Hagar Kafafy

23/08/2022

ركز كده عشان ميحصلش معاك زي ما حصل في نوكيا 🤣🤣👀

03/07/2022

My work ♥️🕊

اصبر وأنت بتصطاد الـ Trend

الـ News Jacking هو إنك تصطاد حدث مفاجئ وانتشر بسرعة وفي لحظات بقي Trend وممكن يستمر لساعات وممكن لأيام

وخلي بالك بردوا مش أي Trend تكتب فيه وخلاص لأن كوكبنا الجميل بيحصل فيه أحداث كتير في خلال لحظات ،،

الذكاء في إنك تختار الحدث اللي هيمشي مع المجال بتاعك.

في كأس العالم 2014 عض اللاعب الأوروجواياني "لويس سواريز" مدافع إيطاليا "جورجيو كيليني" ،، وطبعًا حدث رياضي زي كده في لحظات كان Trend على كل مواقع التواصل الاجتماعي، وطبعًا براندات كتير استغلت الـ Trend ده

لكن Snickers قدرت تستخدم الـ Trend باحترافية ونزلت Tweet للاعب لويس سواريز وقالته "المرة القادمة لو جعان خدلك حتة من Snickers"

والتفاعل كان عالي جدًا مع الـ Tweet دي وعدد المتابعين زاد بشكل كبير

شاركنا بمثال تاني لشركة قدرت تستغل تريند لصالحها وحققت منه تفاعل 👀

02/04/2022

هنرجع بالتاريخ لألف سنة وراء.. شاب واقف في سوق بينادي بصوت عالي إن عنده أحسن الخامات و كمان احسن الأسعار وبيحاول يقنع الناس بكده وهو مش عارف إن بكده بيسوق للمنتج بتاعه.

وعلي مر الزمان اتطور مفهوم التسويق واتحول من مجرد شاب واقف في السوق بينادي على منتجاته لشاب قاعد على اللاب بتاعه بيسوقها في غمضة عين.

وبدأ التسويق بمفهومه الحديث كعلم مستقل بعد الثورة الصناعية وفضل ياخد أشكال ومفاهيم جديدة وكان بيتأثر بالتغييرات الاقتصادية اللي شهدها العالم خلال القرن ١٨ و١٩.

والمنافسة كانت قوية جدا فالسوق بدئوا يدوروا على طرق جديدة عشان يسوقوا منتجاتهم ويقنعوا المستهلكين بإن منتجهم أحسن منتج في السوق.

ومن وقتها ومفهوم التسويق بيتغير بسرعة كبيرة عشان يتناسب مع احتياجات السوق.

وبعدها ظهرت وسائل التواصل الاجتماعي والمواقع الالكترونية ومن هنا ظهر لينا مفهوم جديد من للتسويق وهو التسويق الالكتروني.

وبكده نكون اتعرفنا على تاريخ التسويق من بدايته وحتى شكله الحالي.

تفتكر شكل التسويق خلال السنين الجاية؟