https://www.facebook.com/112264435272175/

جريدة المُبدعين-Al-Mubdi'een newspaper, Cairo (2026)

25/09/2025

تتشرف "جريدة المُبدعين" بعمل حوار صحفي مع الكاتبة المُبدعة "شروق علاء"

س: في البداية عرفنا بنفسك وبموهبتك؟
ج: شروق علاء عواد 27 سنه من محافظة الجيزة حاصله على دبلوم فني كاتبة روائية
س: إيه اللي اكتشفته في نفسك وخلاك تبدأ تمارس موهبتك؟
ج: شغفي للمجال وانا شخصيه في الغالب معنديش اصدقاء ف بعيش مع ابطال الرواية وكأنهم اصدقائي
س: مين أول شخص شجعك تكمل في طريق موهبتك؟
ج: أستاذه هاجر علاء مديرة دار إبداع كاتب
س: واجهت صعوبات أو تحديات في بداية مشوارك؟ احكيلنا عنها.
ج: كتير محدش صدق اني بتكلم جد في البدايه بعد كدة حسيت بفخر في عيونهم لما روايتي اتقبلت وعجبتهم
س: إيه أكتر لحظة فخر حسيت بيها بسبب موهبتك؟
ج: وقت رأي اللجنه وأستاذه هاجر ان الروايه بالرغم من انها سهله وسلسله الا انها واخده رتم تاني خالص غير المعتاد في الكتابه
س: لو هتوصف موهبتك في كلمة واحدة، هتقول إيه؟
ج: عالم من نسبة لي الكتابة والقراءة معاً هما عالمي الخاص
س: شايف السوشيال ميديا ساعدتك ولا صعبت عليك إنك توصل للناس؟
ج: ساعدتني كتير لأني حضرت ورش كتابة من خلالها وشوفت تجاربهم وعرفت ناس في مجال الكتابة بتفكر بعقليه تانيه خالص غير الي المعتاد عليه
س: مين مثلك الأعلى أو الشخص اللي بتحب تستلهم منه أفكارك؟
ج: أستاذ نجيب محفوظ
أستاذ أحمد خالد توفيق
س: إيه الرسالة اللي بتحاول توصلها من خلال موهبتك؟
ج: من خلال موهبتي في الكتابة، بحاول أوصل مشاعر ممكن الناس تكون مش قادرة تعبّر عنها، وأدوّن أفكار بتدور جوانا كلنا ومحدش بيتكلم عنها. الكتابة بالنسبة لي وسيلة للتعبير، للمواساة، ولإحداث فرق، حتى لو صغير، في حياة اللي بيقرأ. بحاول ألمس القلوب، وأخلّي الناس تحس إنها مش لوحدها
س: لو هتدي نصيحة لحد لسه مكتشف موهبته، هتقول له إيه؟
ج: هقولها أول ماتكتشف موهبتك ابدأ فوراً انك تشتغل عليها وتكون مستمتع وانت بتعمل الي بتحبه وتخلي بالك طويل لأن النجاح مش سهل وتصدق حلمك والي انت بتعمله عشان توصل وتحقق احسن النتائج
س: نفسك تكون فين بعد خمس سنين بموهبتك؟
ج: الكتابة مش بس هواية، عايزها تكون مصدر دخل ثابت، سواء من كتب، منصات، كورسات، أو مشاريع كتابة حرة.
س: لو معاك فرصة تقدم موهبتك قدام جمهور كبير، إيه أول حاجة هتعملها؟
ج: أول حاجة هعملها هي إني أهدي اللحظة دي لحد دعمني طول الوقت – سواء كان صديق، أهل، أو حتى نفسي! وبعد كده هبدأ بشيء بسيط يخلّي الناس تحس بيا وتندمج معايا، علشان أكسر رهبة البداية وأخلق جو من التواصل.
س: كلمة أخيرة حابب تقولها لجريدتنا؟

ج:كل الشكر والتقدير والدعم بالتوفيق والنجاح الدائم يارب
ُبدعين
ُبدعين

21/09/2025

تتشرف "جريدة المُبدعين" بعمل حوار مع الكاتبة الشابة سما أحمد سيد بدوي

🔹 في البداية عرفينا بنفسك وبموهبتك؟
– أنا سما أحمد سيد بدوي، عندي 24 سنة، وموهبتي هي الكتابة.

🔹 إيه اللي اكتشفتيه في نفسك وخلاكي تبدأي تمارسي موهبتك؟
– بدأت من حبي لقراءة القصص، ومع الوقت اكتشفت إن عندي شغف بالمجال وحبيت أدخل فيه.

🔹 مين أول شخص شجعك تكملي في طريق موهبتك؟
– أهلي وأصحابي كانوا أول داعم ليا.

🔹 واجهتي صعوبات أو تحديات في بداية مشوارك؟
– طبعًا، أهمها الانتقادات اللي كنت بتأثر بيها جدًا، وأحيانًا كنت بحس إني مش قادرة، لكن كل مرة كنت بحاول أتخطاها وأكمل.

🔹 إيه أكتر لحظة فخر حسيتِ بيها بسبب موهبتك؟
– لما قدرت أحقق إسمي في المجال، وحسيت إن اسم "سما أحمد" بدأ ينور ويتعرف.

🔹 لو هتوصفِ موهبتك في كلمة واحدة؟
– القمر… لأنها بتنور أي حاجة مظلمة في حياتي.

🔹 شايفة السوشيال ميديا ساعدتك ولا صعّبت عليك؟
– في ناس ساعدتني جدًا، وفي ناس تانية ما كانتش راضية أظهر وأبين نفسي.

🔹 مين مثلك الأعلى أو الشخص اللي بتستلهمي منه أفكارك؟
– عمرو عبد الحميد، وأحمد يونس، وأحمد فؤاد نجم "الفاجومي" بحبهم جدًا.

🔹 إيه الرسالة اللي بتحاولي توصليها من خلال كتاباتك؟
– إن مهما حصل، حلمك يستحق. هتواجه صعوبات كتير، لكن لازم تفضل متمسك بيه.

🔹 إيه نصيحتك للي لسه مكتشف موهبته؟
– ما تستعجلش، خد وقتك، اتعلم واقرأ كتير، عشان تعرف تدخل صح.

🔹 نفسك تكوني فين بعد خمس سنين بموهبتك؟
– نفسي أشارك في معرض الكتاب، وأقدّم أفضل قصة من تأليفي.

🔹 لو قدامك فرصة تقدمي موهبتك لجمهور كبير، إيه أول حاجة هتعمليها؟
– هعرض رواية كبيرة بتتكلم عن قضايا مجتمعية مهمة الناس مغيّبة عنها رغم إنها بتحصل حوالينا كتير.

🔹 كلمة أخيرة تحبي تقوليها لجريدتنا؟
– مهمّا حصل، حلمك يستحق… خليك دايمًا وراه.

المحررة/شهد أبو عبادة
ُبدعين
ُبدعين

20/09/2025

تتشرف "جريدة المُبدعين" بعمل حوار صحفي مع الشاعر المُبدع "قاسم عادل"

س: في البداية عرفنا بنفسك وبموهبتك؟
ج: اسمي قاسم عادل، شاعر، من طنطا،عندي 25 سنه بكتب من 2014 ،خلال مسيرتي نزلت بدوانين في معرض الكتاب
" جحيم الحب، أخر مشهد"
س: إيه اللي اكتشفته في نفسك وخلاك تبدأ تمارس موهبتك؟
ج: اكتشفت اني عندي موهبه محتاجه تطور وان ممكن اقدر اقدم حاجه كويسه من خلال موهبتي
س: مين أول شخص شجعك تكمل في طريق موهبتك؟
ج: أهلي وأصدقائي
س: واجهت صعوبات أو تحديات في بداية مشوارك؟ احكيلنا عنها.
ج: جات فتره كانوا بيحبطوني قالولي مش هتوصل ومش هتكمل وان مستحقش اوصل بس كملت وقدرت اثبت نفسي.
س: إيه أكتر لحظة فخر حسيت بيها بسبب موهبتك؟
ج: يمكن لما قدرت اكسر عين اي حد قالي مش هتوصل

س: لو هتوصف موهبتك في كلمة واحدة، هتقول إيه؟
ج: هقول أنها عالم تاني قادر يوضحلك حياتك
س: شايف السوشيال ميديا ساعدتك ولا صعبت عليك إنك توصل للناس؟
ج: ساعدتني طبعا
س: مين مثلك الأعلى أو الشخص اللي بتحب تستلهم منه أفكارك؟
ج: أهلي
س: إيه الرسالة اللي بتحاول توصلها من خلال موهبتك؟
ج: بحاول اقدم مشاعر صادقة وحاجه تفيد المجتمع وتوعي الشباب.
س: لو هتدي نصيحة لحد لسه مكتشف موهبته، هتقول له إيه؟
ج: مستسلمش ومتيأسش كما في طريقك متسمعش لنقد حد طور من نفسك وانت قدها وهتوصل
س: نفسك تكون فين بعد خمس سنين بموهبتك؟
ج: اتمني اكون في مكان احسن واكون حققت كل الا بتمناه
س: لو معاك فرصة تقدم موهبتك قدام جمهور كبير، إيه أول حاجة هتعملها؟
ج: هجهز حاجه كويسه وادرب عليها كويس علشان اقدر اقدم حاجه تليق بيهم وبوجودهم
س: كلمة أخيرة حابب تقولها لجريدتنا؟

ج: جريدة مميزه بمتنالها تفضل مستمرة في دعم المواهب.

المحررة/شهد أبو عبادة
ُبدعين
ُبدعين

20/09/2025

تتشرف "جريدة المُبدعين" بعمل حوار صحفي مع الكاتب المُبدع م/ عبدالرحمن الدسوقي.

س: في البداية عرفنا بنفسك وبموهبتك؟
ج: م / عبدالرحمن الدسوقي كاتب و روائي مصري مواليد سوهاج كتبت عدة روايات حققت نجاح كبير منهم روايتي الورقية ميت ترانزيت
س: إيه اللي اكتشفته في نفسك وخلاك تبدأ تمارس موهبتك؟
ج: الحقيقة مش أنا اللي اكتشفت ، والدتي اكتشفت فيا موهبة التأليف و الكتابة و قررت تنميها ، كانت بتجيب لي قصص و كراسات أكتب فيها كل القصص و الأفكار اللي في دماغي لحد ما بقيت لوحدي أطور من نفسي و أزود من المخزون الثقافي و اللغوي عندي .
س: مين أول شخص شجعك تكمل في طريق موهبتك؟
ج: والدتي زي ما قلت دايما داعم نفسي و ثقافي و مادي ليا و ما سابتنيش لوحدي في الطريق أبدًا
س: هل واجهت تحديات او صعوبات في بداية مشوارك؟
ج: واجهت التحديات اللي بتواجه أي حد ، ما حدش يعرفك ما حدش يعرف موهبتك محتاج تتعرف أكتر كنت في بنشر روايتي لمتابع واحد بس دلوقتي الحمد لله عندي أكتر من ألف قراءة لكل عمل بالإضافة إلى العمل الورقي ، فهي تساهيل من ربنا لمواجهة الصعوبات و التحديات النفسية و المادية الحمد لله.
س: إيه أكتر لحظة فخر حسيت بيها بسبب موهبتك؟
ج: اللحظة اللي نشرت فيها روايتي الورقية و ناس كتير سألت عنها حتى لو مش كلهم اشتروها يكفي إنك خلاص بقيت معروف و لو لعدد قليل للناس
س: لو هتوصف موهبتك في كلمة واحدة، هتقول إيه؟
ج: طموحة
س: شايف السوشيال ميديا ساعدتك ولا صعبت عليك إنك توصل للناس؟
ج: بالعكس ساعدتني جدًا بس زي ما كل حاجة فيها الكويس فيها الوحش برضه و زي ما في ناس بتحبك و تدعمك في ناس طول الوقت بتحاول تهدك بغض النظر عن هيستفادوا إيه
س: مين مثلك الأعلى أو الشخص اللي بتحب تستلهم منه أفكارك؟
ج: ناس كتير ساعدوني من خلال أعمالهم الروائية مفيش حد معين بس ممكن أنسب بعد ربنا فضل بسيط للراحل أحمد خالد توفيق و د / سامح شوقي و إحسان عبدالقدوس و غيرهم من عمالقة الأدب
س: إيه الرسالة اللي بتحاول توصلها من خلال موهبتك؟
ج: بحاول إني أترجم أفكار جوة دماغي سواء أفكار مفيدة لها هدف إنها تحث على حاجات كويسة أو تحذرنا من حاجات خطر علينا و على اللي حوالينا أو أعمال للتسلية بفرغ فيها موهبتي الكتابية
س: لو هتدي نصيحة لحد لسه مكتشف موهبته، هتقول له إيه؟
ج: هقول له جملة قصيرة ، هقول له ما تخليش طموحك له حدود ، لأنك لو حددت طموحك أنت كدا بتحد من موهبتك و بتحجمها ، اكتب عشان نفسك مش عشان الناس ، و الشهرة مش سهلة و أنا شخصيًا لا زلت في خطواتي الأولى
س: نفسك تكون فين بعد خمس سنين بموهبتك؟
ج: نفسي أكون كاتب روائي معروف في الوسط الأدبي و يكون لي بصمة و لو صغيرة في المجال المرموق ده و يكون في فرصة لتحويل بعض أعمالي لعمل درامي
س: لو معاك فرصة تقدم موهبتك قدام جمهور كبير، إيه أول حاجة هتعملها؟
ج: ما أعتقدش إني ممكن أملك إجابة دلوقتي لأن لسة بدري على خطوة زي دي ، بس مممن أقول إني هقدم لهم الأمل و فرصة في إن بكرة إن شاء الله يكون أفضل
س: كلمة أخيرة حابب تقولها لجريدتنا؟

ج:بشكركم جدًا جدًا على تعاونكم و استماعكم و سعدت بهذا اللقاء المثمر و إن شاء الله كمان خمس سنين أذكركم بالخير بعد ما أحقق طموحي بإذن الله.

المحررة/شهد أبو عبادة
ُبدعين
ُبدعين

20/09/2025

تتشرف "جريدة المُبدعين" بعمل حوار صحفي مع الكاتبة المُبدعة "بسملة محمد "

س: في البداية عرفنا بنفسك وبموهبتك؟
ج: أنا بسملة محمد
طالبة في الفرقة الرابعة كلية طب الأسنان بجامعة الأزهر،

بحب الكتابة والتصميم، والتصوير شغوفة بيهم،
الفترة الأخيرة بدأت أعمل تصميمات وعليها نصوصي الحمد لله نالت إعجاب ناس كتير اللهمَّ لك الحمد 🤎

س: إيه اللي اكتشفته في نفسك وخلاك تبدأ تمارس موهبتك؟
ج: الحقيقة قِصتي غريبة شوية مع الكتابة لكن بإختصار أنا شخصية إنطوائية اووي بس أما بصاحب ناس بتعلق بيها بسرعه وببقا عايزة أديهم كل حاجه معايا،
بس إكتشفت إن دا بيأثر عليا أنا بالسلب، خاصة أما إتخذلت من أعز صحباتي،
وفقدت ثقتي ف ناس كتير بسبب إني بلاقيهم مش بيشجعوني، ودايما يحبطوني،

من هنا بدأت ألاقيني مع كل هزيمة أو إنهيار يحصل لي أبدأ أدونه ف نوته وأكتبه علىٰ هيئة أشعار حزينة،
والحمد لله بكتب شعر وبحب أقرأ شعر فصيح اووي،

ف دا كان بيساعدني أعبر عن أحاسيس مش قادرة أوصفها، مش قادرة أشرحها بس قلمي كان رفيقي في كل حاجه حتى لحظات الحزن كنت بخرج منها أما بكتبها،
من وقتها الحمد لله وأنا بكتب
س: مين أول شخص شجعك تكمل في طريق موهبتك؟
ج: أنا أول شخص دعمني،
وبعدها أبي وأمي وأخوتي
كانو الداعم ليا وأول ما حبيت أشترك ف كتب شجعوني وقالو كتابتك تحفة واستمري وأنتِ قدها وبابا دايما يقولي أنا شايف نفسي فيكِ، واللِ محققتوش أنا عايزك أنتِ تحققيه وأشوفك دايما ف أعلىٰ الأماكن ودا كان الدافع الأول ليا،
س: واجهت صعوبات أو تحديات في بداية مشوارك؟ احكيلنا عنها.
ج: أكيد طبعًا أي شخص عايز ينجح هيلاقي إحباط من أقرب الناس لية أولاً ثم من أي حد بيحمل في قلبه ضغينة ليه،
والإتنين عشتهم
أقرب الناس ليا راهنت علىٰ فشلي وإني مش هفلح ف حاجه،
وصحباتي أحبطوني واستهزوا بالل بعمله،
بس صوتي الداخلي دايما كان بيردد أنتِ هنا، دا مكانك، أنتِ قدها بأمر الله،
ولسه ما زالت التحديات موجودة بس بستعين بالله وبكمل عشان أشوف فخر أبي بيّا
س: إيه أكتر لحظة فخر حسيت بيها بسبب موهبتك؟
ج: هم لحظتين أول مرة أما لقيتني بصف شعوري الداخلي لنفسي علىٰ ورق وأدونه وأما أعدي فترة ضعف أرجع أقرأه وأنا فخورة بنفسي إني عديتها،

اللحظة التانية أما أشتركت ف كتابين اه هم مجمعين بس كانت محاولة تدفعني إن ليا كتب نزلت ف معرض القاهرة،
ودا كان حافز ليّا خاصة أما شوفت فرحة بابا بيا وهو بيستلم الشهادة،
س: لو هتوصف موهبتك في كلمة واحدة، هتقول إيه؟
ج: بالنسبة لي الكتابة "حياة"
ونجاة" من عواصف داخلية لو مكنتش عبرت عنها كنت إنهرت
س: شايف السوشيال ميديا ساعدتك ولا صعبت عليك إنك توصل للناس؟

ج: أكيد أنا شخص مكنش بيحب الميديا بس أما حسيت إن مجهودي بيوصل ناس كتير وإن بقدر أشارك بنصوصي أجزاء الفرح مع البنات دا كان بيشجعني أكتر

إن بنوتة تحكي لي قصتها هي وزوجها وأنا أحولها لنص وأعبّر فيها بمشاعر من القلب إحساس كفيل يخليني أطير من الفرح إني كنت جزء بسيط من سعادتهم
س: مين مثلك الأعلى أو الشخص اللي بتحب تستلهم منه أفكارك؟
ج: في ناس كتير باخدهم مثل ليّا بس أكتر ناس بتلهمني الل بتجمع بين الدين والموهبة في كتابتها، وأنها تستغل الموهبة في النصح والإرشاد

س: إيه الرسالة اللي بتحاول توصلها من خلال موهبتك؟
ج: إن الكتابة مش مجرد كلام علىٰ ورق دي بالنسبة للشخص الل بيكتب حياة تانية،
بيتنفس بعدها الصعداء كأنه فَرّغ كل الهموم الل جواه،
بدون ما يخاف من إحباط أو سخرية من حد، لأنه ببساطة بيكلم نفسه ويواسيها ويحس بقدرها، ودا بيخليه يكتسب ثقة ف نفسه أكتر

س: لو هتدي نصيحة لحد لسه مكتشف موهبته، هتقول له إيه؟
ج: بلاش تسمع كلام حد، حربك هتخوضها بمفردك، خوضها بقلب جامد،
مهما خسرت فيها، متخليش أعدائك يفرحو فيك، والل يراهن علىٰ فشلك يكسب،
بالعكس أثبت دايما إنك قد المكان الل فيه،
واسمع صوت قلبك دايما هو دليلك الوحيد الل تصدقه
س: نفسك تكون فين بعد خمس سنين بموهبتك؟
ج: نفسي أكتب كتب خاصة بيّا بمفردي وتوصل لأكبر عدد من الناس،
أحكي قِصتي علها تكون مصدر إلهام لحد،
وأكتب كتب تجمع بين الدين والدنيا عشان تكون أثر طيب ليا
س: لو معاك فرصة تقدم موهبتك قدام جمهور كبير، إيه أول حاجة هتعملها؟
ج: طبعا هحاول أقدمها وأخوض التجربة، بكل فرح وفخر،
وهحكي قد إية أي موهبة تُحترم ولازم الإنسان ينمّي مواهبه ويكبرها، عشان هي هتكون السبيل الوحيد لنجاته من تيارات الحياة،

س: كلمة أخيرة حابب تقولها لجريدتنا؟

ج:بشكركم جداً علىٰ إهتمامكم بتنمية المواهب، وإهتمامكم إنكم توصلو المواهب لكل الناس، وتخلوها مصدر إلهام ليهم،
في زمن قلّ فيه الإهتمام بالمواهب

ف الختام أختم بجمله من نصوصي

ركِّز علىٰ حُلمك يا فتىٰ،
قِف كالليّث عَنهُ مُدافِعا،
لا تدع المُلهياتِ تأخُذ فِكرك،
ولا تَكُن أشيّب الهِمةَ فَتُهزمُ،
اسْتعِن بربك واسعَ جاهدًا،
فكُلُ ساعٍ وإن طال سعيّه،
ذات يومٍ لا بُدَّ له واصلاً"

المحررة/شهد أبو عبادة
ُبدعين
ُبدعين

20/09/2025

تتشرف "جريدة المُبدعين" بعمل حوار صحفي مع الكاتبة المُبدعة"مريم إبراهيم"

س: في البداية عرفنا بنفسك وبموهبتك؟
ج: اسمي مريم إبراهيم احمد، اتولدت لقيت نفسي منجذبة للقراءة والكتابة، ويمكن الكتابة اكتر، وبدأت من قريب اشارك كتاباتي من حيث النصوص أو الروايات
س: إيه اللي اكتشفته في نفسك وخلاك تبدأ تمارس موهبتك؟
ج: إني مؤثرة، قررت إني اشاركها عشان اسيب بصمة كويسة تساعد الناس في حياتهم، ممكن موقف كتبته يكسبهم خبرة وممكن نصيحة سيبتها تفرق معاهم
س: مين أول شخص شجعك تكمل في طريق موهبتك؟
ج: ماما من زمان بتعمل ده ومؤخرًا صحابي كلهم
س: واجهت صعوبات أو تحديات في بداية مشوارك؟ احكيلنا عنها.
ج: مواجهتش حاجة كبيرة يعتبر الحمدلله، يمكن الصعوبات بس في الترويج لكن مشاكل ضخمة لأ
س: إيه أكتر لحظة فخر حسيت بيها بسبب موهبتك؟
ج: لما بشوف بنات عاملين ريڤيو لروايتي عن قد ايه هي سابت فيهم أثر طيب وإن كتاباتي كويسة، إنهم افتكروا الاستغفار أو قراءة الوِرد اليومي ومتكاسلوش عنه
س: لو هتوصف موهبتك في كلمة واحدة، هتقول إيه؟
ج: تميز
س: شايف السوشيال ميديا ساعدتك ولا صعبت عليك إنك توصل للناس؟
ج: اوقات كبيرة ساعدتني بس مؤخرًا لأ، الضوء مش مسلط غير على فئة معينة من الكتاب أما الكتاب الجدد الموهوبين بصدق مهدور حقهم
س: مين مثلك الأعلى أو الشخص اللي بتحب تستلهم منه أفكارك؟
ج: أنا مَثلي الأعلى، مش بستلهم من حد أفكاري ممكن موقف حصل حواليا لكن شخص بعينه لأ.
س: إيه الرسالة اللي بتحاول توصلها من خلال موهبتك؟
ج: إن الإنسان يواجه عقباته ومشاكله مهما كانت نتيجتها فالنهاية لازم يتحمل
س: لو هتدي نصيحة لحد لسه مكتشف موهبته، هتقول له إيه؟
ج: يبدأ من دلوقتي وميحبطش مهما حصل له
س: نفسك تكون فين بعد خمس سنين بموهبتك؟
ج: اكون في المكان اللي يستحقني
س: لو معاك فرصة تقدم موهبتك قدام جمهور كبير، إيه أول حاجة هتعملها؟
ج: هسرد عليهم الكلمات اللي هتخلي كل شخص مستمع يعيشها
س: كلمة أخيرة حابب تقولها لجريدتنا؟

ج: سعدت باللقاء جدًا معاكم، واتمنى لكم التوفيق والنجاح.

المحررة/ شهد أبو عبادة
ُبدعين
ُبدعين

20/09/2025

تتشرف "جريدة المُبدعين" بعمل حوار صحفي مع الكاتبة المُبدعة "مريم صموئيل"

س: في البداية عرفينا بنفسك وبموهبتك؟
ج: أنا مريم صموئيل الشرقاوي، كاتبة ومحاسبة ومعالجة نفسية من الإسكندرية.

س: إيه اللي اكتشفتيه في نفسك وخلاكي تبدأي تمارسي موهبتك؟
ج: اكتشفت إن عندي قدرة أوصف شعور الشخص اللي قدامي بدقة حتى لو هو نفسه مش قادر يحكي أو يعبّر.
أكتب لأن الكتابة بالنسبة لي أحيانًا بتكون نوع من الإفراج والتحرر. بداية حبي للكتابة كانت لما قرأت نص عبّر عن شعور أنا نفسي ما كنتش عارفة أوصفه، ومن اللحظة دي بدأت أكتب وأتأمل كل إحساس بيمر حواليا وأسجله. يمكن تكون نصوصي سبب نجاة لغيري من سجنه الداخلي.

س: مين أول شخص شجعك تكملِ في طريق موهبتك؟
ج: أمي، أكتر شخص مؤمن بيا طول الوقت.

س: واجهتي صعوبات أو تحديات في بداية مشوارك؟ احكيلنا عنها.
ج: طبعًا، أصعب حاجة كانت عدم التصديق من بعض الناس أو التقليل من قيمة اللي بعمله. لكن حُبي للكتابة كان دافعي إني أكمّل وما ألتفتش.

س: إيه أكتر لحظة فخر حسيتي بيها بسبب موهبتك؟
ج: هما لحظتين. الأولى لما عبّرت عن شعور شخص وبعتلي رسالة بيقولي إني وصفت مشاعره اللي ما قدرش يحكيها، وقال إني خرجته من صمته وسجنه المغلق. والتانية لما شفت أول كتاب ليا في معرض القاهرة الدولي للكتاب، ودي كانت لحظة أكدتلي إن أي تعب ومجهود عمره ما بيروح هدر.

س: لو هتوصفِ موهبتك في كلمة واحدة، هتقولي إيه؟
ج: "حياة" أو "مشاعر"

س: شايفة السوشيال ميديا ساعدتك ولا صعّبت عليك توصلي للناس؟
ج: السوشيال ميديا ساعدتني أوصل لناس كتير وأعرض موهبتي وكلماتي، لكن الأهم إن الواحد يكون عنده بصمة خاصة ويقدّم حاجة مختلفة.

س: مين مثلك الأعلى أو الشخص اللي بتحبي تستلهمي منه أفكارك؟
ج: في نماذج كتير ملهمة جدًا، لكن إلهامي الأساسي بييجي من الحياة نفسها والمواقف اللي بعيشها. أي إنسان عنده قصة أو تجربة ممكن يكون مصدر إلهام ليا.

س: إيه الرسالة اللي بتحاولي توصليها من خلال موهبتك؟
ج: إن كل إنسان عنده حكاية تستحق إنها تتسمع، ومن حقه يعبّر عن مشاعره بالطريقة اللي تريّحه. وانك اكيد هتلاقي حد مر بنفس اللي انت مريت بيه وعدى منه والكتابة بالنسبة ليا مش مجرد ورق وحبر، دي رسالة أمل وقوة.

س: لو هتدي نصيحة لحد لسه مكتشف موهبته، هتقولي له إيه؟
ج: ما تستناش التصفيق من أول خطوة، صدّق في نفسك وكمل، لإنك لو ما آمنتش بنفسك محدش هيآمن بيك.

س: نفسك تكوني فين بعد خمس سنين بموهبتك؟
ج: نفسي أعمالي توصل لشريحة أكبر من الناس، وأقدر أوصف مشاعرهم أكتر وأكتر، خصوصًا المشاعر اللي ساعات ما بنلاقيش كلام يوصفها.

س: لو معاك فرصة تقدمي موهبتك قدام جمهور كبير، إيه أول حاجة هتعمليها؟
ج: هشاركهم جزء من كلماتي اللي خرجت من قلبي، و ألمس بيها قلوبهم وأخليهم يحسوا إنهم جزء من الحكاية.

س: كلمة أخيرة حابة تقوليها لجريدتنا؟
ج: بشكركم على إنكم بتدوا فرصة للأصوات الجديدة إنها توصل. الكلمة قادرة تغيّر حياة إنسان، وسعيدة إن في منبر حقيقي بيدعم دا.

واحب اختم الحوار ده بجملتين من كتبي :
"على أملٍ أن يُثمر هذا السعيُ بأيامٍ مليئةٍ بالنضج والفرح"
رواية

"قد يصبح ألم المعاناة حلمًا جميلًا بنهاية المطاف"

المحررة/ شهد أبو عبادة
ُبدعين
ُبدعين

20/09/2025

تتشرف "جريدة المُبدعين " بعمل حوار صحفي مع الكاتبة المُبدعة "رحمة عوض"

س: في البداية عرفنا بنفسك وبموهبتك؟
ج: رَحمَة عَوَض عَبد الجليل، ثمانية عشر عامًا، من البحيرة مركز دمنهور، موهبتي الكتابة، مبقولش عن نفسي كاتبة... بسيب القارئ يقول، ويحكم، وهما قالوا كتير، وده بيشجعني أكتر، غير كد شيء من التصميم، ولسه بطور في الخط العربي.

س: إيه اللي اكتشفته في نفسك وخلاك تبدأ تمارس موهبتك؟
ج: كنت بمسك الكتاب الدراسي أول صفحة فيه أكتب جمل تحفيزية من عقلي، واحدة واحدة بقيت بكتب خواطر وبشيلها، مكنتش أعرف إن اللي بكتبه أصلًا اسمه خواطر.. نصوص.. وغيره، لحد ما وقع قدامي كِيان من تأسيس بشمهندس عبد الستار إبراهيم.. عرفت واتطورت وبحثت وبقيت بدخل كورسات تدقيق وهكذا..
لكن أنا دلوقتي مش مرتبطة بكيان أو مبادرة، أفكاري حر، ونشري حر.

س: مين أول شخص شجعك تكمل في طريق موهبتك؟
ج: والدي ووالدتي وأختي، حرفيًا شجعوني على ده، في حين إن كنت بلاقي على الكفة التانية ناس قريبة بتقولي أي ده!
رفاقي، نظرة الانبهار اللي بشوفها لما بيقرولي، حقيقي ده شيء ميتنسيش.

س: واجهت صعوبات أو تحديات في بداية مشوارك؟ احكيلنا عنها.
ج: من حيث واجهت فآه، استهزاء، سخرية، عدم نضج عقول، ولكن نصيحة عامةً لأي موهبة، سواء الموهبة من زمان أو لسه الشخص بيبتدئ، سِر ولا تلتفت، حقيقي بجد متدورش على القيل والقال، مش هتسلم، واجه باستمرارك، متدورش على ريتش قد ما تدور على فعلًا قراء بيفهموا اللغة ومهتمين..

س: إيه أكتر لحظة فخر حسيت بيها بسبب موهبتك؟
ج: لما لقيت أبي بيقولي صحابي في العمل بيقرولك، بيقولولي بنتك موهوبة، لما قابلني ناس وقالولي موهبتك ليها ناس كتير ولكن أنتِ وجه لن يُكرر وده قد أي خلاني فخورة بنفسي بجد!

س: لو هتوصف موهبتك في كلمة واحدة، هتقول إيه؟
ج: أمان.

س: شايف السوشيال ميديا ساعدتك ولا صعبت عليك إنك توصل للناس؟
ج: لا طبعًا ساعدتني، ولكن الاستغلال بيكون صح، يعني مستغلهاش في شيء مينفعش، عامةً السوشيال عالم مفتوح وسلاح ذو حدين، الشاطر اللي يستغل صح.

س: مين مثلك الأعلى أو الشخص اللي بتحب تستلهم منه أفكارك؟
ج: مثلي الأعلى في الدنيا دي والدي ووالدتي، مش كلام تقليدي ولكن دي الحقيقة، حاليًا أفكاري بتيجي لوحدها، ومش باخد فكرة من حد.

س: إيه الرسالة اللي بتحاول توصلها من خلال موهبتك؟
ج: ملزومين بالاستمرار، الاعتماد على الذات، يمكن موهبتك سبيل لدرب جديد، وإنجاز أفضل.

س: لو هتدي نصيحة لحد لسه مكتشف موهبته، هتقول له إيه؟
ج: استمر، سِر ولا تلتفت زي ما قولت، متسمعش لحد، الانتقاد يقويك مش يهدك، وهتلاقي أفكار بتكتبها مش في حياتك الشخصية وقد أي هيلوموك ويطلعوا إشاعات عليك بطريقة بشعة ولكن ده مش قارئ، القارئ بيفهم يا عزيزي.. ومتسمعش وكمل بجد.

س: نفسك تكون فين بعد خمس سنين بموهبتك؟
ج: أمنيتي يكون ليا أعمال فرديةـ مؤثرةـ تستحق القراءة مش مجرد عبث، مش حابة آخد الخطوة غير أما أنجز شوية عن الوقت الحالي.

س: لو معاك فرصة تقدم موهبتك قدام جمهور كبير، إيه أول حاجة هتعملها؟
ج: طبعًا هقدمها بكل فخر، وهحكي قد أي الموهبة دي ليها الوجهين، الفرح والحزن، وقد أي الموهبة أيًا كانت أي محتاجة صبر..

س: كلمة أخيرة حابب تقولها لجريدتنا؟

ج: اتشرفت جدًا بالحوار، استمتعت وأنا بكتبه، عدت ذكريات جميلة عدت، شكرًا.

المحررة/ شهد أبو عبادة
ُبدعين
ُبدعين

20/09/2025

تتشرف "جريدة المُبدعين" بعمل حوار صحفي مع الكاتبة المُبدعة "تسنيم رخا"

س: في البداية عرفنا بنفسك وبموهبتك؟
ج: أنا تسنيم رخـا، في الفرقة الثالثة المعهد العالي للخدمة الاجتماعية ببورسعيد، 20 سنة .
موهبتي الكتابة .
س: إيه اللي اكتشفته في نفسك وخلاك تبدأ تمارس موهبتك؟
ج: إني بحب أفتش جوايا من مشاعر أشعر بيها واعبر عنها.
وأفتش بعيون الآخرين واكتب لأصل لأعماق قلوبهم وأُلامس جروحهم بلطف .
س: مين أول شخص شجعك تكمل في طريق موهبتك؟
ج: أمي وصديقتي آية .
س: واجهت صعوبات أو تحديات في بداية مشوارك؟ احكيلنا عنها.
ج: ظليت فترة لحد أما بدأت أتقألم أنزل على الأكونت نظرًا لأن كتاباتي كان لا يطلع عليها أحد، وكان هناك بعضًا من الكلمات التي تُلقى عليّ ما الذي تكتبينه؟ هل هناك استفادة ؟
س: إيه أكتر لحظة فخر حسيت بيها بسبب موهبتك؟
ج: إني قدرت أوصف جزء من الأمراض النفسية بطريقة أدبية سلسة وداخلية .
س: لو هتوصف موهبتك في كلمة واحدة، هتقول إيه؟
ج: نعمة .
س: شايف السوشيال ميديا ساعدتك ولا صعبت عليك إنك توصل للناس؟
ج: ساعدتني الصراحة .
س: مين مثلك الأعلى أو الشخص اللي بتحب تستلهم منه أفكارك؟
ج: مش شخص معين الحقيقة، مثلي الأعلى دائمًا إن القارئ يعتبر كلماتي جزء منه .
س: إيه الرسالة اللي بتحاول توصلها من خلال موهبتك؟
ج: أنت لست بمفردك، ما تشعر به أشعر به أنا آيضًا؛ فلا تيأس وحاول مرة أخرى .
س: لو هتدي نصيحة لحد لسه مكتشف موهبته، هتقول له إيه؟
ج: استمر .
ستتلقى كثيرًا من الكلمات، لكن اجعلها حافزًا للأمام .
س: نفسك تكون فين بعد خمس سنين بموهبتك؟
ج: على مسرح وبتكلم مع جمهوري عن جميع الخطوات التي خُضتها، وأكون وقتها وصلت في الكتابة للمستوى الـ نفسي فيه .
س: لو معاك فرصة تقدم موهبتك قدام جمهور كبير، إيه أول حاجة هتعملها؟
ج: هركز جدًا إن يكون في تواصل جيد ما بينا، يجعلني أنقل موهبتي وإحساسي بدقة .
س: كلمة أخيرة حابب تقولها لجريدتنا؟

ج: سعدت جدًا بهذا الحوار،
وأرجو لكم دوام التفوق .

المحررة/ شهد أبو عبادة
ُبدعين
ُبدعين

20/09/2025

تتشرف "جريدة المُبدعين" بعمل حوار صحفي مع الكاتبة المُبدعة "رقية محمد فخري"

س: في البداية عرفينا بنفسك وبموهبتك؟
ج: أنا رقية محمد فخري، طالبة بالصف الثالث الثانوي الأزهري، من محافظة البحيرة، مدينة كفر الدوار. موهبتي هي الكتابة والرسم.

س: إيه اللي اكتشفتيه في نفسك وخلاكي تبدأي تمارسي موهبتك؟
ج: بدأت بكتابة رسائل تهنئة لأصدقائي في النجاحات وأعياد الميلاد، ومع الوقت بقيت أكتب خواطر، وفي النهاية اتجهت لكتابة الروايات.

س: مين أول شخص شجعك تكملِ في طريق موهبتك؟
ج: ماما وبابا، والصراحة العيلة كلها؛ لأنهم بيحبوا الكتابة.

س: واجهتي صعوبات أو تحديات في بداية مشوارك؟ احكيلنا عنها.
ج: طبعًا واجهت، بس كنت دايمًا باعتبرها دافع إني أقدم الأفضل. حتى النقد أحيانًا بيكون سبب كبير في النجاح.

س: إيه أكتر لحظة فخر حسيتِ بيها بسبب موهبتك؟
ج: لما روايتي وصلت للطبعة الثالثة.

س: لو هتوصفِ موهبتك في كلمة واحدة، هتقولِ إيه؟
ج: حياة.

س: شايفة السوشيال ميديا ساعدتك ولا صعّبت عليك توصلي للناس؟
ج: ساعدتني جدًا، وكمان اتعرفت من خلالها على ناس جميلة.

س: مين مثلك الأعلى أو الشخص اللي بتحبي تستلهمي منه أفكارك؟
ج: دكتور أدهم شرقاوي، وأجاثا كريستي.

س: إيه الرسالة اللي بتحاولي توصليها من خلال موهبتك؟
ج: دايمًا بحب تكون رواياتي فيها عبرة وعظة، وقيم أخلاقية ودينية.

س: لو هتدي نصيحة لحد لسه مكتشف موهبته، هتقولِ له إيه؟
ج: يشتغل عليها بجد، ويسمع كل النقد ويتقبله بصدر رحب؛ لأنه فعلًا هيفيده.

س: نفسك تكوني فين بعد خمس سنين بموهبتك؟
ج: نفسي أكون معروفة، والناس كلها تتكلم عن أعمالي.

س: لو معاك فرصة تقدمي موهبتك قدام جمهور كبير، إيه أول حاجة هتعمليها؟
ج: أول حاجة هعملها إني أقرأ نص قصير من كتاباتي، يلمس قلوب الناس ويوريهم قد إيه الكلمة قادرة تغيّر.

س: كلمة أخيرة حابة تقوليها لجريدتنا؟
ج: بشكركم جدًا على اللقاء الجميل ده، وشرف كبير ليا إني أكون من الشخصيات اللي وقع عليها الاختيار.

المحررة الصحفية/ شهد أبو عبادة
ُبدعين
ُبدعين

جريدة المُبدعين-Al-Mubdi'een newspaper

25/09/2025

21/09/2025

20/09/2025

20/09/2025

20/09/2025

20/09/2025

20/09/2025

20/09/2025

20/09/2025

20/09/2025

Address

Website

Alerts

Shortcuts

Share

Category