The Marketing Factory

The Marketing Factory Social Media Specialist | Content Creator

17/01/2024

أيها الناس، أنا عملت اكونت افضل في الريتش من الصفحة
يالا تعالوا من اللينك دا
وهعملكم كلكم منشن، هو علشاني، دا علشان مصر😂😂

15/10/2023

الناس اللي مش عارفة تدفع اعلاناتها
بشرة خير
تيلدا فعلت الدفع المسبق لاعلانات الفيسبوك
مش هتقدري تدفعي مديونية، الدفع المسبق فقط اللي شغال

24/09/2023

عارفة ايه سر نجاح اي بيزنس؟

الاجابة كلمة واحدة بس بتحتاج مجهود كبير .... الاستمرارية.

علشان البيزنس ينحج لازم تستمري، علشان صفحة الفيسبوك بتاعتك تنجح لازم تستمري وتلتزمي بجدول النشر بتاعك.

متعملوش زيي وتنشروا في وقت فراغكم 😅، انا بتعامل مع صفحتي بالحب لانشغالي بصفحات الشغل اللي بمسكها ودا غلط ومش هيجيب نتيجة ولا اثر بسهولة.

لكن اثبتت فعلا بالتجربة ان الصفحات اللي النشر فيها منتظم، العملاء فعلا بيرتبطوا بيها وبيتفاعلوا مع المحتوى اللي بينزل.
وعلى فكرة مش شرط النشر يومي، ممكن تكتفي بمرتين في الاسبوع او تلاتة، المهم يكون منتظم.

وعلشان تشوفي نتيجة الاستمرارية دي والنشر المنتظم على صفحتك محتاجة مش اقل من تلات شهور، لان مفيش حاجة بالساهل ومفيش نجاح سريع.

وعلشان تسهلي على نفسك هقولك نصيحتي اللي بقولها لكل اصحاب المشاريع، اعملي جدول لنفسك بالايام بالورقة والقلم

يوم الحد هتجمعي افكار المحتوى اللي هستخدميه لمدة اسبوع او اتنين او حتى شهر لو تقدري

يوم الاتنين هكتبي المحتوى اللي حضرتي افكاره

يوم التلات هتراجعيه

يوم الاربع هتظبطي التصميمات

يوم الخميس هترفعيه كله مجدول بحيث يكون جاهز وتتفرغي بقى لشغلك نفسه

واي مساعدة هتحتاجيها في النقطة دي متتردديش تبعتيله وهجاوبك بكل ترحاب

14/09/2023

Personal Branding صـح

إزاي أسوّق لنفسي؟
سؤال بيتكرر كتير ومش عارفين الاجابة.
بس خليني أسألك سؤال، لو عملتي كيكة مثلا وطلعت ناجحة وطعمها يجنن، بتعملي إيه!!

بتعرفي البيت والجيران والعيلة وتكلمي صحابك ومش بعيد تقولي للشارع كله إنك عملتي كيكة وطلعت حلوة.

هو ده بالظبط ال Personal Branding
دوري كده على الميزة التنافسية بتاعتك، شوفي بتعرفي تعملي إيه وعندك مهارات إيه، واتكلمي عن كل ده لكل الناس بطريقة مبتكرة ومميزة.

استغلي السوشيال ميديا ونزلي شغلك وخبرتك على صفحتك الشخصية وباقي المنصات وعلى الجروبات المهتمة بنفس مجالك.

اعملي علاقات كتير بالمشاركة والتفاعل مع أشخاص من مجالات مختلفة مش بس نفس مجالك عشان تبني علاقات طويلة المدى.

تابعي كل جديد في مجالك وطوري نفسك عشان تزودي فرص نجاحك.

باختصار خليكي موجودة على الساحة بالمحتوى والمشاركة والتفاعل وكمان المساعدة ومتنسيش العروض والخدمات المجانية بيكون ليها تأثير السحر على نجاحك.

10/09/2023

بس انا شوفته برة ارخص من عندك!!

اعتراض كتير بنتعرضله سواء بنقدم خدمات او منتجات، فلو عندك ميزة تنافسية بتميزك عن السوق، فهتقدري بكل سهولة تجاوبي على الاعتراض دا

والله يا فندم احنا بنتميز عن السوق بواحد اتنين تلاتة علشان كدة السعر عندنا اعلى

لكن المشكلة الحقيقية لو معندكيش اي ميزة، وفعلا زيك وي غيرك، نقس المنتج، بنفس الكواليتي، يمكن كمان من نفس المصدر.

وعلشان نحل المشكلة دي لازم نعرف الاول ليه السعى عندنا اغلى من غيرنا.

هل لانك بتشتري كمية قليلة فبتاخدي بسعر اعلى؟؟ ساعتها ممكن تتفقي مع حد في مجالك تتعاونوا وتشتروا سوا فتاخدوا سعر ارخص

هل المورد نفسه غالي، ممكن نتعب شوية وندور على مورد ارخص منه

هتفضلي تمشي مع سبب سبب لغاية اما تحليه بحيث سعرك يبقى زي السوق

والطريق الاصعب بقى انك تخرجي برة منافسة السعر دي ويبقى عندك ميزة تنافسية مش موجودة عند غيرك، وساعتها هتظهري الميزات دي وتبقي كسبتي الموقف.

شاركونا ايه اكتر اعتراض بتتعرضوا ليه، وايه ميزتك التنافسية في السوق

25/08/2023

كـلمات سحـرية لـبيعه فـورية

لو بتدوري على منتج أونلاين، من بين إعلانات كتير إيه أكتر حاجة بتلفت نظرك وتقرري تشتريه؟

صدقيني مش الجودة ولا السعر، ولكن كلمات الإعلان بتكون أكتر تأثير عليكي وفيه كلمات معينة كده لا تقاوم بتخليكي تجري تشتري من غير تفكير.

زي مثلا كلمة مجـاناً
نفس تأثير الدوبامين 😂
بتخطف أي عميل حتى لو مش مهتم بالمنتج أو الخدمة.

كلمة حصري
أو مخصوص ليكي، دي بقى أقوي من أي ميزة تنافسية.
معقول هتشتري حاجة مميزة تكون عندك بس .. لازم تلحقي طبعاً

كلمة سهل
عشان حاجـات كتير بقت صعبة، وكتير بنكسل لازم الشركة تقـدر الظروف دي طبعاً وتوفر للعميل الأسهل لأنه بيجذب الانتباه وكمان عشان ميبقاش ليكي حِجه.

كلمة فوراً
لو بتشتري كريم معين وشوفتي كلمة نتيجة فورية هتكون كفاية تشجعك تشتريه عشان مفيش صبر نستنى نتيجة متأخرة.

جربي تستخدمي الكلمات الحصرية دي في الكونتنت بتاعك بكل سهولة وشوفي النتيجة الفورية مجانا 😅

20/08/2023

إعـلان مرمي في الشـارع

كام مرة كنتي ماشية في الشارع أو في العربية ولقيتي شخص بيوزع إعلانات؟

كام مرة أخدتي منه الإعلان وقرأتيه؟ اعتقد ولا مرة.

وكام مرة بصيتي فيه ورميته؟ اعتقد كل مرة.

مش بعيد اول اما بتشوفيهم بتقفلي الازاز بسرعة هروبا من الاعلان.

عمرك فكرتي ليه بتعملي كدة؟!

لأنك بمنتهى البساطة مش مهتمة، انت مش العميل المناسب.

ودا عيب فظيع في الاعلانات التقليدية، حتى اعلانات التلفزيون وإعلانات الشوارع، كلها بتروح لكل الناس ونسبة كبيرة منهم مش مهتمة.

ودا بالظبط عكس التسويق الالكتروني، اللي منهم التسويق على صفحات التواصل الاجتماعي زي الفيسبوك والانستجرام

في التسويق الالكتروني بتقدري بتوصلي لجمهورك المستهدف في العالم كله بكل دقة وتتفاعلي معاه بشكل مباشر بسهولة وبأقل تكلفة عن طريق المحتوى أو الإعلان.

مش بس كده، وبتعرفي تقيسي نتيجة التسويق وتعرفي كام شخص شاف الإعلان وعمل Follow للبيدچ.

ودي ميزة مش موجودة في الاعلان التقليدي، فكرة انك تبقي محددة مين يشوفك ومين يتفاعل معاكي وتعرفي تقيسي وتقيمي دا بكل سهولة

فنصيحة مني متعملش إعلان وترميه في الأرض، وخليكي مع التسويق الالكتروني لان سيكولوجية العميل حاليا اختلفت تماما عن زمان، وكلنا بنفتح الفيسبوك او الانستجرام علشان نقيم اي براند جديد يظهر لنا.

ايه الفرق بين البانادول والباراسيتامول؟البانادول دا باراسيتامول بس عامل لنفسه براندينجطب ايه هو البراند؟ وإيه أهميته؟ وإ...
17/08/2023

ايه الفرق بين البانادول والباراسيتامول؟

البانادول دا باراسيتامول بس عامل لنفسه براندينج

طب ايه هو البراند؟ وإيه أهميته؟ وإزاي نعمل براند قوي؟

16/08/2023

إيه أكتر حاجة بتخليكم تحبوا أي براند؟

بدون اي تفكير الاجابة هي "المحتوى"

لأن المحتوى المميز هو اللي بيخلينا متعلقين بالعلامة التجارية وبنحس إنها بتفهم محتاجين إيه.
في أي مشكلة كده تلاقيه بيطبطب علينا ويقولنا متزعليش طلبك عندنا.

عشان كده كل براند بيحاول يقدم محتوى مفيد وممتع ومخصص للجمهور اللي بيستهدفه.

لأن المحتوى زي الساحر، الساحر بيعمل حيل كتيير ومفاجآت وبيتشقلب عشان يخلي المشاهدين بتوعوا مشدودشين من الانبهار والفرحة وعشان منحسش بملل وقت العرض ونفضل مستمتعين.

وهو ده بالظبط مهمة المحتوى، إنه يشدك ويخليكي مبسوطة، وبتعملي like و comment و share عشان تتابعي أكتر.

من الاخر كدة المحتوى هو الروح اللي بتدي للعلامة التجارية طعم وشخصية مميزة وأي براند عاوز يتعرف ويحقق نجاح لازم يكلم جمهوره بطريقته ويشوف محتاج إيه ويوفره.

فلازم اي بيزنس موجود على السوشيال ميديا يبذل مجهود فالمحتوى اللي بيقدمه سواء بوستات او ريلز او ستوريز ولازم يعرف عميله كويس اوي علشان يعرف يقدمله محتوى بيهمه

د

محدش كبير على سرقة الصفحاتفريش للاسف اتعرضت لهكر سرق الصفحة من ٦ ايام والنهاردة منزل صورته بكل بجاحةتخيلوا حجم الخسارة ا...
05/07/2023

محدش كبير على سرقة الصفحات
فريش للاسف اتعرضت لهكر سرق الصفحة من ٦ ايام والنهاردة منزل صورته بكل بجاحة
تخيلوا حجم الخسارة اللي الشركة تعرضت ليها، ربنا يعوض عليهم يارب

احنا بقى اصحاب الصفحات الصغيرة مش معرضين للتهكير بس معرضين للسرقة.
افتحي صفحتك وشوفي عندك كام ادمن وهم مش شركاء؟
اي حد معدي بتعمليه ادمن، غير بقى بنت خالة ابن عمة بابا اللي في مقام جدتك هتلاقيها ادمن عندك بردوا

طلعي كل الادمنز اللي عندك طالما مش شركاء
انت الادمن فقط وكل واحد ياخد دوره عادي سواء بقى موديريتور او معلن او محلل، ايان كان ايه

احنا دلوقتي اصحاب وحبايب بس محدش عارف بكرة فيه ايه

وعلى سبيل الطرافة قوللنا صفحتك فيها كام ادمن😅😅

تشتري عصير قصب ب 60ج ولا معكش فكة؟رجل اعمال عاقل رشيد قرر يستثمر فلوسه في الوقت العصيب اللي العالم كله بيمر بيه ونزل منت...
23/06/2023

تشتري عصير قصب ب 60ج ولا معكش فكة؟

رجل اعمال عاقل رشيد قرر يستثمر فلوسه في الوقت العصيب اللي العالم كله بيمر بيه ونزل منتج عصير قصب الكوباية منه بخمسة جنيه ومصر كلها عارفة سعره وسعره هو 60ج
تفتكروا ايه اللي يخليه يعمل كدة؟ وهل هيلاقي حد يشتريه؟

كل غني مصري مر بفتره من عمره مواطن عادي بيقف يشرب قصب، لكن مع تغيير حياته الاجتماعية بسبب تحسن ظروفه المادية بقى صعب يمارس السلوك دا

صعب يقف يركن عربيته المرسيدس وينزل يشرب قصب، طب يعمل ايه علشان يرضي احتياجه دا؟ يروح يشتري علبة Sugarcane من السوبرماركت ب ٦٠ج

يبقى عمر المشكلة كانت في السعر، المشكلة في التسويق والبراندينج

فلو انت هتنافس بالسعر الارخص فاتاكد ان عميلك هيبيعك مع اول منافس ارخص منك بربع جنيه، لكن لو بتنافس بميزة تنافسية حقيقية فعميلك عمره ما هيفكر معاك في السعر

امبارح كنت طيبة وقلتلكم معلش حالة الركود دي حالة عامة مش خاصة بيكي انت، النهاردة انا جاية شريرة وهقولك متعلقيش كل غلطات ...
18/11/2022

امبارح كنت طيبة وقلتلكم معلش حالة الركود دي حالة عامة مش خاصة بيكي انت، النهاردة انا جاية شريرة وهقولك متعلقيش كل غلطات البيزنس بتاعك على شماعة الركود العالمي.
في ركود؟ اه
هل هو كل الاسباب؟ لا
امال ايه الحكاية؟

خليني ارجع معاكي لورا شوية من ساعة ما عملتي صفحتك ولا الجروب بتاعك، احكيلي كدة كبرتيه ازاي؟

هتلاقي 80% من الرقم الموجود أصحابك وأهلك وأحبابك وناس بتجامل وناس مش عارفة هي في الجروب ليه من الاساس. يبقى عملنا ايه برقم المتابعين؟! ولا شئ
الجروب بتاعك متخصص في الشاي، اشكال والوان واطعمة مختلفة، و80% من العدد اللي عندك بيشرب أزوزة اصلا ومبيحبش الشاي، 10% بيشرب قهوة، 10% بيشرب شاي ومتعود على طريقة معينة في شربه.
يبقى حضرتك لو صفحتك 100 شخص فقط، فالعميل المحتمل بتاعك هم 10 اشخاص، هتقدري تقنعي كام واحد فيهم بالمنتج بتاعك، غالبا اللي جاهز للشراء بيكون في حدود 3% يعني تلات أشخاص، نزود عليهم حالة الركود، يبقة عندك فرصة بيع 1% يعني شخص واحد فقط.
هل دا يقوم مشروع؟ هل دا يستحق كل الجهد والتعب وحرقة الاعصاب دي؟
انت ماشية في طريق غلط مع ناس غلط، اول طريق نجاح اي بيزنس مهما كان مجاله هو الوصول لل buyer persona او العميل المستهدف، النقطة دي لوحدها متألف فيها كتب، معمول عليها كورسات وابحاث ودراسات، لان بقدر مانت شيفاها بسيطة وسهلة، إلا انها السبب الرئيسي في فشل كل من سبقوكي، وزمان قالوها متبعش الماية في حارة السقايين! ليه؟ علشان محدش منهم عميلك المحتمل ومحدش منهم هيشتري.

ان شاء الله الأيام الجاية هرسم معاكم واحدة واحدة الطريق ونطلع مع بعض الbuyer persona بتاع كل حد فيكم، وكمان هيكون في ورشة مجانية على الزوم علشان نتواصل افضل.
متنسيش تعملي لايك للبوست علشان تتابعي كل جديد اول باول

Address

Cairo

Opening Hours

Monday 8am - 2:30pm
7pm - 9pm
Tuesday 8am - 2:30pm
7pm - 9pm
Wednesday 8am - 2:30pm
7pm - 9pm
Thursday 8am - 2:30pm
7pm - 9pm
Sunday 8am - 2:30pm
7pm - 9pm

Website

Alerts

Be the first to know and let us send you an email when The Marketing Factory posts news and promotions. Your email address will not be used for any other purpose, and you can unsubscribe at any time.

Shortcuts

Share

Category