مش موجودة في الـ Product بتاعك.

5- ابني Relationship قوية مع العملاء واعمل مسابقات و Offers تشجع ال customers انهم يمثلوا الشركة كـ marketers.

6- اهتم بالـ customer service ودايما أسأل العملاء بتوعك عن مدى رضاهم عن مستوى خدمة العملاء المقدمة ليهم عشان تطوّر منها باستمرار وتوصل لتحقيق الـ Customer satisfaction. 🙂

7- اعرف جمهورك شايفين جودة المنتج او الخدمة المقدمة ليهم ازاي؟ ولو في عيوب شايفينها اتواصل مع صاحب الـ Business أو الـ Quality Department عنده عشان يعالجوا العيوب دي وتقدرتحقق Word of Mouth ايجابي عن البراند بتاعك.

- واخيرا لو نفذت ال 7 نصايح دول هتقدر تكسب ولاء عميلك وتخليه هو اللي يسوّقلك 😉

10/05/2022

📌تحسين محركات البحث لموقعك الإلكتروني SEO
👈من أهم قنوات التسويق الإلكتروني، اللي بيعتمد بشكل كبير
على أدوات اهمها :👇
⭕️Google Search Console
(أداة مجانية): أدات المراقبة الخاصة بمحرك البحث جوجل، هذه الآداة تعتبر حلقة وصل بين مشرفي المواقع ومحرك البحث جوجل.

⭕️Google Analytics
(أداة مجانية) آداة مجانية لتحليل الزوار خاصة بجوجل. تمكنك هذه الآداة من الوصول لكل ما تحتاج إليه من بيانات وإحصاءيات حول زوار موقعك.
⭕️Google Keyword planner
(آداة مجانية) من جوجل، تمكنك من الحصول علي معلومات وبيانات حول الكلمات البحثية، المستخدمة من قبل مستخدمي محرك البحث جوجل
⭕️SEMrush
(اداة مدفوعة) آداة سيو مدفوعة بها الكثير من المميزات والخواص الرائعة مثل التي قبلها. تمثل هذه الآداة حل متكامل لكل من يريد تحسين محركات البحث لموقعه.
⭕️Moz
هي شركة استشارية تساعد الشركات على رفع ترتيبها في نتائج البحث، وقد أطلقت منتج Moz Pro في 2007، ولديها خدمات مجانية أيضًا لا بأس بأدائها، إلى جانب تلك المدفوعة.
أدوات moz المجانية : Moz Keyword Explorer: أداة تجد لك أفضل الكلمات المفتاحية المناسبة لموقعك.
⭕️ Moz Open Site Explorer
أداة تساعدك على فرص إظهار المحتوى وبناء الروابط.
⭕️ MozBar
إضافة للمتصفح تساعدك على فحص وتحليل البحث المهم ومقاييس الصفحات ومقاييس الشبكات الاجتماعية للمواقع التي تزوره.
#جوجل

06/05/2022

عارف لما تقول لصاحبك "أنا عايز اشتري موبايل " فكل شوية تلاقي إعلانات موبايلات وملحقاتها بتطاردك في كل مكان؟ أو لو عملت search على حاجة في Google وبدأت تشوف إعلاناتها كل شويه على الـ Social media platforms؟

ده بيسمي بالخوارزميات أو الـ Algorithm وظيفتها هي تتبع سلوكياتنا على منصات السوشيال ميديا أو البحث في Google .. أكيد لو بقالك فترة في المجال سمعت المصطلح ده بس هي إيه الخوارزميات وإزاي تقدر تستخدمها في الـ Social Media Strategy بتاعتك عشان توصل لأعلى Performance؟

▫️خوارزميات السوشيال ميديا موجودة وهي بتحقق حاجتين
الأولى: بحكم استخدامك للـ Social Media بتتوقع أنك ممكن تتفاعل مع إيه وأنواع الـ content المفضلة ليك وتبدأ تظهر لك ده على الـ timeline.
الثانية: أنها بتساعد الشركات الأم زي Facebook & Google أنهم يحققوا الأرباح من خلال المعلنين عن خدماتهم .. Win Win situation مش كدة؟

🔔طيب إزاي أنت ك Marketer أو Business تستغل الـ Algorithm لصالحك؟

🔹اعتمد على المحتوى المفيد
تجنب أن يكون المحتوى كله خاص البيع .. هدف الخوارزميات أنها تستشعر من خلال الـ interaction إيه أفضل محتوى لـ users، و مافيش user محتاج دايمًا يشوف محتوى بيعي وبمجرد ما اتولد تفاعل بينك وبين الـ Audience هتبتدي الخوارزميات تظهر لهم المحتوى الخاص بك.

🔹الـ Content Type
الـ Videos يعتبر أعلى نوع من أنواع المحتوى تفاعلًا وده لأن معظم الـ audience يميلوا للمشاهدة أكثر من القراءة ولنا في المنافسة بين Facebook و TikTok خير مثال
الـ TikTok قائم على الـ Video Content فقط و الـ Trends وده كان سبب نجاحه السريع و سبب تقليد Facebook و Instagram لمعظم الـ Features الموجودة فيه.

🔹الـ External Links
أفضل حاجة تقدمها لـ Facebook أنك تفضل أطول عدد ممكن من الساعات على الـ Platform نفسها، استخدام الـ external links في أضيق الحدود عشان تتماشى مع تفضيلات الخوارزميات.

تفاصيل صغيرة بتفرق كتير في حجم التفاعل معاك على السوشيال ميديا لو لسه مش بتطبقها ابدأ دلوقتي لحد ما تظبط معاك. 👌

20/04/2022

كلمة السر لنجاح الاعلان !
( ماذا بعد ؟!! )
يعني لو انت عايز طبقة معينه تشوف محتواك وشافته فماذا بعد ؟ هل محتواك اصلا هيلفت الانتباه ويجذبها تتفاعل معاك ؟
طيب لو تفاعلت ودخلت على الرسائل او الموقع ( ماذا بعد ؟ ! ) هل بتقدر تهندل العملاء ولا مجرد بتديهم العرض فى وشهم ؟ ولو موقع هل موقعك اصلا جاهز للعملاء وسريع وسهل فى التعامل ولا توهان ؟
عايز اقول ايه ؟
لفت نظرك اكيد ان فى بعض بنرات ويفط على الطرق مكتوبة بالانجلش ووارد سألت نفسك ليه شركة تعمل يفطه مكتوبه بالانجليزي واحنا فى مصر ؟ هي فزلكه وخلاص ؟
لا يا صديقي ده استهداف بالمحتوى ! هو عايز يلفت نظر ناس معينه محددها واي حد مش بيعرف انجلش هو بالنسباله مش عميل فمش محتاجه يفهم اصلا المكتوب !
هنا هتلاقي ان اليفطه فى شارع بيعدي من عليه كل اطياف المجتمع بمختلف طبقاتهم ولكن الفلتره جت بالمحتوى نفسه وده اضمن بكتير
اينعم انك تعمل محتوى مناسب للعملاء بتوعك على مقاس صفاتهم وترميه البحر بدون تحديد اهتمامات او استهداف افضل مليون مره من تحديد اهتمامات واستهداف مع استخدام محتوى ضعيف !
عشان كده بنقول وهنفضل نقول المحتوى المحتوى
وقف اسئلة عن افضل استهداف وركز فى تطبيق الاستهداف فى التصميم نفسه والكوبي اللي بيتكتب فى اعلانك ساعتها هتكتشف ان الاعلانات عمرها ما كانت واقعه بسبب مشاكل تحديثات او ان السوق نايم زي ما يزعم البعض

09/04/2022

عايز تعمل اعلان جامد ياكل المنافسين ؟
🔥99% من نجاح الاعلان فى المحتوى ( الفكره - التنفيذ - طريقة العرض )
ابعد عن استخدام المحتوى المكرر والمحروق ( الافكار المطرقعه ديما بتلفت الانتباه )
🔥التسعير : اتأكد ان المنتج او الخدمه اللي بتقدمها سعرها منافس ( مش اغلى من المنافسين )
🔥العميل : لازم تكون عارف عميلك ومحدد مواصفاته والقدرة الشرائيه المطلوبه ( مش مطلوب منك تبيع لكل الناس , لكن تبيع للعميل الصح )
🔥 اماكن العرض : حدد عميلك موجود فين ؟ فيسبوك ؟ انستجرام ؟ سناب شات ؟ جوجل ؟ ...الخ
🔥نطاق الاستهداف : اتأكد انك بتستهدف العملاء فى النطاق الجغرافي اللي تقدر تخدمه وتوصله
🔥الميزانية : الميزانية المناسبه تضمن فرصة الاعلان فى النجاح
جميع ما سبق يضمنلك اعلان ناجح لكن عشان كل بند منهم محتاج دراسة وبحث وفرنا عليك كل المجهود وهيكون معاك اخصائي تسويقي هيقييم مجالك ويحددلك الخطة المناسبه
🔥للتفاصيل : ابعتلنا على رسائل الصفحة

07/04/2022

❤️

30/03/2022

المحتوى صياد !
فى مجالات كتير واشهرها العقارات هتلاقي من ضمن ال media buying plans تحديد السن بس وفتح الاستهداف بدون اهتمامات ولا behaviors
معتمدين فقط على قوة المحتوى وانه صياد
لو اديتك محتوى ضعيف وميزانيه قويه كفايه انك توصل لكل شخص على السوشيال ميديا واعلانات BTLs ف الشوارع ( مش هتحقق الاهداف المطلوبه برده ! )
التركيز على المحتوى يمثل 90% من نجاحك فى عالم ال marketing بدون مبالغه
والمحتوى يعني ( الفكره + التنفيذ وطريقة العرض )

28/03/2022

بلاش تزويد لايكات او متابعين وهميين !
الطبيعي لأي business عايز ينجح انه يعمل قاعده جماهريه من ناس مهتمه تكون معاه ع الصفحه عشان يتفاعلوا معاه ويقدر يحفزهم يشتروا منه او يعمل جمهور مشابه ليهم يستهدفهم باعلانات من اجل نتائج افضل
وهنا يكمن خطورة تزويد الصفحات من خلال برامج
ناهيك عن ان الصفحه هتكون معرضه لمنع النشر
فانت بالفعل اشتريت سمك ف مياه ، مش هتقدر تستفاد منهم فى شيء حتى لو اشتريت مليون ب جنيه ( طالما مش جمهور مهتم ، حتى بغض النظر حقيقي او لاء )
ادفع فلوس فى اعلانات لايكات ومتدفعش فلوس فى تزويد وهمي

25/03/2022

ازاي تكبر شغلك وتعمل branding بشكل صحيح

ينقسم الجمهور من وجهة نظر تسويقيه وبيعيه الى ٣ شرائح
Cold audience :
الجمهور البارد وهو جمهور لسه ميعرفش حاجه عنك ولا عن مجالك
Warm audience :
الجمهور الدافىء وهو جمهور اتعرف عليك ومتفاعل معاك وجاهز اكتر يتشري المنتج او الخدمة بتاعتك

Hot audience :
الجمهور الحار وهم عملائك الحاليين ( اللي اشتروا منك المنتج او الخدمة )
وهنا تكمن وظيفة ال branding
انك توصل لجمهور جديد لسه ميعرفش عنك حاجه وتعمل عنده وعي بوجودك وبخدماتك ،
Cold to warm
وفى المرحله التانيه بتشتغل على الجمهور اللي عرفك وتفاعل معاك فى كسب ثقته وتشجيعه انه يجرب خدماتك او منتجك
Warm to hot

MarketX

09/08/2022

17/07/2022

14/07/2022

14/05/2022

10/05/2022

06/05/2022

20/04/2022

09/04/2022

07/04/2022

30/03/2022

28/03/2022

25/03/2022

Address

Website

Alerts

Shortcuts

Share

Category