https://www.facebook.com/112209078196325/

كيان للتسويق, Cairo (2026)

08/08/2022

🚫فرق كبير جدا بين" الإعلانات الممولة" و " التسويق الالكتروني"🤔

هنحاول نوضح الفرق بشكل بسيط جدا👇

👈 الإعلانات الممولة : اللي كلنا نعرفها
حد بيشوف نقاط القوه اللي عندي، ويفهم ويدرس المنافسين بشكل بسيط، ويحدد شخصية العميل بتاعي بشكل بسيط برضوا
وبعدين يعملي تصميم ومحتوي لمجموعة بوستات يمولها علشان توصل لشريحه معينه من العملاء

كل اللي فات ده اسمه اعلان ممول وده عندنا له ٣ انظمه مختلفين

👈 التسويق الالكتروني : فهو مختلف تماما من حيث نقاط كتير هي باختصار :
١. دراسة السوق اكبر بتشمل كل أدوات التسويق الخاصه بالمنافسين زي الويب سايت ومنين بتجيله زيارات مثلا
بتشمل تقرير مفصل من جوجل عن الكلمات اللي بيستخدمها عميلك في البحث عن موضوعات متعلقه بالمنتج او الخدمه اللي بنقدمها
بيشمل تحليل دقيق لاهم القنوات الإعلانيه اونلاين اللي بيستخدمها عميلك ومنافسيك
وازاي بيستخدموها وايه بالظبط اللي المفروض تعمله علشان تتفوق عليهم من حيث التواجد اونلاين

٢. إعداد المحتوى والتصميمات : بعد دراسه السوق هنقدر ببساطه نحصر كل الموضوعات اللي تهم العميل بتاعك ونقسمها في محتوى هيتقدمله متقسم ل ٣ أشكال للاستخدام على قنوات وطرق مختلفه

٣. طبعا لازم نوفر القنوات والطرق المختلفه اللي هننشر فيها المحتوى فنبني الويب سايت بتاعك، نسجل مكانك على خرائط جوجل ونوثقه، نعمل مدونه وقناة يوتيوب لو مناسبين لطبيعة وشخصية عميلك والموضوعات اللي هتتنشر عليهم

٤. كتابة وإعداد المحتوى بشكل متناغم ويكمل بعضه على القنوات والأدوات المختلفه زي ما اتفقنا
ولازم تتم الكتابه بشويه أصول زي ان المحتوى كله لازم يكون اصلي غير منسوخ ويشمل الجمل اللي الناس بتستخدميها في البحث عن منتجاتك او خدماتك بحجم معين علشان جوجل يقدر يقراها وربطها بالادوات بتاعتك والنتيجه انك تظهر في البحث بسهوله ضيف لكل ده التصميمات والمونتاج

٥. الجزء الفني مهم جدا وهو اننا بنربط الويب سايت بأدوات تحليلية زي Google analytics مثلا ومنه ومن غيره بنقدر ناخد تقارير عن مصادر الزيارات وسلوك العميل علشان نقدر نطور الموضوع كله للأفضل
ونحل اي مشاكل يقابلها بحث جوجل مع الويب سايت بتاعك والمحتوى بتاعك علشان نحسن ترتيبك على بحث جوجل

٦. واخيرا اداره الإعلانات على السوشيال وعلى بحث جوجل وعلى أي قناة مهمه بيستخدمها العميل بتاعك

👌الملخص النهائي :
الإعلانات الممولة هتوصلك للجمهور وبمجرد ما تقف كل حاجه عندك هتقف ⛔

التسويق الالكتروني بيبني وجودك اونلاين بالتدريج وبيعملك انتشار غير مدفوع جنب الإعلانات المدفوعه
يعني بيبقى عندك اساس قوي اونلاين بيقلل تكلفه حصولك على العميل تدريجيا،، ⬆️

و بالمناسبه التسويق الالكتروني له برضوا عندنا ٣ انظمه👌
📩كلمنا على الرسائل هنقولك اللي يناسبك 📩

👈انت بقى اخترت ايه اعلانات ولا تسويق؟😁

04/08/2022

سعر الرساله عالى عندك ؟
مسدجات كتير ومفيش بيع؟
عملت اعلان ب ١٠٠ ج يومين و مجبش نتيجه؟
اعلانات الفيس بوك مش زى الاول ؟

اهلا بيك فى فتره كساد 2022

اسمحلى ااقلك ان اللى فات حماده واللى جاى حماده تانى

اولا الاعلانات بتتحاسب بالدولار
الدولار كان ب ١٥ ج بقى ١٨ بقى ١٩ و هيكسر ٢٠

يعنى لو تكلفه الرساله زمان بدولار يعنى ١٥ ج
هى هى دلوقتى هتكلفك ٢٠ ج .. فمتقلش دى ذادت .. هى مزدتش عمله بلدك اللى رايحه فداهيه.

ندخل على القوه الشرائيه
التضخم عمل ركود و الاسؤ منه الكساد
احنا بقى فى اول مرحله الكساد
وما ادراك ما الكساد
باختصار لو من كل ١٠٠ فى ٨٠ كانو بيشترو او عندهم نيه الشراء
دلوقتى من كل ١٠٠ ممكن ١٠ يشترو .

جمع كل ده واضربه فى الخلاط
يديك سعر رساله عالى
ومعظم الرسايل بدون تنفيذ او شرا فعلى
الناس قوتهم الشرائيه قلت وده مش عيب فى الاستهداف و لا العيب فيك متقلقش .. ده طبيعى

الشق التانى بقه بما انى بشوف العجب هنا
مش هتكلم بقى فى الناس اللى بتعمل اعلان يومين او بتعمل اعلان ب ١٠٠ ج فى اليوم .. وفر فلوسك احسن

وواحده منزله اعلان عقارات lead ب ١٥٠ ج فى اليوم وبتسال هو مفيش رسايل ليه ؟

او حد مشغل اعلان وبعد ٣ ساعات لقى سعر الرساله ٦ ج
فمنبهر انها غاليه وداخل يسال اووقف الاعلان ؟

الاعلانات برغم انها تبان سهله واى حد ممكن يعمل كامبين
بس بعد ٦ سنين ااقدر اقلك لا .. الموضوع محتاج خبره و قرايه ..
المنافسه اقوى . الدولار اغلى . القوه الشرائيه ااقل

04/08/2022

رأيكم🖤

25/07/2022

اللهم بارك ❤️❤️
اسود مجال بفضل 💪💪
#كيان تسويق لعبتها😎😎

22/07/2022

ازاي اعمل استهداف مظبوط للاعلان بتاعي ؟
ممكن تقولي حاطط ايه في الاستهداف ؟
هو ايه افضل استهداف لمنتج ما اى كان النشاط؟
كل دي اسألة بنشوفها يوميا، وللأسف الاجابة هي :
مفيش حاجة اسمها استهداف موحد او template جاهزة تقدر تستخدمها
تخيل ؟
هشرحلك الموضوع ده بالتفصيل، ركز معايا

اولا :
لازم تفهم الاول المنتج او الخدمة اللى هتسوقلها كويس جدا وتعرف مين هو الشخص اللى هتستهدفه بشكل صحيح ودة ما يسمى ب(buyer persona) او شخصية المشترى الافتراضية ودى انت بترسمها ف خيالك وتبداء تشتغل عليها

ثانيا:
تحليل المنافسين بتوعك وتتعلم منهم شغالين ازاى وبيعملو اى وتعمل SWOT Analysis وهنا تعرف انت فين بالنسبة للمنافسين وتبداء تحط خطتك اللى هتشتغل عليها

ثالثا:
تبداء فى عمل الاعلان وده بيكون المرحلة النهائية لشغلك بس دى مش اخر حاجة لانك بتبداء تقيس هنا نتائج الحملات اللى انت هتعملها عشان ما تضيعش الميزانية كلها وترجع تندم عليها وتقول ما حققتش نتيجة هتشتغل بى الطريقة دي هي انك تجيب ميزانية الحملة الي انت محضرها وتاخد 20% منها تعمل بيها تيست
ازاي ؟
احنا دلوقتي معانا 1000 جنيه هنعمل بيهم حملة اعلانية لمنتج معين تمام ودرسنا السوق والمنافسين وعملنا تحليل بشكل صحيح؟ بس احنا مش متأكيد الاستهداف الي محضرينه ده مضمون ولا لا فا بدل ما ارمي فلوسي كلها في الاعلان واقعد حاطط ايدي على قلبي وانا مشغل الاعلان ويا ينجح يا يفشل بقا.. الطريقة دي اكبر غلط، وركز معايا في الطريقة الصح 👇
احنا قلنا معانا 1000 هنعمل بيهم اعلان صح ؟ فا احنا هناخد 200 جنيه نعمل بيهم حملة صغيرة وفيها اكتر من مجموعة اعلانية كل مجموعة هنحط فيها استهداف مختلف عن التاني بس طبعا كل استهداف منهم يكون ليه علاقة بالمنتج بتاعنا
يعني مثلا لو عندنا منتج تخسيس
هنحط في استهداف الصحة والرياضة
والاستهداف التاني الناس المخطوبة او المتجوزين
والاستهداف التالت هنحط الاكل والفاست فوود والحلويات مثلا ، كده ظبطنا الاستهداف
هنيجي بقا لصيغة وشكل الاعلان نفسه
فا هنفترض ان احنا عملنا 3 اعلانات من نفس الحملة وكل اعلان منهم مغيرين فيه حاجة ، سواء استهداف او صورة او المحتوى، نحاول نخلي ال 3 مختلفين عن بعض، يعني مثلا اول اعلان محتوى وصورة معينة
الاعلان التاني هنغير الصورة او التصميم
الاعلان التالت هنحط فيديو او نغير المحتوى مثلا
ونشغل الاعلان ونستعوض ربنا في ال 200 جنيه دي،
وبعد ما تخلص الحملة هنشوف النتايج ونشوف نتيجة افضل اعلان فيهم
هنفترض ان الاعلان الاول والتاني كانو ضعاف ومحققوش نتايج ، والاعلان التالت حقق نتايج كويسة،، فا كده احنا هنعتمد الاعلان التالت ده وناخده ونحط عليه ال 800 جنيه كلهم بقلب جامد لاننا كده اتطمنا ان ده احسن واحد فيهم وهيجبلي نتايج كويسة لأنه جابلي بالفعل من دلوقتي فا انا كده ضمنت انه هيحققلي أفضل عائد.
ملخص سريع :
هترسم الشخصية الافتراضية للعميل وتعرف هو مين وبكدة نظبط الاستهداف
هتحلل السوق ووضعك الحالى بالنسبة للمنافسين وتعرف اى نقاط القوة والضعف عندهم اى

نعمل حملة تيست ونحط فيها ميزانية 20% من المبلغ الي محضرينه
-الحملة جواها 3 مجمموعة اعلانية (3 ad sets )
-كل مجموعة اعلانية فيها استهداف مختلف عن التانية متعلق بالمنتج بتاعي
-كل مجموعة اعلانية جواها اعلان
-كل اعلان بصيغة مختلفة من حيث (المحتوى - التصميم - الفيديو)
لو مجربتش الطريقة دي جربها لأن فايتك كتير 👌
-ولو انت هتخلى حد يسوقلك شغلك لازم قبل ما يشتغل معاك يحلل الصفحة ويدرس المنافسين كويس
- اللى محتاج اى مساعدة او استشارة يكلمنى او يتابعنى ع الاكونت

#كيان بتاع_اعلانات

11/07/2022

الفرق بين Copywriting و Content Writing:
🟥 Copywriting
️⭕️ عبارة عن إنشاء نصوص -غالبا تكون مختصرة ومباشرة- مخصصة لأغراض تسويقية زي زيادة الوعي لنشاط الشركة أو العلامة التجارية وحث الجمهور على اتخاذ إجراء معين زي الشراء مثلا.
️⭕️ بيكون عادة الغرض المباشر منها هو بيع السلع أو الخدمات.
️⭕️ عادة بيكون مصاحب ليها call-to-action زي وسائل الاتصال لشراء المنتج أو الخدمة المعلن عنها أو لينك موقع الشراء.
️⭕️ نبرة الكلام بتكون عادة غير رسمية informl وودية أكتر علشان بتخاطب مشاعر الجمهور لتشجيعه على اتخاذ قرار الشراء.
️⭕️ أمثلة:
كتابة محتوى بوستات وإعلانات منصات السوشل ميديا والبروشورات واللوحات الإعلانية وحملات البريد الإلكتروني وصفحات الهبوط landing pages وغيرها.
️⭕️ المهارات المطلوبة لل Copywriter:
- القدرة على كتابة محتوى للعديد من المجالات المختلفة.
- القدرة على كتابة محتوى بشكل ودي ومتعاطف لكسب ثقة الجمهور.
- القدرة على التعامل مع فريق العمل بشكل جماعي للتنسيق بين فريق عمل التسويق بالشركة.
-----------------------------------------
🟥 Content Writing
️⭕️ كتابة محتوى -غالبا يكون طويل ومفصل- يهدف لتثقيف الجمهور أو تسليته زي كتابة المدونات blogs والنشرات الإخبارية newsletters وصفحات المواقع الإلكترونية والمقالات الإخبارية.
️⭕️ نبرة الكلام بتكون رسمية formal أكتر لأن الغرض منها التثقيف والتعليم مش لغرض البيع المباشر.
️⭕️ الغرض من المحتوى ليس البيع المباشر ولكن تقديم معلومات مفيدة بغرض كسب ثقة العميل على المدى الطويل.
️⭕️ المهارات المطلوبة لل Content Writer:
- الخبرة في مجال SEO تهيئة الموقع لمحركات البحث.
- الخبرة في البحث والاستقصاء Research والحصول على المعلومات من مصادر أخرى.
- القدرة على كتابة عناوين جذابة headlines لجذب الجمهور وحثهم على قراءة المقالات.
- المهارة في كتابة محتوى غير ممل ومشوق لتشجيع الجمهور على إكمال قراءة المقال للنهاية.
ملحوظة: البوست ده مثال لل Content Writing.
#كيان

10/07/2022

حاجات تخلي العميل يكرر عملية الشراء منك اكتر من مرة :
-----
١- المصداقية ( كل ما كنت صادق مع عميلك كل ما زاد احترامه ليك وهيكرر عملية الشراء ويرشحك لأصدقائه وأقاربه ...).

٢- الثبات علي مستوي جودة معين وانك متنزلش عنه طمعا في زيادة ربحك بل بالعكس انت ممكن تيجي علي نفسك في بيعة معينة وتحصل علي الحد الأدنى من الربح مقابل الحصول علي ولاء عميلك ..

٣- المتابعة الدائمة مع عميلك قبل وبعد عملية الشراء والمحاولة بقدر الإمكان علي ارضاؤه .

٤- تعليم العميل Customer education وهي مرحلة مهمة جداااا عند الاتفاق معاه علي شراء منتج أو خدمة معينة ودي انك تفهم العميل بعض الأسرار البسيطة الخاصة بتصنيعك للمنتج او العوامل التي تؤثر في تسعيرك للمنتج أو الخدمة بتاعتك ..

وكمان توجيه النصائح للعميل بشكل مجاني مهم جدااااا ..

٥- تواجدك الدائم أمام العميل من خلال الترويج والاعلانات يضمن لك بشكل كبير ترسيخ صورة ذهنية معينة عنده وبالتالي العميل دائما هيكون فاكرك لما يحتاج للمنتج أو الخدمة بتاعتك ويرشحك لناس تانية ..

٦- احترام خصوصيات العميل وعدم التواصل معه في وقت غير مناسب بل وايضا عدم الاتصال به اكتر من مرة لمحاولة البيع باي شكل ..

٧- سياسة واضحة للاستبدال والاسترجاع ...

دي شوية حاجات لو طبقتها في شغلك هتلاقي العميل يحترمك ويكرر عملية الشراء منك بل وبالعكس يرشحك لأصحابه وأقاربه وهو ما يعرف بمصطلح (( word of mouth )).

04/07/2022

لما صاحب الصفحة يسأل هو الممول مش مظبوط معايا ليه😂
•صاحب صاحب الصفحة : يا باشا المشكله فى الاستهداف صدقنى
•صديق صاحب الصفحة : المشكله في الاهتمامات يا باشا
•جار صاحب الصفحة : اشمعنى صفحة المنافس شغالة
• بتاع الفوتوشوب : يا باشا احمد ربنا يسامحك المنتج كله غلطات
•شريك صاحب الصفحة : قلت لك نكمل نمول احنا
•خبير ديجيتال يقرب لصاحب الصفحة: اصل الارض كرويه و انتوا حظكم صفحتكم جت علي البلف بتاع الكره 😂😂😂

📌كل دا حصل عشان حضرتك فاكر انك بتوفر❌ بالعكس اللي حيتصرف فالغلط اكتر بكتير من اللي كان حيتعمل بيه الصح ✅
ده غير موجه تقييد الحسابات الفترة الأخيرة
و غلق الصفحات زى ما احنا شايفين و طبعا انت الخاسر الأكبر علشان صفحتك عليها عشرات الآلاف من العملاء اللى جمعتهم بفلوس كتير
من الاول عشان كده لو مهتم بنجاح صفحتك ونفسك تشتغل صح ✅ومش عايز حد يضحك عليك وكل جنية يتصرف في مكانة الصح ✅ يبقي لازم يكون معاك حد فاهم عشان يساعدك

و محتاج حد فاهم 👌👌
و متخصص
بلاش تسلم دماغك لنفسك و تقول أنا هتعلم الممول و اوفر ال 300 جنية اللى ضربهم منى المتخصص فى الديجيتال ماركتينج
انت لما بتمرض بتروح لدكتور و لا تعالج نفسك
كمان لما تروح لمتخصص بلاش تروح لبتاع حقوق و صنايع و اداب . التسويق و التجارة عند خريج تجارة مش طبيب الأسنان اللى حشر نفسة فى المجال و عمل لنفسه حملتين و نجحوا
على كده خريج تجارة ياخد كورس طب اسنان شهرين و يفتح عيادة
كفاية عك بقى
و اخيرا مش كل واحد يسأل سؤال عن الاستهداف و الإهتمامات. الف واحد يرد و غالبا بيعجن طبعا
ما انت كده قطعت رزق غيرك دى مهنتة و مستقبلة و مصدر دخلة
دة غير انك بتدخل منافس لك فى المزاد بيدك
التخصص يا مصريين و كفى فهلوة
دراسه تسويقيه بتقوم من خلال عمل جماعي مش مجرد بمفرده فاهم صح في مجال بيوفر عليك حاجات كتير اوووي ومن اهما نجاحك في سوق و راحت بالك انت شخصيا
وده جزء صغير من أعمال #كيان

29/06/2022

#للنقاش
هو الناس اللى بتسال النوعيه دى من الاسئله
( هو عادى ان سعر الرساله يبقى كزا ؟ .. هو الاعلان يجيلى منه كام اوردر ؟ .. هو ليه مفيش تفاعل ع البوست مع انه بيسحب ؟ .. وهكذا .. )

يا جماعه ليه مش قادرين تقتنعوا ان التمويل فكرته الاساسيه ( بتأجر مساحه اعلانيه .. الفيسبوك ميقدرش يجبر حد انه يشترى منتجكك او خدمته .. هو بيوصلك ليهم بس !!! )

ياريت الناس تقتنع ب ده وتفهمه كويس ويتعبوا شويه فى الماركتينج لان الماركتينج مش اعلان ممول

اتعب انك تخلى العميل يختارك انت من وسط الباقى
اتعب فى جودة منتجكك فى سعره فى هامش ربحك فى تعاملك مع عميل قدم مع ماركتينج في حلول ايجابيه زاي مثلا
فى خدمة ما بعد البيع
#تفكير مع عميلك بيادي اللي نتائج كويسه مش مجرد اعلان

29/06/2022

ده طبعاً رد من شخص آلي لا يفقه عن البيع شئ
• ولا عن خدمة العملاء ولا تأهيل العملاء
ولا إغلاق البيعة ولا الذوق بالكلام حتى ..

• المنشور على AMAZON ومصنف Best Sellers

✓ والمقصد والإسقاط كان متستعجلش وتفترض
عن العميل وترد ردود زي كده تحرجك

• يعني مثلاً لو جالك أقرع يطلب مشط
متقولوش انت أقرع عاوز المشط ليه ..
• لأن ساعتها انت خسرت البيع وبوقاحة ..
✓ ميمكن عاوزه لحد .. وألف يمكن ..

• ذي الأخ ده بيقولك السعر أوفر
رحت انت قايله عندنا حاجات رخيصه
للغلابا الي زيك .. 🫣
✓ ميمكن مش عاجبه السعر ودورك توضحله ليه ..

• بتمنالك كل التوفيق والنجاح بالعالم 🌹
؟
مع #كيان #كلام #بفلوس💰💰

28/06/2022

من حوالى شهرين كنت قاعد مع عميل وبنتفق على Marketing Plan للبزنيس بتاعه.

العميل كان طالب Strategy تقوم على أساس الاونلاين لأن هدفه الأساسى انه يبنى Awareness بقوة على السوشيال ميديا.

المهم بعد ما عملت الخطة وحطيت ال Strategy وعرضتهم على العميل، وافق عليهم جدا وكان متحمس أننا نبدا بسرعة.

العميل مختلفش معايا فى الناحية المادية بس كل اختلافه فى حتة النتائج والتوقيت.

العميل كان شايف أن من أول campaign لازم يشوف نتائج ولو محصلش كده هيفسخ العقد ومش مستعد يكمل استثمار فى Plan اللى حطناها، بالرغم أنه كان مقتنع بيها بشدة.

لما اتناقشت مع العميل فهمت أن الخلفية دى كونها من خلال Agencies اللى اتعامل معاها قبلى.

ال Agencies دى كانت بتفهمه أن هو لو تم ال deal معاهم البيزنس بتاعه هيكبر بنسبة كبيرة وهيشوف نتائج مبهرة وفى شهر أو أقل هيتحقق حلم Grow online

فهو كان شايفنى انى مجرد شخص ساحر من أول ما يتعاقد معايا المفروض البيزنيس بتاعه يكبر والعملاء والمبيعات تزيد.

وبصراحة مقدرتش أقنعه أن اهم حاجة فى التسويق هى Commitment بالبلان اللى حطناها والمفروض نشتغل على الأقل 3 شهور وبعدها مع analysis الشغل اللى هنعمله هنعرف نقاط القوة ونستغلها ونقاط الضعف ونعلجها وكدا هنكبر بالبيزنيس وهنبى علاقات كويسة مع العملاء.

وبدون ال commitment مفيش اى خطة هتنجح حتى لو الخطة فعالة.

وبعد المدة اللى هنحددها نقدر نتحاسب ونعرف إذا كان اللى الاستثمار المدفوع حقق نتائجه ولا لا ولو النتائج مش مجدية سعتها يقدر يفسخ التعاقد.

وسألته ليه متعاقدش مع ال Agencies دى طالما هى ضمنت ليه نجاح كبير قالى انه هو فعلا اتعاقد معاهم بس النتيجة كان Rech على السوشيال ميديا بس بدون اى عائد حقيقى على للبيزنيس يعنى ROI صفر

حاولت أفهمه أن دا سببه الأساسى أن مفيش Commitment بس بصراحة الأمر كان صعب معاه جدا فقررت أن ابعد لأن العمل مع شخص بدون System واضح بيبقى صعب جدا.

بس استغربت أن فى Agencies محسوبة على التسويق ومتعرفش يعنى ايه Commitment

اى خطة تسويقية علشان تنجح محتاجة Commitment مش اقل من 3 شهور علشان تبدأ تشوف نتائج للبزنيس مع أن الأفضل 6 شهور علشان تقدر تقيس شغلك كويس وتفهم اكتر عن طبيعة العملاء.

لكن خطة تنجح ف شهر والكلام اللى بقيت اشوفه من وكالات محسوبة على Marketing علشان تقفل ال Deal ده استخفاف بالعميل و كلام مش دقيق ومش علمى.

أكبر الحملات التسويقية اللى نجحت وأثرت على الجمهور خدت وقت وقت كبير كمان.

زى حملة Take Break Take KitKat الشهيرة وحملة new generation من Pepsi، الحملات دى استمريت سنين علشان تحقق النجاح الهائل بتاعها.

النتائج اللحظية والسريعة عايز ساحر مش Marketer علشان كده انا ضد الوكالات والاشخاص اللى بيوهمه عملائهم بالنتائج اللحظية والسريعة وكمان ضد أى شغل فى التسويق بدون Plan واضحة ومحددة.

28/06/2022

نصيحة للعايزين يزودوا لايكات البيدچ بتاعت الفيسبوك..

اللي يقولك هزودلك عدد لايكات (معين) بسعر (معين) يبقا اعرف انها لايكات fake.

اما بالنسبة لأضرار اللايكات الfake فا هي مفيش اكتر منها..
بتأثر على ال Organic Reach.
بتأثر على الCustom Audience وبالتالي بتأثر على ال Lookalike Audience.
ولو الفيسبوك قفش الموضوع وعرف ان فيه لايكات fake هيعمل للبيدچ Restrict وممكن تتوقف نهائياً من الاعلانات.

الطريقة الصح الوحيدة هي إنك تخلي الناس تعمل لايك بنفسها بإعلان ممول او بمحتوى جذاب ولطيف فا يعمل لايك طبيعي.

لو عندك رأي تاني قبل ما تقوله إقنعني بفايدة تجميع لايكات ملهاش علاقه بمجالك لناس يا اما غير بني آدمين يا اما ناس ميعرفوش اصلا انهم عاملين لايك وده بيتم باستخدام برامج خارقة لغلاف اللايكات ولو مش مصدقني خش على الactivity log عندك هتلاقيك عامل لايك لصفحات متعرفهاش ومجهولة، بس متخافش ده مش اختراق لحسابك خالص.

الخلاصة لو عايز لايكات حقيقية وناس مهتمة بمجالك ومستهدفين صح باعلان ممول طبعا وبأقل سعر قروش .. فا متترددش وابعتلي وده غير طبعاً الاستشارة المجانية وكل ما تحتاجه لتسويق البيزنس بتاعك هتلاقيه عنديمن اول خطة لحد اعلان.

ولازم تفهم ان الاعلان الممول اخر خطوة في التسويق الصحي.
العمل جماعي هو اساسا كل شئ 🤝🤝

مع السلامو عليكوا ٠ بصوت #كيان

كيان للتسويق

08/08/2022

04/08/2022

04/08/2022

25/07/2022

22/07/2022

11/07/2022

10/07/2022

04/07/2022

29/06/2022

29/06/2022

28/06/2022

28/06/2022

Address

Website

Alerts

Shortcuts

Share

Category