03/11/2025
جاري البحث عن عضو مجلس النواب لأن بعد 10 سنين بدون أي عطاء حقيقي لا يجوز منحك ٥ سنوات أخرى 👋
عضو مجلس النواب, و هوا عباره عن مواطن او مواطنة من أبناء الدائره الأنتخابيه لا يشترط ان يكون شخص غني و لا يشترط ان يكون من أصحاب المناصب و المؤهل الجامعي مش مطلوب ، كل المطلوب توافره في هذا العضو / ة البرلماني انه يكون شخص خَدوم يعرف مشاكل أبناء دائرته و عنده القوه أنه يوضح و يُطالب بحقوق منطقته في المجلس و قبل كل ده لازم يكون ( إنسان محترم ) و ده معناه أن الأنتخابات في دائره ( عين شمس ) غير مقتصره على أشخاص معينين !! زي ((( الكومي ))) لأن دائره عين شمس فيها ما لا يقل عن 350 الف صوت صحيح (( مش مسجل خطر او مدمن مخدرات )) و أي شخص منهم ممكن يكون أفضل بكتير من كل الأسماء السابقه او المرشحة حاليا و زي ما هوا واضح ان النائب محمد سعيد الكومي ( فاز ) من قبل حتى البداية، مطلوب عضو مستقل (( المستقل أو من حزب مجربنهوش هيحقق مكاسب كتير للدائرة )) و هيكون تحت عين الشعب اولا و المجلس ثانيا و ثالثا حزب مستقبل وطن هيضغطه انه يشتغل ، و لأن دايره عين شمس كانت مع عضوين من حزب واحد خلال الفتره الأنتخابيه السابقه مفيش مفيد منهم نفع عين شمس و كأنها دايرة مغلقه على أشخاص معينين و على مدار 10 سنين كان الكومي هوا عضو عن دائرة عين شمس تحت مظلة حزب ( المصرين الاحرار ) أولا و ثم بعد كده حزب ( مستقبل وطن ) و كان من المفترض أن العضو بتاعنا تابع لحزب كبير زي كده اننا نلاقي كل المطالب الأساسية متوفره و لكن ده للأسف طبعآ محصلش بسبب تهاونه........
بالنسبه لملف البنيه التحتيه و توسيع الشوارع الرئيسيه و سفلته الشوارع الداخليه او تبليطها ، طبعا ده حصل أثناء ال 10 سنين السابقين و طبعا كان نوابنا حاضرين و خدو اللقطه ( و نسبو الفضل لنفسهم ) و لكن ده لما حصل حصل بأوامر رئاسية مباشره من ضمن خطه الدوله في تحسين و تطوير كل مناطق الجمهورية و إزالة العشوائيات ، و بالنسبه للصرف الصحي المجاري بقيت في البيوت قبل الشوارع و مربعات كتير للأسف بعد الضغط السكاني البنيه التحتيه مش مستحمله ( البنيه التحتيه للشوارع الداخليه ) ، و الي بيقدر يغير ده بيكون بالمجهود الذاتي فقط و الزباله في كل مكان ، بالنسبه لينا في عين شمس صندوق الزباله عباره عن (( انك ترمي الزباله في الأرض )) و لكن ده ليه ضوابط و شركات جمع الزباله عرفاه !!! من قدام سور مدرسه..... بالنسبه لمنطقتي انا احنا بنرمي الزباله قدام (( باب المجلس المحلي )) و هوا ده المكان الصحيح الي حي عين شمس محدده لينا ( و مفيش صندوق )
و طبعا احنا عارفين ان الساده النواب قدمو ( طلبات إحاطه في المجلس ) عن كل ده و لكن احنا في أرض الواقع ، عين شمس من جواها متغيرش فيها أي حاجه من جوه، عين شمس حدودها الخارجيه بس بقيت شكلها حلو، بالنسبه ليا مش محتاج اكتر من أن عين شمس تكون حلوه من جوه زي من بره.
انا هتكلم عن إنجازات الناىب محمد الكومي لأنه يعتبر الأكثر شعبيه و أكثر خدمه في حدود منطقتي و لكن النائب صفوت النجار انا لم يسبق لي رؤيته قبل كده و مسمعتش عن أي انجاز ليه !!!!!!!!
النائب محمد الكومي خدوم لدرجه انه بيعمل قوافل بيبع كيلو اللحمه ب ١٠٠ جنيه بتكون بدعم من جمعيات خيريه او حزبيه (( و بينسبها لنفسه )) ليه مش موجوده بشكل شهري لو من نفقاتك الشخصيه و ما أكثر الفقراء و المساكين و اليتامى في عين شمس نقدر نقول نص السكان ظرفهم صعبه (جدا جدا ). (( جمعيه خيريه دائمه )) و اهو كله في ميزان حسناتك، لكن لأ..
النائب محمد الكومي بيخدم أشخاص في العلاج على نفقه الدوله و بيقدر يوفر وظائف و بيقدر يسهل للناس تراخيص المباني حتى لو مخالفه ،، و كل ده طبعا عمله بدون ما يكون ليه وقت محدد أسبوعيا او ( مقر دائم ) لمقابله شخصيه مع أبناء الدائره ( طبعا بعد فلتره المشاكل و المطالب الاساسيه ) من الساده المعاونين ليه،،، و صفحته الدعائية على الفيس بوك بدون( زر إرسال رسالة ) (((( تم فتح زر الرسائل من كام يوم 😆 بعد عشر سنين خدمه )))) و بدون رقم تليفون مش شخصي طبعا و لكن ( رقم واضح لخدمة مواطنين ) و ده قدر يعمله ازاي محدش عارف لأني انا حاولت اوصله قبل كده بشكل مباشر بدون وسطاء و لكن الموضوع كان صعب لأنه لازم يكون فيه وسيط او إني ادخل أكلمه عند طريق الصدفه و ده أنا مش هعمله ، و فيه مئات التعليقات لناس من عين شمس بتقول انهم حاولو التواصل معاه و ده محصلش و ده على الصفحة الي هما بيفتخرو بيها الي كل قوامها ١٧ الف متابع!! يعني شارع واحد قد شارع الوحده العربيه وده معناه ( انك مش موجود على أرض الواقع ) بتخدم الدايرة القريبة منك بس.
عادي ممكن يكونو 10 الاف إنسان مثلا طيب تمام ، مع انه رقم كبير و انتا مش بتخدم حتى ألفين ، عين شمس فيها مالا يقل عن ٤٠٠ الف انسان فين باقي ال٣٩٠ الف انسان ملهمش مطالب او مشاكل.....
و كمان النائب محمد الكومي في موضوع الصحه موفرلنا مستشفى عين شمس العام ( المستشفى الأردني ) ممكن تروح لو عندك شويه برد او سنانك وجعاك و لكن لو فيه مشكله حقيقيه، المستشفى بتوجهك لمستشفى تانيه إما بسبب نقص الإمكانيات او عدم توفر الطبيب المختص ، و طبعا مع وجود طريق الموت إلى هوا ( شارع ٦ أكتوبر ) حالات كتير بتموت لأن و لا المستشفى تقدر تستقبل حوادث صعبه زي كده و لا انتا كا نائب ((عايز)) تعملنا إشارات مروريه للتسهل الأمور على الأطفال و العَجزه، (( بعد موت العشرات و إصابة المئات )) و بأسرع ما يكون حصل اجتماع عاجل علشان الانتخابات على الأبواب (( ركبو إشارة واحده عند الشهر العقاري 🥳 )) و (بردو ده مش مجهود فردي) //// و نقدر نعتبر ان هوا ده شغل السياسه أن الاشاره تركب بس خلال فتره الانتخابات لاثبات الوجود ممكن اي مهندس و هوا معدي رايح شغله يلقى نظره على الإشارة ام ( ٤ مليون جنيه) (( نهب علني)) ،،، يعني كنت فين انتا و الإشارات من سنين ، و بالنسبه للقوافل الطبيه المجانيه الي بيتم كل شويه اخد اللقطه جنبها ( تابعه لبرنامج وزاره الصحه ) و الموضوع متعمم على مستوى الجمهورية كلها و دورك فيه معروف و محدد ، على مدار 10 سنين خدمه كا نائب مفيش مستشفى بأسمك او مركز خيري لعلاج اي مرض او حاجه في الدنيا مكتوب عليها اسمك ، مفيش جهاز اشعاعه او وحده في مستشفى حتى انتا مشتريهم على نفاقتك الشخصيه برغم انك من المفترض انك من المقتدرين جدا ، مفيش دار أيتام بجد مفيش اي حاجه و بما أنك انتا عضو مجلس شعب و مطلوب منك تبرز لينا خدماتك الواقعيه و الحقيقه (( الي مش موجوده اصلآ ))
و ممكن نتكلم عن الإنجازات في ملف التعليم و ممكن نتكلم في ملف العشوائيات و ممكن نتكلم عن المخالفات الي بتحصل و بعلم من النائب و بيتجاهل و ممكن نتكلم عن جمع الأصوات بمقابل و ممكن نتكلم عن منطقة متغيرتش من جواها من اكتر من ٣٠ سنه و كان ليك منهم ١٠ سنين في الهوا.....
👇👇👇👇👇👇👇👇👇👇👇
المقصود هنا أن الفوز الحقيقي لدائرة عين شمس أن الكومي مش هوا إلى يكسب ، و إن أي شخص غيره هيعمل تغير حقيقي و نرجو من الأعضاء المترشحين الألتفاف و التكاتف من أجل تقديم من يستحق، و يكون قد المسؤولية العامه، كل المرشحين عن دائرة عين شمس ١٣ مرشح ، في دوائر تانيه فيها ٧٠ مرشح و اكتر، و علشان كده دايره عين شمس بسيطه و ممكن ال ١٢ مرشح دول يعملو اتفاق واحد يخدم المنطقه فعلا.
مكتب النائب العام / مكتب المستشار المحامي العام الأول لنيابة الأموال العامة العليا / مجلس الشعب / ضياء الدين داود - عضو مجلس النواب المصري / رئاسة مجلس الوزراء المصري / مجلس الشيوخ المصرى / النيابه الاداريه وقضايا الدوله / النيابه العامه المصريه / هيئه النيابه الاداريه / عين شمس / عين شمس - القاهرة / الرقابه الماليه / حي عين شمس / الهيئه العامه للأستعلامات التابعة لرئاسة الجمهورية / دار القضاء العالي / الرقابه الاداريه اكاديميه مكافحه الفساد
