Doaa Fathalla - دعاء فتح الله

06/02/2025

الحى المتميز مدينة بدر النهارده هنتكلم عن المنطقه [3] متميز

المنطقه ( 3 )
المنطقه المظلومه وواخده سُمعه على الفاضى الفكره لما حد بيجى يشترى فى المنطقه دى بعض الشركات أو المكاتب بتخلى المشتري يبعد عنها ودا بسبب وجود منطقة صبحى حسين مابيحاولوش يفهموا المشترى كويس وبسبب كدا بعض الناس بتقريف منها
↩️ منطقة صبحى حسين مش فى منطقه ( 3) كلها دا غير إن منطقة صبحى حسين فى مسافه كبيره جدا بينها وبين منطقه 3 يعنى المنطقه دى بعدها طريق الروبيكى ومسافه كبيره وبعدها جزء من منطقه 3
🔀 طب ماتيجى نشوف مميزاتها كدا :
✔️ على طريق رئيسى مباشر (الروبيكى ) وال بردوا بيصل لهايبر 1 والمدينه الطبيه
✔️ شايفه الحديقه المركزيه الحديقه دى فاصله مابين شمال شرق والحى المتميز وشمال غرب
غير إن هيكون فى هناك منطقة خدمات كبيره
✔️ غير انها قريبه للداون تاون ال عند مول مصر وكمبوند دار مصر والطريق دا بيطلعك على الموقف ف دى بردوا ميزه انها قريبه للموقف
🔇 ف أنت قبل ماتحكم على حاجه لمجرد انك سمعت من حد لا إنزل وشوف بنفسك المكان
◀️ نسبة الإنشاءات فيها كويسه بردوا

05/02/2025

زى ماقولتلكم هنشرح كل منطقه بالتفصيل فى البوست ال فات اتكلمنا عن منطقه (1 )متميز

🟡 النهارده هنتكلم عن
⬇️ المنطقه 2 ⬇️
المنطقه أساسها على طريق الروبيكى مباشره تانى منطقه قريبه لمدخل طريق السويس بعد منطقه ( 1 ) وكمان قريبه لهايبر 1 والمدينه الطبيه ال تعتبر أكبر مدينه طبيه فى الشرق الأوسط دا بالنسبه للإتجاه الأول للمنطقه

أما بالنسبة الإتجاه التانى على الحزام الفاصل مابين منطقه( 2) ومنطقه(9) والحزام دا فيما بعد هيكون منطقه خضرا زى الجاردن كدا بس مساحته كبيره وأميز من الجاردن لأنه على الرئيسى مش داخل المنطقه من جوا
↩️ نسبة الإنشاءات فى المتميز منطقه( 2) حوالى 90% بردوا قريبه لنسبة إنشاءات المنطقه( 1)

للإستفسار ومزيد من التفاصيل/

04/02/2025

الجدول الخاص بمواعيد القرعه العلنيه للوحدات السكنيه والأراضي (مسكن)
بالتوفيق للجميع

03/02/2025

💠ف البوست ال فات اتكلمنا عن الحى المتميز عموما وان شاء الفتره الجايه نتكلم عن كل منطقه بالتفصيل

🟪هنتكلم فى البوست دا عن منطقه (1) متميز السويس .
منطقه [1]
من المناطق المميزه جدا ودا بسبب وقوعها بين أهم طريقين طريق الروبيكى وطريق السويس الخدمات فيها فى كل جانب دا غير وجود هايبر 1 وال تم إنشأه بالفعل والمدينه الطبيه ودى أكبر مدينه طبيه فى الشرق الأوسط ودا بالنسبه لقربها من طريق الروبيكى
أما بالنسبة للإتجاه التانى لطريق السويس قريبه جدا جدا للمولات
دا غير نسبة الإنشاءات فيها مرتفعه مش قليله تصل إلى حوالى 90%

🚫وجود المنطقه على طريق الروبيكى مايعبهاش فى حاجه خالص لأن طريق الروبيكى بيوصل ع طول للمدينه الطبيه وهايبر 1 ف دى ميزه فى المنطقه مش عيب زى ماالناس فاكره
فالمنطقه كويسه جدا وليها أكتر من مميزه وكدا يكون خلصنا شرح منطقه (1)
لو فى أى إستفسار كلمنى ودا رقمى

30/01/2025

الاستثمار العقاري مش مجرد إنك تشتري؛ الإستثمار العقارى طريق طويل للنجاح.
إفهم السوق كويس ودور على المناطق ال عليها طلب
تابع وشوف حركة الأسعار فى السوق قبل ماتشترى أو تحط فلوسك فى حاجه
تابع البوست ⬇️

29/01/2025

📎 فى قرار نزل من ساعه من وزارة الإسكان :
القرار دا للناس ال إتأخرت فى دفع القسط المستحق
↩️ القرار / تم الإعفاء عن 70% من الغرامات المحدده على القسط يعنى هتدفع حوالى 30% من الغرامه والباقى تم الإعفاء عنها

ودا لينك القرار https://www.facebook.com/share/p/18bcazRLtX/

في اجتماعه برئاسة وزير الإسكان:

مجلس إدارة "هيئة المجتمعات العمرانية" يوافق على منح تيسيرات في سداد المستحقات المالية المتأخرة على الوحدات والمحال وقطع الأراضي والفيلات

الشربيني: إعفاء 70% من غرامات التأخير حال سداد كامل الأقساط المستحقة بضوابط محددة ولمدة شهر من تاريخ الإعلان بالصحف

وافق مجلس إدارة هيئة المجتمعات العمرانية الجديدة، فى اجتماعه برئاسة المهندس شريف الشربيني، وزير الإسكان والمرافق والمجتمعات العمرانية، على منح تيسيرات في سداد المستحقات المالية المتأخرة على الوحدات السكنية والإدارية والمهنية والمحال التجارية وقطع الأراضي بمختلف أنواعها ومساحاتها (سكنى – تجارى – خدمي – استثماري – صناعي ...) والفيلات والوحدات الشاطئية المقامة بمعرفة الهيئة، وذلك بالإعفاء بنسبة (70%) من قيمة غرامات التأخير على الأقساط المستحقة حال سداد كامل المستحقات المتأخرة، ولمدة شهر من تاريخ الإعلان بالصحف اليومية.

وأوضح المهندس شريف الشربيني، أن التيسيرات تسرى في الحالات الآتية: الحالات الساري تخصيصها، والحالات التي صدر لها قرارات بالإلغاء لعدم سداد المستحقات المالية ومازالت في حوزة العميل ولم يتم سحبها من الجهاز المختص، مع تطبيق هذه التيسيرات بالشروط الآتية :الالتزام بالتوقيتات المحددة للتنفيذ، والتنازل عن كافة الدعاوى المرفوعة على الهيئة أو الأجهزة، ولا تسرى هذه التيسيرات على الأراضي المخصصة بنظام الشراكة، ولا تسرى هذه التيسيرات على الأراضي التي تم إلغاؤها وسحبها وأصبحت في حوزة الجهاز، كما لا تسرى على المبالغ المستحقة نظير استكمال قيمة الدفعات المقدمة.

29/01/2025

🏡ليه تستثمر فى العقار ؟؟؟ مش فى حاجه تانيه زى الدهب والدولار
لأن العقار حافظ قيمته أكتر من أى حاجه هتستثمر فيها تانى
فالعقار ياسعره هيرتفع ياهيفضل ثابت فتره معينه وبردوا هيرتفع
أما حاجه تانيه هتستثمر فيها قابله للزياده والنقص
〰️ زى مابيقولوا العقار هو الإبن البار😊
1_ قيمة العقار بتزيد مع الوقت
2_ لو هتأجر العقار بتضمن ليك دخل ثابت كل شهر
3_ سواء هتبيعه دلوقت أو بعد وقت هتكسب بردوا
*العقار أفضل حل للإستثمار على مدى طويل أو قصير ومضمون*

لو فى أى إستفسار عن أى حاجه بخصوص العقارات أو التراخيص كلمنى

27/01/2025

🟩 صباح الخير أومساء الخير على حسب الوقت ال هتشوف فيه البوست

🔈 ناس كتير بتسأل لية أسعار الروف الفتره دى إرتفعت !!؟
⏪ فى أول شهر سبتمبر كدا الوزير نزل قرار إن الروف ينفع تعمل عليه تصالح 🔽
➖ بمعنى إنه عمل زيادة النسبة البنائيه للروف

◼️ طب مين المستفاد من القرار دا؟
أولاً/المالك لو هو فعلا بنى الروف على المساحه القانونيه ال هى 25% ويكون بانى بدون أى مخالفات
ثانياً/ المشترى هتستفاد بإنك هتاخد روف كامل بسعر أقل من شقه واحده وتعمل عليه تصالح وتقدر تبنى الشقق بتاعتك عادى زى بقية الأدوار عادى جدا

ودا لينك القرار
https://www.facebook.com/share/p/hPz6vLNT5eGxZcr4/

26/01/2025

إمتى ممكن تتسحب الأرض منك ؟؟؟
1_عند عدم إستلام محضر الإستلام
2_التأخير فى دفع قسطين أو أكتر من قسطين
3_ عند إنتهاء مهلة البناء بدون إنك تعمل التراخيص
4_ إنتهاء مهلة البناء بدون عمل وحده صالحه للسكن

↩️ وهنا يجى سؤال يعنى إيه وحده صالحه للسكن ؟؟؟
يعنى إنك تبنى بدروم وأرضى على الأقل خالص وتشطب وجهة المبنى خارجى فقط
وتشطيب الثور (خارجى وداخلى)

25/01/2025

💢 بيت الوطن المنطقه الترفيهيه أو زى مابنقول بيت الوطن جامعة بدر

بيت الوطن مميزاته كتير جدا ودا بسبب وجود عدد كبير من الجامعات فى مكان واحد زى جامعة BuC وجامعة CUC ودى جامعات شغاله بالفعل مش بتتبنى لسه أو تحت الإنشاء وجامعة SEU وجامعة KEMET وأكتر من 8 مدارس IINTER NATIONAL
زى المدرسه البريطانيه
قريبه جدا للعاصمه الإدارية والبرج الأيقونى والمال والأعمال
بالقرب من منطقة المولات ودى على الفاصل مابين هليوبليس والمنطقه الترفيهية
فيه منطقة خدمات كبيره جدا
والمدرسه الدوليه .
↩️ هنتكلم عن مناطق بيت وطن المنطقه الترفيهيه/
❇️ بيت الوطن بيتكون من مرحلتين
〰️ المرحله التامنه (A,B)
〰️ المرحله التاسعه (C,D)
ال A : دى بتكون خلف جامعة بدر مباشرة مساحتها بتكون من 570م ل 800م الأسعار فيها حاليا بتبدء من 5 مليون
الدور بيكون على 3 شقق

الB : موقعها كويس جدا ومميز وقريبه لجامعة بدر وجامعة CUC مساحتها كبيره بتبدء من 760 ل 1200م
الدور على 4 شقق
الأسعار بتبدء من 3مليون 500
ال A و ال B : مصرح ب البدروم و4 أدوار

ال C و D : مصرح بدور زياده فى المبنى ب البدروم و 5 أدوار
مساحتهم بتبدء من 500م

23/01/2025

🟡 فى البوست دا هنتكلم عن الحى المتميز بصوره عامه .
🔹الحى المتميز بيتكون من 16 منطقه وال 16 منطقه كلهم مميزين ممكن يكون فى منطقه مالهاش مميزات أوى لكن الحى المتميز كإستسمار ممتاز جدا
كل منطقه ليها ميزه مختلفه عن التانيه
زى ان فى مناطق قريبه لمول مصر وال بالفعل موجود وفيه كل الخدمات ال انت هتكون محتاجها والفلل زى منطقه 5 و 6 و 7 ونسبة السكن فيه كويسه
ومناطق قريبه لهايبر 1 وأكبر مدينه طبيه فى الشرق الأوسط وطريق الروبيكى زى منطقه 1 و 2 و3
ومناطق قريبه للسويس زى بيت وطن 11 و 12 ومنطقة العين
ومنطقه 15 وبعض المناطق القريبه للخدمات الداخليه زى 10 و 13 فكل منطقه ليها ميزه مختلفه

نسبة الإنشاءات فى الحى المتميز تصل ل 90%
والنسبه الباقيه بتكون قطع أرض فاضيه أو فيها نسبة إنشاءات
وبردوا شوف انت عايز الوحِده كإستسمار ولاسكن ولو هتستسمر هتاخد الوحده وتسقعها شويه وتبيع
ولو هتسكن هتشوف المناطق ال بالفعل فيها سكان وفيها خدمات شغاله زى 5 و 6 و 7 ودا بسبب أنهم أقدم المناطق فى الحى المتميز
طب حد بيسألنى بيقولى اي عيب الحى المتميز؟؟ مفيهوش عيوب هتقولى دا صحرا مش صحرا ولاحاجه طبيعة أى مكان جديد لازم يكون صحرا وبعد كدا بتطور يهنى الحى المتميز دلوقت مش زى من سنتين تلاته غير انه أقرب حاجه للعاصمه الإداريه ماسك اهم طريقين السويس والروبيكى .

وطبعا قبل ماتشترى الوِحده إتأكد من صحة الورق وإسأل على الورق فى الجهاز

ولو فى أى إستفسار أو حابب تسأل عن حاجه كلمنى

22/01/2025

☸️ أوعى السعر يغريك وتشتري على طول من غير ماتتأكد من صحة الورق.
↩️يعنى لو إنت بتشترى شقه ولقيت من ضمن الأوراق توكيل رسمى عام مش مذكور فيه رقم القطعه ماتكملش ولاتشتريها
لأن من صحة الورق انه يكون التوكيل مذكور فيه رقم القطعه
ولو إشتريت حاجه زى كدا هيكون بيعها صعب لأنك هتكون اشتريت أصلا بأوراق غلط فخد بالك من حاجه زى كدا وانت بتشترى