akram_adel

08/03/2024

حصل موقف بينى وبين حد كان معايا فى التيم وغلط فى deal بشكل معين وخسرنا ال deal دا ،

و كان مدايق جداً انه عمل كدا و غلط !

كان دى عليه الاتى :

هى معادله بسيطه ،
مش هتجرب ⬅️ مش هتغلط ⬅️ مش هتتعلم ⬅️
مش هتعمل حاجة ☝🏼

لازم تتقبل حقيقة أنك إنسان 🤌🏼 وانك بشر بتخطئ وبتصيب ، مش حد كامل بيعمل كل حاجة صح !
لأن مش المفروض أصلا أنك تعمل كل حاجة صح ،
بس أهو بتحاول ، وهتقضي عمرك كله بتحاول ،
فلو هتفتخر بحاجة المفروض تفتخر بأنك بتحاول تعمل الصح وبتجتهد وبتسعى دايما لكدا👌🏼

18/11/2023

حاجات اتعلمتها من ٥ سنين بيزنس ولسه بتعلمها:

- اتعلم تخطط كويس، بس خليك جاهز بخطة بديلة لو الأولى محققتش نتايج.

- عيّن اللي يعرف يشتغل، مش الشخص المرح أو اللي يبقى في كيميا بينه وبين الفريق اللي موجود "بس"، الصحاب مكانهم النادي، بس الشغل هيفضل شغل

- اشتغل على إنك تقبل كلمة "لأ" ويكون وقعها عليك زي كلمة "يلا بينا متحمس نشتغل سوا".

- اشتغل أضعاف على إنك تقول "لأ" ومتخفش تتحمل التبعات، لأنك لو متاح طول الوقت: ده معناه حاجتين يأما مفيش شغل واضح بتعمله، يأما أنت People Pleaser ودي حاجة مضرة لصحتك النفسية على المدى البعيد وممكن تسبب لك Burn Out.

- الإبداع أرقام مش أفكار فقط، اعمل للفريق KPIs واضحة وصريحة عشان لما يجي آخر الشهر تعرف هتتحاسب على إيه.

- متخليش المدح ولا الذم يشغلك، اشغل نفسك بنفسك وإزاي كل يوم تكون بتقرب خطوة من هدفك.

- صحتك النفسية مهمة، شغلتنا شغلانة إبداع ولازم تشحن وتفصل من وقت للتاني .

- اتعلم تقيس وتقيم شغلك مش بس ببحثك عن المرتب اللي بياخده زميلك ولكن بالمرتب اللي بتطلع بيه الشغل وجودته.

- لو بتتعامل مع شريك أو صديق بيقدم لك خدمة، مهم يكون فيه اتفاق واضح وعقود تلزم كل الأطراف بالبنود دي- في الماديات الكلام بيتغير.

- أوعى تتهاون في الـ Recommendation Letter، من حقك تعرف هو الشخص اللي هينضم لفريق الشغل كان بيعمل إيه وسايب شغله القديم ليه.

وأخيرًا، الكلام ده لو كنت شفته في أول سنة بيزنس، كنت هقولك لا.. بس الكلام ده مش مني بس ولكن من قصص وتجارب Business Owners كتير بشتغل معاها كل يوم.

#بزنس #خبرات

27/10/2022

الأمان الوظيفى الحقيقى هو ان تكون على يقين بأن لديك موهبه تسمح لك بالعمل فى اى مكان ☝🏼

29/05/2022

عمري ما شوفت واحد بيروح للدكتور يقوله خففني حالًا ،
ولا واحد يقول لمهندس ابنيلي المبنى ده النهاردة قبل اليوم ما يخلص ☝🏼

لكن اصحاب البزنس ييجوا لحد ال
Digital marketing

ويقولك انا عايز مبيعات بسرعة وبأقل ميزانية مش انتا استاذ وشاطر في المجال ، اتصرف بقي
ومستعجل كإنه راكن البزنس بتاعه صف تاني 🤔

البرنس محتاج خطة تسويقية وفيها عناصر كتير وتستمر لمدة 3 شهور علي الاقل الموضوع لازم بيدرس كويس وياخد وقته 👌🏼

انما موضوع انك تعمل إعلان ممول مرة واحدة ومتخيل انك هتحقق مبيعات سريعة بسهولة كده !

يبقى انت فاهم الامور كلها غلط ومش عارف ايه دور واهميه التسويق وايه هى خطواته ✋🏼

26/05/2022

إشتغل و ذاكر بتركيز فى خطوات بسيطة 🧘🏼‍♂️💕

✅ متشتغلش أكتر من ساعتين متواصلين من غير أى بريك.

✅ إخلق بيئه عمل مريحه و تساعدك على التركيز.

✅ إعرف إى الوقت الأمثل للعمل خلال اليوم.

✅حدد أهدافك فى كل مره هتقعد تشتغل (حدد الجزء المراد إنهائه).

✅حافظ على مكان شغل منظم و مرتب.

✅إبعد عن المشتتات وحافظ على الهدوء حواليك.

08/05/2022

30/01/2022

أسباب رفض الإعلانات الممولة على الفيسبوك

عند انشاء إعلانات على Facebook، يخضع لعملية مراجعة لمعرفة لو اعلانك بيلتزم بالسياسات الإعلانية أو لأ.
و يتم مراجعة التصميم الخاص بالإعلان و النص نفسه و الجمهور المستهدف و حتى المحتوى الخاص بالموقع اللي بيحول الزوار ليه او الـ Landing Page .

10 أسباب قد تواجهنا عند انشاء الحملات الممولة على الفيسبوك

إعلانك الممول تم رفضه ”Your ads have been disapproved”

حسابك التمويلي وصل للحد الأقصى ”Your account spending limit has been reached”

الصورة المستخدمة بالإعلان مخالفة ”Your image violates the 20% rule“

ميزانية إعلانك منخفضه ”You bid is too low“

ميزانية حملتك الإعلانية غير كافية ”Your campaign does not have enough budget”

آهداف حملتك الإعلانية لا يمكن تحقيقها ”Your optimization goal is hard to reach”

إعلاناتك غير مناسبة للجماهير المستهدفه ”Your ads are bot relevant to your audience

الجماهير متداخلة ”Your audience are overlapping”

إعلانك تحت المراجعة يأخذ وقتاً ”Your ads under review“

جودة إعلانك منخفضه ”Your ad is low quality“

الكل يخطئ… حتي فيس بوك!!!
أنا واجهت تلك المشاكل يرفض إعلاني وانا بالفعل لا أري أي مخالفه لذا إذا كنت متأكد أنك لم تروج لأي مما يلي إذاً لذا لا تتردد أن تتواصل مع فيس بوك إن كنت واثقا من أن إعلانك متوافق مع سياساتهم، لذا تحدث معهم فمن المحتمل أن يكون تم رفض إعلانك بالخطأ.
كل ما عليك هو آن تملأ النموذج من هنا
https://lnkd.in/gycYm5DT
وتمدهم بالمعلومات المطلوبة وتوضح لهم أن إعلانك متوافق مع سياستهم، إذا نجحت بالتفاوض مع فيس بوك فسوف يقوموا بتفعيل إعلانك… مبروك

الأسباب التي تؤدى الى رفض الإعلانات الممولة؟

منتجات التبغ بكل مشتقاتها زي السجائر و غيرها.

منتجات البالغين أو +18 ليها علاقة بالمنتجات الجنسية.

تناول السمات الشخصية بشكل مباشر زي الأعراق أو اللون أو الدين و المعتقدات و الإعاقة و هكذا.
علي سبيل المثال لو بدأت إعلانك

هل تعاني من مشكلة بـ... مثلا البصر – السمع ؟ احتمالية رفض الإعلان
ارجع هنا للصيغ البديلة اللى تقدر تستخدمها لتفادي ده

القواعد اللغوية المحتوى النصى للاعلان
فيسبوك ممكن يرفض اعلانك لو فيه في خطأ لغوي أو جمل غير مفهومة أو طبعا ألفاظ غير لائقة.

الصحة الشخصية أو الـ Personal Health
صور قبل وبعد الخاصة بفقدان الوزن او عمليات التجميل او غيرها.

معايير المجتمع
بتتضمن حماية الملكية الفكرية و المعلومات الشخصية و المحتوى اللى بيصنف خطاب كراهية أو تنمر أو عري أو العنف.

لو بتعمل اعلان عن منتج أو خدمة مقيدة أو Restricted !
مثل الكحوليات و المخدرات و المقامرة و غيرها

أول اجراء هو التعديل على الإعلان نفسه بعد المراجعة لكافة السياسات و التأكد انه كله تمام.

أو تقدر تطلب مراجعة خاصة من فيسبوك على الإعلان لو انت متأكد انه مفيهوش حاجة مخالفة للسياسات و بيتم مراجعته و الموافقة عليه.

رغم حجم التقييد علي إعلانات الفيسبوك يوجد طرق ذكية كتير جدا بتقدر تتحايل بيها على اللوغريتمات الخاصة بالمراجعة و مش بيتم رفضها و ده بيتطلب منك بحث و دراسة عن اعلانات ذات صلة بمجالك و طبيعتها و افكار من المعلنين في نفس المجالات و اعلاناتهم بتظهرلك، و ازاي بيقدروا يعلنوا عن منتجاتهم بشكل غير مباشر.

23/01/2022

لَا تَدَع الدِّراسة تُلْهِيكَ عَنْ اَلتَّعلُّم ☝🏼

Don't let studying distract you from learning ☝🏼

17/01/2022

ازاى تستخدم بذكاء 👌

26/12/2021

وجود مدير سهل تتعامل معاه , سهل تطلب منه مساعده , سهل تكلمه , ترضيه , تعتذرله وتعرف تتعامل معاه بتلقائيه بدون حسابات كتير وتحبه وتحترمه وتقدره .

وقتها هتطلع احسن حاجه عندك حتى لو هتشتغل فى الاجازات وتيجى على نفسك عشان عندك شغف وطموح مخليك شايف نجاحه نجاحك .

كذاب اللى قال الشغل مافيهوش مشاعر وان الصح تتحول اله عشان تحقق انجازات , الشغل منظومه علاقات انسانيه , فيها مدير محترم تحبه , وزميل جدع بتثق فيه ,

بمجرد ما هتكون بتشتغل مع الناس دى هتلاقى ساعات الشغل الطويله بتعدى بسرعه ومش هتكون عايز اليوم يخلص .

25/08/2021

7 خطوات تعمل بيها Effective content

1 - حدد هدف التسويق
2 - لازم تكون فاهم جمهورك المستهدف
3 - حدد سمات الجمهور بدقه
4 - حاول تجدد طريقه الكلام والاسلوب
5 - جمع الكلمات الرئيسيه
6 - ركز ان كل platform ليها شكل وجمهور مختلف عن غيره
7 - اهتم بأن المحتوى ميكونش فيه اخطاء املائيه