Muffin Marketing Agency

26/05/2026

العيد ده بهدي فيديو العيد لاجمل اخت في الدنيا و اكبر داعم ليا اللي دايما كانت في ضهري و بتشجعني ..

عيدك في الجنة حبيبتي الغالية و يارب يقدرني اعمل حاجات حلوة تبسطك ..

كنتي العيد و هتفضلي العيد للابد ..

كل عام و انتي بخير و يارب في الجنة و نعيمها يا قلبي ..

كل عام و انتم بخير العيد السنة دي برعاية الاجمل على الاطلاق سولي ♥️

عيد أضحى سعيد و كل عام و انتم بخير و سعادة يارب ♥️🎉





Muffin Marketing Agency

19/04/2026

الفكرة و التصوير و ازاي تقدم نفسك و كل تفصيلة بتشتغل عليها من البداية بتكون هدفنا عشان تظهر بالشكل اللي يليق بيك ..

مفيش تصوير و خلاص و اي محتوى او سكريبت بدون ترتيت و نقاط اساسية هيبقى شئ بلا هدف ..

و احنا دورنا اننا نختار معاك المحتوى اللي يناسب شخصيتك..

و كمان كل تفصيلك طريقة الكلام المظهر ، ردود الافعال و بنحلل ده كله لحد ما نوصل مع بعض للهدف المباشر الاساسي ..

ولان احنا في

Muffin Marketing Agency

بنتعامل دايما انك جزء من العيلة بتاعتنا فا بنحاول نقدم افضل خدمة بافضل شكل ..

عشان كده خليك مع مافين .. خليك جزء من عيلتنا و خلينا نساعدك توصل لهدفك صح ..

مافن لتتسويق انت مش مجرد عميل احنا عيلة واحدة ..

13/04/2026

واحنا صغيرين كنا نصحى من النوم و ماما بتحضر البيض لينا عشان نلون فيه و نلعب ..

و بعدين كل واحد يشوف التاني لون ايه و بعد منخلص نروح الجناين و نلعب احنا و قرايبنا و اصحابنا ..

لان شم النسيم هو واحد من اقدم الاحتفالات اللي المصريين ليهم طقوس خاصة فيه ..

و زي اي احتفال في مصر كلنا بنتشارك فيه عيلة واحدة ..

و اليوم ده يوم كلنا بنحب فيه نخرج او نغير جو و نلون و نلعب ..

و في ناس تانية بتحب تاكل فسيخ و رنجة و روايح نفاذه كتير كده ملناش دعوة بيهم 😂😂😂

خلينا احنا في التلوين 😎

و تلاقي كل طفل فخور اوي بالي عمله و التلوين بتاعه ..

كان في فن كده في الاحتفال 🥰🥰

و طبعا مع مرور الزمن الموضوع ده قل خصوصا بعد ما بقى جرام البيض بسعر عالي اوي 😎

انا فاكر زمان كنا بنتعامل مع البيض ده بالكراتين انهاردة لازم تشوف البيضة عيار كام و اصلية ولا لا و قصة كده 😂🤦🏻

و دايما مستر مافين بيحب يشاركوا الاحتفالات بطريقته الخاصة 🎉🎉

و يقولكوا كل سنة و انتوا طيبين بس من غير فسيخ و رنجة 😂😂😂😎🤦🏻

02/04/2026

بتبسط الصراحة لما اشوف اي كامبين مبنية على جملة عربي بخط عربي و تشكيل بحس كده انها فيها دافئ ..

بس مش عارف ليه بنقف عند الجزء ده و بنرجع تاني للطريقة التقليدية ..

يعني بعلن عن كومبوند سكني في وسط القاهرة عادي افضل اجيب اجانب بيرقصوا و يحتفلوا او ناس على البسين و اغنية اجنبي و خلاص كده !

ليه مكملش الحملة كلها بنفس الفكرة و اعمل اغنيه او فويس اوفر عربي بيحكي عن الاصالة العربية ..

بيحكي عن البيت الدافئ و العيلة و الاحساس اللي بيوصل لينا حتى لو قاعدين مع ناس اول مرة ..

احنا كا مصريين و حتى العرب مميزين بالترحاب و اللمة و ده جزء من تراثنا الحقيقي ..

عشان كده الحملة لازم تكمل كلها بنفس المعنى مش لازم مود احنا جوة الكمبوند مش بنشتغل و بنلاقي فلوس كل يوم الصبح قدام الباب ..

مش لازم الناس في الكمبوند تبقى بتحتفل و بترقص طول اليوم ..

في حياة اولا مدارس لمة عيلة معاني كتير ممكن نوصلها للناس بشكل اجمل من كده ..

و يخدم فكرة الجملة اللي اتبنى عليها مفهوم الحملة عشان بجد يوصل للناس بشكل افضل ..

و غلبني الشوق و غلبني 😎
قولي يام كلثوم قولي ده مستر مافين روق على صوتك 😍♥️

البيت اللي بتدور عليه مستر مافين هيساعدك تلاقيه😎😍

صباحكم خير 😎


Muffin Marketing Agency

23/03/2026

خلصنا رمضان و العزومات واكلنا كنافة بالمانجا و محشي و بط و قطايف ؟

عيدنا و كلنا بيتفور و كحك و ترمس و فسيخ و رنجة ؟

جيه وقت الشغل و الكامبين تاني عشان نرجع بقوة ؟

جاهز عشان تعمل شغل قوي لباقي السنة ؟

مع عرض Dominar الفندقي اللي بيبدا من ١٥ الف مقدم و ٥ ألاف في الشهر ! اوفر بطعم اسعار زمان !؟

ولا عرض Nakheel ٣٠٪؜ مقدم وحدتك السكنية و اول قسط بعد ما تستلم و على طريق السويس مباشرا ؟
يعني ولا اقساط ولا ضغط مقدمك و بس ؟

طيب و عرض Al Jar سمعت عنه فندقي متشطب في الشروق بسعر مميز جدا و عندهم مشروع متسلم و شغال و بياجر يالدولار ؟

ده غير الوحدات الاستلام الفوري اللي مطروحة دلوقتي في اكتر من مشروع 👌🏻

من الاخر اكتر من مشروع تعمل عليهم كامبين ناجحة دلوقتي و احنا في Muffin جاهزين عشان نساعدك انت جاهز ؟

21/03/2026

مش مجرد عيد ده احتفال بيوم الانسانة اللي حضنها بيضمنا في اي وقت و اي مكان سواء كانت في الجنة او في وسطنا ..

انت بتحتفل حتى لو جواك بكل يوم كانت جنبك و في ضهرك و بتدعيلك بتحتفل بحبها ليك وبكل اللي عملته عشانك ..

عشان كده ادعيلها لو مش معاك و متزعلش دي سنة الحياة , و لو معاك ادعيلها بالصحة و خليك معاها و ليها ..

عيد الام احتفال جميل ميجيش ١٪؜ في اللي اي ام تستحقه ..

ربنا يصبر اي حد مش معاه امه و يخلي لينا امهاتنا و يديهم البركة والصحة لو معانا ❤️🤲🏻

كل عام و كل ام بخير كل عام و كل ام جميلة 😍❤️

20/03/2026

العيد و العيلة و لمة جميلة , عيدية و كحك و بسكويت ♥️

تسهر تصلي العيد مع اصحابك و اهلك و تنام تصحى تلاقي الشاي بحليب و البسكويت و مسرحية العيال كبرت اللي شوفتها ١٠٠ مرة شغالة وتضحك برضه 😎😍♥️

و بعدين تروح تزور العيلة و تدي عيدية و تاخد عيدية و تشوف العيال و هما بيلعبوا و بيفرقعوا بومب و صواريخ 🎉

ترجع تلاقي المتزوجون او سك على بناتك اللي حافظهم شغالة و تتفرج و تضحك برضه ♥️😍

وتفضل قاعد تاكل كحك و مستغرب وزنك بيزيد ليه 😳😂

فرحة العيد في تفاصيله اللي محفورة جوانا بكل ضحكة و لمة مع اصحاب و عيلة 🎉♥️

عيد سعيد ♥️ و كل عام و انتم بخير 😍♥️

17/03/2026

في لحظات كده مهما حكيت عنها مش هتوفيها حقها ولا هتوصف غلاوة الاشخاص دي عندك ♥️♥️

و دي واحدة من اغلى اللحظات دي على قلبي مش بس عشان اتكرمت من ناس هما اخوات و اصحاب غالين لا كمان عشان بشوف نجاحهم اللي تعبوا فيه اوي قدام عيني ♥️😍

اول مرة قابلت الناس الجميلة دي حسيت اني بتعامل مع اخوات و اصحاب بجد

سواء
Ahmed Saeed El Shiekh
Mohamed Ghareeb
Mahmoud Elshazly

من اكتر الناس المحترمة اللي قابلتها في حياتي و كان ساعتها عندهم حلم كبير كأنوا مؤمنين بيه بجد و مصدقينه ..

بدات بتصدير العقار للخارج و تحقيق نجاح كبير و بعد كده معارض ناجحة و بعد كده قصة جديدة مع شركة جديدة بتنضم لمجموعة ..

New point Real Estate
JUSQ Estate

عشان تبدا قصة نجاح جديدة ليهم و بجد بتمنى ليهم كل خير دايما ..

و بشكرهم على تكريمهم ليا و لشركتي

Muffin Marketing Agency

واحد من اغلى و اكتر التكريمات القريبة لقلبي بجد ♥️♥️

و من بداية تعاونا مع بعد و انا مؤمن انكوا هتوصلوا لحلمكوا ♥️♥️♥️

مبروك الفرع الجديد و شكرا على الايفينت الجميل ده و دايما موفقين و ناجحين و مكسرين الدنيا ومتجمعين ♥️♥️😍😍👌🏻💪🏻

11/03/2026

مستر مافين بدا يومه بشكل طبيعي وقام جهز نفسه عشان يروح
العزومة ..

وراح اشترى الحلويات وكان في قمة سعادته و وصل عند البيت
اللي فيه الاحداث ..

بس مكنش يعرف ايه اللي مستنيه هناك ياترا ايه بقى ده اللي
هنشوفه مع مستر مافين • •

يوميات مستر مافين مجموعة احداث في رمضان و مكملة بعد
رمضان ، فيها الغاز و مواقف يارب تعجبكوا

pirlosanad # يوميات_مستر مافين #

Muffin Marketing Agency

12/07/2025