24/01/2026
الخطيب لـ رمضان صبحي :
" الأب مبيتخلاش عن ابنه " .. رسالة من الخطيب لـ رمضان صبحى : ” مبروك يا رمضان و هتفضل ابن النادي و دى فرصة جديدة من ربنا " ...
" الأب مبيتبريش من ابنه "... براءة رمضان صبحي تثبت أن
" عين بيبو " كانت أصدق من الجميع ❤️
من شهرين فاتوا الكل كان بيقـ ـطع في رمضان صبحي والكل كان بيشمـ ـت ... وقف " الكبير " محمود الخطيب لوحده في كفة والإنسانية في كفة تانية .... وقتها بيبو مسمعش لصوت الهجوم ولا فكر في طريقة رحيل رمضان صبحى عن الاهلى اللي زعلت الملايين ... لكنه فكر في " ابن النادي " اللي بيواجه أصعب محنة في حياته ...
محمود الخطيب وقتها مكتفاش بالمتابعة بس لا ده كلف محامين النادي الأهلي رسميا بالترافع عن رمضان صبحى والوقوف جنبه ... والنهاردة رمضان خرج منها الحمد لله و قبل الاستئناف ...
النهاردة بيبو بيجني ثمار ( الأصول ) اللي زرعها و رسالته لرمضان صبحي بعد البراءة هي " الحب " الحقيقي اللي لازم كل شاب يتعلم منه كابتن محمود الخطيب قاله بالحرف :
( مبروك يا حبيبي و إن شاء الله تبدأ رحلة جديدة مع نفسك وتراجع كل أوراقك ودي رسالة من ربنا ليك ... وهتفضل مهما حصل ابن من أبناء النادي الأهلى وزي ما قولتلك قبل كدة الأب بيتخانق مع ابنه لكن عمره ما يتبري منه أبداً ) 🤝❤️.
الرسالة دي مش مجرد كلام دي " صفعة " لكل حد حاول يقول الاهلى مش بيقف جمب أولاده ... بيبو أثبت إن الأهلي " مؤسسة تربوية " قبل ما يكون نادي بطولات ... لما الخطيب بعت محامين الأهلي لرمضان من شهرين ... كان عارف إن " الدم بيحن " و إن اللي تربى في " التتش " لازم نفضل في ضهره وقت الانكسار ... والنهاردة الفرحة في بيت الخطيب مش مجرد فرحه و خلاص دي فرحة أب بـ سلامة ابنه ....
رسالة الخطيب كملت بأهم نصيحة لرمضان في مشواره الجديد :
" ربنا يوفقك وأشوفك على خير ... و تكون راجعت نفسك وتحاول تصالح كل الناس اللي كانت بتحبك وإنت زعلتها " ....
دي دعوة لفتح صفحة جديدة صفحة عنوانها إن الكبير بيفضل كبير بأفعاله ... وإن اللي بيشيل الأهلي في قلبه ...الأهلي عمره ما بيسيبه في وقت الشدة 🦅💪 ...
شكراً كابتن محمود الخطيب على الدرس القوي ده في الأخلاق والمبادئ.. وحمد لله على سلامتك يا رمضان ... ويارب تكون اتعلمت إن مفيش أغلى من حضن " الأب " وسند " العيلة " النادي الأهلى ...❤️
Al Ahly SC
