طيران بالعربي

طيران بالعربي مهندس طيران علي مايجيبوا مهندس طيران

عمرو الحناوي - مهندس طيران علي مايجيبوا مهندس طيران
مهتم بتعزيز المحتوى العربي على الإنترنت، وبشارك أفكار وتحليلات عن:
✈️ الطيران
💼 الوظائف
📰 الأخبار
الهدف: إنك تفهم المعلومة ببساطة وعمق، حتى لو مش بكل تفاصيلها

Forever grateful to the most high

21/09/2026

ده كان اختبار اتحول لكارثة زي ما انتم شايفين!

في 1 ديسمبر 1984، ناسا والـ FAA عملوا واحد من أغرب اختبارات السلامة في تاريخ الطيران.

جابوا طيارة Boeing 720، وهي نسخة قريبة من عائلة 707، وشغلوها عن بُعد من غير طاقم ولا ركاب، ووجهوها علشان تعمل crash متحكم فيه في قاعدة Edwards الجوية.
الهدف ماكانش تدمير الطيارة وخلاص.
الهدف كان اختبار نوع وقود معدل اسمه Anti-Misting Kerosene.

#طيران

21/09/2026

لو بتفكر تبدأ شغل في الطيران، فالسنين اللي جاية ممكن تكون من أفضل الفترات اللي مرت على الصناعة في مصر من وقت طويل. صناعة الطيران بتمر بفترة ازدهار في مصر. دي مش مبالغة، ده حقيقة بتدعمها الأرقام. ولو أنت بتفكر تبدأ في المجال ومش عارف تختار تخصصك، عامل لك كتاب مجاني بيلخص أهم وظائف الطيران، ومتطلبات كل وظيفة، وطبيعة مسارها

0:00 المقدمة: توسع صناعة الطيران في مصر حقيقة بالأرقام
01:48 الفصل الأول: ملامح توسع الصناعة في مصر
05:33 الفصل الثاني: هل الصناعة في مصرر وصلت لحجمها الحقيقي؟
07:59 الفصل الثالث : ايه اللي ناقص لصناعة الطيران في مصر
09:46 الفصل الرابع: فرص الوظائف في مصر بعد التوسع الكبير في صناعة الطيران
12:54 الفصل الأخير: الفرص خارج مصر
13:27 سؤال الحلقة الأهم: هل ده توقيت مناسب لدخول الصناعة؟

=================================

للاستشارات والأسئلة الشائعة وتحميل دليل وظائف الطيران من الموقع الشخصي. الرابط في أول تعليق

#طيران

19/09/2026

الطيارة دي منحوسة في الجو وعلى الأرض!

بوينج بتتنقل علي خطوط سكك حديد من خط التصنيع لخط التجميع المسافة حوالي 3,200 كيلومتر، وبتتعمل بقطارات مخصوصة، في رحلة نقل معقدة جدًا لواحد من أشهر هياكل الطائرات في العالم.
الـ 737 جسمها بيتصنع عند شركة Spirit AeroSystems في مدينة Wichita في ولاية كانساس ، وبعدها بيتثبت على عربات قطار خاصة، ويتنقل عبر أمريكا كلها لحد ما يوصل بوينج علشان يدخل التجميع النهائي

بوينج وإيرباص عندهم شبكات لوجستية ضخمة علشان ينقلوا أجزاء الطائرات بين المدن والدول، بالبر، والبحر، والقطارات، وحتى بالطائرات نفسها.
إيرباص عندها BelugaXL، الطيارة الضخمة المبنية على A330، ودي بتنقل أجزاء إيرباص الكبيرة بين مصانع أوروبا وخطوط التجميع.
وبوينج عندها Dreamlifter، وهي 747 معدلة مخصوص علشان تنقل أجزاء Boeing 787 العملاقة بين الموردين ومصانع التجميع.

#طيران

أخيراً انتهيت من الكتاب اللي كتير منكم طلبه مني ... موجود علي الموقع الشخصي اللي بقالي كتير شغال عليه.الكتاب فيه منه نسخ...
17/09/2026

أخيراً انتهيت من الكتاب اللي كتير منكم طلبه مني ... موجود علي الموقع الشخصي اللي بقالي كتير شغال عليه.

الكتاب فيه منه نسخة مجانية بتجاوب علي استفساراتك الأساسية حول مهن الطيران ومتاح إنك تحمل فقط جدول المحتويات علشان تعرف هتقرأ ايه قبل ما تحصل علي الكتاب.

أحب اسمع تعليقاتكم علي طريقة العرض دي، وأي نقاط إضافية عايزين يتم إضافتها في الكتاب.

رابط الموقع في أول تعليق

16/09/2026

ده مش طيار عادي .. ده واحد من أهم طيارين اختبار المقاتلات في التاريخ!

طيار مش عادي لدرجة إن واحدة من أصعب مناورات المقاتلات متسجلة باسمه! الطيار أناتولي كوفتشار صاحب المناورة المشهورة Kvochur Bell

ده الطيار اللي مرّ بمقاتلة Su-30 على ارتفاع أقل من متر تقريبًا، وفي حادث تاني فضّل جوه طيارته لحد ما يبعدها عن الجمهور… وقفز قبل ما ترتطم بالأرض بثانيتين بس!

كوفتشار كانت وظيفته إنه ياخد الطيارة لآخر حدودها… علشان يعرف المهندسين إمتى تفضل قابلة للسيطرة، وإمتى تبدأ الأمور تخرج عن التحكم.

#طيران

14/09/2026

أكبر عملية إنقاذ جوي في التاريخ!

أمريكا ولأول مرة رفعت السرية عن أكبر عملية إنقاذ جوي في تاريخها علشان تستعيد طاقم مقاتلة F15E سقطت في قلب #إيران.
ضابط الأسلحة علي الطيارة استمر في الهروب لأكتر من 50 ساعة بدون أكل ولا مياه وعلي ارتفاع 7000 قدم!

شارك في العملية أكتر من 3000 عنصر من الجيش الأمريكي، وأكتر من 155 طيارة.

#طيران

12/09/2026

فيه محركات طيارات .. وفيه محرك GE90-115B واحد من أعظم محركات الطيارات في التاريخ!

إحنا بنتكلم عن المحرك اللي اتعمل مخصوص علشان يشغل Boeing 777-300ER.
محرك واحد منه بيطلع حوالي 115 ألف رطل دفع.

علشان تتخيل الحجم: قطر المروحة الأمامية حوالي 3.25 متر.
يعني أكبر من قطر جسم طائرات صغيرة كتير زي

العظمة إنك تحرك كمية هواء ضخمة بأعلى كفاءة ممكنة.
معظم الهواء اللي بيدخل المحرك ما بيدخلش قلب الاحتراق أصلاً.
حوالي 90% منه بيعدي حوالين الـ core، وده اسمه high bypass turbofan.
النتيجة: دفع هائل، واستهلاك أفضل، وضوضاء أقل مقارنة بفكرة النفاث القديم اللي يعتمد على عادم ساخن وسريع فقط.
لكن تأثير GE90 الحقيقي مش في الرقم بس.
التأثير إنه خلى طائرة ضخمة زي 777-300ER تعتمد على محركين فقط، بدل 4 محركات

#طيران

11/09/2026

دي الأسباب اللي بتخلي تجربتك سيئة في مطار القاهرة!

علشان كده مشروع مبني المطار رقم 4 مش رفاهية، ده ضروري جداً في ظل توسع شركات الطيران حاليا.

#طيران

08/09/2026

الطيارة دي مش بس خرجت برة الممر، دي قطعت طريق سريع من 8 حارات دمرت كل العربيات في طريقها ودخلت في منطقة سكنية واتسببت في كارثة!

الطيارة خرجت من نهاية المدرج بسرعة حوالي 112 عقدة، يعني تقريبًا 207 كيلومترات في الساعة. ولأول مرة من سنين طويلة، أنظمة السلامة اللي في نهاية الممر متبقاش كفاية علشان توقف الطيارة قبل ما تخرج من حرم المطار بالكامل.

#طيران #أمازون

05/09/2026

ده أعظم جناح طيارة بلا منافس! أعجوبة هندسية بكل معاني الكلمة. جناح الطيارة بوينج .

الجناح ده مصنوع بدرجة كبيرة من مواد مركبة، ومرن جدًا، ومصمم بانحناء وامتداد كبيرين علشان يقلل مقاومة الهواء ويحسن الكفاءة في الرحلات الطويلة.

الجناح المرن بيمتص الأحمال، يقلل الإجهاد، ويساعد الطائرة تطير بكفاءة أعلى.
ومع أطراف الجناح فيه حاجة اسمها الـ raked wingtips، الـ 787 بتقلل الدوامات الهوائية عند الطرف، وده معناه مقاومة أقل واستهلاك وقود أفضل.

#طيران #بوينج

Address

Cairo

Website

Alerts

Be the first to know and let us send you an email when طيران بالعربي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category