21/07/2021
عزيزي العميل
كل سنة وإنت طيب وبخير..
بديهيات الاعلانات عشان بس محدش ينصب عليك :
====
١ - مفيش حاجة إسمها إعلان ب ١٠٠ أو ب ٢٠٠ ج ويجيبك اوردرات ويحققلك نتايج زي الفل ويطلعك القمر وإللي بيقولك كده بينصب عليك..
٢- الوصول إلي 10 أو 20 الف شخص مش معناها هيجيلك تعليقات أو رسايل أو كومنتات بالعكس ده معناها إنه اعلانك يتشاف بس وخلاص...
٣- مفيش حاجة إسمها target للمعلن لأنه مش هيقدر يحدده إلا بعد كام حملة عشان يقدر يحدد متوسط تكلفة الحصول علي المبيعات ويشوف مدي الطلب والؤغبة في شراء منتجك..
٤- أرجوك متسترخصش وقبل ما تبدأ أي مشروع أو بيزنس لازم تكون حاطط في ميزانيتك جزء منفصل للتسويق ولازم تعرف إنه النتايج هتظهر علي المدي البعيد مش القريب يعني لازم تصبر...
٥- لو حالك ١٠٠ رسالة مثلا من أي حملة لازم أعرف إنه في المتوسط إنك هتبيع ل (٥٪-١٠٪) من إجمالي عدد الأفراد إلي تتواصلوا معاك عن طريق الرسايل يعني بكتيرك تبيع ل ١٠ افراد....
أما عدد الاوردرات ملوش علاقة عشان محدش يضحك عليك لأنك ممكن تعمل حملة ويجيلك عميل واحد يطلب ١٠٠ قطعة في اوردر واحد..
وممكن ييجي ١٠ عملاء ياخدوا ٥٠ قطعة..
فلازم تفرق ما بين العميل و الاوردر ( ده من وجهة نظري)..
عشان متصدقش حد يقولك أنا عملت حملة جابت ١٠٠٠ رسالة وطلعت ٧٥٠ اوردر مثلا..
دي شوية بديهيات ولا بد من للتذكير بيها من وقت للتاني..
وكل سنة وحضراتكم طيبين وبخير..
عيدكم سعيد
