08/01/2025
العميل كان مستغرب جدا واحنا بنحاول نقوله بلاش دلوقتي ؟!
التسويق مهم جدآ جدآ ولكن في الوقت المناسب
الفكره حلوه وعباره عن تطبيق لخدمات كتيره بس بعد نقاش طويل مع العميل عشان نفهم طبيعه الشغل والسوق والمنافسين كان واضح جدا أنه مش مذاكر السوق كويس جدا.
وده لوحده يموت اي فكره مهما كانت قويه لانك نازل تلعب ماتش ومش عارف المجموعه بتاعتك مين المنافسين بتوعك وبالتالي فرص نجاحك هتبقي ضعيفة.
عشان كده قولنا التسويق هنعمله بس في وقته مش دلوقتي
لازم الاول تشوف ايه الخدمات اللي العملاء محتاجينها مش اللي انتي شايفه انهم محتاجينه.
وايه الخدمه اللي هتكون ليك ميزه فيها عن منافسينك وتقدر كمان تقدم خدمة متميزة فيها.
البوستات والريلز والاعلانات مش هتجيب اي نتيجه الا لما تجهز فريقك كويس جدا وتدربه كويس وكمان تدرس منافسينك والسوق وتعمل SWOT analysis وترتيبات كتيره اوي عشان مشروعك يشوف النور من غير ضباب.
التسويق دور مهم ولكن لازم نضبط نقاط كتيره عشان تكون نتائجه فعالة.
