مكتبك:Maktabk

03/03/2021

افهمها صح ...... تشتغلها صح ✔️✔️
وركز معانا للآخر
علشان تعرف تجاوب علي سؤالنا ليك 👇👇

سؤال مهم قبل ماندخل معاكم في بيان مكونات واقسام Digital marketing في البوست القادم ان شاء الله

السؤال: ليه التسويق الالكتروني حاليا غطي بنسبه كبيره على وسائل التسويق التقليديه من منشورات دعائيه وجوالات وتوزيع كتالوجات والفعاليات بل انه في بعض الأنشطه أصبح البيع أونلاين أعلى من البيع المباشر أو البيع الشخصي؟

ليه؟
هه
ليه ؟

انت عارف ليه ؟

إجابة السؤال ده هاتبين لك أهمية وضرورة التسويق الالكتروني لنجاح وتطوير مشروعك
ولتحقيق أعلى معدلات من المبيعات او الإيرادات 👇

الاجابة:
أولا: لإن وفقا لاحصائيات وزارة الاتصالات وتكنولوجيا المعلومات بمصر
- يوجد في مصر حوالي 50 مليون من سكان مصر يدخلون يوميا على الانترنت
عارف ده معناه ايه 👇
معناه: 👈 ان كل سكان مصر اللي هم أصحاب قرار الشراء موجودين على الانترنت
يعني اي شريحة هاتستهدفها هاتقدر تصل لها كلها عن طريق الانترنت
بس........................ لو انت استهدفتها صح

عارف ليه قلنا كل سكان مصر
لإن عدد سكان مصر 100 مليون تقريبا
اخصم منهم الاتي
أ- 39 مليون وهؤلاء هم (الأطفال اللي سنهم اقل من 18 سنه) ليسوا أصحاب قرار شراء
وده وفقا لتقرير الجهاز المركزي للتعبئة العامة والإحصاء الذي أعلن فيه ان عدد الأطفال اللي اقل من 18 سنه بلغوا
حوالي 39 مليون
ب- الخصم أيضا سكان مصر العاملين بالخارج وعددهم حوالي 10 مليون

بعد عملية الطرح ديه كده بقي هايتبقي لك ال 50 مليون اللي هما بيدخلوا على شبكة الإنترنت😎😱

ثانياً: ووفقا لاحصائيات وزارة الاتصالات وتكنولوجيا المعلومات بمصر
ان 93 مليون من سكان مصر يستخدمون وسائل التواصل الاجتماعي (السوشيال ميديا)
الفيسبوك - وإنستجرام - وتويتر .... الخ
باعتبار كل فرد لديه تقريبا حسابين علي الفيسبوك مش واحد

ثالثاً: ووفقا لاحصائيات وزارة الاتصالات وتكنولوجيا المعلومات بمصر
ان 42 مليون من سكان مصر يدخلون على السوشيال ميديا من الهواتف المحمولة الذكية
اللي هم تقريبا كل سكان مصر اللي هما أصحاب قرار الشراء

عارف ده معناه ايه
معناه ان أسهل طريق للوصول لعميلك اللي عايز تستهدفه
هايبقي عن طريق التسويق الالكتروني والبيع الأونلاين

ايه هو بقى التسويق الالكتروني وازاي تنفذه صح في مشروعك او شركتك
ا👇👇👇👇👇👇👇👇👇👇👇👇
اكتب في التعليقات طبيعة نشاطك ونتواصل بحضرتك نوضح لك تفعيل التسويق الإلكتروني عندك إزاي
وايه هيه مراحله وازاي تستهدف عملائك صح

وماتنساش .............. اشتغلها صح ✔️

مكتبك : Maktabk في خدمتك

01/03/2021

افهمها صح ...... تشتغلها صح 👍

القسم الرابع من لأقسام الرئيسية لأي مشروع أو شركة [ قسم التسويق]

بداية يعني ايه تسويق:
من خلال بناء قسم التسويق في مشروعك وتطبيق كل آنشطته هاتقدر تصنع أو تشتري المنتجات اللي تعرف تبيعها فعلا، وتنشئ علاقة مع جميع عملائك تحقق بها ولائهم (يعني يفضلوا يشتروا منك المنتج بتاعك) ، سواء كان سلعه او خدمة او فكره.
وتقدر بسهولة تزود عملائك وتعظم إيراداتك دوما إما باستهداف شرائح جديده كل فترة او تنوع المنتجات لنفس عملائك.... فبيخليك دوما بتكسب اكتر بإذن الله

ازاي بقى
في ادارة او قسم التسويق
1- هاتعمل بحث سوقي حول فكرتك(تصنيع او التجارة في منتج ما) - لو انت لسه بادئ - او كذا فكره، علشان تصل من خلال هذا البحث هل الناس محتاجها فعلا ام لا

2- من خلال نموذج العمل( business model ) اللي اتكلمنا عنه قبل كده هاتعمل استطلاع رأي الشريحة المستهدفه عن المنتج اللي هاتقدمه لهم
وتجمع آرائهم عنه مدى احتياجهم له والمشاكل اللي ممكن تمنعهم عن شرائه ونفسهم يبقى شكله او صفاته ايه
وإيه اللي يرضيهم وإيه اللي بيزعجهم عند المنافسين... الخ

3- من أرائهم هاتبدأ تجهز للتسويق
- هاتجهز اسم البراند
- وتصمم اللوجو
- وتنشئ السلوجان
- وتبني الصورة الذهنية
- وتبني الارتباط الذهني ( ثبات الألوان بعد حسن اختيارها مما يتناسب مع المنتج والخط وثبات التصميم)
- تصميم الهوية البصرية لمشروعك او منتجك
- اختيار وتحديد وسائل رضا العملاء منها (قبول المرتجع في او وقت وبدون ابداء سبب - تفصيل او تعديل في المنتج خاص لعميل بعينه وطبعا ده ينفع في بعض الأنشطه مش كلها - وضع هدية مع المنتج لا تفصح عنها يراها العميل بعد الشراء .... الخ

4- هاتعمل تحليل المنافسين وترتيبهم على حسب الأولوية ومن خلال نتيجة التحليل اللي هايظهر فيها الميزة التنافسية لكل منافس مباشر ليك هاتقدر تحدد نقطة الاختلاف اللي بينك وبينه bod
وبنقاط الاختلاف ديه هاتبني ميزتك او ميزانك التنافسيه
اللي من خلالها هاتحدد رسائلك الترويجية

5- من خلال كل السابق هاتقدر تحدد استراتيجيتك في التسعير اللي من خلالها هاتسعر صح وتكسب صح

6- هنا بقى الشغل الاخير اللي بيظهر للناس >>> *الترويج*
هاتبدأ تحدد المزيج الترويجي يعني تختار اللي يناسبك من التالي اوتختاره كله
- إعلانات( Outdoor - TV - ورقية - راديو.. الخ)
- النشر في الصحف والمجلات
- الفعاليات (المعارض والمؤتمرات والندوات.. الخ)
- البيع الشخصي
- ترويج المبيعات (العروض والخصومات)
- التسويق المباشر
(الايميلات - الكتالوجات - الاتصالات التسويقيه - عن طريق التليفزيون - جوالات تسويقي او مقابلات - التسويق الالكتروني)

7- بعد ماتحدد كل السابق
هاتبدأ تحط خطة تسويقية كاملة واضح فيها:
هاتستهدف مين بالضبط؟
وهاتستهدفه بمنتج ايه؟
وهاتستهدفه ازاي (المزيج الترويجي)؟
وهاتستهدفه فين؟
وهاتنفذ الكلام ده متى تحديدا؟
وكل السابق ده هايكلفك كام؟

8- وبعد مابتخلص بيعك او صفقتك بتبدأ تشغل خدمة العملاء
- تاخد رأي العميل عن المنتج
- تبني علاقات معه شخصيه (كتهنئة بمناسبه خاصه له - او تقديم هديه له بمناسبه ما او اختراع سبب لذلك... الخ)

ماتنساش .............. اشتغلها صح

مكتبك : Maktabk في خدمتك

01/03/2021

إفهمها صح ...... تشتغلها صح 👍

القسم الثالث في شركتك أو مشروعك.. [ الموارد البشرية والتدريب ال HR]

يقوم قسم الموارد البشرية بالعديد من المهام الضرورية لتلبية احتياجات العمل، من خلال إدارة أكثر موارد الشركة قيمة والمتمثلة في ⬅️⬅️ موظفيها.


تتولّى هذه الإدارةُ العديد مِنَ المَهام الضروريّة، والتي تتعلّق بكافّةِ المُوظّفين، ومُختلفِ القوى العاملة.
إذ تتولى إدارةُ الموارد البشريّة عادةً مسؤوليّة تعيين المُوظفيّن الجُدد، واختيار الأكفاء منهم، وتدريبهم على مَهامّهم في العمل، ومن ثم تقومُ بتقويمهم، ومُكافأتهم عند تحقيقهم للمطلوبِ منهم، وأيضاً تحرصُ على تعريفهم بحقوقهم، وواجباتهم، ومُتابعة تنفيذ قوانين العمل المُختلفة، والعديد من المَهام والوظائف الأُخرى؛ لذلك تُعتبرُ المواردُ البشريّة مِنْ أهمِّ الرّكائز لنهضةِ المُؤسّسات والأعمال على اختلافِ أنواعها وأدوارها.

ولا يمكن الاستغناء عن هذه المهام، فمن دون تنفيذها لن تتمكن الشركة من تلبية الاحتياجات الأساسية للإدارة والموظفين.

مهام إدارة الموارد البشرية :
1- التوظيف
2- الصحة والسلامة
3- علاقات الموظفين
4- الرواتب والحوافز
5- ضمان الامتثال لقوانين العمل
6- التدريب والتطوير
7- وضع خطط لتحسين أداء الموظفين
8- حفظ سجلات الموظفين
............. اشتغلها صح

مكتبك : Maktabk في خدمتك

01/12/2020

إفهمها صح ...... تشتغلها صح 👍

القسم الثاني في شركتك أو مشروعك.. [ الإنتاج والعمليات، أو التشغيل]

إدارة الإنتاج والعمليات Operations & Production Management Concept

فكما هو معلوم فالإنتاج عبارة عن خلق سلع أو خدمات باستخدام عوامل الإنتاج المعروفة
وهي: ( الأرض والعمل ورأس المال والريادة والمعلومات )

والعملية الإنتاجية مزيج من الأنشطة التي تقوم بالإجراءات الفنية اللازمة لتحويل المدخلات (مواد أولية موارد بشرية وطاقة وغيرها) ، إلى مخرجات ، بشكل سلع أو خدمات مفيدة للمجتمع.

وإدارة الإنتاج والعمليات هي الإدارة التي تركز على الأنشطة الفنية التي تؤدي إلى إنتاج السلع والخدمات أو تجهيز المنتج عموما حتى لو لم تقوم بإنتاجه.

ونقدر نعرفها بشكل أكثر دقة على أنها:
أنشطة التخطيط والتنظيم والرقابة والقيادة التي تمارس على عمليات تحويل المدخلات إلى مخرجات في منظمات الأعمال.

و الهدف الرئيس من عمليات التحويل هذه هو خلق قيمة مضافة يستفيد منها العميل وتشبع حاجات معينة لديه من خلال تحقيق المطلوب في الأهداف الفرعية.
الكلفة
الإنتاجية
الجودة
المرونة
وقت التسليم
الكفاءة
الإبداع التكنولوجي
الإلتزام بأخلاقيات الأعمال والمسؤولية المجتمعية

وإدارة الإنتاج والعمليات لا تقتصر على المصانع فقط
بل إنها تركز اليوم بشكل رئيسي على إنتاج الخدمات حيث أن أكثر من ثلثي الإنتاج في أمريكا مثلًا هو إنتاج خدمات. فالمنظمات الصناعية Manufacturing organizations هي منظمات متخصصة في إنتاج سلع مادية ملموسة
في حين أن المنظمات الخدمية Service organizations هي منظمات متخصصة بإنتاج الخدمات التي هي تفاعلات اجتماعية غير ملموسة ولا يمكن تخزينها.

لو انت مش مصنع فإدارة الإنتاج والعمليات عندك هاتكون هي الإدارة التنفيذية
التي تقوم بوضع خطة التشغيل وتنفيذها على حسب نشاطك

[لو حابب تعرض علينا نشاطك ونضع لك توصيف وظيفي لإدارة التشغيل عندك
فنحن في خدمتك] ............. اشتغلها صح

مكتبك : Maktabk في خدمتك

29/11/2020

إفهمها صح ...... تشتغلها صح 👍

أهم قسم في شركتك أو مشروعك.. [ المالية]

هانركز مع بعض على القسم المالي لخطورته وهو الخاص ب ( المهام المحاسبية والمالية)

علشان للأسف كتير من رواد الأعمال المبتدئين او أصحاب المشاريع لايعطونه مكانته المطلوبه ولا أهميته

أهمية هذا القسم تبين لك خطورة إهماله وهي: 👇
لو شغلت الحسابات صح وكان فيه مسك دفتري لمشروعك بداية بقيود اليومية مرورا على ميزان المراجعه وتقوم بعمل القوائم المالية مثل:
- قائمة الدخل
- والمركز المالي (الميزانية)
انت بكده بتبقى عارف اللي ليك واللي عليك لحظه بلحظه
وعارف انت بتكسب ولا بتخسر وبتكسب قد ايه والخساره قد إيه

وأيضا هاتقدر تعرف كل البيانات المالية اللي هاتساعدك في اتخاذ اي قرار خاص بالعمل:
- هاتقدر تعرف لو تكلفتك عاليه فتقللها
- وتقدر تعرف التسعير ده صح ام فيه خلل فتضبطه
-هاتقدر تعرف أي مبالغ مدينه عليك او اي مبالغ لك عند العملاء او الموظفين
- هاتقدر تسيطر على النقدية والسيولة واي مبلغ هايدخل هاتعرف في لحظتها وأي مبلغ هايخرج حتى لو من شريكك او من المالك هاتعرف في لحظتها
- تقدر تعطي إشارة في اي لحظه لصاحب القرار ان حجم المبيعات قليل لازم يزداد او مضبوط
- تقدر تعرف ثمن مشروعك كام بعد معرفة الاصول الثابته والمتداوله والخصوم
- تقدر تعرف من خلال قائمة الدخل انت بتكسب كام كل شهر على حدي مش لازم تنتظر لنهاية السنه

من خلال المسك المحاسبي الشامل هاتقدر تعمل النسب المالية و التحليلات المالية اللي بتساهم بصورة مباشرة في صنع اي قرار خاص بمشروع مثل:
قرار إدخال شركاء
قرار إدخال مساهمين
قرار تغيير التكلفة الإنتاج او التشغيل
قرار زيادة تكلفة الترويج او تقليلها
قرار الشراء او فتح منافذ بيع جديده.... الخ من القرارات التي يجب أن تكون مبنيه على أساس محاسبي ومالي
............. اشتغلها صح

مكتبك : Maktabk في خدمتك

29/11/2020

الخطوة الثالثة من خطوات تأسيس مشروع ناجح بإذن الله 😊 👇

قسم مشروعك صح.... علشان تشتغلها صح

أي مشروع أو أي منشأة مهما صغرت
عيادة - او مركز طبي - او مستشفى - او محل - او سلسلة محلات - او مصنع - او مطعم - او ماركت - او مول ماركت - او مركز تدريب - او عير ذلك
علشان تشتغل صح لازم يكون فيه 4 أقسام رئيسية لمشروعك
حتى لو ماعملتهومش 4 إدارات
وحتى لو فرد واحد قام بأعمال قسم واحد كامل
وحتى لو المشروع فيه فردين فقط فلازم يقسموا هذه المهام عليهما
وحتى لو المشروع فيه فرد واحد فقط فلازم يقوم بهذه المهام.
لإن لازم يكونوا موجودين في اي عمل وفي اي مشروع وفي اي شركة وهم:
1- قسم المالية
يتم من خلاله المسك الدفتري (قيود اليوميه) وعمل القوائم الماليه الهامه لأي مشروع مثل قائمة الدخل والميزانيه
وعمل التحليلات الماليه المختلفه التي تساهم في أخذ القرارات الهامة لنجاح المشروع

2- الإنتاج أو (التشغيل) أو الفني
هذا القسم من خلالها يتم وضع خطة العمل التشغيلية أوالتنفيذيه التي تحقق أعلى إنتاجية بأفضل جوده او خدمة وبالتكلفة المحددة في انسب وقت وتحقق التنوع المطلوب للعميل

3- التوظيف والتدريب
وهذا هو القسم او الادارة المسؤولة عن رأس المال البشري لمشروعك او شركتك فمن خلالها يتم:
وضع الهيكل الوظيفي وكذلك التوظيف والمحافظه على الموظفين الأكِفاء من خلال برامج إرضاء الموظفين وتقوم بادارة أداء الموظفين

4- التسويق
وهذا القسم او الإدارة يعتبرها البعض في عصر الإدارة الحديثه انها
(أم الإدارات) وعمود اي شركة
وهي التي تعني بتحديد مايتم إنتاجه بالشكل المطلوب لدي العميل من خلال بحوث السوق
وتقوم ببناء المنتج (البراند واللوجو والسلوجان والصورة الذهنية وتصميم المنتج وتغليفه والوانه... الخ) وتحديد الميزة التنافسية لهذا المنتج
وتقوم بتحديد الشريحة المستهدفه لشراء هذا المنتج وكيفية الوصول لها
وتقوم بتحديد كيفية بيع المنتج وتحديد سعره ووسائل ترويجه
ثم تقوم بمتابعة ردود أفعال العملاء حول المنتج لتحسينه وتحقيق مزيد ارضاء لهم
وتقوم ببناء علاقات مع العملاء سواء بعروض او هدايا على المنتج او علاقات شخصيه أسريه خارج البيع لتحقيق ولاء العميل للمنشأه او مكان بيع المنتج(سلعه كانت أو خدمة أوفكره)

هذه هي أهم الإدارات أوالمكونات الرئيسية لأي مشروع أو نشاط
وهناك أقسام أو إدارات أخرى هامة جدا لبعض الأنشطه
فعلي حسب مشروعك او نشاطك بنحدد ايه اللي ضروري يكون موجود من الإدارات داخل المشروع
............. اشتغلها صح

مكتبك : Maktabk في خدمتك

28/11/2020

الخطوة الثانية لتحويل الفكرة الي مشروع متكامل الأركان قبل التنفيذ هي:

دراسة الجدوي التفصيلية

وبشكل مبسط جدا ، فدراسة الجدوى هي عبارة عن دراسة يتم من خلالها:
1- معرفة الظروف الخارجية المحيطة للمشروع ومدي تأثيرها على المشروع ولمعرفة الفرص والتحديات
ومعرفة الأصول المطلوب إيجادها وحجم المبيعات المتوقعه وحجم الطلب على المنتجات ومدي مرونة العرض والطلب وكذلك معرفة نقاط القوة والضعف داخل المشروع

2- ومعرفة أوضاع السوق من خلال بحوث السوق وتحديد المزيج الترويجي اللازم والمناسب واستراتيجية التسويق الأنسب.

3- ومعرفة المكان الانسب للمشروع والعمليات الإنتاجية المطلوبة لإيجاد المنتج او عمليات الشراء وانسب وسيلة نقل المنتج للمكان وكذلك إيصاله للعميل والقوي العاملة اللازمة للمشروع

4- ومعرفة جميع انواع التكاليف اللازمة لما سبق
الأساسية والرأسمالية والتشغيلية والثابته والمتغيره
وحساب الأرباح المتوقعه.

5- وكذلك تحديد الشكل القانوني للمشروع وكذلك الموافقات والتصريح اللازمة لبدء النشاط.

[ وبناء على نتائج الدراسة هذه يتخذ صاحب المشروع قراره بتنفيذ المشروع من عدمه]
............. اشتغلها صح

مكتبك : Maktabk في خدمتك

12/11/2020

إبدأها صح.... هاتشتغلها صح بإذن الله

البداية:-

لو انت صاحب شركة أو مصنع أو مشروع ( محل او مطعم أو مركز طبي او عياده او مركز تدريب.. .. الخ)
سؤال مهم لازم تسأله لنفسك
هل انت في شركتك أو مشروعك حاطط النقاط على الحروف؟

ولو انت لسه هاتبدأ تجارة جديد
او هاتعمل اي مشروع جديد
لازم أول حاجه تعملها..... تحط النقاط على الحروف

إزاي؟
هانقولك ازاي👇

لازم تبني مشروعك قدامك كامل كإنه اشتغل

هاتسأل نفسك 9 اسئلة وتجاوب عليها
و الإجابات هاتبني وتكون بيها المشروع
وهو ده نموذج العمل , Business Model

والاسئلة هي:

سؤال القيمة المقدمة :
س1 : هاتقدم ايه للجمهور (هاتبيع ايه سواء كانت سلعه حددها بالظبط او خدمة اكتب تفاصيلها بالظبط)

سؤال الشريحة المستهدفه
س2: هاتقدم المنتج ده او الخدمه لمين (هاتبيع لمين)

سؤال قنوات نقل القيمه
س3: ما هي وسيلة تقديم القيمه للعميل (هاتوصله لعميلك ازاي)

سؤال العلاقة مع العملاء
س4: إيه نوع العلاقة اللي هاتبنيها مع عملائك
وإيه أنشطة خدمة العملاء اللي هاتفعلها في مشروعك

سؤال مصادر الإيرادات
س5: ما هي مصادر دخول الإيرادات (الفلوس هاتدخل لك ازاي) بيع - تأجير - اشتراكات -.. الخ
والذكاء في تعدد المصادر

سؤال الموارد الرئيسية
س6: ماهي الموارد الرئيسية التي تحتاجها لتقديم القيمة (مالية وفكرية وبشرية)

سؤال الأنشطة الرئيسية:
س7: ما هي عمليات التشغيل التي ستستخدمها لتقديم القيمة (طريقة شغلك وخطة شغلك)

سؤال الشراكات الرئيسية:
س8: من هم شركائك وطبيعة الشراكة

سؤال هيكل التكاليف:
س9: ماهي بنود تكاليف المشروع ( تكلفة موارد مشروعك - تكلفة الأنشطه - مصاريفك... الخ)

بعد ما بتجمع الإجابات ديه
بتحطها أمامك
وتقول لنفسك هاقدر ابدأ واعمل كده أم لا؟
وبعد كده كل تفاصيل شغلك وخطط عملك بتبقى مبنية على النقاط ديه

يالا ابدأ وحط النقاط على الحروف

ولو انت شغال من زمان بداية التطوير وضع هذه النقاط ايضا
............. اشتغلها صح

مكتبك : Maktabk في خدمتك

12/11/2020

إلي رواد الأعمال الجدد
إلي رواد الأعمال الحاليين
إلي أصحاب المشاريع أوالشركات الجديدة (الصغيرة والمتوسطة)
إلي أصحاب المشاريع أو الشركات الحالية (الصغيرة والمتوسطة)

مرحبا بكم ..... في مكتبكم

مكتبك : Maktabk
لتأسيس وتطوير المشاريع الصغيرة والمتوسطة والخدمات التسويقية

04/10/2020

https://twitter.com/Maktabk_serving
حسابنا على تويتر

04/10/2020

https://www.linkedin.com/in/مكتبك-maktabk-40bb741b8
حسابنا على لينكد ان
لو انت صاحب او مدير مشروع مهما كان حجمه حتي لو صغير جدا
او لسه بتفكر تعمل مشروع
تابعنا ستجد عليه مايفيدك في تأسيس أو تطوير مشروعك

03/10/2020