MarketiNa-Doaa Youssef

29/01/2025

🔴 خد بالك من مخاوفك
عشان دي الثغرة الل هيدخلك منها #الماركتنج-الصح-جدا

23/01/2025

الإعلان الذي يُلبي مشاعرنا يتردد في المقام الأول في عقلنا الباطن.

22/01/2025

أصل السر كله هنا
خلي عميلك يعيش التجربة ... حتى لو في خياله.

22/01/2025

Products are made in the factory
But
Brands are made in the mind❤️

22/01/2025

Branding is here👌

08/10/2024

في يوم من الايام قولت لنفسك أنا عايز افصل من دوشة الدنيا
أنا هاخد بعضي واروح ادخل سينما لوحدي

اتغديت ونزلت رايح مول ما وطول مانت في الطريق عمال تتفق مع نفسك انك مش هتصرف اكتر من تيكيت السينما لانك اخر الشهر والدنيا مزنقة معاك وعد !! ايوا وعد عيب عليك ،واتفقت مع نفسك وكله تماااام

دخلت السينما وجبت التذكرة وانت داخل شميت ريحة الفشار واو ريحته حلوة اوي أما اروح اجيب واحد عشان الفيلم يحلو بقا
بس فجأة سمعت صوت بيصوتلك جوة دماغك المصااااريف يبو حميييييد
اوبا دة أنا نسيت !!😥
طب خلاص هجيب علبة اصغر وابقى مسكت العصاية م النص...
وقفت قدام الاسكرين تشوف الاسعار لقيت 3 اشكال
Small 40- medium 60 - large 70.

قولت خلاص هجيب علبة متوسطة سعرها كويس، بس وانت بتطلع الفلوس رجعت تبص على حجمها لقيت أن حجم الكبيرة اكبر بكتتتتتير فقولت خلاص دة الفرق عشرة جنية مش حوار يعني وهاخد فشار كتير واستمتع طول الفيلم 🥰 ودفعت ال70 جنية وانت مبسوط ودخلت اتفرجت على الفيلم وكان فيلم تحفة هو والفشار ❤️

خلصت الفيلم وخارج تتمشي في المول سرحان في أحداث الفيلم لحد ما قطع تفكيرك يافطة في براند ملابس مكتوب عليها
"50% discount for any piece Until 9/10"
بصيت في موبايلك لقيت يوم تسعة دة بكرة يعني العرض آخره النهاردة
أما ادخل ابص كدة..
دماغك= يعم احنا مش عايزين نصرف تاني كفاية كدة حرام عليك 😭 تعالى بس دة خصم حلو اوي يعني مش هندفع فلوس كتير ولا حاجة..

الخصم عجبك واللبس جميل جوة بس ثانية واحدة دة لبس بناتي🙈
اوبا شغل الخصم ضاع مني ولا ايه طب اجيب اختي تيجي تختار حاجة، مانا لازم استفيد بالخصم.. بس دة آخره بكرة مش هلحق،
خلاص انا جيبلها حاجة على ذوقي وتبقى دي هدية عيد ميلادها وابقى خلصت منها ووفرت على نفسي النص 😂
وخرجت م المول فرحان اوي رغم انك صارف 500 جنية وانت كنت ناوي على 100 !!

الل حصل دة في عالم التسويق اسمه استراتيجيات تسعير وتسويق
اول استراتيجية اسمها Decoy pricing أو (التسعير المخادع)
بتعتمد على أنه يحطلك سعر مابين سعرين الفرق بينهم كبير جدا
(Small 40- medium 60- large70)
لو كان الاختيار مابين الصغير والكبير فبنسبه كبيرة اوي كنت هتختار الصغير
لكن في وجود العامل الوسط أو ال decoy factor بقي تفيكرك كله فيه أنه فيه مميزات اكتر وبعد ما هتكون خلاص هتاخده تبص على فرق السعر بينه وبين الكبير هتلاقي أنه بسيط فتدفع وتشتري الكبير ♥️
وفي الحقيقة ان الفرق مش عشرة جنية زي مانت كنت متخيل ولكن 30 جنية !!!!
بدليل ان لو ال decoy factor مكنش موجود من الاول انت كنت دفعت 40 مش 70 🥰

الاستراتيجية التانية وهي FOMO أو ( fear of missing out) أو الخوف من أن حاجة تفوتك
واكتر حاجة بتخلي الاستراتيجية دي تنجح هي ال deadline أن بعد وقت معين العرض دة هيتسحب ومش هيبقى موجود بمعني اصح ( ياتلحق يا متلحقش) واحنا عشان غريزتنا دايما بتحثنا على أننا المفروض نستغل كل ماهو متاح ونطلع منه بأكبر فايدة ف بنلاقي نفسنا بشكل لاواعي بنستجيب لاستراتيجيات التسويق من غير ما نحس ♥️

وفجأة تلاقي نفسك واقف في محل بناتي بتختار بلوزة وانت كل الل كنت ناوي تعمله انك تسمع فيلم مش اكتر 😉♥️

31/03/2024

⟩ ورا كل Conscious فيه Unconscious.

Send a message to learn more

27/03/2024

» هاتلي علاقة واحدة كنت غير متفهم فيها وأناني وطماع واكتملت زي مانت عاوز على أكمل وجه..!
سواء كنت طرف أساسي في العلاقة أو شاهد عيان واقف تتفرج على النماذج الل حواليك
اتحداك تلاقي إجابة في دماغك بتقولك لاء فيه...

في حياتنا دواير صغيرة أوي ربطانا ببعض الدواير دي اسمها العلاقات ،علاقتك بأخوك بأختك بوالدتك بصاحبك بزوجتك ببنتك بمديرك في الشغل بزميلك في الشغل... كلها روابط إسمها في عالمنا علاقات..

»العصاية السحرية لقوة أي علاقة منهم تكمن في " التفاهم " 🪄

لازم تبذل مجهود عشان تفهم أو على الأقل تتفهم الطرف الل قدامك، تحترم رغباته تحتضن مخاوفه وتقدس إنسانيته وآدميته. تفتكر لو قدمت لحد كل المعاني القيمة دي هيبقى المقابل ايه!!
عنيه.. هيديك عنيه عشان بس بذلت مجهود ف انك تفهم شخصيته..

في عالم البيزنس وبنفس العصاية السحرية، تقدر توصل لكل الل انت عاوزه بالحرف لما تفهم شخصية جمهورك -ولكل جمهور شخصيته الخاصة-
لما تستهدف جمهور معين بناءا على خدمتك أو منتجك أول وأهم حاجة تبدأ بيها انك تفهم جمهورك أكتر.. وتكتشفهم أكتر وتعرف إيه رغباتهم وتتعمق فيها لحد ماتفهمها... تعرف إيه دوافعهم... تدرس أماكنهم وأعمارهم ووظايفهم...
سواء بالmarket research أو بال Surveys
أو لو حتى تنزل تقابل جزء منهم وتفهم منهم شخصيا عنهم -دي الطريقة المحببة ليا بصراحة -♥️

⬛طول مانت بتعمل كدة فأنت حققت 3 اهداف كبار جدااا
⬜اول واحد انك فهمت عميلك كويس اوي وحللت شخصيته
⬜ثاني حاجة انك هتبدأ ترسم الbuyer persona المظبوطة
⬜تالت حاجة انك هتطور من استراتيجياتك عشان توصل للشخصية دي.

»اكيد استنتجت دلوقتي أن ال buyer persona مش شخصية عميل بعينه وانما هي شخصية ضامة جواها اكتر من شخصية...( شخصية بتعبر عن جمهور كامل )
وأنها كمان fictional مش حقيقية هي مجرد رسمة في دماغك وكإنها هي دي الل بدور عليها من وسط مليون واحد..عشان كدة كل ماتكون دارس تفاصيلها ومحدد ملامحها كل ما هيكون سهل توصلها من غير ما تتوه ♥️

وصلت ولا لسة تايه !

✊🏻

25/03/2024

انت لو صاحب شركة عايز يكون ليها اسمها
أهم قسمين لازم تديهم وقتك ودماغك هما قسم المبيعات والتسويق.
وأيوا هما قسمين منفصلين عن بعض تماما والاتنين مش واحد زي ما اغلب الناس فاكرة..

بص خلينا متفقين على حاجة
⬛التسويق هو الترس الأساسي الل لو دار كل التروس هتدور مع بعضها ولو وقف كله هيقف..

⬛وانك لو أولك تسويق صح هيبقى أخرك مبيعات أو أرباح أو عوائد.

يبقى قسم التسويق كاملا شغال علشان يوصلك لهدفك ومش كل الاهداف مبيعات -بس دي الأغلبية-
قسم عظيم زي التسويق بكل أجزاءه وتفاصيله فهو شغال على هدف واحد ألا وهو الleads generation
هدفه أنه يخلقلك الل هيعوزوا خدمتك أو يجمعهملك حواليك... ويلفت نظرهم ليك.. ويشدهم ناحيتك لحد ما يبقوا حابين أو ع الاقل عايزين خدماتك أو منتجاتك الل بتقدمهالهم ومن ثم يحولهم لعملاء محتملين sales leads

⬛وهنا دوره ينتهي ويبدأ دور قسم المبيعات أنه ياخد الSales leads الل الماركتنج وصلها ويحولهم بقا للي كلنا نفسنا فيهم ألا وهما ال Current customers سجدة شكر لله 🙌🏻😂
العملاء الحاليين هما الل خلاص بالفعل حجزوا خدمتك أو تمموا معاك الديل أو مضوا العقد.
اللمبة نورت ولا لسة!

♥️

21/03/2024

خدعوك فقالو ابدأ كبير، تفضل كبير
طب بأي عقل وأي منطق والله؟؟
هتفضل طول عمرها فكرة شيطانية مليئة بالتسويف والتأجيل عشان يعطلك عن السعي في طريقك لهدفك.

الاقوي من انك تبدأ كبير انك تفكر كبير ، ابدأ صغير ، وابدأ دلوقتي
شغل دماغك في اقل امكانياتك هتلاقي العجلة بتدور ♥️

بطل تسوّف، بطل تضحك على نفسك.

♥️

20/03/2024

لو بيعتلك وردة وانا عارفة انك بتحب الورد هتبقى حاجة حلوة اوي مش كدة ؟!
طب لو بيعتلك وردة وانا عارفة انك مش بتطيق الورد هتبقى دى حاجة ايه !!

- لما ترجع البيت وترمي كل حاجة ف ايدك وتدخل تغير هدومك وتتوضى وتصلي الل فاتك وانت بتسلم من الصلاة عينك جت ع الوردة فقومت مسكتها وقعدت تبص عليها وفضلت تكلم نفسك وتقولها لو كان حد قالي من سنة انى هقف اشتري وردة كنت قولت عليه مجنون وميعرفنيش كويس...

- بس في الحقيقة، انت الل متعرفش نفسك كويس.. وانى لما بيعتلك الوردة كنت عارفة عنك الل متعرفوش عن نفسك وعارفة أن مشكلتك مش مع الوردة نفسها بل مع جانب معين من الوردة فأنا يإما اقنعتك بألف جانب غيره
يإما عملت الأقوى
وخليتك تتصالح مع الجانب الل مخليك مش حاببها اصلا ... وكنت شاطرة بصراحة ف دة
بدليل أنك أنت والوردة واقفين تتكلمو مع بعض اهو 🙃

- تفتكر القعدة إللي قعدناها سوا دى والتي لم تتعدى الخمس دقايق ايه الل حصل فيها؟!
تفتكر أنا استخدمت فيها أنهى أسلحة ؟!
عقلية ولا نفسية
طب استخدمتهم بأنهي طريقة ؟! هل الطريقة كانت كلها قائمة على أساس علمي وعقلاني بحت ولا نفسي وعاطفي بس ولا دمجت مابينهم !!

الإجابة الل جت ف دماغك هي الصح ♥️
وانى فعلا جمعت بينهم.

التسويق الصح -ايا كان نوعه ايه- هو ميكس بين انه يكون علم ويكون فن في نفس الوقت..
_ علم لانه بيعتمد اعتماد قوي على تحليل بيانات العملا بتوعك و وبحوثات كتيرة عن رغباتهم واحتياجاتهم..
وطبعا ادوات التحليل الل دايما بيستخدمها الماركتنج فإنه يحلل السوق ويحلل نتايج الحملات الإعلانية الل بتبدأها
ومبادئ اقتصاد السوق وسلوكيات العملاء وطريقتهم
تبحث وتسجل وتحلل وتعدل وتغير كل دة الجانب العلمي من التسويق

_ فن لانه عايز منك ابداعك، عايز ابتكار ، و الكثير الكثير جدا من المهارات اللامتعددة ❤️

♥️